2017 йилнинг 22 августидан бошлаб Ўзбекистон Республикаси Марказий банки қиймати 50000 сўм бўлган банкнот кўринишидаги янги пул белгиларини муомалага чиқаради.

Ўзбекистон Республикаси Марказий банкининг қиймати 50000 сўм бўлган пул белгилари 144 х 78 мм. ўлчамдаги ҳимояланган қоғозда тайёрланган.

Банкнотнинг ўнг тарафидаги кенг оқ рангли сатҳда Ўзбекистон Республикаси Герби ва “50000” рақами кўринишида сув белгиси мавжуд.

Оқ рангли сатҳнинг чап тарафидан қоғоз қатламида “Дарча” ва “3Д” эффектли юзага чиқиб, ичкарига ботувчи эни 4 мм. бўлган ҳимоя ипи ўтказилган.



Банкнот олд томонининг марказида Мустақиллик майдонидаги «Эзгулик» аркаси тепасидаги парвозга шайланган лайлаклар тасвирланган.

Чап юқори қисмида “O‘ZBEKISTON RESPUBLIKASI MARKAZIY BANKI” ёзуви мавжуд. Ушбу матн «O‘ZBEKISTON RESPUBLIKASI» сўз бирикмали такрорланувчи микроматнли чизиқ билан ажратилган.

Микроматнли чизиқ остида «O‘ZBEKISTON SO‘MI RESPUBLIKA HUDUDIDA HAMMA TO‘LOVLAR UCHUN O‘Z QIYMATI BO‘YICHA QABUL QILINISHI SHART» матни акс этган.

Матн остида тўқ яшил рангдаги Ўзбекистон Республикаси Герби тасвирланган.

Банкнот чап тарафининг пастки қисмида 50000 рақами ва «ELLIK MING S ... Читать дальше »

2017 yil 1 avgust kuni bo'lib o'tgan test imtihonlari natijalari ertaga, 15 avgust kuni e`lon qilinadi.

«Kun.uz»ning ishonchli manbalari ma`lum qilishicha, ayni vaqtga kelib test sinovi natijalarini hisoblash yakunlangan. Test sinovi natijalari respublikaning barcha oliy ta`lim muassasalariga o'rnatilgan tartibda yetkazib berilgan.

Ayni vaqtda barcha oliy ta`lim muassasalarida test javoblarini e`lon qilishga tayyorgarlik ketmoqda.

Abituriyentlar 15 avgust kuni soat 8:00da qabul komissiyalari e`lon taxtasidan test sinovida to'plagan ballarini bilib olishlari mumkin.

Bu yilgi imtihonlarda 730 ming nafarga yaqin abituriyent ishtirok etdi, o'rtacha tanlov bir o'ringa 11tani tashkil etdi.

Жорий йилнинг ноябрь ойида Самарқанд шаҳри БМТ шафелигида бўлиб ўтадиган «Марказий Осиё: бир ўтмиш ва бир келажак, барқарор ривожланиш ва ўзаро фаровонлик учун ҳамкорлик» номли халқаро конференциясига мезбонлик қилади.

Мазкур тадбирга нафақат минтақа мамлакатлари, балки дунёнинг бошқа давлатлари ташқи сиёсат идоралари раҳбарлари, етакчи халқаро ва минтақавий ташкилотлар раҳбарлари таклиф қилинган ва улар ўз иштирокларини тасдиқлашди. Бу ҳақда Ўзбекистон Республикаси Ташқи ишлар вазирлиги матбуот хизмати хабар берган.

Бугун, 11 август куни ташкил этилган халқаро анжуманда Ташқи ишлар вазири Абдулазиз Комиловнинг айтишича, тадбир Марказий Осиё минтақасида хавфсизлик ва барқарор ривожланиш масалаларига бағишланган бўлиб, сўнггида қўшма қарор ҳужжати қабул қилиниши кутилмоқда.

Маълумот учун, Ташқи ишлар вазири «Марказий Осиё - Ўзбекистон ташқи сиёсатининг устувор йўналиши» мавзусида ташкил этилган мазкур халқаро анжуманда иштирок этиб, табрик сўзи билан анжуман иш фаолиятини очиб берди

Ўзбекистон Республикаси Президенти Шавкат Мирзиёев раислигида 9 август куни Тошкентда жорий йилнинг ўтган 7 ойи мобайнида мамлакатимизни ривожлантириш бўйича Ҳаракатлар стратегиясига мувофиқ давлат ва жамият ҳаётининг барча соҳаларини янгилаш, иқтисодиётни эркинлаштириш ва аҳоли учун муносиб турмуш шароити яратиш, давлатимиз раҳбарининг жойларда халқ билан мулоқотлари чоғида белгиланган мақсад ва вазифаларнинг бажарилишига бағишланган селектор йиғилиши бўлиб ўтди, деб хабар бермоқда УзА.

Унда Ўзбекистон Республикаси Олий Мажлиси палаталари раҳбарлари, Бош вазир ва унинг ўринбосарлари, вазирлик ва идоралар раҳбарлари, видеоалоқа орқали Қорақалпоғистон Республикаси Жўқорғи Кенгеси Раиси, вилоятлар ва Тошкент шаҳар, туманлар ҳокимлари, тармоқлар мутасаддилари иштирок этди.

Президент йиғилиш давомида бош вазир Абдулла Арипов ва бош прокурор Ихтиёр Абдуллаевга мажлисбозлик, қоғозбозлик ва ҳисоботбозликни кескин камайтириш, давлат идоралари фаолиятида маълумот алмашишда замонавий ахборот технологияларидан кенг фойдаланиш бўйича ҳукумат қарорини ишлаб чиқиб, ижросини алоҳида назоратга олиш вазифаси юкланди.

Йиғилишда Шавкат Мирзиёев ўтган давр мобайнида мамлакатимизни ривожлантиришга қаратилган 20 дан ортиқ қонун, Президентнинг 180 дан ортиқ Фармони, 450 дан ортиқ қарори қабул қилингани ва бу жараён узлуксиз давом этаётганини, ушбу меъёрий-ҳуқуқий ҳужжатларнинг амалдаги ижросини таъминлашда барча бўғиндаги раҳбарларнинг масъулиятини ошириш зару ... Читать дальше »

Бугун, 9 август куни Ўзбекистон президенти Шавкат Мирзиёев раислигида видеоселектор йиғилиши ўтказилмоқда.

Президент ҳокимларнинг ҳисоботларидан қониқиш ҳосил қилмаётгани, ҳудудларда камчилик ва муаммолар сақланиб қолаётганини билдирган.

«Кун» мухбири хабар беришича, видеоселектор давомида президент ўтган ҳафта телевидениеда ёритилган, Тошкент вилояти, Оққўрғон туманидаги ва Қорақалпоғистон Республикаси Тахиатош шаҳридаги вазиятга эътибор қаратган.

«Телевидение орқали намойиш этилган Тошкент вилояти, Оққўрғон туманидаги ва Қорақалпоғистон Республикаси Тахиатош шаҳридаги ҳақиқий аҳвол ўзини ҳурмат қилган ва ўзини Ўзбекистон фуқароси деган ҳар кимнинг қалбини жунбишга келтиради.

Майли, Оққўрғон тумани ҳокими энди тайинланди. Сизчи Мусо Тожиддинович, (Ерниёзов, Қорақалпоғистон Республикаси Жўқорғи кенгеси Раиси – таҳр) сиз йигирма йилдан бери раҳбарсизку? Бу ётоқхоналар «Ўзбекэнерго»га тегишли экан дейсиз. Қорақалпоғистондаги ҳамма фуқаро учун, у ердаги ҳамма иш учун сиз масъул эмасмисиз. Бу қандай жавоб? Шунча вақтдан буён бу ётоқхоналар «Ўзбекэнерго»га тегишли эканини энди билдингизми?

Аҳволни тузатмасангиз, Тахиатошга ҳоким қилиб туширамиз сизни», дея огоҳлантирган президент.

Шундан сўнг Мирзиёев Тошкент вилояти ҳокими Шукрулло Бобоевга юзланади.

«Жаноб Бобоев, сиз билан ҳам ҳисоб-китоб вақти келди. Ғўддайиб юришни йиғиштиринг. Уддаласангиз, уддаланг. Йўқса сиз билан ҳам жума куни ҳисоб ... Читать дальше »

Mirzo Ulug'bek nomidagi O'zbekiston Milliy universiteti sirtqi ta`lim shaklida ikkinchi va undan keyingi oliy ma`lumotni olish imkonini yaratdi. Bu haqda oliy ta`lim muassasasi saytida xabar berildi.

OTMda 36 ta ta`lim yo'nalishi bo'yicha 2017-2018 o'quv yilidan tajriba-sinov tariqasida masofaviy o'qitish usullarini qo'llagan holda sirtqi ta`lim shaklida ikkinchi va undan keyingi oliy ma`lumotni olish mumkin.

Yo'nalishlar universitetning 10 ta fakultetida ochilmoqda: biologiya, geologiya va geografiya, jurnalistika, ijtimoiy fanlar, iqtisodiyot, kimyo, matematika, fizika, tarix, xorijiy filologiya.

Sirtqi ta`lim uchun hujjatlarni qabul qilish 20 avgustga qadar davom etadi.

Ўзбекистон Республикаси Президентининг ижтимоий-иқтисодий сиёсатни мувофиқлаштириш бўйича давлат маслаҳатчисининг биринчи ўринбосари тайинланди. Бу ҳақда давлат раҳбари расмий сайти хабар берди.

Хабарга кўра, Ўзбекистон Республикаси Президентининг 2017 йил 7 августдаги ПФ-5135-сон фармонига мувофиқ Шавкат Обиджонович Тўлаганов Ўзбекистон Республикаси Президентининг ижтимоий-иқтисодий сиёсатни мувофиқлаштириш бўйича Давлат маслаҳатчисининг биринчи ўринбосари лавозимига тайинланган.

Шу муносабат билан у Ўзбекистон Республикаси Ташқи савдо вазири ўринбосари лавозимидан озод этилди. Унинг зиммасига эркин иқтисодий ва кичик саноат зоналари фаолиятини мувофиқлаштириш вазифаси ҳам юкланди.

2017 yilning 4 aprelida O'zbekiston Prezidenti Shavkat Mirziyoyev “Ikkinchi jahon urushi qatnashchilarini rag'batlantirish to'g'risida”gi Farmonni imzolagan edi. Ushbu farmon ijrosi yuzasidan O'zbekistonning turli hududlarida istiqomat qiluvchi Ikkinchi jahon urushi qatnashchilarining muborak haj ziyoratiga borish bo'yicha bildirgan istaklari hamda “Nuroniy” jamg'armasining taklifi inobatga olinib, ilgari haj ziyoratiga borolmagan yoki bunga imkoni bo'lmagan urush qatnashchilari Prezident ajratgan mablag' hisobidan haj ziyoratiga yuboriladigan bo'ldi. Bu haqda O'zbekiston musulmonlari idorasi Axborot xizmati xabar bermoqda.

Ayni kunlarda ana shu farmon asosida mamlakatdan 73 nafar nuroniy haj safariga borish taraddudini ko'rmoqda.

Vazirlar Mahkamasi huzuridagi Din ishlari bo'yicha qo'mita va O'zbekiston musulmonlari idorasi rahbariyati Ikkinchi jahon urushi qatnashchilarining eson-omon haj ibodatlarini ado etib qaytishlari uchun qulay shart-sharoitlar yaratish borasida qator ishlar amalga oshirilgan. Jumladan, urush faxriylarining oila a`zolari yoki yaqin qarindoshlaridan bir nafariga navbatsiz haj ziyoratiga borishga ruxsat berildi. Har bir guruhga bir nafar guruh rahbari va yana bir nafar guruh rahbarining yordamchilari tayinlandi hamda ikki nafar malakali shifokor ajratildi.

Shuningdek, O'zbekiston musulmonlari idorasi raisi, muftiy Usmonxon Alimov hazratlarining har bir ziyoratchiga ehrom taqdim qildi.

O'zbekiston Gallup instituti tomonidan o'tkazilgan ijtimoiy so'rov natijasida dunyoning 135 mamlakati orasida Qonun ustuvorligi va tartib indeksi bo'yicha ikkinchi o'ringa munosib ko'rildi. 100 ballik tizimda eng yuqori o'rin Osiyoning yana bir mamlakati Singapurga taqdim etildi. U fuqarolarning mahalliy politsiyaga ishonchi, shaxsiy xavfsizlik hissi, o'tgan yillardagi o'g'irliklar soni hamda tajovuz va bosqinchilik qilish holatlari bo'yicha 97 ballik natijani ko'rsatgan. O'zbekiston 95 ball bilan ikkinchi o'rindan joy olgan.

Aytish joizki, Singapur 2013 yildan beri ushbu reytingda birinchilikni qo'ldan bergani yo'q.



Ro'yxatning birinchi o'nligida, shuningdek, Islandiya (88 foiz), Turkmaniston, Norvegiya, Shveytsariya, Jazoir, Finlandiya, Iordaniya va Vetnam davlatlari qayd etilgan.

Reytingning so'nggi beshligida kamayib borish tartibida JAR, Janubiy Sudan, Dominikan respublikasi, Salvador, Liberiya va Venesuela davlatlari qayd etilgan.

3 avgust kuni O'zbekiston prezidenti Shavkat Mirziyoyev madaniyat, san`at, adabiyot va OAV vakillari bilan uchrashdi. Videoselektor ko'rinishidagi ushbu uchrashuvda sohalardagi mavjud muammolar va ularni bartaraf etish choralari hamda kelgusidagi vazifalar ko'rib chiqildi. Yig'ilishda barcha viloyat, shahar va tuman hokimlari, ularning o'rinbosarlari hamda qator idora, tashkilotlarning rahbarlari ishtirok etdi.

Yig'ilishda qator dolzarb masalalar ko'tarildi. Xususan, Kun.uz muxbirining xabar berishicha, davlat rahbari estrada xonandalari topgan daromadlar soliqqa tortilishi bo'yicha ham o'z fikrini bildirgan.

Prezident o'zbek estrada xonandalari boshqa mamlakatlardagi kabi topgan daromadidan soliq to'lamasligi, faqat bir yillik litsenziyaga mablag' to'lashini qayd etib o'tgan.

«Azbaroyi san`atga bo'lgan hurmatimiz uchun soliqqa tortmayapmiz ularni. Chunki ular endi harakat qilishsin», - degan Shavkat Mirziyoyev.

Eslatib o'tamiz, Kun.uz saytida shu mavzuda bir necha maqolalar taqdim etilgandi. Jumladan, iyun oyida Shuhrat Shokirjonov muallifligida «Ozodbek Nazarbekov to'g'ri gapirdi, lekin...» va «San`atkor soliq to'lamaydi?! Mavzu davom etadi...» sarlavhali maqolalar shov-shuv keltirib chiqargandi. Keyinroq nashr qilingan «San`atkorlar daromad solig'i to'lashdan to'liq ozod qilindimi?» sarlavhali maqolada davlat soliq qo'mitasining konsert-tomosha faoliyati bilan shug'ullanish uchun litsenziya olgan jismoniy shaxslarning jis ... Читать дальше »

2017 yilning 3 avgust kuni Prezident Shavkat Mirziyoyev rahbarligida videoselektor yig'ilishida davlat rahbari bugungi estrada xonandalari haqida ham to'xtalib o'tdi.

Qayd etilishicha, eng ommaviy san`at bo'lgan estrada san`atini rivojlantirish Madaniyat vazirligi e`tiboridan chetda qolmoqda. Bu sohada ijod qilayotgan aksariyat ijrochilar faoliyatida talabchanlik va mas`uliyat, ijtimoiy jarayonlarga daxldorlik tuyg'usi tobora pasayib borayotgani aytildi.

“Men o'z tajribamdan yaxshi bilaman, katta bayramlarimizni – bu Mustaqillik, Navro'z yoki Konstitutsiya bayrami bo'ladimi – ularni o'tkazishda bizni eng qiynaydigan, xunobimizni chiqaradigan narsa – bu estrada dasturi ekanini hammangiz yaxshi bilasiz. Ming afsuski, mana shu holat hali ham barham topgani yo'q. Estrada san`atidagi kamchiliklarning asosiy sabablari hech kimga sir emas. Ko'pchilik qo'shiqchilar mas`uliyatni unutib, o'z ustida ishlamay qo'ygan, izlanish, mahoratini oshirish, yangi ijodiy g'oyalar bilan yashash, san`at dunyosiga, muxlislarga hurmat kabi tushunchalar ularga begona bo'lib qolgan, desak, qanchalik achchiq bo'lmasin, bu ham haqiqat. Shunday san`atkorlar ham borki, unvon olgunicha tinimsiz yelib-yuguradi, hol-joningizga qo'ymaydi. Unvon oldimi, tamom, suvga tushgan toshdek jim bo'lib ketadi. Ulardan unvonga yarasha, xalqning e`tiboriga yarasha ijod qani, deb so'rash o'rinlimi yoki yo'qmi? Ijodkorning talabi bilan birga burchi ham bo'lishi kerak emasmi?”, - dedi Prezident.
... Читать дальше »

Neymar endi «Barselona» futbolchisi emas. Klub matbuot xizmati xabar berishicha, klub hisobiga futbolchining shartnomasida ko'rsatilgan 222 mln yevro kelib tushgan. Endi futbolchiga «PSJ»ga o'tishi uchun to'siq yo'q.

«Neymarning vakillari «Barselona» ofisiga keldi va shartnomani bir tomonlama buzish uchun yetarli bo'lgan 222 million yevroni to'ladi.

«Barselona» UYeFAga ushbu amaliyotning barcha jihatlari haqida ma`lumot yo'lladi», – deyilgan xabarda.

Bundan avvalroq Fransiyadagi nashrlarda, Neymar «Barselona» vakillari bexabar holda «PSJ» uchun tibbiy ko'rikdan o'tib bo'lgani haqida xabar berilgandi. Keyinroq La Liga parijliklarning Neymar uchun taklif qilgan 222 mln yevrosini qabul qilmasligini ma`lum qildi, keyinroq ishga Fransiya professional futbol ligasi aralashdi.

O`zbekiston Milliy teleradiokompaniyasi raisi Xurshid Mirzohidov lavozimidan ozod etildi.

Bu haqdagi xabarlar turli internet saytlarida e`lon qilindi. Hozirga qadar hech bir rasmiy manbada bu haqda ma`lum qilinmadi.

O`zbekiston Milliy teleradiokompaniyasi sayti mtrk.uz`ning "rahbariyat" bo`limidan Mirzohidov haqidagi ma`lumotlar olib tashlangan.

Ma`lumot uchun, Xurshid Mirzohidov shu yilning fevralida 12 yil davomida televideniega rahbarlik qilgan Alisher Xo`jaev o`rniga rahbar etib tayinlangan edi.

Тошкент шаҳри. Республика Гидрометеорология марказининг хабар беришича, 3 август куни пойтахтда ҳаво ўзгариб туради, ёғингарчилик бўлмайди. Шарқдан эсаётган шамол ўз йўналишини ўзгартириб, ғарбдан секундига 5-10 метр тезликда эсади. Шамолнинг тезлиги секундига 12-17 метргача кучайиши мумкин. Кечаси 22-24, кундузи 35-37 даража иссиқ бўлади.

Қорақалпоғистон Республикаси ва Хоразм вилояти. Ҳаво ўзгариб туради, ёғингарчилик бўлмайди. Ғарбдан эсаётган шамол ўз йўналишини ўзгартириб, шарқдан секундига 7-12 метр тезликда эсади. Шамолнинг тезлиги айрим жойларда секундига 15-20 метргача кучайиши мумкин. Кечаси 22-27, кундузи 31-36 даража иссиқ бўлади.

Бухоро ва Навоий вилоятлари. Ҳаво ўзгариб туради, ёғингарчилик бўлмайди. Ғарбдан секундига 7-12 метр тезликда эсаётган шамол айрим жойларда секундига 15-20 метргача кучайиши мумкин. Кечаси 20-25, кундузи 31-36 даража иссиқ бўлади.

Тошкент, Самарқанд, Жиззах ва Сирдарё вилоятлари. Ҳаво ўзгариб туради, ёғингарчилик бўлмайди. Шарқдан эсаётган шамол ўз йўналишини ўзгартириб, ғарбдан секундига 7-12 метр тезликда эсади. Шамолнинг тезлиги айрим жойларда секундига 15-20 метргача кучайиши мумкин. Кечаси 22-27, кундузи 33-38 даража иссиқ бўлади.

Қашқадарё ва Сурхондарё вилоятлари. Ҳаво ўзгариб туради, ёғингарчилик бўлмайди. Шарқдан эсаётган шамол ўз йўналишини ўзгартириб, ғарбдан секундига 7-12 метр тезликда эсади. Шамолнинг тезлиги айрим жойларда секундига 15-20 метргача кучайиши мумкин. Кечаси ... Читать дальше »

1 август куни бўлиб ўтган тест имтиҳонлари натижалари 17 август куни эълон қилинади. Бу ҳақда Давлат тест маркази матбуот хизмати хабар берган.

«2 август куни тест материалларини қайта ишлаш бошланади ва жараён 17 августда якунига етади. Тест материалларини қайта ишлаш натижаси тўғрисида қўшимча равишда ахборот берилади», дейилган хабарда.

1 август куни 59та олий таълим муассасалари ва уларнинг 12та филиалида қабул тест синовлари ўтказилди.

Жорий йилда олий таълим муассасаларига 729 950 (2016 йилда – 663 304) нафар абитуриент ҳужжат топширган, шулардан 7 725 (2016 йилда – 7 521) нафари муддатли ҳарбий хизматни тугатган ҳарбий имтиёзга эга абитуриентлардир.

Ўртача танлов 1 ўринга 11,0 (2016 йилда – 11,05) тани ташкил этди.

Тест синовларини ўтказиш мақсадида 744 минг 271 (2016 йилда – 676 минг) дона индивидуал тест саволлари комплекти тайёрланди.

Тест синовлари 1 080 (2016 йилда – 889) та бинода жойлашган махсус 21 765 (2016 йилда – 19 830) та аудиторияда ўтказилди. Давлат тест маркази ва тегишли хизмат органлари билан ҳамкорликда тест синови ўтказиш тартибига сўзсиз амал қилиш бўйича зарур чоралар қабул қилинди.

Жамоатчилик хавфсизлигини таъминлаш учун 17 317 (2016 йилда – 16 060) нафар ички ишлар ходимлари, 1 848 (2016 йилда – 1 276) та автотранспорт воситалари (жумладан, 84 (2016 йилда – 33) та ёнғинга қарши экипаж, 362 (2016 йилда – 326) дона тез тиббий ёрдам автомашиналари).
... Читать дальше »