Face ID юзни фарқлаш инқилобий тизимига эга iPhone X’нинг тақдимот маросимидан уч кун ўтди, бироқ у билан боғлиқ гап-сўзлар тўхтаётгани йўқ. Унинг ишидаги бир неча муҳим тафсилотлар маълум бўлди: аниқланишича, Face ID ишга тушириш босқичида фақатгина бир юзни таниб олиши мумкин. Эслатиб ўтамиз, Touch ID’га бир неча бармоқлар изларини киритиш имконияти бор эди.

Тизим ишлаб чиқувчиларининг тушунтиришича, қўлдаги ўнта бармоқдан фарқли равишда, фойдаланувчи бир юзга эга, ҳамда бошқа юзларни қўллаб-қувватлаш функцияси керак эмас. Шу билан бирга, iPhone’нинг кўплаб фойдаланувчилари ўз қурилмаларини оила аъзолари билан бўлишишни ёқтиришади. Бу Touch ID учун муаммо эмас, бироқ Face ID’да имконсиздир. Ҳозирча имконсиздир, деб ёзади BGR.

Шунингдек, маълум бўлишича, Face ID тизимини вақтинчалик ўчириб қўйиш ҳам мумкин. Бу ҳақда “кўп азоб чеккан” Крейг Федерини фойдаланувчилардан бирига йўллаган мактубида ёзди. Бу, масалан, тизимдан смартфонни учинчи шахслар очишга уриниб кўрганида фойдаланиш билан боғлиқ вазиятдан қочиш учун керак.

Федеринининг мактубига кўра, агарда сизни, масалан, тунаб кетишмоқчи бўлса ёки шахсий ёзишмаларингизни кимдир ўқишни истаб қолса, шунчаки «қурилманинг ҳар икки томонидаги тугмачаларни босиш керак ҳамда бу Face ID’ни вақтинчалик ўчириб қўяди». Тизимни яна фаоллаштириш учун махфий сўзни қайта киритиш лозим.

Август ойида iOS 11’да эндиликда Touch ID’ни таъминот тугмачасига беш марта тезлик билан босиш талаб эти ... Читать дальше »

Солиқ кодексининг 275- ва 290-моддаларига қўшимчалар киритилишини назарда тутувчи қонун лойиҳаси ҚҲТБТ порталида эълон қилинди. Бу ҳақда Norma.uz хабар бермоқда.

Уй-жойларда амалдаги энергия ресурслари тармоқларидан тўлиқ узилган ҳолда муқобил энергия манбаларидан фойдаланадиган жисмоний шахсларни мол-мулк солиғи ва ер солиғидан озод қилиш кўринишидаги имтиёзни киритиш таклиф этилмоқда.

Имтиёз муқобил энергия манбалари ўрнатилган ойдан бошлаб 3 йил муддатга тақдим этилади. Энергия таъминоти ташкилотларининг тегишли маълумотномаси имтиёзни қўллаш учун асос ҳисобланади.

Лойиҳа ўзгартирилиши, қўшимчалар киритилиши ёки рад этилиши мумкин.

Apple компанияси 12 сентябрдаги тақдимотида янги iPhone 8 ва 8 Plus смартфонларини намойиш этди.

Қурилманинг ўзига хос жиҳатларидан бири - унинг орқа қопқоғининг тўлиқ шишадан ишланганида.

Икки модель экранларининг диагонали аввалги қурилмалари диагоналига тенг. Янги процессор эса - олти ядроли A11.

Смартфонларнинг асосий камералари янги сенсорлар ва 12 Мп'га эга бўлди.

Бундан ташқари, смартфонда тўлдирилган реаллик функцияси пайдо бўлади.

Смартфонлар уч хил рангда тақдим этилади.

Шу билан бирга тақдимотда Apple компаниясининг янги маҳсулоти iPhone X намойиш қилиниши кутилмоқда.

Япониянинг дунёга машҳур автомобиль ишлаб чиқариш компанияси ҳисобланувчи Toyota Ўзбекистонда ўз савдо марказини очишга қарор қилди. Бу ҳақда Toyota Uzbekistan гуруҳи Facebook саҳифасида эълон қилди.

Унда ёзилишича, бу Toyota компаниясига тегишли қуйидаги фактлар эътиборга олинмаса, унчалик ҳам шов-шувли хабар бўлмас эди. Toyota бу:

— Дунёнинг энг йирик автомобилсозлик компанияси;
— 2012 йилдан буён дунёнинг энг йирик автомобилсозлик компанияси номини сақлаб турибди;
— Ҳар йили бутун дунё бўйлаб 8 миллиондан ортиқ машина сотади;
— Ўзи томонидан 70 дан ортиқ автомобиль моделларини ишлаб чиқаради.

Автомобиль ишлаб чиқарувчилар орасидаги етакчи компания ҳам Ўзбекистон йўлларини забт этишга киришмоқда.

Тошкент шаҳри, Яшнаобод туманида жойлашувчи расмий дилер вакилининг сўзларига кўра, ҳозирча, унинг қайси санадан иш бошлаши маълум эмас. Аммо, қисқа кунларда бу масалага ҳам ойдинлик киритилади.

IFA 2017 texnologik ko'rgazmasida Panasonic kompaniyasi «aqlli» muzlatgich kontseptini namoyish etdi. Uni ovozli buyruqlar yordamida boshqarish mumkin.

Muzlatgich o'z egasining yoniga kelishi, ichida qanday ichimliklar saqlanayotganini xabar qilishi, taomlarni tavsiya etishi mumkin. Qurilmaga bir necha datchiklar o'rnatilgan bo'lib, ular muzlatgichga xona bo'ylab harakatlanishda yordam beradi.

CNet nashrining ta`kidlashicha, muzlatgich hozircha kontsept sifatida namoyish etildi, u keng ko'lamda ishlab chiqarilishi borasida ma`lumotlar yo'q.

Paynet to'lov tizimining asoschisi O'zbekistonda umumiy transport uchun avtomatik to'lov tizimi foydalanishga topshirilish arafasida turganini ma`lum qildi. Tizimning tatbiq etilishi mamlakat byudjyetiga yiliga qariyb 35-40 mlrd. so'm miqdorida tushum keltirishi kutilmoqda.

Avtomatik transport to'lov tizimi (ATTZ) naqdsiz to'lov ko'rinishida amalga oshiriladi. Naqdsiz to'lov tizimi, avvalambor, yo'lovchilar qulayligi uchun yaratilgan. Bundan tashqari, yangi tizim yo'lovchilar umumiy transporti sohasida ish olib boruvchi mutaxassislar uchun yo'lovchilarning harakatlanishi, transport ishini mukammallashtirish va bir qator boshqa muhim masalalarga oid tahliliy ma`lumotlarni berish imkonini beradi. Bu esa, o'z navbatida, shahar infratuzilmasini yanada yaxshilashga zamin yaratadi.

Yangi tizim Singapurning Technobiz Transpay kompaniyasi platformasi asosida ishlaydi. Uning ishlab chiqarilishida O'zbekistonlik mutaxassislar faol ishtirok etgan. ANOR deb nom olgan mazkur loyiha davlat va xususiy sektor hamkorligi asosida amalga oshirilishi ko'zda tutilgan. Ish yuritishning ushbu turi davlat tomonidan sarmoya ajratilishini ko'zda tutmaydi, tizim uzra amalga oshirilayotgan barcha jarayonlar esa oshkor va xolisona olib boriladi. GPS va video kuzatuvi bilan jihozlangan ATTZning ishga tushirilishi davlat byudjyetidan sarf-xarajatlarni kamaytirishga, qulay tariflarni joriy etishga, hamda yo'llardagi xavfsizlikni ta`minlashga olib keladi.

«Biz taklif qi ... Читать дальше »

Musavvir Umberto Romanoning 1937 yilgi suratida qo'lida iPhone'ga juda o'xshash narsa ushlab o'tirgan hindu "aniqlandi", deya xabar beradi Motherboard.

Manbada ta`kidlanishicha, italiyalik musavvir Umberto Romano «Janob Pinchon va Springfild qarorgohi» surati ustidagi ishlarini 1937 yilda yakunlagan. Unda britaniyalik kolonist Uilyam Pinchon tasvirlangan.

Foto: David Sansbur/US Postal Service
Uning yonida esa an`anaviy kiyimdagi hindu iPhone smartfoniga juda o'xshash narsaga tikilib o'tirganini ko'rish mumkin.

Zamonaviy inson uning qo'lidagi narsani boshqa biror buyum sifatida qabul qilishi qiyin.

Hinduning yonidagi qo'llari bog'liq kishi ham unga qiziqish bilan boqmoqda. Romanoning kartinasidagi qolgan qahramonlar esa hinduning qo'lidagi buyumga e`tiborsiz holda aks ettirilgan.

Motherboard muharriri Brayan Anderson kartina haqida tarixchi Deniyel Krounning rassom haqidagi maqolasidan ma`lumot olganini aytgan.

Tarixchining so'zlariga ko'ra, rasmda smartfon emas, oddiy ko'zgu bo'lishi mumkin. Uning taxminicha, bu asl amerikaliklarning jamiyatdagi yuqori mavqeini bildiradi.

Janubiy Koreya sudi Samsung korporatsiyasining haqiqiy rahbari Li Chje Yonga 5 yilga ozodlikdan mahrum qilish jazosini tayinladi, deb xabar bermoqda Reuters.

Yonhap agentligining xabar berishicha esa, uni poraxo'rlik, ko'p miqdordagi kamomad, kapitalni olib chiqib ketish va yolg'on guvohlik berishda ayblashgan. Sud qaroriga ko'ra, Li Chjye Yon taxminan 6,38 mln dollarlik pora berish holatiga aloqador. Bu mamlakat sobiq prezidenti Pak Kin Xega yaqin shaxslar bilan bog'liq ekani aytilmoqda.

Prokuratura Chje Yonni 12 yilga ozodlikdan mahrum qilishni talab qildi. U aybini tan olmadi va hukmni qayta ko'rib chiqish maqsadida shikoyat arizasini yo'llash niyatida.

Chjye Yon 2017 yilning fevralida hibsga olingandi. Tergovga ko'ra, Samsung 2015 yilning oktabri va 2016 yilning yanvarida taxminan 38 mln dollarni prezidentning dugonasi Chxve Sun Silning qizi hisob raqamlariga o'tkazib bergan.

Bloomberg ma`lumotiga ko'ra, Chje Yondan tashqari Samsung’ni to'rt nafar sobiq top-menejyeri ham aybdor deb topilgan.

Avvalroq Samsung rahbari poraxo'rlikda aybdor deb topilgani xabar qilingandi.

Tesla kompaniyasi mijozlari 2016 yil o'rtasidan beri arzon Model 3 elektromobiliga bo'lgan 63 ming buyurtmani bekor qilishdi. Ilon Mask 2017 yil 2-chorak yakunlari bo'yicha konferensiyada shu haqda so'z yuritdi, deb yozmoqda Business Insider nashri.

Ma`lum bo'lishicha, Model 3 elektrokariga berilgan buyurtmalar soni 518 mingdan 455 mingtaga tushgan. Maskning qayd etishicha, bu kamayish Tesla kompaniyasiga sezilarli ta`sir ko'rsatmaydi, chunki kompaniya ilk Model 3 mashinalari ishlab chiqarilganidan so'ng, kompaniya kuniga 1800 ta yangi mashinaga buyurtma oladi.

Maskning qo'shimcha qilishicha, kompaniya buyurtmalar sonini oshira oladi, ammo mashinalarga navbat kattaligi sababli bu ishni amalga oshirmaydi.

«Masalan, siz restoranda ishlaysiz va gamburgerlar sotasiz. Ammo, mijozlar bir yarim soat navbatda turishsa — shundan keyin ham siz navbat cho'zilishini xohlaysizmi?» — deya misol keltirgan Mask.

2017 yil may oyida u Model 3 modelining salohiyatli xaridorlarining fikrini o'zgartirishga urinib ko'rgan edi. Mask avtomobil arzon bo'lishini, ammo Model S kabi sifatli bo'lmasligini aytgandi.

Business Insider nashriga ko'ra, agar siz Model 3 sedaniga 2017 yil avgustida buyurtma bersangiz, 2018 yil oxirida mashinangizni olasiz.

Eslatib o'tamiz, GM Uzbekistan kompaniyasida ishlab chiqarilayotgan avtomobillarni esa 1 kundan 4 oygacha muddatda xarid qilish mumkin, (kamida).

Aloqa operatori Beeline 4G qoplami haritasida Angren, Andijon, Bekobod, G'ijduvon, Qarshi, Namangan va Chirchiq shaharlari paydo bo'ldi.

Voqeani sharhlar ekan, Unitel MChJ bosh direktori Dmitriy Shukov shunday dedi: «LTE avval ishga tushirilgan Toshkent, Buxoro, Zarafshon va Navoiy shaharlarini hisobga olgan holda, bugungi kunda 4G tarmog'i dadil ravishda respublikaning 11 shahrida ta`minlangan. Bizning yaqin kelajakdagi rejalarimizda – bu sonni ikki marotabaga ko'tarishdir, ayni paytning o'zida esa yuqori tezlikdagi mobil Internetdan O'zbekistonning millionlab aholisi foydalanishlari mumkin».

Tarmoq LTE 850 (band 18 va band 5) chastotalarida ishlaydi va xizmat ko'rsatishning yuqori darajasini ta`minlaydi.

Chevrolet маркасига эгалик қилувчи General Motors концерни янги автомобиллар борасидаги баёнотини келгуси ҳафтадаёқ эълон қилиши мумкин, деб ёзади Бразилиянинг Noticias Automotivas нашри.

Маълумотларга кўра, 2 август куни GM бугунги кунда қўшплатформали Chevrolet Onix ҳэтчбэки ва Chevrolet Prisma седани ишлаб чиқарилаётган Бразилиядаги ўзининг ишлаб чиқариш майдончасини кенгайтириши ҳақида эълон қилади. Ўшанда янги кроссовер ҳақида ҳам оммага ошкор қилинади.

Бразилияликларнинг қайд этишича, янги машина ҳам сўнгги авлоддаги Onix/Prisma асосига қурилади. Седан ва ҳэтчбэк 2019 йилда авлодларини ўзгартиради, кроссовер эса 2020 йилдан конвейердан чиқа бошлайди.

Йўлтанламас машина асосан Жанубий Америка мамлакатлари учун мўлжалланган бўлади ва эҳтимолки, Tracker модели ўрнини эгаллайди. Эслатиб ўтамиз, Ўзбекистондаги GM Uzbekistan заводида Chevrolet Tracker ишлаб чиқарилиши маълум қилиб келинаётган эди.

Илгарироқ, 2018 йилдан Chevrolet янги ўрта ўлчамли SUVни серияли ишлаб чиқаришни бошлаши маълум қилинаётган эди. Бу кроссовер, асосан, АҚШда сотилиши мўлжалланмоқда. Тахмин қилинишича, ушбу модел учун Blazer номи қайта тикланади.



... Читать дальше »

Google натижалар матн терилиши билан параллел равишда пайдо бўладиган ва сўров ўзгаришига боғлиқ ҳолда ўзгарадиган бир зумлик қидирув функциясини ўчириб қўйди.

Компания вакилининг айтишича, қидирув сўровларининг 50 фоиздан кўпроғи бошқача киритиш усуллари ва экранларга эга смартфонларга тўғри келган.

"Буни ҳисобга олиб, исталган қурилмалар учун тезкорроқ қидирув машинасини яратишга эътиборни мужассамлаштириш учун биз "жонли" қидирувдан воз кечдик", деб айтган компания вакили.

Фойдаланувчи сўровни терганда турли вариантлар таклиф қилинади, у улардан бирини танлаши ёки Enter ёхуд "Қидирув"ни босиши керак бўлади.

"Жонли" қидирув 2010 йилда ишга туширилганди. У фойдаланувчининг қидирув сўровини топишга ҳаракат қилган ва матн терила бошланиши билан натижаларни кўрсата бошлаган. Фойдаланувчи матнни киритишни давом эттираверса, натижалар автоматик равишда янгиланган. Таклиф қилинган вариантлар бошқа фойдаланувчиларнинг қидирув сўровлари ва Google’да қайд қилинган саҳифалар мазмуни таҳлили асосида танланган.

Айни кунларда “Жиззах” эркин иқтисодий зонасида “Ўзавтосаноат” акциядорлик компанияси “Пежо Ситроен” гуруҳи билан ҳамкорликда барпо этаётган автомобиль заводининг қурилиши қизғин паллада, деб хабар бермоқда ЎзА.

Янги заводда йўловчи ва юк ташишга мўлжалланган Peugeot ва Citroеn енгил тижорат автомобиллари ишлаб чиқарилади. Қўшма корхонанинг устав капитали 30 миллион евро. Лойиҳани амалга оширишга умумий қиймати қарийб 130 миллион евролик инвестиция жалб этилмоқда.

“2019 йилда корхона маҳсулот ишлаб чиқаришни бошлайди ва йилига 16 минг дона замонавий автомобиль ишлаб чиқариш қувватига эга бўлади”, – дейди “Пежо Ситроен” гуруҳи вице-президенти Кристоф Бержеран.

Маълум қилинишича, маҳсулот ички бозордан ташқари яқин ва узоқ хориж давлатларига ҳам экспорт қилинади.

“GM Uzbekistan” янги русумдаги моделларни жорий этиш устидаги ишларни изчил давом эттирмоқда. Мустақилликнинг 26 йиллик байрамига янги русумдаги автомобиллар тақдим этилади. Бу ҳақда “GM Uzbekistan” АЖ бош директори вазифасини бажарувчи Рустам Ражабов ЎзА’га берган интервьюсида маълум қилди.

“Корхонамизнинг бош шиори – харидорлар талаб ва истагидан келиб чиққан ҳолда, хавфсиз ва қулай замонавий русумдаги автомобиллар ишлаб чиқариш. Шу мақсадда янги русумдаги моделларни жорий этиш устидаги ишлар изчил давом эттирилмоқда. Ватанимиз мустақиллигининг 26 йиллик байрамига халқимизга янги русумдаги автомобилларни тақдим этишни режалаштирганмиз”, - деган Ражабов.

Шу билан бирга, у бу лойиҳалар ҳақида батафсил маълумот бермаган.

Сан-Марино республикаси ўз ҳудудида 5G мобиль алоқа тармоғи ишга тушадиган жаҳондаги илк давлатга айланади. Сан-Марино ҳукумати ва Италиянинг Telecom Italia Mobile алоқа оператори ўртасидаги тегишли келишув бугун имзоланади, деб хабар бермоқда Il Sole 24 Ore нашри. 5G алоқаси сониясига 10-20 Гбитда уланиш тезлиги имконини беради.

Жорий йил давомида Telecom Italia Сан-Маринода 5G’га ўтиш учун асосий инфратузилмани тайёрлайди. Кутилишича, республика 2018 йилнинг охирига келиб янги авлоддаги тармоққа ўтади. Telecom Italia Милан ва Туринда ҳам синовлар ўтказмоқда.

Ҳозирда мобиль операторлар бутун дунё бўйлаб 5G технологиясини синовдан ўтказмоқда. Жанубий Корея, Хитой ва АҚШдаги компаниялар бу борада анча яхши натижаларга эришган.