Туркия Миллий ассамблеяси собиқ депутати Содиқ Бадак яқин орада Ўзбекистон Республикаси Туризмни ривожлантириш давлат қўмитаси раиси Азиз Абдуҳакимовнинг маслаҳатчиси лавозимига тайинланиши кутилмоқда. Содиқ Бадак ўз мамлакатида туризмни ривожлантириш соҳасида катта тажрибага эга. Ўзбекистон Республикаси Президенти Шавкат Мирзиёевнинг шу йил 25-26 октябрь кунлари Туркияга ташрифи давомида унинг номзоди илгари сурилганди. Мутахассис мамлакат ҳудудларининг туристик инфраструктурасини ривожлантиришда иштирок этади. Қонун лойиҳаларини мукаммаллаштириш ишларида таклифларини билдиради. Содиқ Бадак, шунингдек, Ўзбекистон учун салоҳиятли чет эл бозорини ўрганиш ишларида ҳам қатнашади. Янги турмаҳсулотлар яратиш ишларига, шунингдек, туристик брендлар ривожланишига ўз ҳиссасини қўшиши кутилмоқда.

Ўзбекистонда ёшлар ўртасида оғир жиноятларга қўл урилаётгани жуда хавотирли. Биргина “Жасурбек Иброҳимовнинг иши” нафақат минтақамизда, балки бутун дунё миқёсида ҳам турли муҳокамаларга сабаб бўлганидан хабардорсиз. Ҳуқуқ-тартибот ходимларининг эълон қилган расмий хабарларида коллеж ўқувчиларининг ёнидан топилган “совуқ қуроллар” жамоатчиликнинг кескин фикр-мулоҳазаларига сабаб бўлиб, оиладаги, таълим масканларидаги таълим-тарбия масалаларини кучайтириш лозимлиги кўп бора айтилди. Энг ёмони, бундай “ёшларнинг пичоқлашув” жиноятлари Ўзбекистон ҳаётини ўзбек ва рус тилларида ёритиб борувчи баъзи бир нашрларнинг “байроқдор” мақолаларига айланиб бормоқда... Масалан, навбатдаги ёшлар жинояти Қўқонда содир бўлгани айтилмоқда. Аниқроғи... Хабарларда айтилишича, Қўқон нефть ва газ саноати коллежининг 16 ёшли ўқувчиси 3 ноябрь куни ўз курсдошига пичоқ билан ҳамла қилган. Воқеанинг бошқа гувоҳлари 2 нафар ўсмирнинг анча вақтдан буён тортишиб юришганини таъкидлашган. Хабарда айтилишича, гувоҳлардан бири шундай деган: “Дарсдан сўнг улар яккама-якка курашиш учун коллеж ҳовлисига чиқишди. Қолган ўқувчилар ҳам бири “томошабин”, бири “ажратиб қўймоқчи” бўлиб уларнинг ортидан эргашишди... Йигитлар жанжаллашни бошлашди. Бир пайт кутилмаганда улардан бири пичоқ чиқарди ва иккинчисининг қорнига санчиб, қочиб кетди. Биз “тез тиббий ёрдам”ни чақирдик”. Коллеж ўқитувчиларидан бири бўлиб ўтган ҳодисани ўз фикр-маълумотларига таяниб тасдиқлаган: “...Бу ўқувчимиз “тарбияси оғир” талабалард ... Читать дальше »

Жорий йилнинг 22 октябрь куни Зангиота туманида қасддан баданга оғир шикаст етказиш билан боғлиқ жиноят содир этилди.

1983 йилда туғилган Рафаэль Голубев (келтирилган исм-фамилиялар ўзгартирилган) уйида таниши, 1981 йилда туғилган Николай Петров билан ўзаро келишмовчилик туфайли жанжаллашиб қолган. Келиб чиққан жанжал вақтида Голубев Петровнинг қорин соҳасига пичоқ билан уриб тан жароҳати етказган.

Ушбу ҳолат юзасидан Рафаэль Голубевга нисбатан Ўзбекистон Республикаси Жиноят Кодексининг 104-моддаси 1-қисмига асосан қасддан баданга оғир шикаст етказганлиги учун жиноят иши қўзғатилди.

Ҳозирда тергов ишлари олиб борилаётгани маълум қилинган.

Россиянинг Нижний Новогород вилоятида наркотик моддаларни сотигани учун ўзбекистонлик фуқаролар суд томонидан узоқ муддатларга озодликдан маҳрум этилди.

Уларнинг бири 12 йилга, бошқаси эса 12 йилу 6 ойга қаттиқ режимдаги колонияда озодликдан маҳрум этилди.

Суд томонидан маълум қилинишича, ушбу шахслар шахси аниқланмаган гуруҳ раҳбарининг кўрсатмасига асосан гиёҳванд моддаларни сотиш билан шуғулланган. Улар гиёҳванд моддаларни ҳовлидаги туйнук орқали ҳамда вилоят марказидаги кўчаларда сотишган.

Бугун валюта-конвертация соҳасида ислоҳотлар амалга оширилиши жараёни тезлашиб, аҳоли валютани эркин сотмоқда ҳамда валютани халқаро тўлов карточкаларига истаган миқдорда сотиб олмоқда. Валюта курсининг ислоҳотлар бошланганидаги қарийб бир ойлик пасайиш даври ўз ниҳоясига етиб, октябрь ойининг ўрталаридан бошлаб Марказий банк курси (8069,61 сўм) ва Валюта биржасида курснинг (8084 сўм) кўтарилиши кузатилмоқда. 6 сентябрдан бошлаб валюта биржасидаги савдоларда АҚШ доллари курсининг узлуксиз пасайиши кузатилган эди, бироқ 17 октябрь кунидан бошлаб Ўзбекистон Республикаси Марказий банки хорижий валюталарнинг сўмга нисбатан янги қийматини маълум қилиб, АҚШ долларининг курси (8058,77 сўм) ошганини маълум қилган эди. Валюта биржасида валютани сотиш таклифи сезиларли даражада ортгани сабабли АҚШ долларининг курси тушган эди. Фуқаролар ва экспортчилар валютани сотди. Октябрь ойидан бошлаб эса АҚШ долларининг курси кўтарилишда давом этмоқда. Буни валюта сотиб олиш учун ўз маблағларини йўналтирган импортчилар эҳтиёжининг ортганида дея баҳолаш мумкин. Бу кетишда (тахминларга кўра) курс дастлаб ўрнатилган 8100 лик маррадан ҳам ўтиши турган гап. Нақд хорижий валютани сотишнинг йўлга қўйилиши эса ушбу вазиятни нормаллаштириши мумкин.

Respublika Gidrometeorologiya markazining xabar berishicha, 26 oktabr kuni Toshkentda havo o‘zgarib turadi, yog‘ingarchilik bo‘lmaydi. Sharqdan sekundiga 5-10 metr tezlikda shamol esadi. Kechasi 1 daraja sovuq, 1 daraja iliq, kunduzi 8-10 daraja iliq bo‘ladi.

Qoraqalpog‘iston Respublikasi va Xorazm viloyatida havo o‘zgarib turadi, yog‘ingarchilik bo‘lmaydi. Sharqdan sekundiga 7-12 metr tezlikda shamol esadi. Kechasi 3-8 daraja sovuq, kunduzi 2-7 daraja iliq bo‘ladi.

Buxoro va Navoiy viloyatlarida havo o‘zgarib turadi, yog‘ingarchilik bo‘lmaydi. Sharqdan sekundiga 7-12 metr tezlikda shamol esadi. Kechasi 2 daraja sovuq, 3 daraja iliq, kunduzi 7-12 daraja iliq bo‘ladi.

Toshkent, Samarqand, Jizzax va Sirdaryo viloyatlarida havo o‘zgarib turadi, yog‘ingarchilik bo‘lmaydi. Sharqdan sekundiga 7-12 metr tezlikda shamol esadi. Kechasi 2 daraja sovuq, 3 daraja iliq, kunduzi 5-10 daraja iliq bo‘ladi.

Qashqadaryo va Surxondaryo viloyatlarida havo o‘zgarib turadi, yog‘ingarchilik bo‘lmaydi. Sharqdan sekundiga 7-12 metr tezlikda shamol esadi. Kechasi 0-5, kunduzi 10-15 daraja iliq, Surxondaryo viloyatida 17 darajagacha iliq bo‘ladi.

Andijon, Namangan va Farg‘ona viloyatlarida havo o‘zgarib turadi, yog‘ingarchilik bo‘lmaydi. Ayrim joylarda tuman tushadi. Sharqdan sekundiga 5-10 metr tezlikda shamol esadi. Kechasi 1-6, kunduzi 8-13 daraja iliq bo‘ladi.

Respublikamizning tog‘li hududlarida havo o‘zgarib turadi, ayr ... Читать дальше »

Аввалроқ, Ёшлар медиа марказида Ўзбекистон Республикаси Соғлиқни сақлаш вазирлиги расмийлари ва соҳа мутахассислари иштирокида матбуот анжумани бўлиб ўтган ҳақида хабар берган эдик. Маълумки, Ўзбекистон Республикаси Президенти Шавкат Миромонович Мирзиёев 2016 йил 31 октябрь куни “Аҳолини дори-дармон воситалари ва тиббиёт буюмлари билан таъминлашни янада яхшилашга доир чора-тадбирлар тўғрисида”ги қарорни имзолаган эди. Ушбу қарор қабул қилинганидан сўнг, 2017 йилнинг 1 январидан бошлаб 167 номдаги дори-дармон воситаларига муайян нарх белгиланиб, нарх-навонинг сунъий оширилишига чек қўйилди. Хўш, ушбу дори-дармонлар дорихоналарда борми? Айни пайтда мамлакатимизда 9 мингга яқин хусусий дорихона ва уларнинг филиаллари, шунингдек, “Дори-дармон” акциядорлик компанияси тизимига кирувчи 1400 дан ортиқ дорихона фаолият кўрсатмоқда. Президентнинг жорий йил 17 июль куни имзолаган “Аҳолини дори воситалари ва тиббиёт буюмлари билан таъминлаш тизимини такомиллаштириш бўйича қўшимча чора-тадбирлар тўғрисида”ги қарори эса ижтимоий аҳамиятга эга дориларни импорт қилиш масаласига қаратилди. Маълумки, дорихоналарда сотилаётган дориларнинг аксарияти, айниқса, кучли юқумли касалликлар ва ижтимоий касалликларга оид дориларнинг кўп қисми хориждан — Ҳиндистон , Покистон, Германия, Польша, Чехия каби мамлакатлардан келтирилади. Ўзбекистон Республикаси Президенти Шавкат Мирзиёев “Валюта сиёсатини либераллаштириш бўйича биринчи навбатдаги чора-тадбирлар тўғрисида”ги фармонни имзолаганидан сўн ... Читать дальше »

Швейцария Бош прокуратурасида Гулнора Каримова иши юзасидан Ўзбекистоннинг мурожаати ўрганилаётгани ҳақида хабар берган эдик. Швейцария Бош прокуратураси томонидан 2012 йилда Гулнора Каримова ва яна беш нафар шахсга нисбатан коррупцион қонунбузарлик айби билан жиноий иш қўзғатилган эди. Аввалроқ, Ўзбекистон Бош прокуратураси Гулнора Каримова жиноий иши бўйича расмий тўлиқ маълумотни эълон қилган эди. Тергов материаллари бўйича ҳозирда 12 та хорижий мамлакатлар ҳудудида Гулнора Каримова иштирокидаги уюшган жиноий гуруҳнинг 1 млрд 394,1 млн АҚШ доллари, 63,5 млн евро, 27,1 млн фунт ва 18,5 млн франк миқдордаги легаллаштирилган маблағлари аниқланган. АҚШ ва Нидерландия Гулнора Каримованинг Швейцарияда музлатилган 784 миллион доллари, яъни 800 миллион Швейцария франкининг катта қисмига эгалик қилиши мумкин. Хабарларга қараганда, Бернда шу ҳафтада Гулнора Каримованинг жиноий иши билан шуғулланаётган Бош прокуратура иштирокида яширин муҳокамалар бошланган. Таъкидланишича, АҚШ музлатилган пулдан 550 миллион доллар миқдорда маблағ талаб қилмоқда. Сабаби жиноий гуруҳ молиявий операцияларни ўтказиш вақтида Америка банклари хизматидан фойдаланган. Голландия талаб қилаётган маблағ қиймати ҳозирча ошкор этилмаяпти. Маълумотларда келтирилишича, музлатилган пуллар турли телекоммуникация компанияларидан пора сифатида қўлга киритилган. Швейцария бу пулларни эзгу мақсадлар учун сарфлашни мўлжалламоқда.

Андижон вилояти Ички ишлар бошқармаси ва бошқа ҳуқуқни муҳофаза қилувчи идоралар тезкор ходимлари билан ҳамкорликда олинган тезкор маълумот асосида, Асака туманидаги йўл-патруль хизмати масканида тезкор-тадбир ўтказилди. Бу ҳақда Андижон вилояти Ички ишлар бошқармасининг хабарига асосланган ҳолда ИИВ Матбуот хизмати хабар берди. Хабарда айтилишича, тадбир давомида Андижон вилояти Олтинкўл туманида яшовчи М.Д. тўхтатилиб, текширилган. М.Д. билан ўтказилган суҳбат чоғида, у танишини моддий манфаатдорлик эвазига чет давлатга олиб кетаётганлиги, ойига 2500–3000 АҚШ доллари миқдоридаги ойлик тўланадиган иш ваъда қилганлиги аниқланган. Бироқ суҳбат чоғида М.Д. танишини аслида ундан чет мамлакатда шаҳвоний мақсадларда фойдаланмоқчилиги маълум бўлади. М.Д. олдиндан олган 200 минг сўм миқдоридаги пул ашёвий далил сифатида расмийлаштирилган. Ҳолат юзасидан тергов ҳаракатлари ўтказилаётгани маълум қилинди.

Пластик карталар тўлов тизимининг энг қулай ва осон воситаси сифатида тобора оммалашиб бормоқда. Лекин ушбу соҳада фуқаролардан келиб тушаётган шикоятлар баъзи “тадбиркорлар”нинг қонунда кўрсатилган қоидаларни бузаётганликларини кўрсатмоқда. Қорақалпоғистон Республикаси Истеъмочилар ҳуқуқларини ҳимоя қилиш жамиятлари Федерациясига жорий йилнинг 9 ойи давомида фуқаролардан 748 та ариза келиб тушган. Улар орасида сотувчилар томонидан нақд пул ва пластик карточкаларга бир хил нархда савдо қилмаслик бўйича ариза ва мурожаатлар мавжуд. Жумладан, Тўрткўл туманидаги савдо комплексида 801-802-сонли дўкондан фуқаро З.Мавленова 400 минг сўмлик сандиқ сотиб олмоқчи бўлган. Лекин, сотувчи турли баҳоналарни айтиб истеъмолчига пластик карточкага савдо қилмаслигини айтган. Истеъмолчи Тўрткўл туман Истеъмолчилар ҳуқуқларини ҳимоя қилиш жамиятига ёзма ариза билан мурожаат қилган. Унинг мурожаати кўриб чиқилиб, жамият ходимлари томонидан сандиқ истеъмолчининг пластик карточкасига сотиб олиб берилган. Истеъмолчилар ҳуқуқларини ҳимоя қилиш жамияти фуқароларнинг ҳуқуқини тиклаган ҳолда, сандиқни пластик карточкага харид қилиш мумкинлигини тасдиқлаган.