6-iyunning e’tiborga molik yangiliklari — “Daryo”ning kechki dayjestida.

1. Rustam Azimov O‘zbekiston bosh vaziri o‘rinbosari lavozimidan ozod etildi. Xabar berishlaricha, Azimov “O‘zbekinvest” rahbari etib tayinlangan.

2. Jasurbek Ibrohimovning o‘limidan so‘ng Borovskiy kolleji rahbariyati ishdan olindi. Lutfi Yusupova 2008-yildan beri kollejga rahbarlik qilib kelayotgan edi.

3. Urush qatnashchilari avtomobillarni eski narxda va navbatsiz olishi mumkin. O‘z navbatida, Prezident GM Uzbekistan avtomobillari uchun aksiz solig‘i stavkasini 29 foizdan 27 foizgacha pasaytirdi.

4. “O‘zbekiston JCh uchun tayyormi?! Eron hozir bizdan kuchli”. Futbol bo‘yicha O‘zbekiston milliy terma jamoasi yarim himoyachisi Aziz Haydarov bilan suhbat.

5. Sevinch Mo‘minova Sharof Muqimov bilan qonunan ajrashganini ma’lum qildi. Sharof Muqimov esa turmush o‘rtog‘ining bu bayonotini rad etdi.

Joriy yil 4-iyun kuni Toshkent shahri hududida 2 ta yo‘l-transport hodisasi qayd etildi. Ular tufayli 2 kishi tan jarohati oldi, deya xabar beradi Toshkent shahar IIBB matbuot xizmati.

Shu kuni YPX inspektorlari tomonidan jami 3008 ta huquqbuzarlik bo‘yicha ma’muriy bayonnomalar rasmiylashtirilgan bo‘lib, ulardan 775 tasini qo‘pol turdagi, 5 tasini mast holda transport vositasini boshqarish tashkil etdi.

Toshkent shahar IIBB YHXBning kompyuterlashtirilgan boshqaruv tizimi tomonidan jami 1124 ta huquqbuzarlik qayd etildi.

Bulardan 610 tasini svetoforning taqiqlovchi chirog‘iga bo‘ysunmasdan harakatlanish, 514 tasini esa belgilangan me’yordan yuqori tezlikda harakatlanish tashkil etadi.

Yaponiya O‘zbekiston fuqarolari uchun viza berish tartibini soddalashtirdi. Bu ma’lumotni mamlakatning O‘zbekistondagi elchixonasi ham tasdiqladi, deya xabar berdi UzNews.

Yangi qoidalar 5-iyundan kuchga kirdi.

Ularga ko‘ra, endi O‘zbekiston fuqarolari turizm maqsadida sayohat qilgan taqdirda, shu paytgacha Yaponiya sayyohlik kompaniyalari tomonidan talab qilingan barcha hujjatlarni (tashrif dasturi, kafolat xati va hokazo) taqdim etishi shart emas.

Faqat talabgor tayyorlaydigan hujjatlar topshiriladi. Yaponiyaga bir marotabadan ko‘proq borgan taqdirda maksimal muddati 5 yil bo‘lgan ko‘p karrali viza olish mumkin.

Ish yuzasidan, konferensiya, madaniy almashuvlarda ishtirok etishga borganda yoki qarindosh va tanishlarini ko‘rish uchun safar qilganda, talabgor mustaqil ravishda xarajatlarni ko‘targan taqdirda, yapon tomonidan taklif sababini izohlovchi va tashrif dasturi bayon etilgan maktub taqdim etilishi kifoya.

Ikki holatda ham Yaponiyaga bir marotabadan ko‘proq borgan taqdirda maksimal muddati 5 yil bo‘lgan ko‘p karrali viza olish mumkin.

Borovskiy nomidagi Toshkent tibbiyot kolleji direktori va uning ikki o‘rinbosari o‘z lavozimidan ozod qilindi. Bu haqda, Sog‘liqni saqlash vazirligi buyrug‘iga asoslanib, UzNews xabar bermoqda.

O‘z vazifasidan ozod qilingan Lutfi Yusupova Borovskiy kollejiga 2008-yildan beri direktorlik qilib kelayotgan edi. Undan tashqari, direktorning o‘quv ishlari bo‘yicha muovini Hilola Bo‘rixo‘jayeva va ma’naviy va ma’rifiy ishlar bo‘yicha direktor o‘rinbosari Vezira Hasanova bo‘shatilgan.

Eslatib o‘tamiz, 1-iyun kuni Borovskiy nomidagi kollej 2-kurs o‘quvchisi Jasurbek Ibrohimov og‘ir tan jarohatlari oqibatida vafot etdi. Xabarlarga ko‘ra, u 3-may kuni bo‘lgan mushtlashuvda og‘ir jarohat olgan.

Hodisa yuzasidan kollejning 2-kurs o‘quvchisi Islombek To‘laganov qamoqqa olingan, tergov ishlari O‘zbekiston bosh prokurori Ixtiyor Abdullayev tomonidan shaxsan nazoratga olingan.

Vazirlar Mahkamasi qarori bilan O‘zbekiston Respublikasi oliy harbiy ta’lim muassasalariga tanlov tartibi va qabul qoidalari haqidagi Nizomga tuzatishlar kiritildi. Bu haqda Norma xabar bermoqda.

Mudofaa vazirligi oliy o‘quv yurtlariga nomzodlar tanlab olish endi yagona tanlov asosida, kirish test sinovlari natijalariga ko‘ra amalga oshiriladi. Taktik motoo‘qchi va chegara bo‘linmalari hamda harbiy-havo kuchlar qo‘mondonlik harbiy mutaxassisliklari bundan mustasno.

Kirish test sinovlari birinchi ta’lim muassasasi bazasida yoki alohida tegishli ta’lim muassasalarida o‘tkazilishi mumkin.

Mudofaa vazirligi oliy o‘quv yurtlarida o‘tkazilgan test sinovlari natijalari ta’lim muassasalari bo‘yicha bo‘linmay, ballarning pasayib borishi tartibida taqdim etiladi.

“Biznes-daily.uz” kartoshka muammosi borasida o‘z fikr-mulohazasini bildirgan fuqaroning maqolasini e’lon qildi.

Foto: “Moloko optom”
“Viloyatdan fermer tanishim poytaxtga kelgan ekan, telefon qilib qoldi. Uchrashadigan bo‘ldik. Lekin 2-3 kun umuman vaqti bo‘lmadi. Nihoyat uchrashdik. Hol-ahvol so‘rashganimizdan keyin gap o‘z-o‘zidan uning Toshkentga kelish sabablariga borib ulandi.
– Hisobimdagi bir necha million so‘mni urug‘lik kartoshkaga o‘tkazib yuborishibdi. Shuning uchun bu pulni qaytarib olish uchun kelgandim. Ish bitishi qiyin ekan, hali ham shu yerda o‘ralashib yuribman, — dedi fermer.

Ma’lum bo‘lishicha, u o‘z yerida kartoshka ekmaydi. Chunki qizil tuproqli yerda kartoshkadan yuqori hosil olishiga ko‘zi yetmaydi. Shunga qaramay, kimningdir og‘zaki buyrug‘i bilan hisob raqamidan anchagina pul urug‘lik kartoshka olish uchun Toshkentdagi firma hisobiga o‘tkazib yuborilgan.

Toshkentdagi sarguzashtlar

Fermerning so‘zlariga ko‘ra, bu firmadan urug‘lik kartoshka olish yoki pulini qaytarish ilinjida kelayotganlarning keti uzilmaydi. Odam juda ko‘p, navbat ham shunga yarasha.
– Hozir fermerning ishi boshidan oshib yotibdi, – deydi tanishim. – Bu yoqda paxta chopig‘i, bug‘doy o‘rimiga ham tayyorgarlik ko‘rish kerak. Pilla terish ham shu davrga to‘g‘ri kelib qolganini qarang. Agar pillani o‘z vaqtida terib olmasak, u qurib ketib, kamroq tosh bosadi. Bundan ham zarar ko‘ramiz.

Keyin tanishim ... Читать дальше »

Yunusobod tumani hududida joylashgan xonadonda fohishaxona saqlagan Nigora Safarovaga (ismi o‘zgartirilgan) nisbatan jinoyat ishi qo‘zg‘atildi, deb xabar berdi Toshkent shahar Ichki ishlar bosh boshqarmasi matbuot xizmati.

2017-yilning 3-iyun kuni o‘tkazilgan tezkor tadbir davomida, fuqaro Nigora Safarova Yunusobod tumani hududida joylashgan xonadonda fohishaxona saqlab, 40 ming so‘m pul evaziga fuqarolar Z va Dlarga jinsiy aloqa qilishlari uchun sharoit yaratib berganligi aniqlangan.

Mazkur holat yuzasidan Yunusobod tumani IIB huzuridagi Tergov bo‘limi tomonidan Jinoyat Kodeksining 131-moddasi 2-qismi (fohishaxona saqlash) alomatlari bilan jinoyat ish qo‘zg‘atilgan. Hozirda jinoyat ishi yuzasidan dastlabki tergov harakatlari olib borilmoqda.

“Buxoro” xalqaro aeroporti direktori, Oliy Majlis Senati a’zosi Tohir Baxronov MDHda fuqarolik aviatsiyasi sohasidagi yirik va nufuzli tashkilot — “Aeroport” assotsiatsiyasi prezidenti etib saylandi. Bu haqda “O‘zbekiston havo yo‘llari” MAK matbuot xizmati ma’lum qildi.


Rossiya poytaxtida assotsiatsiya tomonidan tashkil etilgan “Zamonaviy aeroportlar va ularning rivojlanish tendensiyalari” 51-xalqaro konferensiyasi bo‘lib o‘tdi. Tadbir doirasida tuzilma a’zolarining yillik hisobot-saylov yig‘ilishi bo‘lib o‘tdi va yangi rahbariyat tarkibi saylandi.

Uning natijalariga ko‘ra, “Buxoro” xalqaro aeroporti direktori Tohir Baxronov assotsiatsiya prezidenti etib saylandi.

Eslatib o‘tamiz, oldinroq Buxoro xalqaro aeroporti “MDH mamlakatlaridagi yilning eng yaxshi aeroporti” nufuzli tanlovida “Aeroportni rivojlantirishga qo‘shgan katta hissasi” yo‘nalishida g‘olib bo‘lgani xabar qilingandi.

O‘zbekiston Prezidenti Shavkat Mirziyoyev Andijon viloyatiga tashrifi doirasida viloyat hokimligida faollar bilan yig‘ilish o‘tkazdi. Yig‘ilishda Prezident yoshlarni turli diniy-ekstremistik oqimlar ta’siridan asrash masalasiga ham to‘xtalib o‘tdi.

Kadr: YouTube
Alhamdulilloh, hammamiz musulmonmiz. Biz juda ko‘p joylarda jaholatga qarshi ma’rifat, islom dinini o‘rganish, o‘rgatish tashabbusi bilan chiqyapmiz. Islom — bu faqat nurli hayot. Islomni niqob qilib, terrorchi bo‘lish, boshqa oqimlarga kirish — bu andijonliklarga ham, O‘zbekistonga ham yarashmaydi.

O‘tgan safar Shayxontohurda bo‘lgan majlisda muftiy hazratlarini, tumanning 24 ta mahalla imom-xatiblarini taklif qilib, aytdim va buni hamma to‘g‘ri tushunsin. Shunday vaqt keldiki, hozir O‘zbekistonda diniy oqimga o‘tganni: “E, bu mening bolam emas”, deyapmiz. “Bu qo‘shnining bolasi”, deyapmiz. “Bu boshqa tumanning bolasi”, deyapmiz. Lekin u O‘zbekiston fuqarosi-ku!

Shayxontohurdagi majlisda men juda qattiq talab qo‘ydim va bugun Andijondagi din peshvolariga ham qattiq savol qo‘ymoqchiman. Agar beshta mahallada, misol uchun, 20—30 nafar adashganlar bo‘lsa, shu 20 nafardan beshtasi ashaddiy — u qaytmaydi. Ular bilan shug‘ullanish kerak emas. Ularni O‘zbekiston fuqaroligidan chiqarish kerak. Men ularni O‘zbekiston fuqaroligidan chiqarishga tayyorman.

Endi oqni oq, qorani qora deb aytadigan vaqt keldi. Kimgadir yoqmasa, kimdir bir vaqtning o‘zida ikki stulda o‘tiram ... Читать дальше »

Andijon shahrida bo'lib o'tgan kengaytirilgan yig'ilishda davlat rahbari O'zbekiston iqtisodiyotini rivojlantirish, xizmatlar ko'rsatish va mahsulotlar ishlab chiqarishda tadbirkorlarning o'rni haqida alohida to'xtalib o'tdi. Bu haqda Kun.uz muxbiri xabar bermoqda.

Unga ko'ra, huquq-tartibot idoralari yangi ish o'rinlari yaratib, aholi turmush farovonligini oshirayotgan, iqtisodiyot lokomotivi bo'lgan tadbirkorlarni hurmat-izzatini joyiga qo'yishi lozim.

Prezident jumladan shunday degan:

“Tadbirkorni “siz” demagan prokurorni o'z ishiga noloyiq deb bilaman. Har haftada viloyat, tuman va shahar prokurorlari tadbirkorlar bilan uchrashib, ular dardini tinglasin. Ular faoliyatida uchrayotgan muammolarni hal qilish choralarini ko'rsin. Negaki, bittagina ish o'rnini yaratgan tadbirkor jamiyat uchun kerakli odamdir”.

Bundan tashqari, prokurorlar ko'rsatilgan kommunal xizmatlar uchun to'lovlarning o'z vaqtida undirilishiga ham javobgardirlar.

Avvalroq, Andijon viloyati faollari ishtirokida o'tkazilgan yig'ilishda davlat rahbari viloyatning Xonobod shahrini yana rivojlantirish yuzasidan hukumat qarori qabul qilinishi lozimligi haqida gapirgani ma`lum qilingandi.

Toshkentdagi Borovskiy nomidagi tibbiyot kolleji o‘quvchisi Jasurbek Ibrohimov 1-iyun kuni 17 yoshida vafot etdi. Ijtimoiy tarmoqlarda e’lon qilingan axborotga ko‘ra, yigit olingan jarohatlar oqibatida vafot etgan.

Xabar berishlaricha, Jasurbek Ibrohimov bir oy avval kollejdoshlari tomonidan ayovsiz do‘pposlangan, so‘ng og‘ir jarohatlar bilan kasalxonaga yotqizilgan.

O‘quvchi kasalxonada to‘rt marta operatsiya qilingani, “beshinchi operatsiyaga organizm bardosh bera olmagani” aytilmoqda.

Hodisa yuzasidan Jasurbek Ibrohimovning onasi ijtimoiy tarmoqlarda murojaat bilan chiqish qilgan.

Ichki ishlar organlari tomonidan 29-may kuni o‘tkazilgan tezkor tadbir davomida Toshkent shahrining Mirobod tumanidagi xonadonlarning birida fohishaxona saqlash jinoyati fosh etildi.

Toshkent shahar IIBB matbuot xizmati axborotiga ko‘ra, xonadon egasi 100 ming so‘m evaziga ikki fuqaroning jinsiy aloqa qilishi uchun sharoit yaratib bergan.

Mazkur holat yuzasidan Jinoyat kodeksining 131-moddasi 2-qismi (“fohishaxona saqlash”) alomatlari bilan jinoyat ish qo‘zg‘atilgan.

“Hozirda jinoyat ishi yuzasidan dastlabki tergov harakatlari olib borilmoqda”, — deyiladi IIBB axborotida.

Ichki ishlar organlari tomonidan 29-may kuni o‘tkazilgan tezkor tadbir davomida Toshkent shahrining Mirobod tumanidagi xonadonlarning birida fohishaxona saqlash jinoyati fosh etildi.

Toshkent shahar IIBB matbuot xizmati axborotiga ko‘ra, xonadon egasi 100 ming so‘m evaziga ikki fuqaroning jinsiy aloqa qilishi uchun sharoit yaratib bergan.

Mazkur holat yuzasidan Jinoyat kodeksining 131-moddasi 2-qismi (“fohishaxona saqlash”) alomatlari bilan jinoyat ish qo‘zg‘atilgan.

“Hozirda jinoyat ishi yuzasidan dastlabki tergov harakatlari olib borilmoqda”, — deyiladi IIBB axborotida.

Shavkat Mirziyoyev O‘zbekiston Respublikasi Prezidentining Andijon viloyatidagi Xalq qabulxonasini borib ko‘rdi, deb xabar berdi O‘zA.

Qabulxonada xalq bilan muloqot qilish, murojaatlarni ko‘rib chiqish uchun barcha sharoit yaratilgan. Mazkur qabulxona Andijon shahri Milliy tiklanish ko‘chasi, 24-uyda joylashgan.

Ma’lumot o‘rnida: Shavkat Mirziyoyev Andijonda mahalla profilaktika inspektori xonadonida bo‘ldi

Prezident Shavkat Mirziyoyev Andijon shahrida bunyod etilayotgan ko‘p qavatli uylar qurilish uchastkasida bo‘ldi, deb xabar berdi O‘zA.

Prezidentning 2016-yil 22-noyabrdagi qaroriga muvofiq Andijon shahrida ko‘p qavatli 37 zamonaviy uy-joy bunyod etilishi belgilangan. Jumladan, joriy yilda “Sulton Jo‘ra” nomidagi mahalla fuqarolar yig‘inida 294 xonadonga mo‘ljallangan yettita ko‘p qavatli turar joy qurilishi rejalashtirilgan. Buning uchun 2,46 gektar yer ajratilgan. Hozirgi kunda qurilish ishlari jadal olib borilmoqda.

Bu turar joylar birinchi galda uyga muhtoj odamlarga beriladi. Yosh oilalarning oyoqqa turib olishi, mustaqil, emin-erkin yashashi uchun sharoit yaratadi.

Prezident bunday uylarni ko‘proq qurish, ijtimoiy infratuzilmani rivojlantirish, bu yerni yangi massivga aylantirish, Mustaqillikning 26 yilligiga xalqqa tuhfa qilish, odamlarga barcha qulayliklar yaratish bo‘yicha zarur ko‘rsatmalar berdi.