Muborak Ramazon oyining ro`zasini har bir inson sindqidildan tutishni istaydi. Ammo yozning issiq kunlarida biroz qiyinchilik tug`dirishi tabiiy. Shunday bo`lsa-da, ozgina e`tibor va qunt bilan bu mushkulotni ham engsa bo`larkan...

Ramazon ro`zasida chanqoq qiynamasligi uchun quyidagilarga amal qiling:

1. Saharlikni ikki dona xurmo va bir stakan iliq suv bilan boshlang.

2. Qovurilgan taom va qand miqdori ko`p shirinliklardan tiyiling.

3. Iftorlikdan keyin to uyquga yotguningizcha oz-ozdan suyuqlik iching. (Kamida ikki-ikki yarim litr). Bu tanangizning kundalik suvga bo`lgan ehtiyojini qondiradi va ertasiga kutiladigan chanqashning oldini oladi.

4. Dasturxoningizdagi taomlar don mahsulotlaridan, sabzavot va mevalarlardan tayyorlangan bo`lsin!

Eslatma: Saharlik vaqtida ko`p eb qo`yishdan, ko`p miqdorda suv ichishdan saqlaning. Chunki buning oqibatida kun davomida organizmni tonusda ushlab turuvchi mineral tuzlar chiqib ketadi.

RO`ZADA FOYDALI...

Unutmang, Ramazon ro`zasi nafaqat bizning tanamizni tozalab, salomatligimizni mustahkamlaydi balki ruhimizni, qalbimizni ham poklaydi. Ro`zani mukammal va qiyinchiliksiz tutish esa ko`p jihatdan tanovvul qilayotgan taomlarimizga ham bog`liq. Keling, ana shunday taomlarni birgalikda tayyorlaymiz.

— Keyingi paytlarda davolanyapman. Shifokorlar ro`za tutish salomatligimga salbiy ta`sir qilmasligini aytishdi. Ammo, har kuni ikki mahal ukol olishim kerak. Ro`zada ukol olish mumkinmi?

A.S. Toshkent.

— Ro`za holatida ukol olish borasida hozirgi zamona faqihlari uch xil fikrdadirlar. Dalillarning faqat zohiriga qarab hukm qiladiganlar ukol olish mutlaqo ro`zani buzmaydi, deydilar. Xoh o`sha ukol tomirdan bo`lsin, xoh teri ostiga bo`lsin. Chunki, ro`zani buzish uchun ichga tashqaridan narsa ketishi kerak, deyiladi. Bu holatda ichga, qoringa hech narsa bormaydi.

Ikkinchi toifa ulamolar fikriga ko`ra, ro`zada ukol olish mutlaqo ro`zaning buzilishiga olib keladi. "Hidoyai sharif”da badandagi biror jarohatga quyuq dori qo`ysa, ro`za ochilmaydi, agar suyuq dori qo`yilsa, ro`za ochiladi, deyilgan. Binobarin, suyuq dorini ukol bilan yuborish ro`zani ochilishiga olib keladi.

O`rtachalikni o`zlariga shior qilgan ulamolar esa mana bu xilda fatvo berganlar: Ukol olish ikki xil bo`ladi. Birisidan g`izoiy maqsadda foydalaniladi, ya`ni, badanga quvvat bo`lish uchun ukol olinadi. U holatda, hatto, eyish va ichishdan ham odam behojat bo`ladi. Bunday ukollarni olish bilittifoq ro`zani ochadi. Shuning uchun katta qon tomirlarga qilingan ukoldan ulamolarimiz qaytaradilar.

Ammo, muskulga, teri ostiga qilingan ukoldan badan quvvat olmaydi. Shuning uchun u ro`zani ham ochmaydi.

Shuni bilmoq kerakki, har ikki holatda ham ... Читать дальше »

Javob: Ro`za tutish Ramazon oyida farz bo`lsa-da, bir necha uzrlar sababli uni keyingi oylarda qazo qilib tutib berish mumkin. Kasallik, homiladorlik, emiziklilik, keksalik, hayz, nifos va safar ana shunday uzrlardandir.
Dardining og`irlashishidan yo tuzalishining kechikishidan qo`rqqan kasal Ramazon oyida ro`za tutmay, so`ng qazo qilib tutib berishi joiz. Homilador va emizikli ayollar ham ro`za tutishlarida o`zlariga yo farzandlariga ziyon borligidan xavf etsalar, uni keyinga qoldirishlari mumkin.

Keksalik tufayli ro`za tutishga ojiz chol yo kampir har kuni Ramazon ro`zasi uchun miskinga sadaqai fitr miqdorida fidya berishi lozim. Ammo ular keyinchalik quvvatga kirib ro`za tutishga yarasalar, fidya bergan bo`lsalar-da, qoldirgan kunlarini qazo qilib tutib beradilar.

Hayz yo nifosdagi ayol toza bo`lgunicha ro`za tutishi mumkin emas. Toza bo`lganidan so`ng Ramazon oyida qoldirgan kunlarini qazo qilib tutib beradi.

Safardagi kishi ro`za tutishda mashaqqat bo`lish va bo`lmasligidan qat`iy nazar ro`za tutmasligi mumkin. Agar safarda ro`za tutmasa, albatta qazosini tutadi.

Qoldirgan ro`zalar qazosi istalsa, ketma-ket yo bo`lib-bo`lib tutib beriladi.

"Dinda savolim bor” kitobidan olindi.