Голливуд актрисаси Анжелина Жоли британиялик 40 ёшли ҳайрия ишларини ёқитирадиган тадбиркорга турмушга чиқиш нияти борлигини айтди, дея хабар бермоқда Hollywoodlife сайти. “Анжелина ва унинг “келишган йигити” 2017 йилнинг бошида учрашишни бошлашган ва ўз муносабатларини сир сақлашган.Демак, Бред Пит ўз турмуш ўртоғини кимга турмушга чиқмоқчилиги тугул ким билан учрашиб юрганидан ҳам хабарсиз бўлган.”, дейилади журналда. Манбага кўра, актриса шунчаки ҳозирги турмуш ўртоғи Бред Питни хафа қилгиси келмаган. Агар Бред бу янгиликдан хабар топиб қолса, бу Жолини заррача хавотирга солмайди. Шу билан бирга янги жуфтлик ўз тўй маросимини Камбожада буддавийлик анъаналарига мувофиқ ўтказиш ниятидалар. Тўйга қариндошлар ва дўстлар таклиф қилинади. Маросим қўриқхонада нишонланади, келин-куёв эса, Камбожа миллий либосларида бўлишади. Меҳмонларга туб аҳоли истеъмол қиладиган таомлар тақдим этилади. Айни вақтда Анжелина Жоли актёр Бред Питнинг расмий турмуш ўртоғи ҳисобланади. Бир йил олдин жуфтлик судга ажрашиш учун ариза билан мурожаат қилган, аммо суд қарори чиқмаган. Агар жуфтлик ўзаро муросага кела олишса, актриса тўртинчи марта турмушга чиқади.

Сўнгги йилларда хорижнинг кўплаб таниқли юлдузлари Ўзбекистонда концерт дастурларини тақдим этмоқда. Албатта, булар орасида омадлилари талайгина. Бироқ эълон қилинган концертлар бекор қилиниши билан боғлиқ ҳолатлар ҳам йўқ эмас. Сизнинг ҳам қулоғингизга эронлик таниқли хонанда Арашнинг 13 октябрь куни “Истиқлол” санъат саройида концерт бераётгани ҳақидаги хабар чалингандир. Концерт номаълум сабабларга кўра, 31 октябрга қолдирилган эди. Бугун, 29 октябрь куни концерт ташкилотчилари Арашнинг 31 октябрга қолдирилган концерти буткул бекор қилинганини маълум қилдилар. “Qalampir.uz”нинг суриштирувлари натижаси шуни кўрсатдики, концерт чипталари бозори чаққон бўлмаган. Бугунгача сотилган чипталардан тушган маблағ сарф-харажатларни қопламагани учун концерт бекор қилинган. Арашнинг концертига чипта сотиб олганларчи?.. Уларнинг пуллари қайтарилади, албатта. Чипта харид қилганлар 30 октябрдан 10 ноябрга қадар соат 09:00 дан 18:00 гача "Истиқлол" санъат саройи кассаларига мурожаат қилишлари мумкин. Мурожаат учун телефонлар: +99894 6996446, +99899 8517204, +99891 1372847