Ўзбекистон мусулмонлари идораси раисининг ўринбосари Шайх Абдулазиз Мансур: “Ўзбеклар жуда ишонувчан халқ. Агар улар бир иш қилсалар, бутун қалбларини шунга бағишлайдилар. Менимча, айнан шу сабаб чет элга чиққан айрим ёшларимиз радикал гуруҳларга қўшилиб қолмоқдалар. Шу сабабли чет элда истиқомат қилаётган ўзбекларимиз бу каби гуруҳларнинг тўрига илинишдан эҳтиёт бўлсинлар”, деган эдилар. Ўз Ватанини тарк этиб, ёт, бузғунчи ғоялар тўрига илинган яна бир ўзбек йигити ўз халқининг юзини ерга қаратди, ота-онаси, туғилиб ўсган юртининг ишончини пучга чиқарди. Россиянинг Санкт-Петербург шаҳрида ҳуқуқни ҳимоя қилувчи орган вакиллари томонидан қидирув операцияси ташкиллаштирилган эди. Ҳаракатлар натижасида халқаро қидирувдаги 28 ёшли Ўзбекистон фуқароси қўлга олинди, дея хабар бермоқда “Nation News” ахборот агентлиги. Гумондор ярим тунда Васильевск ороли ҳудудида қўлга олинди. Ўзбекистонлик “меҳмон” террорчиликда, экстремистик гуруҳларга алоқадорликда, конституцион тузимни бузишга ҳаракатда, жамият тинчлигини бузиши мумкин бўлган материалларни тарқатганлиги учун айбланмоқда. “Қашқадарё вилояти ИИБ қидирув ташаббуси билан чиқдилар. Қўлга олинган шахс ҳақида Ўзбекистонга хабар берилди”, дейилади агентлик сайтида.

1988 йилнинг ноябрь ойида Оразбайжон ва Арманистон муносабатларида қийинчиликлар юзага келган давр ҳисобланади. Бу пайтда содир бўлган тушунмовчиликларда озарбайжонликлар Арманистон ҳудудидан қувилган... 1988 йилда бошланган “қўшилиш” тўғрисидаги правокацион чақириқларидан сўнг Арманистоннинг озар миллатига мансуб аҳолиси ҳаётида маълум маънодаги “этник тозалаш” ҳаракатлари юз берди. Бу ҳақда Озарбайжон Фанлар академияси етакчи илмий ходими, тарих бўйича фалсафа доктори, Илгар Нифталиевнинг мақоласида айрим маълумотлар батафсил келтирилган. Озарбайжоннинг айрим манбаларидаги маълумотларига кўра, 1988 йилнинг 27–29 ноябрь кунлари 100 га яқин озарбайжонликлар мазкур этник можаролар қурбони бўлишган. Ўша машъум йилнинг 1–2 декабрь кунлари Массис туманидан 3800 киши, Спитак туманидан 400, Араратдан 450, Калининдан 150, Кировакандан 482 киши, Степанаван туманидан 614 киши қочган. 3 декабрь куни қочоқлар сони 78 минг кишидан ошгани айтилмоқда. Эътибор беринг, 1988 йил... Бу дунёда ўз ҳукмини ўтказишга уринаётган Советлар давлатининг "мустаҳкам пойдеворига дарз кетган" йиллар, Совет Иттифоқи деб аталмиш улкан мамлакат ич-ичидан емирилаётгани аён бўлиб, очиқ-ошкор бўлиб бошлаган йиллар... Советлар давлатининг бир-бирига чоқ қазишга тайёр “қизил раҳбарлари” иттифоқдош республикалар ўз озодлиги ҳақида “сўз очиб” қолмасликлари, ўз мустақиллиги учун ҳаракатларни авж олдириб юбормасликлари учун ўйлаб топилган бу можароларда ҳозирда тенг қўшничилик шартларида дўстона ҳамкорлик қи ... Читать дальше »

Москва шимоли-шарқидаги вақтинчалик турар-жойда ёнғин келиб чиқди. Бу ҳақда Россия Федерацияси Фавқулодда вазиятлар вазирлигининг Москва шаҳри бошқармаси ахборот хизмати хабар бермоқда. Аҳамиятлиси шуки, ёнғин оқибатида 6 нафар Марказий Осиё давлатлари фуқаролари, яъни муҳожирликда юргани ишчи-қурувчилар вафот этгани тахмин қилинмоқда. Маълумотларга кўра, улар куйган буюмлардан ёнғин натижасида ажралиб чиққан зарарли тутун таъсирида заҳарланишган. Қурбонларнинг барчаси қурувчилар бўлиб, қурилиш майдонидаги вақтинчалик турар-жойда яшашган. Дастлабки тахминларга кўра, ёнғин қисқа туташув ёки электр иситгичнинг носозлиги сабаб юзага келган. Москва шаҳри фавқулодда вазиятлар бошқармасига 6 ноябрь тунги соат 02:25 да ёнғин ҳақида хабар келиб тушган. Олов 12 квадрат метр майдонни эгаллаган. Ёнғин бир неча дақиқа ичида бартараф этилди. Ҳозирча Марказий Осиё давлатлари фуқаролари деб тахмин қилинаётган қурбонларнинг шахси ҳақида аниқ маълумотлар йўқ. Эслатиб ўтамиз, аввалроқ Россияда вақтинчалик меҳнат фаолияти олиб бораётган муҳожир томонидан содир этилган жиноятлар хақида хабар берган эдик. Масалан, “Самарқанд” кафесида содир бўлган “пичоқбозлик” оқибатида ёш йигит ҳалок бўлгани, 31 октябрь куни Электросталь шаҳри мэрининг маслаҳатчиси Дарья Туркина ўзбекистонлик уста томонидан ўлдирилгани ва бошқа воқеа-ҳодисалар шулар жумласидан.

Санкт-Петербургда қизни навбатма-навбат зўрлаган ўзбекистонлик икки нафар йигитга нисбатан айблов эълон қилинди. 46 ва 22 ёшли ўзбекистонлик йигитлар Россия Федерацияси Жиноят кодексининг 131- ва 132-моддаларига асосан шаҳвоний харакатеридаги зўрлик ишлатганликда айбланди. 13 октябрь куни Будапешт кўчасидаги боғда қиз болага тегишли бўлган 100 минг рубль миқдоридаги моддий бойликларини ўғирлаган бўлиб, шундан сўнг уни зўрлашган. Айбланган шахсларни ҳисбга олиш бўйича масала кўрилаётгани ва уларнинг шу турдаги жиноятларга алоқадорлиги текширилаётгани маълум қилинган.

15 октябрь куни Хиндистонда ҳукуматни бошқарувчи “Бҳартия Жаната Парти” партияси вакили бўлган Сангиит Сом “зулмкорлар” томонидан қурилган Тож Маҳал обидасини тарихдан ўчириб ташлаш зарурлигини айтди.

Уттар-прадешлик сиёсатчи Мэрут шаҳрида ўтказилган ўз тарафдолари билан учрашувда Тож Маҳални барча сайёҳлик қўлланмаларидан олиб ташлашни таклиф қилган.

“Тож Маҳални қурган шахс отасини қамоққа тиқиши тарихми? Ҳиндистонликларни нишонга олган одамни тарих ҳисоблайсизларми? Агар бу тарих бўлса, бу тақдир эмас ва мен тарихни ўзгартиришга ваъда бераман” деган.

Сангиит Сом Тож Маҳални тарихдан ўчириш ҳақидаги фикрлари у тегишли бўлган партия қарашларига мос эмаслигини, бу гаплар унинг шахсий ёндашуви эканини айтиб ўтишган.

Ҳиндистонликлар ижтимоий тармоқларда Тож Маҳалнинг Ҳинд маданияти учун нақадар муҳим эканини, у Ҳиндистоннинг ажралмас бўлаги эканини таъкидлашмоқда.

Бир қанча вақт ўтиб уттар-прадешлик сиёсатчи ўз фикрига аниқлик киритган ҳамда у Тож Маҳалга эмас, уни қурган бобурийларга қарши эканини айтиб ўтган.

Сооронбай Жээнбеков бугунги кунда амалдаги мамлакат президенти Алмазбек Атамбоевнинг қўллаб-қувватлашига эришган ва мамлакатда мавжуд ислоҳотларнинг давомчиси сифатида намоён бўлаётган шахсдир. Унинг биографиясига эътибор қаратадиган бўлсак, Жээнбеков 1958 йил 16 ноябрда Ўш вилоятида таваллуд топган. 1983 йилда Қишлоқ хўжалик институтини зооинженер мутахассислиги бўйича тамомлаган. Қишлоқ партия қўмитасининг котиби ҳамда колхоз хўжалиги бошлиғи лавозимида фаолият юритган. 1996 йилда Қирғизистон парламентига сайланган ҳамда депутатлик курсисида қарийб 11 йил фаолият олиб борган. 2007 йилда президент Курманбек Бакиев даврида қишлоқ, сув хўжалиги ва қайта ишлаш саноати вазири лавозимида ишлаб, 2010 йилда муваққат инқилобий ҳукумат таркибида Ўш вилояти давлат маъмуриятини бошқарган. 2016 йилда президент девони раҳбарининг биринчи ўринбосари, 2016 йилнинг апрелида Қирғизистон Республикаси Социал-демократик партияси (СДПК) ташаббуси билан Сооронбай Жээнбеков Қирғизистон Республикасининг бош вазири этиб тайинланган. 2017 йил май ойида президентликка номзод қилиб кўрсатилгач, қонунчиликка кўра, Жээнбеков ҳукумат бошлиғи лавозимидан сайловда иштирок этиши туфайли расмий равишда истеъфога чиққан эди.

Ўзбекистон Ички ишлар вазирлиги тизимида бир қатор янги лавозим тайинловлари амалга оширилди. Бу ҳақда “Постда” газетаси хабар бермоқда.

Хусусан, полковник Сабиржан Ирисбеков – ИИВ Академияси бошлиғининг ўринбосари – Кадрлар бошқармаси бошлиғи лавозимига,

подполковник Ражаббой Отажонов – ИИВ Академияси бошлиғининг саф қисми бўйича ўринбосари лавозимига,

подполковник Набижон Ҳазратов – ИИВ Ички ишлар органлари ходимларини бошланғич тайёрлаш ва уларнинг малакасини ошириш маркази (Тошкент шаҳар) бошлиғи лавозимига,

подполковник Шохруҳбек Назиров – Андижон вилояти ИИБ Жиноят қидирув бошқармаси бошлиғи лавозимига,

майор Омаджон Акбаров – Андижон вилояти Булоқбоши тумани ИИБ бошлиғи лавозимига тайинланди.

Эслатиб ўтамиз, ўтган ҳафта ИИВ тизимида бирданига 20 та янги лавозим тайинлови рўй берганди.

Каталония ҳукумати раиси Жорди Турулл референдум вақтида испан полицияси ва сайловчилар ўртасида бошланиб кетган тўқнашувлар оқибатида жароҳатланганлар сони 337 нафарга етгани ҳақида маълум қилди. Бу ҳақда Каталония ҳукуматининг расмий твиттерида ҳам ёзилган.

«337 киши жароҳатланган. Биз жабрланган кишилар Каталония полициясига мурожаат қилишини сўраймиз», — дейилган хабарда.

Бундан аввалроқ Испания ИИВ Каталониядаги референдум вақтида рўй берган тўқнашувлар туфайли ўнлаб полициячилар жароҳатлангани ҳақида маълумот берганди.