Krishtianu Ronaldu 5 avgust kuni «Real» bazasida mashg'ulotlarni boshladi. Bu haqda Madrid klubi saytida ma`lum qilingan.

Ronaldu Rossiyada o'tgan Konfederatsiyalar kubogidagi ishtirokidan keyin ta`til olgan va 5 avgustda klubga qaytgan.

32 yoshli futbolchi mashg'ulotning birinchi yarmini jamoa bilan yakunlagan, so'ngra individual dastur bo'yicha ishlagan.

8 avgustda Zayniddin Zidan shogirdlari UYeFA Superkubogi uchun «Manchester Yunayted» futbolchilari bilan bahslashadi. Uchrashuv Makedoniya poytaxti Skopedagi «Makedoniyalik Filipp II milliy stadioni»da bo'lib o'tadi. O'yin Toshkent vaqti bilan soat 23:45da boshlanadi.

«Mash`al» klubi o'z tarkibiga bir qator yangi futbolchilarni qo'shib oldi. Muborakliklar ikkinchi davra oldidan 4 o'yinchi bilan shartnoma imzoladi. Bu haqda klub rasmiy sayti xabar tarqatdi.

Birinchi navbatda jamoa Yaponiyadan 27 yoshli hujumchi Muramatsu Tomoki bilan shartnoma imzolandi. Tomoki O'zbekistonda to'p surayotgan navbatdagi yaponiyalik futbolchi bo'ladi.

Bundan tashqari muborakliklar «Neftchi»dan 23 yoshli yarimhimoyachi Nikita Pavlenko, «Tsementchi»dan 28 yoshda yarimhimoyachi Umidjon Matmusayev, va yana bir tajribali himoyachi Botir Qorayev bilan ham shartnoma imzolagan.

Yangi futbolchilarning tanishtiruv marosimi jamoaning uy uchrashuvi ya`ni, 19 avgust kuni bo'lib o'tadigan «Mash`al» – «Sho'rtan» bahsi oldidan o'tkaziladi.

«PSJ»ning yangi futbolchisi sifatida tanishtirilgan Neymar matbuot anjumani vaqtida «Barselona»dan ketishi omillari haqida gapirdi.

«Men juda xursandman. Yangi chaqiruv uchun rahmat. Parij – ajoyib shahar. Hissiyotlarimni so'z bilan ifodalashga ojizman.

Men kattaroq narsa istagandim. Menga yangi chaqiriq kerak edi va yuragim meni shu yerga kelishga undadi.

Men Parijga shuning uchun keldimki, meni bu yerda yangi chaqiriqlar kutayotgandi. Men o'zimni «Barselona»da yulduz sifatida his qilmayotganim uchun ketmadim. U yerda hammasi ajoyib edi. Lekin yuragim menga«PSJ» safiga o'tish vaqti kelganini aytdi. Bu mening hayotimdagi eng qiyin qarorlardan biri bo'ldi.

«Barselona» – katta klub. U yerda ko'plab do'stlarim qoldi. Ammo bu futbol. Sobiq jamoadoshlarimga minnatdorchilik bildiraman, ular mening qarorimni to'g'ri qabul qilishdi», — degan Neymar.

"Real" yetakchisi Krishtianu Ronaldu Ispaniya soliq qonunlarini buzmaganligini aytdi.

"2014-yilda men soliqlarni to'laganman. Ammo bu borada ko'p narsani tushunmayman. Shuning uchun ham maslahatchilarim bor. Ular esa hech qanday muammo yo'q deb aytmoqda. Men ularga ishonaman.
Men eng yaxshi maslahatchilar xizmatidan foydalanaman, ularga ko'p pul to'layman. Ular esa o'z ishini puxta bajaradi.

Jorje Mendesh ham o'z ishining ustasi. U futbolchilarga eng yaxshi shartnomalarni tuzishda yordamlashadi. Bundan tashqari, u farzandlarimni ham cho'qintirgan otasidir. Unga hammadan ko'p ishonaman" - dedi Ronaldu A Bola xabarida.

Eslatib o'tamiz, avvalroq Ispaniya prokuraturasi uni 14,7 mln yevro miqdoridagi soliqlarni yashirganlikda ayblagan edi.

Endilikda «PSJ» hujumchisi bo'lgan Neymar yangi jamoaga o'tish bilan birga dunyoning eng qimmat futbolchisi rekordini yangiladi.

Kataloniyaliklar rasmiy saytiga ko'ra, Neymarning vakillari klubga shartnomani bir tomonlama bekor qilish uchun yetarli bo'lgan 222 mln yevro miqdorida mablag'ni to'lab berishgan va natijada futbol tarixidagi yangi rekordni yuzaga keltirishgan.

Neymarga qadar Pol Pogba dunyoning eng qimmat futbolchisi bo'lib turgandi. O'tgan yili u «Yuventus»dan 105 mln. yevro evaziga «Manchester Yunayted»ga yo'l olgandi.

Dunyoning eng qimmat futbolchilar. TOP-5.

1. Neymar — 222 mln yevro («Barselona» — erkin agentlik huquqi sotib olinib — «PSJ»ga);
2. Pol Pogba — 105 mln yevro («Yuventus» — «Manchester Yunayted»);
3. Garet Beyl — 101 mln yevro («Tottenhem» — «Real»);
4. Krishtianu Ronaldu — 94 mln yevro («Manchester Yunayted» — «Real»);
5. Gonsalo Iguain — 90 mln yevro («Napoli» — «Yuventus»).

Бокс бўйича оғир вазн тоифасидаги собиқ жаҳон чемпиони Владимир Кличко спорт фаолиятини якунлашига туртки берган сабаблар ҳақида тўхталиб ўтди.

«Мен якуний ва аниқ қарорни қабул қилиш учун атайин бир неча ҳафта кутдим. Бу у тўғри эканлигига ишонч ҳосил қилишда қўл келиши керак эди. «Уэмбли»даги жангдан сўнг анча вақт ўтиши керак эди. Ҳаваскор боксчилик, кейин эса профессионал даражадаги пайтларимда нимани орзу қилиш мумкин бўлса, барчасига эришдим, ҳамда энди иккинчи, спортга алоқаси бўлмаган фаолиятни бошламоқчиман. Биласизми, мен боксда шундай узун ва жуда муваффақиятли йўлни босиб ўтишимга ҳеч ким ишонмаганди. Мени қўллаб-қувватлаган барчага раҳмат. Биринчи навбатда бу менинг оилам, жамоам ва кўплаб мухлисларимга тегишли», - дея унинг сўзларини келтиради BoxingScene.

Эслатиб ўтамиз, 1996 йилда Владимир Кличко Олимпия ўйинлари ғолибига айланганди.

Аввалроқ эса Владимир Кличко фаолиятини якунлагани ҳақида хабар берилди.

Madridning “Atletiko” jamoasi Myunxen shahrida o`tkazilgan Audi Cup norasmiy turniri g`olibiga aylandi.

Diego Simeone jamoasi final o`yinida “Liverpul” futbolchilariga qarshi bahs olib bordi. Asosiy vaqtda 1:1 hisobi qayd etildi.

Penaltilar seriyasida esa omad madridliklarga kulib boqdi. Natijada “Atletiko” mavsum oldida norasmiy bo`lsa-da, sovrin yutib oldi.

Atletiko (Ispaniya) – Liverpul (Angliya) 1:1 (1:0, 0:1)

Gollar: 1:0 – 33 Bare, 1:1 – 83 Firmino.

Penaltilar seriyasi – 5:4.

Atletiko – Moyya, Vrsalko (Xuanfran, 73), Ximenes, Gonsales, Lyuka Ernandes, Fernandes (Gabi, 59), Parti (Savich, 73), Kranevitter, Korrea,Bare (Grizmann, 59), Vetto (Torres, 74).

Liverpul – Uord, Klavan, Flanagan (Matip, 46), Gomes, Milner (Robertson, 46), Lallana (Gruyich, 46), Veynaldum (Edjaria, 64), Djan(Xenderson, 46), Mane (Kent, 47), Solanke (Origi, 64), Vudbern (Firmino, 46).

Ogohlantirishlar: Mane (22), Milner (24), Gomes (45), Gonsales (56), Klavan (65).

Бразилиялик ҳужумчи Неймарнинг Барселонадан кетгани ҳамда ПСЖга ўтгани ҳақида хабар берилмоқда.

Неймарнинг ПСЖ билан тузган шартнома муддати 5 йилга мўлжалланган бўлиб, солиқлардан ташқари ушбу муддат давомида 150 миллион евро ишлаб олади.

Маълумот учун, эртага, 4 август куни Неймар ПСЖ сафига келиб қўшилади. Трансфер баҳоси 222 миллион евро деб белгиланган эди.

Янги мавсумга тайёргарлик кўраётган «Реал» MLS юлдузларига қарши ўртоқлик учрашувини ўтказди. Чикагодаги «Солжер Филд» стадионида бўлиб ўтган ўйинда «қаймоқранглилар» жамоаси пенальтилар сериясида ғолиб чиқди.

Учрашувнинг асосий вақтида ғолиб номи аниқланмади. Баҳснинг 59-дақиқасида «Реал» ҳужумчиси Борха Майораль ҳисобни очган бўлса, баҳснинг асосий вақти тугашига 3 дақиқа қолганида Доминик Дуайер мувозанатни тиклади. Пенальтилар сериясида мадридликларнинг омади келди — 4:2.

MLS юлдузлари – Реал – 1:1 (0:0), пенальтилар бўйича 2:4 .
Голлар: 0:1 – Майораль, 59, 1:1 – Дуайер, 87.
MLS юлдузлари: Ҳоуард (Фрай, 46), Ван Дамм (Грана, 46), Каппельхоф (Паркхерст, 46), Гарза (Бизли, 7; Хеджес, 46), Кака (Маккарти, 46), Брэдли (Валери, 46), Зуси (Акоста, 46), Швайнштайгер (Альмирон, 46), Вилья (Николич, 46), Алтидор (Пьятти, 31; дос Сантос, 62), Жовинко (Дуайер, 46).
«Реал»: Навас (Яньес, 46; Зидан, 72), Серхио Рамос (Вальехо, 46), Начо (Техеро, 72), Эрнандес (Марсело, 61), Хакими (Карвахаль, 61), Кроос (Себальос, 46), Иско (Ковачич, 61), Льоренте (Каземиро, 61), Асенсио (Бензема, 61), Васкес (Оскар Родригес, 72), Майораль (Бэйл, 61).

MLS сафида пенальтидан гол урганлар: Диего Валери, Мигель Альмирон. Гол ура олмаганлар: Доминик Дуайер, Жовани дос Сантос.
«Реал» сафида пенальтидан гол урганлар: Карим Бензема, Гарет Бэйл, Матео Ковачич, Марсело.

Владимир Кличко профессионал боксчилик фаолиятини якунлади. Бу ҳақда Германиядаги Bild нашри хабар тарқатди. Украиналик ушбу боксчи фаолияти давомида 69 жанг ўтказди, 64 жангда ғалаба қозониб (53 нокаут), 5 жангда мағлубиятга учради.

Манба маълумотига кўра, Кличко британиялик Энтони Жошуага қарши реванш ўтказишга рози бўлмаган. Ушбу жанг шу йил ноябрида Лас-Вегасда бўлиши кутилганди.

Апрель ойида Кличко Жошуага қарши рингга кўтарилиб, техник нокаутга учраганди.

Ўзбекистон кубоги ярим финалидан ўрин олган иккинчи жуфтликда Тошкентнинг «Локомотив» клуби Қаршининг «Насаф»ини қабул қилди.

Учрашувнинг 15-дақиқасида Марат Бикмаев жарима зарбасидан аниқ тарзда амалга ошириб, ҳисобни очган бўлса, 46-дақиқада Мурод Бобожонов орадаги фарқни яна биттага оширди. 87-дақиқа келиб Бикмаев дубль қайд этиб, ҳисобни йирик кўринишга келтирган бўлса, асосий вақтга қўшиб берилган дақиқаларда Драган Черан меҳмонларнинг ўйиндаги ягона голига муаллифлик қилди ва «Насаф»ни йирик ҳисобдаги мағлубиятдан қутқариб қолди. Шунингдек бу гол қаршиликларга жавоб учрашуви олдидан кичик бўлсада имкониятини сақлаб қолишига ёрдам берди.

Эслатиб ўтамиз, кеча ярим финалнинг дастлабки жуфтлигида «Бунёдкор» ва «Динамо» Тошкентда синашган ва унда ҳисоб очилмай қолганди.

Ўзбекистон кубоги, 1/2 финал
Дастлабки учрашув

«Локомотив»–«Насаф»-3:1 (1:0)

Голлар: Марат Бикмаев (15, 87), Мурод Бобожонов (46) - Драган Черан (90+1).

«Локомотив»: Игнатий Нестеров, Ислом Тўхтахўжаев, Муҳаммад Коне, Икром Алибоев, Мурод Бобожонов (Жалолиддин Машарипов, 61) Шерзод Файзиев (Олег Зотеев, 88), Кахи Махарадзе, Марат Бикмаев, Шуҳрат Муҳаммадиев, Сардор Мирзаев, Садриддин Абдуллаев (Тимур Кападзе, 62).

«Насаф»: Санжар Қувватов, Акмал Шораҳмедов, Азизжон Ғаниев, Одилжон Ҳамробеков, Баҳром Абдураҳимов, Игорь Голбан (Дилшод Раҳматуллаев, 83), Фаррух Сайфиев, Дониёр Нарзуллаев, Драган Черан, Жасур Ҳасанов ... Читать дальше »

«Барселона» ҳужумчиси Неймар «ПСЖ» билан тузадиган шахсий шартнома шартлари бўйича келишувга эришди. Бу ҳақда Sky Sports нашри хабар тарқатди.

Манба берган хабарга кўра, парижликлар Бразилия терма жамоаси футболчиси билан 5 йилга мўлжалланган шартнома тузади. Неймарнинг ойлиги барча солиқларни чиқариб ташлаганда 575 минг евродан бироз кўпроқ (роппа роса 30 миллион евро йиллик) бўлади.

Умуман олганда Неймарнинг «Пари Сен-Жермен»га ўтиши учун жамоа жами бўлиб 500 миллион евро маблағ сарфлайди. Бу сумма футболчининг товон пули, солиқлар, унинг ойлиги, агентлар учун тўланадиган бонуслар ва бошқа тўловларни ўз ичига олади.

Бразилиялик футболчи мавсумолди тайёргарлигидан бироз олдинроқ «Барселона»ни тарк этишга қарор қилиб қўйганди.

Эслатиб ўтамиз, олдинроқ «ПСЖ» футболчи учун тўланадиган 222 миллион евро товон пулини молиявий фейр-плейни четлаб ўтиш мақсадида клуб хўжайинига тегишли Қатардаги фонд орқали тўлашни режалаштирмоқда. Шунингдек, қатарликлар Неймарни ЖЧ-2022 элчиси қилиб, унга ўз шартномасини сотиб олиши учун катта пул бериши мумкинлиги ҳам ошкор бўлганди.

«Барселона» ҳужумчиси Лионель Месси Инстаграмдаги саҳифасида Неймар билан таъсирчан хайрлашди.

Бразилиялик футболчи тез орада «ПСЖ» аъзосига айланиши кутилмоқда.

«Дўстим, шунча йиллар давомида сен билан бирга тўп суриш ёқимли эди. Фаолиятингнинг янги босқичида сенга омад тилайман» - деб ёзган Месси.

Эслатиб ўтамиз, 25 ёшли ҳужумчи «Барселона» таркибига 2013 йилда қўшилган эди. У жами 186 ўйинда майдонга тушиб, 105та гол урган ва 80та голга ҳаммуаллифлик қилган.

International champions cup мусобақасининг АҚШда давом этаётган гуруҳида яна бир марказий учрашув бўлиб ўтди. Унда «Манчестер Сити» Мадриднинг «Реал» клубига қарши майдонга чиқиб, рақибни аяб ўтирмади.

Биринчи бўлимда иккала жамоада ҳам яхши имкониятлар бўлган бўлишига қарамасдан, ҳисоб очилмай қолганди. Бироқ иккинчи бўлимда Гвардиола жамоаси бутунлай бошқача кайфиятда тушиб келди. Аввалига Николас Отаменди бурчак тўпидан сўнг юзага келган вазиятдан унумли фойдаланиб ҳисобни очган бўлса, 59-дақиқада Раҳим Стерлинг Уокер-де Брюйне-Стерлинг суперкомбинациясини муваффақиятли якунлаб қўйди. 67-дақиқада яна Кевин де Брюйненинг тўп узатишидан сўнг, бу сафар Жон Стоунз мадридликлар дарвозасини аниқ нишонга олди.

Иккинчи бўлимнинг сўнгги қисмида иккала жамоада ҳам асосан ёшлар ҳаракат қилишди ва бу вақтда «Сити» ёшлари фаолроқ бўлишди. 81-дақиқада Патрик Робертс билан комбинацияни амалга оширган «шаҳарликлар» келажаги Браҳим Диас узоқ масофадан Кико Касильяни ожиз қолдирди. «Реал» футболчилари сўнгги дақиқада Оскар Родригеснинг чиройли голи билан бир марта жавоб қайтара олишди. Натижада ўйин 4:1 ҳисобида Гвардиола шогирдлари ғалабаси билан тугади.

International champions cup
АҚШ, Лос-Анжелес

Манчестер Сити (Англия) – Реал Мадрид (Испания) 4:1 (0:0)
Голлар: Отаменди (52), Стерлинг (59), Стоунз (67), Браҳим Диас (81) – Оскар Родригес (90).

Манчестер Сити: Эдерсон (Гримшоу, 80), Уокер (Дьюэйни, 70), Компани ... Читать дальше »

International Champions Cup турнири доирасида «Барселона» ва «Манчестер Юнайтед» жамоалари ўртасидаги ўйин бўлиб ўтди. Эрнесто Вальверде шогирдлари ушбу баҳсда кичик ҳисобда ғалаба қозонишди.

Ўйиннинг 31-дақиқасида Неймар урган гол «Барселона»га ғалаба келтирди. Ушбу ғалабадан кейин каталонияликлар Халқаро чемпионлар кубогининг АҚШда ўтаётган гуруҳида пешқадам бўлиб олишган. Жозе Моуриньо шогирдлари эса Шимолий Америка бўйлаб ўтказаётган турнесида илк марта мағлубият аламини тотиб кўришди.

30 июль куни «қизил иблислар» «Волеренга» билан ўйнайди, каталонияликлар эса шу куни «Реал» билан учрашади.

International Champions Cup
«Барселона» – «Манчестер Юнайтед» 1:0 (1:0)
Гол: 1:0 – 31 Неймар.
«Барселона» – Силлессен, Умтити (Вермален, 46), Альба (Динь, 46), Нелсон Семеду (Алеиш Видаль, 46), Бускетс (Серджи Роберто, 46; Сержи Сампер, 85), Ракитич (Денис Суарес, 46), Маскерано (Пике, 46), Аленья (Иньеста, 46), Неймар (Мунир, 46), Месси (Туран, 46), Суарес (Пако Алькасер, 46).
«Манчестер Юнайтед» – Де Хеа (Ромеро, 46), Смоллинг (Жонс, 46), Линделеф (Байи, 46), Блинд (Дармиан, 46), Валенсия (Туанзебе, 84), Погба, Кэррик (Феллайни, 46), Лингард (Марсьяль, 62), Мхитарян (Перейра, 62), Рэшфорд, Лукаку.
Огоҳлантириш: Феллайни (83).