«Реал» ҳужумчиси Криштиану Роналду пенальтидан гол уриш бўйича Чемпионлар лигаси рекордини ўрнатди. Турнир гуруҳ босқичида АПОЭЛга қарши кечган ўйинда у 11 метрлик жарима зарбасини ижро этди. Бу унинг турнирда 12-марта пенальтидан гол уриши бўлди ва «Барселона» ҳужумчиси Лионель Мессини (11) ортда қолдирди.

Роналду шунингдек, Чемпионлар лигасида энг кўп гол урган футболчи ҳисобланади - 107 гол. Таққослаш учун «Атлетико» турнирда 100та гол урган, «Бенфика» 98та. Унинг энг яқин таъқибчиси Лионель Месси ҳисобида 96 гол бор.

Европа чемпионлар лигасининг сўнгги гуруҳи «Н» гуруҳида нисбатан кучлироқ жамоалар йиғилгани башорат қилинганди. Биринчи турдаги натижалари буни тасдиқлади.

«Реал» гуруҳдаги биргина аутсайдер АПОЭЛни Роналдунинг дубли ва Рамоснинг чиройли голи эвазига йирик ҳисобда енгган бўлса, «Тоттенҳэм» ниҳоят «Уэмбли»да ҳам яхши футбол кўрсата олишини исботлаб, «Боруссия»дан ишончли тарзда устун келди. Учрашувда Ҳарри Кейн дублга эришганини таъкидлаб ўтиш жоиз.

Европа чемпионлар лигаси, 1-тур
H гуруҳи

Реал Мадрид (Испания) – АПОЭЛ (Кипр) 3:0 (1:0)
Голлар: Роналду (12, 51, пенальти), Рамос (61).
Реал Мадрид: Навас, Начо, Марсело, Карвахаль, Рамос, Ковачич (Кроос, 25), Каземиро, Иско (Себальос, 72), Модрич, Бэйл (Майораль, 82), Роналду.
АПОЭЛ: Ватерман, Руэда, Лаго, Вурос, Карлао, Винисиус, Нуну Мораиш, Алонефтис, Шаллаи (Фариас, 60), Эбесилио (Захид, 73), де Камарго (Поте, 83).
Огоҳлантиришлар: Карвахаль (52), Шаллаи (53), Эбесилио (63), Фариас (90).

Тоттенҳэм (Англия) – Боруссия Д (Германия) 3:1 (2:1)
Голлар: Сон Ҳёнг Мин (4), Кейн (15, 60) – Ярмоленко (11).
Тоттенҳэм: Льорис, Санчес, Вертонген, Дэвис, Алдервейрелд, Дайер, Дембеле, Эриксен, Орье, Кейн (Льоренте, 87), Сон Ҳёнг Мин (Сиссоко, 83).
Боруссия Д: Бюрки, Папастатопулос, Толян, Пишчек, Топрак (Загаду, 80), Кагава (Гётце, 66), Шахин, Пулишич, Дауд (Кастро, 72), Ярмоленко, Обамеянг.
Огоҳлантиришлар: Дайер ... Читать дальше »

2018 йили Россияда бўлиб ўтадиган футбол бўйича Жаҳон чемпионатининг 2 та ярим финали ва финал ўйин учун махсус бир неча кишилик жойлар чипта нархи 564 минг долларни ташкил этади. Бу ҳақда ФИФА сайтида маълум қилинмоқда.

Шу ҳафтада ЖЧ-2018 учун чипталар савдоси 14 сентябрдан бошланиши эълон қилинган эди. Энг қиммат чипта 66 минг рублни ташкил этади. Россия фуқаролари учун гуруҳ босқичи ўйинлари учун чипта нархи 1280 рублдир.

«Манчестер Юнайтед» бош мураббийи Жозе Моуриньо «Базель» устидан қозонилган йирик ҳисобдаги (3:0) ғалабадан кейин жамоа яримҳимоячиси Поль Погбанинг ҳолати юзасидан маълумот берди.

Француз футболчиси учрашувнинг 19-дақиқасида Маруан Феллайнига алмаштирилганди.

«У қанча давомида майдонга туша олмаслигини билмайман. Унинг мушакларида муаммо пайдо бўлди. Тажрибамдан келиб чиқиб айтишим мумкинки, бундай жароҳатдан кейин тикланиб сафга қайтиш учун бир неча ҳафта керак бўлади», — деган Моуриньо.

«Барселона» ҳужумчиси Лионель Месси ЕЧЛнинг 1-турида «Ювентус»га қарши кечган ўйинда ҳисобни очгач, унинг туринликлар дарвозабони Жанлуижи Буффон дарвозасини ишғол эта олмаслиги билан боғлиқ нохуш сериясига чек қўйилди. У ўйин давомида Буффон дарвозасига иккинчи голни ҳам йўллади.

Месси шу вақтгача ЕЧЛ доирасида италиялик дарвозабон билан дуэлларда гол урмай келаётганди.

Эндиликда Мессидан ЕЧЛ ўйинларида гол ўтказмаган ягона дарвозабон қолди. «Рубин» дарвозабони Сергей Рижиков «Барселона»га қарши кечган 4 учрашувда ҳам аргентиналик футболчидан гол ўтказмаган.

Европа чемпионлар лигасининг 1-туридан ўрин олган энг марказий учрашувлардан бири D гуруҳида бўлиб ўтди. Унда ўтган йилги чорак финалчилар «Барселона» ва «Ювентус» яна ўзаро рўбарў келишди.

«Камп Ноу»да кечган учрашув тарихий натижага айланди. Лионель Месси Буффон дарвозасига илк марта гол киритган бўлса, иккинчи бўлимда унинг ўзи дублни расмийлаштирди. Иван Ракитичнинг голи билан эса ҳисобни йирик кўринишга олиб келди ва «Барса» ўтган йилги мағлубият учун муносиб қасос олишга муваффақ бўлди.

Гуруҳнинг иккинчи учрашувида «Олимпиакос» ўз уйида «Спортинг»га имкониятни бой бериб қўйди. Биринчи бўлимдан сўнг ҳисоб йирик кўриниш олганди. Бироқ греклар иккинчи бўлимда ўзига келиб, ҳисобни қисқартиришга муваффақ бўлишганди. Бироқ мағлубиятдан қутулиб қолиш пирейликларга насиб этмади.

D Гуруҳи

Барселона (Испания) – Ювентус (Италия) 3:0 (1:0)
Голлар: Месси (45, 69), Ракитич (56).
Барселона: тер Стеген, Альба, Пике, Нелсон Семеду, Умтити, Ракитич (Паулиньо, 77), Иньеста (Андре Гомеш, 83), Бускетс, Дембеле (Серджи Роберто, 71), Суарес, Месси.
Ювентус: Буффон, Алекс Сандро, Бенатия, Бардзальи, Де Шильо (Стураро, 41), Матюиди, Бентанкур (Бернардески, 63), Пьянич, Дуглас Коста, Дибала, Игуаин (Калигара, 87).
Огоҳлантиришлар: Бентанкур (25), Нелсон Семеду (35), Месси (54), Бардзальи (61), Пьянич (75), Калигара (89).

Олимпиакос (Греция) – Спортинг (Португалия) 2:3 (0:3)
Голлар: П ... Читать дальше »

Испания чемпионатининг 17-тури доирасида «Реал» ва «Барселона» ўртасида 20 декабрь куни ўтказилиши белгиланган учрашув вақти ўзгарди.

Бунга мадридликлар клуби клублар ўртасидаги жаҳон чемпионатида иштирок этиши сабаб бўлади. Энди бу учрашув вақти 23 декабрь кунига кўчирилган.

Клублар ўртасидаги халқаро турнир 6 декабрдан 16 декабрга қадар БААда бўлиб ўтади. Мадрид клуби ўйин вақтини кўчиришни сўраб, мурожаат қилган.

Ҳаммасига фақатгина Бабаян айбдорми? Жанубий Корея билан учрашув якунига етганидан сўнг хаёлимга келган фикрларнинг энг биринчиси шу бўлди. Тўғри, Самвел Бабаян футболимизда асосан менежерлик, жамоанинг ташкилотчилик ишлари билан шуғулланиб юрган. Бироқ, Ўзбекистон терма жамоасининг Жаҳон чемпионатига чиқа олмаганида биргина Бабаяннинг айби бор, деб бўлмайди. Бунга Ўзбекистон футболидаги бутунбошли тизим жавобгар. Ҳа, обрўлироқ жойда ишлайдиган кишиларнинг эркатой ўғилларини истеъдодли болалардан устун қўйиб, футбол жамоасига қабул қиладиган, асосий таркибда майдонга туширадиган, болалар ўртасидаги мусобақаларда ёшни 2-3 баробарга камайтириб кўрсатадиган шу тизим аслида ҳаммасига айбдор.

Футбол қачон ривожланади? Қачонки коррупция, таниш-билишчиликдан холи бўлса. Қачон ҳақиқий истеъдодларга йўл очиб берилса, қачон ўша йигитларга хориждан таклиф тушса, бериладиган маблағлар ҳисобидан ўз чўнтагини қаппайтириш пайидан бўлмайдиган мураббийлар-у мутахассислар ишласа.

«Спорт» телеканалидаги шарҳловчилар Жанубий Корея билан ўйин якунида Самбел Бабаянни барчасига балогардон қилиб қўйишди. Тўғри, у ҳам жуда кўп хатоларга йўл қўйди. Сергеев, Лобанов каби «суюкли» футболчиларини майдонга туширавериб, мухлисларни бездириб юборгани бор гап. Аммо, агарда гап фақатгина мураббийда бўлганида, нима учун ўз даврида мақталган, сўнг эса яхшилаб сўкилган мутахассислар бизни ЖЧга олиб чиқа олмаган? Баъзи журналистлар айтганидек «футболимизнинг гўркови»га айланган Бабаяндан ... Читать дальше »

Кеча жамоасининг «Сток Сити» (2:2) га қарши ўйини якунлангач, Жозе Моуриньо рақиб бош мураббийи Марк Хьюзга қўл бермади.

ESPN бунинг сабабини излаб топди. Маълум бўлишича, Жозе Моуриньо ўйин пайтида шогирдларига кўрсатма бериш учун техник зонани тарк этади. Бунга жавобан, мезбонлар устози уни «Бор жойингга» деб итариб юборди. Марк Хьюз ҳатто бош ҳакамдан Моуриньога қизил карточка кўрсатишни сўраган.

Бу воқеа ўша пайтдаёқ журналистларнинг назарига тушиб бўлганди ва ҳар икки мураббий матбуот анжуманида саволга тутилди.

Марк Хьюз ҳамкасбига қилган муомаласини очиқчасига тан олган бўлса, португалиялик мураббий бу ҳақида гапиришни истамади.

«Бу аҳмоқона вазият, аҳмоқона савол. Аҳмоқона мавзулар ҳақида гапиришни ёқтирмайман, бу ҳақида аҳмоқлар гапираверсин» - деди Жозе Моуриньо.

Ўзбекистон чемпионатининг 20-туридан ўрин олган «Металлург» ва «Пахтакор» жамоалари учрашувидан кейин меҳмонлар бош мураббийи Шота Арвеладзе учрашув хусусида фикрларини билдириб ўтди.

«Майдоннинг ҳолати ҳар икки жамоага яхшироқ футбол ўйнашга имкон бермади. Менимча, учрашувдан аввал уни суғориб олиш керак. Тўп етарли даражада тез юрмагани учун майдонда кураш кўпайди. Деярли ҳар дақиқада тўхталишларга гувоҳ бўлдик.

Ўйинга келсак, менга жамоамнинг интилиши ёқди. Гол ўтказиб юбордик ва жуда тез ўйинга қайта олдик. Сафарда уч тўп киритиш яхши кўрсаткич. Бугун сафардаги илк ғалабамни нишонладим ва бунинг учун йигитларга миннатдорчилик билдирдим.

Бизга қарши жамоалар бор кучи билан ўйнашмоқда. Бу яхши ҳолат», - дея Арвеладзенинг сўзларини келтиради «Пахтакор» расмий сайти.

Ўзбекистон терма жамоаси сардори Одил Аҳмедов терма жамоаси таркибида янги юлдузлар етишиб чиқмаётгани борасида гапириб ўтди.

«Ўзбекистонда яхши ҳужумчилар, умуман яхши футболчиларнинг етишиб чиқмаётгани асосий сабаб бу миллий чемпионатимиз. Чемпионатимиз савияси анча паст.

Келишилган ўйинлар жудаям кўп. Бу катта муаммо. Тасаввур қилинг: футболчи ўйин қандай тугашини билади — ютади ёки ютқазади. Бунақа пайтда ким ҳам бор кучи билан ўйнарди? Улар бор имкониятининг 20 фоизини ишлатиб ўйнаб қўяверади. Бундай футболчи эса халқаро майдонда ҳеч нарсага эриша олмайди. Ўйнаб кета олмайди», деган Аҳмедов GOL кўрсатувига берган интервьюсида.

Ўзбекистон терма жамоаси сардори Одил Аҳмедов терма жамоадаги фаолиятини якунлашга тайёр эканини билдирди.

«Хитойга қарши учрашувдан кейин берган интервьюим алам устида айтилганди. Лекин ўша гаплардан умуман афсусланганим йўқ.

Мен ҳам ўзбек футболини ривожланишини истайман. Айтган гапларимни ўзбек футболи ривожи учун айтганман. Терма жамоа ривожи учун ҳамма нарсага тайёрман. Жамоада ўзгаришлар бўлишини, ёш футболчилар жалб қилиниб, янги қон қуйилишини истайман. Агар ўша ёш футболчилар мендан кучлироқ бўлса, терма жамоага кўпроқ фойда берса, мен терма жамоадан ҳам кетишга тайёрман.

Кейинги саралаш босқичига қадар ёшим 34-35да бўлади. Бундай вазиятда ёшроқ футболчиларнинг жисмоний ҳолати меникидан яхшироқ бўлиши мумкин.

Лекин мен терма жамоадан бугун кетаман демоқчи эмасман. 12 сентябрь куни ЎФФга янги президент тайинланади. Шундан кейин янги терма жамоа келажаги борасида гаплашиб олинади. Агар ўшанда мени терма жамоага керак эмаслигимни айтишса, шу нарса терма жамоани кучайишига хизмат қилади деб ҳисоблашса кетишга тайёрман. Керак бўлсам, охиригача терма жамоа учун ўйнаб бераман», деган Аҳмедов GOL кўрсатувига берган интервьюсида.

Жаҳон чемпионатига чиқиш учун нима қилиш керак? Уч кун олдин бу саволга «Жанубий Корея дарвозасига биргина гол урилса кифоя» деб жавоб берилган бўларди. Энди эса, жавоб янада мураккаб – миллий чемпионатни яхшилаш, келишилган ўйинларга қарши курашиш, болалар футболини ривожлантириш, федерациянинг ҳар бир ходимини ишдан бўшатиш ва ҳоказо ва ҳоказо... Наҳотки футболимизда сўз бирикмасига айланиб кетган бу оғир вазифаларнинг салмоғи биргина гол билан тенг бўлса? Наҳотки биргина гол уришимиз учун шунча ишни амалга оширишга мажбур булсак?

Умумий жавоблар, катта муаммоларни кўтариш гўёки вазиятга чуқур баҳо берилаётгандек тасаввурни пайдо қилса-да, аслида таҳлил қилишга ҳалақит қилади. Айбдорларни терма жамоанинг, федерациянинг ва ҳатто футбол соҳасининг ташқарисидан қидиришга мажбур қилади, бу аҳволимизда бундан ортиғига ҳам лойиқ эмасдик, деб фикр юритишга ундайди.

Албатта, жавобларнинг барчаси тўғри, ҳар бир муаммо, ҳар бир нотўғри қарор якуний натижага ўз салбий таъсирини ўтказмай қолмайди. Лекин бу муаммолар ҳақида фақат Жанубий Корея билан ўйинининг эртасига эмас, ҳар доим, ҳатто Жанубий Кореяни йирик ҳисобда ютаётган пайтимизда ҳам гапиравериш керак. Муаммо борми, якуний натижадан қатъи назар, уни ечишга ҳаракат қилиш, у ҳақида гапириш лозим бўлиб қолади. Терма жамоа муваффақиятсизликка учраганда эса, айнан терма жамоа, унинг раҳбарлари ва мураббийлари, футболчилари мунозаралар марказида бўлиши шарт.

Қизиқ-да, айб Бабаянда эмас, бошқа му ... Читать дальше »

Rossiya prezidenti Vladimir Putin shaxsan Samarqandga tashrif buyurib, O‘zbekistonga tashrifi chog‘ida mamlakatimiz rahbari Shavkat Mirziyoyevni O‘zbekiston milliy terma jamoasi kelgusi yilda Rossiyada bo‘lib o‘tadigan jahon chempionatiga o‘z tarixida ilk bor to‘g‘ridan-to‘g‘ri JChga chiqqani bilan tabriklashni niyat qilib qo‘ygan edi.

Ammo kecha Samvel Babayanning taktikasi asosida qurilgan "Bunyodkor" stadionidagi nursiz o‘yin bu umidlarni puchga chiqardi va Rossiya rahbari bugun Vladivostok shahrida Janubiy Koreya prezidenti Chje Inni ushbu mamlakat terma jamoasi Rossiyadagi mundialda ishtirok etish huquqini qo‘lga kiritgani bilan qutladi.

Uning aytishicha, Rossiya janubiy koreyalik futbolchilarni 2018 yildagi mundialda kutib qoladi.

«Men koreyalik do‘stlarimizni Janubiy Koreya terma jamoasi 2018 yilda Rossiyada bo‘lib o‘tadigan jahon chempionatida ishtirok etish huquqini qo‘lga kiritgani bilan qutlamoqchiman, sizlarning termangizni kutib qolamiz", - dedi Putin.

Manba: 1news.uz

Ўзбекистон Футбол Федерацияси Самвел Бабаян миллий терма жамоа бош мураббийлиги вазифасидан озод этилгани ҳақида маълум қилди.

«Самвел Бабаян ва унинг штаби жаҳон чемпионатига чиқиш вазифасини уддалай олмади. Шу муносабат билан Ўзбекистон миллий терма жамоасининг мураббийлар штаби бутунлай тарқатиб юборилади. Миллий терма жамоанинг кейинги тақдири ҳақидаги янги маълумот навбатдаги баёнот орқали оммага эълон қилинади.

Ўзбекистон Футбол Федерацияси жаҳон чемпионати йўлланмасини қўлга киритган Эрон ва Корея терма жамоаларини табриклайди ва уларга кейинги ўйинларда омад тилайди.

Фурсатдан фойдаланиб, Ўзбекистон Футбол Федерацияси жаҳон чемпионати саралаши давомида тўхтовсиз равишда қўллаб-қувватлаганлиги ва миллий терма жамоага доимий равишда далда бериб тургани учун миллий терма жамоамиз мухлисларига чексиз миннатдорчилик изҳор қилади», дейилган ЎФФ сайти хабарида.