«ПСЖ» клуби «Барселона»нинг бразилиялик ҳужумчиси Неймардан клубнинг таклифига якуний жавобни айтишини талаб қилиб чиқди. Бу ҳақда L’Équipe нашри хабар тарқатди.

Манба берган хабарга кўра, парижликлар футболчининг олдига аниқ битта шарт қўйган. Унга кўра, футболчи келгуси ҳафтанинг сўнггига қадар келгуси мавсумда қайси жамоада тўп суришга қарор қилганини аниқ айтиши керак бўлади.

Августнинг бошида «ПСЖ» ва «Барселона», АҚШдаги мавсумолди тайёргарлигини якунлаб ортга қайтиб келади. Ўша вақтгача Неймар келажаги борасида бир тўхтамга келиши керак.

Эслатиб ўтамиз, агар Неймар «ПСЖ»га ўтадиган бўлса, у дунёнинг энг қиммат футболчисига айланади. Француз клуби унинг шартномасида кўрсатилган товон пули 222 млн еврони активлаштирган ҳолда сотиб олишни кўзламоқда.

«Ростов» ҳужумчиси Элдор Шомуродов «Бунёдкор» клубидан сўрамасдан туриб Россия клуби билан шартнома имзолаган. Бу ҳақда тошкентликлар бош директори Мурод Алиев маълум қилган.

«Элдор Шомуродов биз билан маслаҳатлашмасдан «Ростов» билан шартнома имзолаб бўлган экан. Бизга «Ростов» унинг трансфери бўйича алоқага чиққанида Шомуродов аллақачон шартномага қўл қўйиб бўлганини айтишди», - дея Алиевдан иқтибос келтиради Offsayd.Uz.

Эслатиб ўтамиз, шу ойда Ўзбекистон терма жамоасига номзод бўлган Шомуродов «Ростов» клубига кўчиб ўтган эди.

Англиянинг «Манчестер Сити» клуби «Монако» ҳужумчиси Килиан Мбаппени сотиб олиш мақсадида расмий таклиф билан чиқди. Бу ҳақда Goal.com интернет-нашри хабар тарқатди.

Манба берган хабарга кўра, «Сити» вакиллари футболчи учун салкам 143 миллион фунт стерлинг (160 млн. евро) таклиф қилишган. Сўнгги 24 соат мобайнида жамоа айнан мана шу трансфер бўйича музокараларга жиддий киришган ва эндиликда клуб вице-президенти Вадим Васильевнинг жавобини кутишмоқда.

Хосеп Гвардиола ҳужумчи билан шахсан ўзи гаплашиб олган ва уни «Манчестер Сити»га кўчиб ўтишга кўндиришга уриниб кўрган.

«Манчестер Сити» шунингдек, Мбаппе учун асосий даъвогар бўлиб турган «Реал»нинг молиявий имконияти уни тўғридан-тўғри сотиб олишга етмаслигидан умид қилмоқда. Олдинроқ тарқалган хабарга кўра, «Реал» Мбаппени сотиб олиш учун камида Гарет Бэйлни бошқа жамоага сотиши керак бўлади.

«Барселона» «Ливерпуль» ярим ҳимоячиси Филиппе Коутиньо билан келишувга эришди. RAC1’нинг хабар беришича, ўйинчи Каталония клубига ўтишга розилик берган. «Барселоне» футболчининг трансфери ҳақида «Ливерпуль» билан бир қарорга келиши қолган холос.

Таъкидланишича, «Ливерпуль» Коутиньони қўйиб юборишга тайёр, бироқ футболчининг трансфери учун камида 100 млн. евро таклиф этишлари лозим бўлади. Аввалроқ ОАВ қизиллар ўйинчини кўк-анорранглиларга 80 млн евро эвазига бериб юбориш бўйича таклифни рад этишгани ҳақида хабарлар пайдо бўлди.

Коутиньо Англия чемпионатининг аввалги мавсумида 31 та учрашув ўтказиб, 13 та гол урди ва 7 та голли узатмага муаллифлик қилди.

Мадриднинг «Реал» клуби «Монако» билан ҳужум Килиан Мбаппе трансфери бўйича келишувга эришди. Бу ҳақда Marca нашри хабар тарқатди.

Манба берган хабарга кўра, мадридликлар футболчи учун 160 миллион евро пул тўлайди. Шунингдек яна 20 миллион еврони «Монако» қўшимча бонус сифатида қўлга киритади.

Бошқа манбаларда «Реал» футболчи учун 150 миллион евро ва қўшимча 30 миллион бонус бериши хабар қилинган.

Бу трансфер орқали Мбаппе дунёнинг энг қиммат футболчисига айланиши мумкин. Ҳозирги рекорд франциялик бошқа бир футболчи Поль Погбага тегишли бўлиб, «Ювентус» уни «Манчестер Юнайтед»га 105 (бонуслар билан 110) миллион еврога пуллаганди.

«Реал» ва «Монако» трансферлар шартлари бўйича барча ҳужжатларни келишиб олгач, Мбаппе Мадрид клуби билан олти йиллик шартномага имзо чекади. Унинг йиллик маоши 7 миллион еврони ташкил қилади. Бу суммани футболчи барча солиқларни чиқариб ташлаганда қўлга киритади. Томонлар трансфер бўйича барча расмиятчиликларни яқин кунларда тугатишни режалаштирган.

«Реал» ярим ҳимоячиси Карлос Касемиро Бразилия терма жамоасидаги сафдоши, «Барселона» ҳужумчиси Неймар «ПСЖ»га ўтиши мумкинлиги ҳақидаги хабарларга муносабат билдирди. Касемиро ҳазил оҳангида Неймар «Реал»га ҳам келиши мумкинлиги ҳақида гапирган.

«Барчаси Неймарнинг ўзига боғлиқ, у нега „Реал“га ўтмаслиги мумкин? Биз уни жуда яхши кутиб олган бўлардик», — дея Касемиронинг сўзларини келтирган Goal.

«Неймар — зўр футболчи, мен унинг ўйинидан ҳайратга тушаман. У нима қилишни билади, уни доим қўллаб-қувватлашади. Унинг отаси — ажойиб инсон. Агар у „Барселона“дан кетса, мен у қаерда бўлмасин, омад тилайман. Неймар Бразилия учун жуда муҳим», — дея давом этган Касемиро.

Мадриднинг "Реал" жамоаси бош мураббийи Зинедин Зидан "Манчестер Юнайтед"га қарши (1:1, пен.серияси 1:2) ўйиндан кейин бир қатор масалалар бўйича ўз фикрларини айтиб ўтди.

“Ўйиндан кўнглим тўлди. Жуда яхши даражада ўйнадик. Муҳими, ўйинда ҳеч ким жароҳатланмади. Мен раҳбариятдан марказий ҳужумчини сотиб олмасликни сўрадим. Бу ҳақида журналистлар билишади. Жамоа таркибида 28 нафар футболчи бор.

Машғулотларда катта меҳнат қилиняпти. Ҳар бир футболчининг ҳаракатларидан қониқяпман. Рамос ҳам деярли тайёр. Яқин кунларда Рамос машғулотларга қайтади. Пенальтилар серияси яхши ўтмади. Чунки кўпчилик нуқтадан адашди. Муҳими ўйинни жароҳатларсиз ва яхши ўтказдик”, – деди франциялик мутахассис.

2016 йил 4 декабрь куни юртимизда бўлиб ўтган умумхалқ сайловида Ўзбекистон Республикаси Президенти этиб сайланган Шавкат Миромонович Мирзиёев бугун 60 ёшни қаршилади.

У 1957 йилнинг 24 июлида Жиззах вилоятининг Зомин туманида, шифокор оиласида туғилган. 1981 йили Тошкент ирригация ва қишлоқ хўжалигини механизациялаш муҳандислари институтини тугатган. Муҳандис-механик мутахассислигига эга. Техника фанлари номзоди, доцент.

Меҳнат фаолиятини 1981 йилда Тошкент ирригация ва қишлоқ хўжалигини механизациялаш муҳандислари институтида бошлаб, кичик илмий ходим, катта ўқитувчи, доцент, ўқув ишлари бўйича проректор лавозимларида ишлади.

1990 йили Республика Олий Совети депутатлигига сайланиб, бир вақтнинг ўзида Мандат комиссиясининг раиси сифатида ҳам фаолият кўрсатди.

1992 йилда Тошкент шаҳрининг Мирзо Улуғбек тумани ҳокими лавозимига тайинланди. 1996–2001 йилларда Жиззах вилояти, 2001–2003 йиллар мобайнида Самарқанд вилояти ҳокими лавозимларида ишлаб, мазкур туман ва вилоятларни ижтимоий-иқтисодий жиҳатдан ривожлантиришга катта ҳисса қўшди.

Ижро ҳокимиятидаги фаолияти билан бир пайтда 1995–2003 йилларда Ўзбекистон Республикаси Олий Мажлисининг депутати сифатида ҳам мамлакатни сиёсий, ижтимоий-иқтисодий ривожлантириш ҳамда демократик ислоҳотларни амалга ошириш борасидаги муҳим қонун ҳужжатларини ишлаб чиқиш ва қабул қилиш жараёнида фаол иштирок этиб, самарали фаолият олиб борди.

Ш.Мирзиёев 2003 йилда Ўзбеки ... Читать дальше »

«Барселона» ҳужумчиси Неймар Испания фуқаролигини олади.

Mundo Deportivo маълумотига кўра, сентябрь ойида 25 ёшли ушбу бразилиялик футболчи Испания конституциясига қасамёд қилади ва Испания паспортига эга бўлади.

Бразилия ва Испания ўртасидаги келишувга кўра, Испания ҳудудида камида 2,5 йил яшаган бразилиялик Испанияда фуқаролиги олиши мумкин бўлади.

Неймар каталонлар клубига 2013 йили «Сантос» сафидан келиб қўшилганди.

«Барселона» ҳужумчиси Неймар «ПСЖ»га ўтиши ойдинлашмоқда. Бу ҳақда Испаниядаги Sport нашри хабар тарқатди.

Бироз аввалроқ футболчининг отаси каталонияликлар клуби раҳбарияти вакиллари билан учрашганди. У ўз ўғлига Париж клубидан таклиф борлигини тасдиқлаган, ўғлининг қарори молиявий шартларга боғлиқ эканини маълум қилганди.

«Барселона» футболчисини 222 млн евродан камига сотмаслигини маълум қилган, унинг шартномасида айнан шунча пул бадал пули сифатида белгиланган.

Бундан ташқари, футболчининг отасига улар Неймар қолса ҳам унинг маошини кўтариб бера олмасликларини маълум қилишган.

Неймар билан шартнома янгиланиб, шартнома муддати 2021 йилгача узайтирилганида, йиллик маош миқдори 25 млн евро этиб белгиланганди.

Бу вақтда 25 ёшли бразилиялик футболчини 222 млн еврога сотиб олишга тайёр турган парижликлар клуби унга йилига 30 миллион евро маош тўлашни назарда тутувчи 6 йиллик шартнома таклиф этмоқда.

23 июль куни Неймар жамоадошлари Лионель Месси ва Луис Суарес билан суҳбатдан кейин клубда қолишга қарор қилгани ҳақида хабарлар тарқалди. Аммо у ўз қариндошлари билан суҳбатдан кейин яна қарорини ўзгартирган.

Мозийга қайтиб иш кўрмоқлик хайрлидир, деб бошлаганди Абдулла Қодирий «Ўткан кунлар» романининг муқаддимасини. Айни пайтда футболимизда шундай жараён кечяптики, бу ҳолатда тарихимизнинг нисбатан узоқроқ бўлган даврини эсга олишимиз ўринли бўлмоқда. Негаки, ЎФФнинг ҳозирги хотиржамлиги бундан қарийб 8 аср муқаддам Муҳаммад Хоразмшоҳнинг йўл қўйган хатоларини эслатмоқда.

Осиёда икки қудратли давлат Хоразмшоҳлар ва Чингизхон бошчилигидаги мўғуллар империяси ўртасида жанг бўлиши муқаррар эди. Аслида хоразмшоҳлар подшоҳининг қўшини сон жиҳатидан рақибдан кўпроқ, салоҳиятда қудратлироқ эди. Аммо айрим субъектив принциплар сабабли султон мўғулларга қарши жангга хато стратегия танлайди. Жанг арафасида ўтказилган кенгашда буюк қўмондон Жалолиддин Мангуберди ва айрим саркардаларнинг душманни мамлакат ташқарисида қарши олиб, жанг қилиш таклифини рад этган Хоразмшоҳ онаси Туркон Хотиннинг сўзига кириб, «ҳар ким ўзини ҳимоя қилсин» қабилида қўшинни бўлиб ташлаган ҳолда мудофага тайёргарлик кўриш ҳақида фармон беради. Мўғуллар бўлинган кучларни бирин-кетин янчиб, шаҳару-қишлоқларни вайрон қилади, бегуноҳ одамларнинг ёстиғини қуритади. Ўзига «Искандари соний» номини берган Султон Хоразмшоҳ қўрққанидан мамлакатни ташлаб қочади. Тахт эса аслида бунга нолойиқ бўлган шаҳзода Ўзлакшоҳга қолади. Якуни нима билан тугаганини тарих дарсларидан яхши биласиз.

Вақт тинмасдан югургиламоқда. 31 август тобора яқинлашмоқда. Лекин бизнинг тайёргарлигимиз мундиалга чиқиш истагида ён ... Читать дальше »

«Манчестер Юнайтед» Халқаро чемпионлар кубоги учрашувида Мадриднинг «Реал» клубини пенальтилар сериясида мағлубиятга учратди. Беллашув Калифорниядаги «Левайс» стадионида бўлиб ўтди.

Учрашувнинг асосий вақти дуранг – 1:1 ҳисоби билан якунланди. «МЮ» биринчи бўлим охирларида Жесси Лингарднинг голи эвазига ҳисобда олдинга чиқиб олди, 69-дақиқада эса Касемиро пенальтини аниқ амалга оширди ва мувозанатни тиклади. Бироқ, 11 метрлик зарбалар сериясида айнан Карлос ҳал қилувчи хатога йўл қўйди.

Реал Мадрид – Манчестер Юнайтед 1:1 (0:1, 1:0, 0:0, 0:0), пенальтилар бўйича - 1:2
Голлар: 0:1 – 45 Лингард, 1:1 – 69, Каземиро пенальти.

«Реал» – Навас (Касилья, 46), Варан (Кесада, 46), Марсело (Техеро, 46), Карвахаль (Ҳакими, 46), Начо (Ману, 46), Иско (Оскар Родригес, 46), Кроос (Каземиро, 46), Васкес (Тео, 46), Модрич (Ковачич, 46), Бэйл (Фойласье, 46), Бензема (Дани Гомес, 46).

«Манчестер Юнайтед» – Ромеро (Де Хеа, 46), Жонс (Смоллинг, 46), Байи (Линделеф, 46), Дармиан (Валенсия, 77), Лингард (Погба, 46), Фосу-Менса (Блинд, 46), Феллайни, Кэррик (Мхитарян, 46), Перейра (Эррера, 46; Мактомини, 52), Марсьяль, Рэшфорд (Лукаку, 46).
Пенальтилар серияси: 1:0, 1:1, 1:2.
Огоҳлантириш: Оскар Родригес (85).

«Barselona» hujumchisi Neymar «PSJ» bilan shaxsiy shartnoma borasida kelishuvga erishgan.

Marca nashri tarqatgan xabarga ko'ra, futbolchining otasi parijliklar jamoasi sport direktori Antero Enrike hamda boshqaruv kengashi raisi Sofi Jordan bilan uchrashib, shartnomaning oxirgi bandlarini muhokama qilib olgan.

Ushbu transfer «PSJ»ga 400 mln yevroga tushadi. Klub Neymarning transferi uchun 222 mln yevro to'laydi, futbolchining o'zi esa 6 yillik shartnoma imzolab, jami 180 mln yevro ishlab oladi.

O'tgan haftada Neymar jamoasini o'zgartirmoqchi ekani, bu uning kataloniyaliklar jamoasida «Messi soyasida qolib ketayotgani» bilan izohlani haqida xabarlar tarqaldi.

«Barselona» o'z yetakchisini saqlab qolishni istamoqda, ammo oxirgi xabarlarga ko'ra, tomonlarning muzokaralari muvaffaqiyatsizlikka uchragan.

Neymar «Barselona» tarkibida 2013 yildan buyon o'ynamoqda. U jami 186 o'yinda maydonga tushib, 105ta gol urgan va 80ta golga hammualliflik qilgan.

Real» hujumchisi Krishtianu Ronaldu «Barselona» hujumchisi Neymarga «PSJ» o'tmaslikni maslahat qildi.

Football Espana nashri xabariga ko'ra, Ronaldu WhatsApp orqali Neymar bilan gaplashgan va unga «Kamp Nou»da qolishni, faoliyatida orqaga qadam tashlamaslikni maslahat bergan. Qo'shimcha qilinishicha, portugaliyalik futbolchi raqib jamoa yetakchisiga «Manchester Yunayted»dan taklif kelishini kutishni tavsiya etgan.

Ma`lumki, bu ikki ashaddiy raqib jamoaning ikki futbolchisi o'zaro do'stona munosabatlarga ega hisoblanadi.

O'tgan haftada Neymar jamoasini o'zgartirmoqchi ekani, bu uning kataloniyaliklar jamoasida «Messi soyasida qolib ketayotgani» bilan izohlani haqida xabarlar tarqaldi.

Parij klubi ushbu futbolchi uchun 222 mln sarflab, unga katta maosh tayinlashga (yiliga 30 mln yevro), shuningdek, transferga rozilik berishi uchun katta miqdorda bonus berishga tayyor.

Argentina chempionatining «San-Migel» va «Defensores Unidos» uchrashuvi bosh hakami futbolchilardan birining hayotini saqlab qoldi, deb yozmoqda Ole.

Futbolchi Isais Olariage raqib futbolchisi bilan to'qnashib ketgan va yerga qulab hushidan ketgan. Buni sezgan hakam Yael Falkon zudlik bilan unga birinchi yordamni ko'rsatgan.

Arbitrning so'zlariga ko'ra, u futbolchining tilini ushlab qolishga uringan. Chunki aynan shu ish uning o'limiga sabab bo'lishi mumkinligini sezgan.

Birinchi yordamdan so'ng futbolchi kasalxonaga yetkazilgan. Shifokorlarning aytishicha, Olariagega hakam ko'rsatgan yordam tufayli uning hayoti saqlab qolingan.