Ҳужумчи Херард Деулофеу «Милан» мухлислари билан хайрлашди.

«Эвертон»га тегишли бўлган ва 2016/17 мавсумининг иккинчи қисмида «Милан»да ижарада ўйнаган 23 ёшли футболчи Англияга қайтди.

«Мавсум тугади ва мен «Милан»га миннатдорчилик билдираман. Бу ерда бахтли онларни ўтказдим. Мени қўллаб-қувватлаган барча мухлисларга раҳмат айтаман» - деб ёзди Деулофеу инстаграм саҳифасида.

Италия чемпионатида Деулофеу 17 ўйинда майдонга тушиб, 4та гол урди ва 3та голга ҳаммуаллифлик қилди.



Манба: championat.com

ПСЖ» яримҳимоячиси Марко Верратти кейинги мавсумда ҳам Парижда қолишини айтди.

«ПСЖ» клубида қоламан деб ўйлайман. Албатта раҳбарият билан бу ҳақда гаплашиб оламиз. Клуб билан имзолаган шартномам яна 4 йил амал қилади ва бу ерда бахтиёрман.

Ишончим комил, кейинги мавсумда совринлар учун курашамиз. Бу ерда 5 йилдан буён тўп сураман, клуб мен учун оилага айланган» - деди Верратти.

Аввалроқ, футболчининг «Барселона»га ўтиши ҳақида хабарлар чиққан эди.

Манба: soccer.ru

«Барселона» президенти Хосеп Мария Бартомеу мухлисларга ёзда жамоага янги футболчилар келишини ваъда берди.

«Барселона» ҳар йили ёзда янги футболчилар билан кучайиши керак. Мухлислар жамоани тарк этаётган ва уларнинг ўрнига келаётган футболчиларни кўради. «Барселона»га ғайратли футболчилар келади.

Биз ёзда қилишимиз шарт бўлган ишлар ҳақида аниқ тасаввурга эгамиз» - деди Бартомеу Sport нашри хабарида.

Манба: championat.com

«Манчестер Юнайтед» клуби «Интер» яримҳимоячиси Иван Перишични қўлга киритмоқчи.

«МЮ» хорватиялик 28 ёшли яримҳимоячи учун 40 млн евро таклиф қилмоқда. Бироқ «Интер» уни 55 млн евродан камига қўйиб юбормоқчи эмас. Айни пайтда музокаралар давом этмоқда.

Италия чемпионатининг жорий мавсумида Перишич 36 ўйинда майдонга тушиб, 11та гол урган ва 10та голга ҳаммуаллифлик қилган.



Манба: sports.ru

Футболчилик фаолияти давомида «Барселона» ҳимоясида мустаҳкам девордек таассурот қолдирган Пуйоль Испания терма жамоаси сафида катталар ўртасидаги жаҳон чемпионати олтин медалини ҳам ютган. Аммо шуниси борки, унга ўсмирлар тоифасидаги мундиалда иштирок этиш насиб қилмаган. Эҳтимол, шунинг учун ҳам Карлес ЖЧ-2017 ташкилотчилари таклифини мамнуният билан қабул қилиб, Нью-Деҳли ва Мумбайда ташкиллаштирилган байрамона тадбирларда махсус меҳмон мақомида кўриниш берди.

Ҳиндистонликлар 6-28 октябрь кунларига белгиланган мусобақа ўйинлари учун 6та шаҳардаги стадионларни танлаб, уларни талаб даражасида тайёрлашга уринмоқдалар. Умуман, ҳиндлар мамлакат ҳудудида ўтадиган жаҳон миқёсидаги илк йирик футбол мусобақасига катта умид билан қарашмоқда. Фахрий меҳмон - Карлес Пуйоль ҳам FIFA.com сайтига берган ин-тервьюсида Ҳиндистонда футбол истиқболини кўриш, янги юлдузчалар билан танишишга ишонч билдирди.

- Карлес, билишимизча, бундан олдин Ҳиндистонга бирор марта келмаган экансиз...

- Ҳа, бу ушбу ажойиб мамлакатга биринчи сафарим ва ҳинд халқи билан танишиш олдидан анча ҳаяжонланганим рост. Чунончи, Ҳиндистоннинг бой маданиятидан хабардор эдим. Мисол учун, мамлакатдаги анъанавий тиббиёт ва маҳаллий таомлар ҳақида кўп эшитгандим. Буларнинг барчасини ўз кўзингиз билан кўриш жуда қизиқ. Тўғри, ташрифимдан бирламчи мақсад бошқа - футбол ҳолати ва унинг қандай ривожланаётгани билан танишиш.

- Хўш, кичик мундиал ўйинлари чиптасини харид қилиш ма ... Читать дальше »

«Арсенал» бош мураббийи Арсен Венгер тез орада клуб раҳбарлари унинг келажаги ҳақида қарор чиқаришини айтди.

«Биз ҳар доим ўзгаришларни истайдиган жамиятда яшамоқдамиз. Бироқ футбол – тўғри қарор қабул қилишни талаб этади. Ҳар бир жамоа оммага ёқадиган эмас, балки самарали қарор қабул қилиши лозим.

Кенгаш клубни ким бошқариши ҳақида қарор қабул қилади. Агар мени танлашса, у ҳолда қолиш ёки кетиш ҳақида ўйлаб кўраман ва бу ҳақда бир қарорга келаман.

Мухлислар танқиди? Мен кечиримли инсонман. Ишим шуни тақозо этади. Мен инсонларга ишонч билдираман. Агар кечиримли бўлмасанг, ишонч билдира олмайсан» - деди Венгер.

Жорий мавсумда «Арсенал» АПЛ жадвалида 5-ўринни эгаллади ва Англия кубогини қўлга киритди.

Манба: sport-express.ru

Афтидан, биз Италия мураббийлар мактабининг навбатдаги ёрқин даврига гувоҳ бўляпмиз. Аслида, бу борада сўниш ҳам кузатилмаганди, аммо бугунги кунда Апенниндан чиқаётган мутахассисларнинг ютуқлари ярқ этиб кўзга ташланмоқда. Эътиборлиси, уларнинг аксарияти бевосита «Ювентус»га боғлиқлик касб этади. Яна ҳам аниқроқ айтадиган бўлсак, 90-йилларда Марчелло Липпи қўл остидаги «Кекса синьора»да тўп суришган.

Италия термасини 2006 йилги жаҳон чемпионлиги сари етаклаган маэстронинг ўзи ҳозирда Хитойда яшаб, фаолият юритмоқда. Аммо унинг тарбиясини олган шогирдлари ҳозирданоқ юксак мукофотларни қўлга киритиб, катта финалларга йўл олишмоқда. Айримлари эса қулай имконият юзага келишига тайёр туришибди. Soccer.ru айнан шундай мураббийлар ҳақида сўз юритади.

Антонио Конте («Челси»; Италия)

«Ювентус»да ўтказган йиллари: 1991-2004 (ўйинчи сифатида); 2011-2014 (мураббий сифатида).

Мураббийликдаги ютуқлари: «А» серия чемпиони (уч марта), Италия суперкубоги соҳиби (икки марта), АПЛ чемпиони.

Антонио «Челси» билан Англияда «олтин дубль» қайд этишга яқин. АПЛ чемпионлиги нақд, май ойи охирида ўтказиладиган кубок финалида эса «Арсенал»ни мағлубиятга учратиш лозим. Конте замонавий топ-мураббийлар ўнлигидан ўрин эгаллаган, «Ювентус»билан совринлар ютди, Италия термасида ишлади, энди эса туманли ўлкани забт этмоқда. Гарчи «Интер» каттагина маош ва кенг имкониятлар таклиф этаётган бўлсада, италияликнинг илк мавсумдан кейиноқ «Челси»ни та ... Читать дальше »

Туркия чемпионатининг 33-туридан ўрин олган учрашувлар ўз якунига етди.

"Бешиктош" жамоаси "Газиантепспор" меҳмони бўлди ва сафарда 4:0 ҳисобида ғалаба қозонди. Бу ғалаба Шенол Гюнеш шогирдларини муддатидан аввал Туркия чемпионига айлантирди.

Чемпионат тугашига бир тур қолганида бургутлар иккинчи ўриндаги «Истанбул ББ» клубидан 4 очкога ўзиб кетди. Шу тариқа, "Бешиктош" ўз тарихида 15-марта ҳамда кетма-кет иккинчи бор Туркия чемпионига айланди.

Манба: football.kulichki.net

Биринчи лигада 12-тур ўйинлари ўтказилди.

12-тур. 28 май (якшанба)

«НБУ-Осиё» (Тошкент) – «Ёзёвон Лочинлари» (Ёзёвон) – 3:1. 81 томошабин.
Ҳакамлар: А. Рубаков (Тошкент) – 8,0, Д. Рахманов (Гулистон) – 8,4, К. Хасанов (Тошкент в.) – 8,4, Ф. Янсупов - 9
Инспектор: И. Рахимов (Андижон).
Голлар: С. Абдуллажонов (29), О. Абдухоликов (54 пен), Р. Дўсматов (81) – З. Исмоилов (16).
Огоҳлантириш: Д. Туранов (47), Р. Тухтаназаров (67) – Я. Эралиев (44), Ш. Абдурахманов (70).

«Янгиер» (Янгиер) – «Норин» (Ҳаққулобод) – 2:0. 251 томошабин.
Ҳакамлар: А. Шукуруллаев (Тошкент) – 8,2, С. Ульфатов (Тошкент в.) – 8,3, Ш. Каюмов (Жиззах) – 7,6, С. Хасанбаев - 7
Инспектор: Т. Абдуллаев (Тошкент).
Голлар: З. Қорақулов (19 пен), Н. Давлатов (52).
Огоҳлантириш: А. Хакимов (67), В. Пурак (79) – А. Рахимзода (18), М. Хусанов (35), Б. Муртазаев (76), С. Сафаров (79).

«Зомин» (Зомин) – «Машъал-2» (Муборак) – 2:1. 1655 томошабин.
Ҳакамлар: Б. Юлчараев (Гулистон) – 8,2, Д. Убайдуллаев (Гулистон) – 7,3, Ш. Юлдашев (Гулистон) – 8,4, М. Турдиев - 9
Инспектор: А. Тамбовцев (Тошкент).
Голлар: Д. Тошматов (3, 30 пен) – М. Тошпўлатов (48).
Огоҳлантириш: Б. Фарходов (51), Ш. Убайдуллаев (88) – Д. Икрамов (53).

«Ғаллаорол» (Ғаллаорол) – «Нурафшон» (Бухоро) – 4:0. 1552 томошабин.
Ҳакамлар: К. Расулов (Қарши) – 8,5, Ш. Максудов (Тошкент) – 8,0, Д. Нажмитдинов (Т ... Читать дальше »

Italiya terma jamoasining sobiq futbolchisi Fabritsio Mikkoli tovlamachilik qilgani uchun qamalishi mumkin.

Palermo shahri prokuraturasi "Yuventus", "Fiorentina" va "Palermo" klublarining sobiq futbolchisini 4 yilga qamalishini talab qilmoqda.

37 yoshli Mikkoli zo'ravonlik yo'li bilan odamlardan pul undirishda ayblanyapti, deb xabar beradi L'Équipe. Tergovchilarning fikriga ko'ra, u 2010-yildan buyon mafiya bilan aloqa o'rnatib, tovlamachilik yo'li bilan pul topishga kirishib ketgan.

Mikkoli Italiya terma jamoasi safida 10ta o'yinda maydonga tushgan. U 2015-yilda futbolchilik faoliyatini yakunlagan.

Manba: www.stadion.uz

"Liverpul" bosh murabbiyi Yurgen Klopp jamoa hujumchisi
Sadio Manening holati haqida gapirib berdi.
Futbolchi "Everton"ga qarshi APLning 30-tur uchrashuvida
jarohat olgan edi."Hozircha Mane joriy mavsumning qolgan
qismida o'ynay olmasligi 100% aniq emas. Biroz kutish
kerak. Hozir ayta olishim mumkin bo'lgan yagona narsa, u
ertaga "Bornmut"ga qarshi o'ynamaydi.Sadio mavsumning
qolgan qismini o'tkazib yuborishi mumkin, ammo tasdiqlay
olmayman. Mane o'zini yaxshi his qilmoqda" - deydi Klopp.

"Bavariya" yarim himoyachisi Duglas Kosta faoliyatini Italiyada davom ettirishi mumkin.

Braziliyalik xizmatlariga "Yuventus" qiziqish bildirmoqda."Bavariya" 26 yoshli futbolchini faqat 35 mln. evroga sotishi mumkin. Eslatib o'tamiz, Duglas Kosta 2015 yilda "SHaxtyor"dan nemis grandi safiga qo'shilgan va o'shanda myunxenliklar futbolchi uchun 29 mln. evro to'lagan.Joriy mavsumda braziliyalik Germaniya chempionatining 19 ta uchrashuvida 4 ta gol urdi va 3 ta golli pas berdi.

$IMG1_TITLE$

“Volfsburg” hujumchisi Mario Gomes 2012 yildan buyon ilk marta Bundesligada xet-trik qayd etdi.

Germaniyalik
futbolchi uchrashuvning 80-, 83- va 87-daqiqlarida uchta gol kiritib, 0:2 hisobida
yutqazayotgan jamoasini hisobda oldinga olib chiqishga erishdi. Ammo 89-daqiqada
mezbonlar yana bir bor “bo'rilar” darvozasini ishg'ol etib, mag'lubiyatdarn qutulib
qolishdi – 3:3.

Germaniya chempionati, 26-tur.

Bayer – Volfsburg 3:3 (1:0, 2:3)

Gollar: 1:0 – 40 Belarabi, 2:0 – 65 Folland, 2:1 –
80 Gomes, 2:2 – 83 Gomes, 2:3 – 87, Gomes, penaltidan 3:3 – 89 Xavertc.

Bayer – Leno, Xilbert, Toprak, Dragovich, Vendell
(Xenrixs, 46), Belarabi, Baumgartlinger, Arangis, Folland, Mexmedi (Xavertc,
60), Kissling (Brandt, 80).

Volfsburg –Kastels, Blashchikovski, Knoxe, Luis Gustavo,
Xorn, Gilavogi, Vieyrinya (Zeguin, 90), Bazur (Mebius, 73), Arnold, Malli
(Tresh, 46), Gomes.

Ogohlantirish: Bazur (39), Arangis (81), Luis Gustavo (90).

$IMG1_TITLE$ “Manchester siti” ustozi Xosep Gvardiola “Arsenal” bilan (2:2) kechgan bahs haqida o'z fikrlarini bildirdi.

“Arsenal”
ikkinchi bo'limda bizdan yaxshiroq o'yin namoyish etdi. Ammo bu normal holat. Bizda
xatoni to'g'irlash uchun imkoni bor. Gol urib olganimizdan keyin biz qanday futbol
o'ynash kerakligini unutib qo'ydik. Birinchi bo'limda to'p uzatishlarda futbolchilarda o'zaro tushunmovchilik kuzatildi.

Xesus
Navas o'ng qanot himoyasida, dunyoning eng yaxshi futbolchilaridan biri Aleksis
Sanchesga qarshi ajoyib o'yin ko'rsatdi. Men bu chiziqqa aynan uni qo'yishimga sabab
Sanyada jarohat bor edi, Sabaleta esa hali to'liq tiklanib olmagandi. Xesus
ajoyib futbolchi, uning uchun xursandman.

“CHelsi”
bilan o'yin? Biz o'z vazifalarini yaxshi biladigan jamoa bilan kuch sinashamiz. Biz
Manchesterga qaytamiz, orada oz vaqt qolgan bo'lsada muhim o'yinga hozirlik
ko'ramiz va yana Londonga kelamiz”, deydi Gvardiola.