Ro‘zadorligi esdan chiqib biror narsa yeb yoki ichib qo‘ysa, ro‘za ochiladimi? Bu savolga “Darakchi.uz” quyidagicha javob berdi.

Ro‘zaning buzilishi bilan bog‘liq quyidagi uch xil holat kuzatiladi: esdan chiqarish, xato oqibatida yoki qasddan.

Ro‘za tutganligi yodida bo‘lmay, yeb-ichib qo‘ygan yoki uni buzadigan amalga qo‘l urgan kishining ro‘zasi buzilmaydi. Ro‘zadorligi esiga tushgandan so‘ng ro‘zani buzuvchi narsani (masalan, yeb-ichishni) davom ettirmasa bo‘ldi. Agar davom ettirsa, ro‘zasi buziladi va qazo lozim bo‘ladi.

Ro‘zador xato qilsa, masalan, tahorat qilayotganda og‘iz chayishda suv tomog‘iga ketib qolsa yoxud quyosh botmagan holda botdi, degan o‘yda ro‘zani ochib qo‘ysa, ro‘zasi buziladi va shu kun qazosini tutmog‘i kerak.

Muomalada bo‘lishi O‘zbekiston Respublikasida cheklangan psixotrop moddalar va prekursorlar ro‘yxatiga kiritilgan giyohvandlik vositalari va psixotrop moddalarning muomalada bo‘lishiga faqat shifokor ko‘rsatmasi bo‘yicha tibbiy maqsadlarda ruxsat etiladi. Bundan tashqari ekspertlik va tezkor-qidiruv faoliyatida ham ulardan foydalanishga ruxsat etiladi, deb yozadi Toshkent shahar bojxona boshqarmasi matbuot xizmati.

Xalqaro pochta Konvensiyasiga asosan, pochta jo‘natmalari orqali psixotrop va narkotik vositalarning yuborilishi qat’iyan taqiqlangan. “Giyohvandlik vositalari va psixotrop moddalar to‘g‘risida” O‘zbekiston Respublikasi Qonunning 17-moddasida giyohvandlik vositalari, psixotrop moddalar va prekursorlarni pochta jo‘natmalarida, shu jumladan xalqaro pochta jo‘natmalarida jo‘natish taqiqlanishi ko‘rsatib o‘tilgan.

Ammo shunga qaramay, pochta jo‘natmalari orqali qonunga xilof ravishda tarkibida psixotrop va narkotik moddalar mavjud bo‘lgan dori vositalarini jo‘natish holatlari ham uchrab turibdi.

Jumladan, Toshkent shahar bojxona boshqarmasining “Boshpochtampt” tashqi iqtisodiy faoliyat bojxona posti xodimlari shu turdagi bir necha bojxona qoidabuzarliklarining oldini oldi.

Poytaxtlik Yu.Venera nomiga xorijdan yuborilgan pochta jo‘natmasi bojxona ko‘rigidan o‘tkazilganda, buyumlar orasida “CN-23” shaklidagi bojxona deklaratsiyasida ko‘rsatilmagan 30 dona Zolpiden Hemitartate nomli psixotrop tabletkasi, 8 turdagi 410 do ... Читать дальше »

Prezident Shavkat Mirziyoyev o‘z Farmoni bilan O‘zbekiston Respublikasida siyosiy boshpana berish tartibi to‘g‘risidagi Nizomni tasdiqladi. Bu haqda davlat rahbarining rasmiy saytida xabar berildi.

Mazkur hujjatda O‘zbekiston Respublikasida siyosiy boshpana berish yuzasidan murojaat qilgan xorijiy fuqarolar va fuqaroligi yo‘qligi shaxslarga oid ma’lumotlar biometrik bazasi shakllantirilishi belgilangan.

Buning uchun Ichki ishlar vazirligiga Moliya vazirligi va Vazirlar Mahkamasi huzuridagi Shaxslashtirish davlat markazi bilan birgalikda 2 oy muddatda tegishli takliflar taqdim etish topshirilgan.

Ma’lumot uchun, O‘zbekiston Konstitutsiyasining 93-moddasi, 22-bandiga ko‘ra, mamlakatda siyosiy boshpana berish masalasi Prezident vakolatiga kiradi. Bunday maqom xalqaro va milliy qonunchilikda huquqbuzarlik sifatida ko‘rilmaydigan harakatlari uchun o‘z yurtida ta’qib etilayotgan shaxslarga taqdim qilinadi.

Manba: daryo.uz

2017-yilning 30-may kuni O‘zbekiston Respublikasi Tashqi ishlar vazirligida Afg‘oniston Islom Respublikasi Prezidentining MDH davlatlari bilan hamkorlikni rivojlantirish bo‘yicha maxsus vakili Muhammad Shokir Korgar bilan uchrashuv bo‘lib o‘tdi, deb xabar berdi vazirlik matbuot xizmati.

Uchrashuvda ikki mamlakat o‘rtasida 2017-yil to‘laqonli hamkorlikni yanada rivojlantirish rejasini (“Yo‘l xaritasi”) amalga oshirish doirasidagi qo‘shma ishlarning borishi batafsil muhokama qilindi.

2017-yilning 24-yanvar kuni Kobul shahrida O‘zbekiston Respublikasi Tashqi ishlar vaziri Abdulaziz Komilov boshchiligidagi hukumat delegatsiyasi Kobul shahriga o‘tkazib, tashrif doirasida qisqa muddat ichida tashqi savdo aylanmasi ko‘rsatkichlarini 1,5 milliard AQSh dollariga yetkazish imkonini beradigan ikki tomonlama savdo-iqtisodiy “Yo‘l xaritasi” bitimi imzolangandi.

Manba: daryo.uz

Toshkent shahrida 30-may kuni videoselektor yig‘ilishi o‘tkazildi. Unda 2017-yilgi Investitsiya dasturiga kiritilgan va O‘zbekiston Respublikasi Prezidenti Shavkat Mirziyoyevning mamlakat hududlariga tashriflari davomida ishlab chiqilgan investitsiya loyihalarini amalga oshirish borasidagi ishlarning holatini tanqidiy tahlil qilish va baholash masalalari ko‘rib chiqildi, deb yozadi O‘zA.

Yig‘ilishda Bosh vazir va uning o‘rinbosarlari, Prezidentning Davlat maslahatchilari, tegishli vazirlik va idoralar, xo‘jalik birlashmalari rahbarlari ishtirok etdi. Shuningdek, videokonferensiya orqali Toshkent va Nukus shaharlari, viloyatlar markazida tashkil etilgan studiyalarda Qoraqalpog‘iston Respublikasi rahbariyati, mahalliy hokimliklar, vazirlik va idoralarning hududiy tuzilmalari, korxonalar rahbarlari, tadbirkor va investorlar qatnashdi.

Yig‘ilishda ayrim tarmoqlar va hududlar rahbarlarida mas’uliyat, talabchanlik va tashabbuskorlik yetishmayotgani, buning oqibatida ko‘pgina investitsiya loyihalarini amalga oshirishda sustkashlikka yo‘l qo‘yilayotgani qattiq tanqid qilindi. Jumladan, shu yilning birinchi yarmida 10 loyiha bo‘yicha obyektlarni ishga tushirish muddatlari asossiz ravishda kechiktirib yuborilgani, 9 loyihani moliyalashtirish bo‘yicha shartnomalar tuzish, 10 loyiha yuzasidan loyiha-smeta hujjatlarini tasdiqlash ishlari paysalga solib kelinayotgani aniq misollar bilan ko‘rsatib o‘tildi. Tarmoqlar rahbarlari va loyihalar tashabbuskorlari oldiga a ... Читать дальше »

Rossiyaning “Shokoladnitsa” qahvaxonalar tarmog‘i O‘zbekiston bozoriga chiqishni rejalashtirmoqda, deb yozadi UzDaily. Bu haqda “Shokoladnitsa”ning mintaqaviy rivojlanish va franchayzing bo‘yicha direktori Maksim Trubnikov ma’lum qildi.

Uning ma’lumotlariga ko‘ra, tarmoq franshiza orqali O‘zbekiston bozorlariga chiqish haqida muzokaralar olib bormoqda. Nashr ta’kidlashicha, “Shokoladnitsa” qahvaxonalar tarmog‘i “Shokoladnitsa”, “Kofe Xauz” va “Vabi-Sabi” tarmoqlarini boshqaradi.

Trubnikov qayd etishicha, kompaniya Gruziya va O‘zbekiston bilan ishlamoqda, Qozog‘istonda brendni ochish bo‘yicha muzokaralar faol bormoqda. U kompaniya O‘zbekistonda kamida beshta “Shokoladnitsa” qahvaxonalarini ochishni rejalashtirayotganini aytdi.

“Yaqin oylar ichida shartnomalar tuzamiz deb o‘ylayman”, — dedi Trubnikov.

Manba: daryo.uz

MDH mamlakatlari, shu jumladan, O‘zbekiston kuch bo‘linmalari jangarilarning chegarani yorib, Tojikistonga bostirib kirishiga qarshi birgalikdagi harakatlarni mashq qiladi, deb yozadi “TASS”. Harbiy mashg‘ulotlar MDHning “Dushanbe-Antiterror-2017” qo‘shma aksilterrorchilik mashqlari doirasida bo‘lib o‘tadi.

Uning yakuniy bosqichi Tojikiston hududida bo‘lib o‘tadi, maxsus xizmatlar Respublika telemarkazidagi garovga olingan kishilarni ozod etish va shartli terrorchilarni xavfsizlantirish bo‘yicha aksilterrorchilik operatsiyasini, shuningdek, chegarani buzib o‘tgan terrorchilik guruhlarini to‘sish va yo‘q qilish bo‘yicha qo‘shinlar operatsiyasini o‘tkazadi.

Ushbu harbiy o‘quv mashg‘ulotlari MDH davlatlarining 2017—2019-yillarda terrorizmga qarshi kurashda hamkorlik qilish dasturiga muvofiq o‘tkazilmoqda. Ularda ishtirok etish uchun Ozarbayjon, Armaniston, Belarus, Qozog‘iston, Qirg‘iziston, Rossiya, Tojikiston va O‘zbekiston delegatsiyalari ham taklif qilingan.

Manba: daryo.uz

Mana, yozgi ta’til ham boshlandi. Tabiiyki, har qanday bola yozgi ta’tilda miriqib dam olishni istaydi. Lekin bu degani butun yoz faslini shunchaki bekor o‘tkazish kerak degani emas-ku!

Ta’til vaqtida ham foydali mashg‘ulotlar bilan shug‘ullanib, Qiziqarli kitoblarni o‘qish, biror bir fandan bilimlarni kuchaytirish yoki bo‘lmasam hozirgi davrning eng muhim talablaridan biri sanalayotgan chet tillaridan birini mukammal o‘rganish mumkin. Agar sizning farzandingiz yozgi ta’tilda ana shunday o‘zini qiziqtirgan biror fanni o‘rganishini xohlasa, sizga bu sohada albatta tajribali o‘qituvchilar kerak bo‘ladi. Bu borada esa biz sizga yangi ochilgan yozgi maktabimizni taklif etamiz!

Bizning maktab sakkiz yoshdan boshlab barcha ilmga chanqoq yoshlarni til va boshqa fanlardan o‘qishga taklif qiladi. Biz taqdim etadigan ingliz tili kurslar:

Bolalar ingliz tilisi (Kids’ English);
Turli darajadagi ingliz tili kurslari (Beginner, Elementary, Intermediate, Advanced levels)
So‘zlashuv Klubi (Speaking Club);
Ingliz Kino Klubi (English Movie Club);
Rus tilidan yozgi intensiv uch oy davomida ko‘cha, transport, kafe, bozor va ishxonada to‘g‘ri gaplashishni o‘rganasiz. Darslar audio, video va jonli muloqot tarzda olib boriladi. Siz quyidagi yo‘nalishlar asosida darslarni o‘zlashtirishingiz mumkin:

To‘g‘ri talaffuz va amaliy muloqot.
Grammatik savodxonlik va hujjatlar bilan ishlash.
Nutq madaniyati va ku ... Читать дальше »

“Islom.uz” sayti mushtariylaridan birining so‘rovi bilan ro‘za tutish vaqtida qanday kiyinish borasida tushuntirish berdi.

“Bir tanishim (qiz bola) muborak Ramazon oyi ro‘zasini tutmoqchi. Men unga ro‘za tutgandan so‘ng kiyinish odobiga qattiq e’tibor berish kerakligini aytgandim, biroq u men ro‘za tutsam bas, qolgan jihatlarga unchalik ham ahamiyat berilmaydi, deya javob qildi. Bu borada o‘zingiz tushuntirish berishingizni so‘rayman”, — deyiladi mushtariy savolida.

Sayt ma’muriyati esa savolga qisqa va lo‘nda qilib, shunday javob berdi: “Avratlarini to‘sish alohida farz, ro‘za tutish alohida farz. Ikkisini ham qilgani uchun ajr-savob olib, qilmagani uchun gunoh va azob oladi”.

Manba: daryo.uz

O‘zbekiston Prezidenit 24-may kuni “O‘zbekiston Respublikasi bojxona postlari jihozlash uchun Xitoy Xalq Respublikasi hukumati tomonidan taqdim etilayotgan grantdan samarador foydalanilishini ta’minlash chora-tadbirlari to‘g‘risida”gi qarorni imzoladi. Bu haqda “Novosti Uzbekistana” xabar bermoqda.

Grant tarkibiga to‘rtta yirik gabaritli inspeksion-nazorat kompleksi kiradi. Ular “O‘zbekiston”, “Bekobod” (Toshkent viloyati), “Xo‘jadavlat” (Buxoro viloyati) va “Sariosiyo” (Surxondaryo viloyati) temir yo‘l chegara bojxona postlarida o‘rnatiladi.

Yana o‘nta skanerlovchi tizim komplektlari “Toshkent xalqaro aeroporti” chegara bojxona postida joylashtiriladi.

XXR tomonidan taqdim etilayotgan grant o‘z ichiga uskunalar uchun ehtiyot qismlarni, ularning montaji va ishga tushirish va sozlash ishlarini, kafolatli xizmat ko‘rsatishni va operatorlarni o‘qitishni qamrab oladi. Grantning umumiy qiymati — 126 million yuan yoki 18,3 million dollardir.

Manba: daryo.uz

27-may, shanba kuni Toshkentda, Mustaqillik shoh ko‘chasida yo‘lning qarama-qarshi qatnov qismlarini ajratuvchi metall to‘siqlar olib tashlandi.

To‘siqlarning olib tashlanishi bo‘yicha mutassaddi tashkilotlar tomonidan hozirgacha biror rasmiy izoh berilgani yo‘q. Holat yuzasidan o‘z fikrlarini bildirayotgan toshkentliklarning aksariyati esa aynan izoh talab qilmoqda.

Qobil Rajabov

Metall to‘siqlarning olib tashlanishi haydovchilar nuqtai nazaridan juda to‘g‘ri qaror! Chunki harakat vaqtida to‘siqlar sababli piyodalar o‘tish joyidagi yo‘lni kesib o‘tishni boshlagan piyoda haydovchiga ko‘rinmay qolishi holatlari ko‘p uchraydi (transport vositasi past tezlikda harakat qilayotganda ham). Bu to‘siqlar piyodani haydovchidan yashiradi.

Elen Gutova

To‘siqlarni bekor olib tashlashyapti. Hamma joyga kamera o‘rnatilgani, inspektorlarning “archa” ortiga yashirinishi, yo‘llardagi chuqurlar kammi? Endi o‘zini yo‘l harakatining ishtirokchisi deb hisoblamaydigan piyodalar yo‘lni diagonal bo‘ylab kesib o‘tishni boshlaydi. Har doimgidek hammasiga haydovchilar aybdor. Endi-endi markaziy yo‘llar bo‘ylab harakatlanish xavfsiz bo‘lgan edi — yana ortga qaytish. To‘siqlar kimga xalaqit berdi? Nima uchun yo‘llardagi avariyalar sonini ko‘paytirish kerak?

Rustam Karimov

Bu to‘siqlar apil-tapil qilingan edi va yo‘lni ko‘rishga xalal berayotgandi. Shuncha metallni boshqa foydaliroq narsaga ishlatgan ma’qul. Agar ha ... Читать дальше »

Qirg‘izistonning Jalolobod shahrida 21—26-may kunlari O‘zbekiston Respublikasi va Qirg‘iziston Respublikasi hukumat delegatsiyalarining davlat chegarasini delimitatsiya va demarkatsiya qilish bo‘yicha ishchi guruhlari uchrashuvi bo‘lib o‘tdi. Bu haqda O‘zbekiston Tashqi ishlar vazirligi xabar berdi.



Uchrashuv doirasida O‘zbekiston—Qirg‘iziston chegarasi uchastkalarida kameral ishlar olib borildi, shuningdek, O‘zbekiston Respublikasining Andijon viloyati bilan Qirg‘izistonning O‘sh viloyati tutashgan hududlardagi O‘zbekiston—Qirg‘iziston davlat chegarasida qo‘shma topografik va yer tuzish ishlari bo‘lib o‘tdi.

Muzokaralar davomida O‘zbekiston—Qirg‘iziston chegarasini delimitatsiya qilish bo‘yicha oraliq shartnoma loyihasi tayyorlash masalalari ham muhokama qilindi.

Muzokaralar yakuniga ko‘ra bayonnoma imzolandi. Uchrashuv konstruktiv va do‘stona ruhda o‘tdi.

Manba: daryo.uz