| Меню сайта |
|
 |
| Категории раздела |
|
|
| Наш опрос |
|
|
| Мини-чат |
|
|
|
| Статистика |
Hozirda Saytda: 17 Mehmonlar: 17 Foydalanuvchilar: 0 |
|
|
Главная » 2017 » May » 30 » Ёнғоқ пўчоғи қандли диабетни даволайди..
12:29 Ёнғоқ пўчоғи қандли диабетни даволайди.. |
Маълумки, ёнғоқ меваси ўзининг тўйимлилиги, қувватбахшлиги, шу билан бирга ёд моддасига бойлиги билан машҳур. Ушбу мевани шунингдек, хотираси мустаҳкам бўлишини истаган кишилар ҳам севиб истеъмол қилишади. Аммо ёнғоқ дарахтининг турган-битгани дармондари эканини ҳар ким ҳам билавермайди. Қуйида биз сизга ёнғоқнинг сиз билмаган хусусиятларини ошкор этамиз.
Ёнғоқнинг пўчоғи ҳам кони фойда!
Шиша идиш ёнғоқнинг юпқа пўчоғи билан тўлдирилади ва устига 1/2 л сув қуйиб, 7 кундан 21 кунгача тиндириб қўйилади. Дамлама тайёр бўлгач, 1 стакандан овқатдан олдин ичилади. Бу дамлама қандли диабет, ошқозон-ичак хасталиклари, қалқонсимон бездаги йод етишмаслиги, гипертония ва юрак-қон томирлари касалликларига ҳам даво бўлади.
Агар қонда қанд миқдори ошса, қуйидаги рецепт орқали тайёрланган қайнатма тавсия этилади:
1-усул. 1 стакан майдаланган ёнғоқ барги 1 литр қайноқ сувга солиб қўйилади ва яхши тин олгач, 20-30 дақиқа давомида паст оловда қайнатилади. Тайёр қайнатмани кунига 2 маҳал бир ош қошиқдан қабул қилиш самарали натижа беради.
2-усул. Ёнғоқни майдалаб, гречка ёрмаси ва озроқ ун билан аралаштириб, устига 2 см қалинликда қатиқ қуйиб қўйсангиз, қандли диабетга қарши ажойиб дармондори ҳосил бўлади. Бу дармондорини кун давомида 1 стакандан, овқатдан 30 дақиқа олдин 1 дона қирғичдан ўтказилган олма билан истеъмол қилиш жуда фойдали. Мазкур муолажа 5 ой давом эттирилиши шарт.
Шунингдек, ёнғоқдан шифо топиш мумкин бўлган қуйидаги касалликлар сизни безовта қилса, дарҳол ушбу мўъжизавий мевага мурожаат қилинг:
Ёнғоқнинг ички пўстлоғини қайноқ сувга дамлаб қўйиб, 2-3 ой тиндирилса, шифобахш дармондорига айланади. У гипертоник касалликлар ва атеросклерозга қарши шифобахш восита сифатида тавсия этилади.
Гулдан ажралган ёнғоқ бир ҳафта давомида спиртга бўктириб қўйилса, буқоққа қарши дармондорига айланади. Уни кунига бир маҳал оч қоринга 2 ош қошиқдан ичиш тавсия этилади.
Ушбу дармондорига асал қўшиб ичилса, ошқозон-ичак шамоллашига ҳам даво бўлади.
Ўн икки бармоқли ичаклардаги ярага даво бўлиши учун ажойиб муолажа рецепти мавжуд. Яъни бир стакан қайноқ сувга 5-6 дона хом ёнғоқ солиниб, 1 соатга бостириб қўйилади. Сўнг сув сиздириб олиниб, унга сут аралаштирилади. Доривор сув ва сут аралашмаси кунига 1-2 маҳал 0,5 стакандан қабул қилинса, ўн икки бармоқли ичакдаги ярани даволайди.
|
|
Категория: Sog'liq (Salomatlik Haqida) |
Просмотров: 91 |
Добавил: OtasH
| Рейтинг: 0.0/0 |
|
|
| Вход на сайт |
|
|
|
| Поиск |
|
|
| Календарь |
|
|
| Архив записей |
|
|
|
