San-Sebastyanning “Real Sosedad” klubi Madridning “Real” jamoasi himoyachisi Diego Lorenteni o`z safiga qo`shib oldi. Bu haqda CA xabar bermoqda.

23 yoshli futbolchi bugun kunning ikkinchi yarmida yangi jamoasida tibbiy ko`rikdan muvaffaqiyatli o`tib oldi. klub va futbolchi o`rtasidagi shartnoma 5 yilga mo`ljallangan.

Lorente 7 iyul kuni “Real Sosedad” tarkibidagi ilk mashg`ulotda ishtirok etadi. Himoyachi o`tgan mavsum “Malaga” safida ijara asosida to`p tepdi. U chempionatda 25ta uchrashuvda maydonga tushib, 2ta gol kiritgandi.

Madridning “Real” jamoasi rahbariyati va murabbiylar shtabi uelslik yarim himoyachi Garet Beylni transferga qo`ymaydi. Bu haqda Marca nashri xabar bermoqda.

Ma`lumotlarga ko`ra, madridliklar bosh murabbiyi Zinedin Zidan uelslik futbolchiga ishonch bildirgan va uni jamoaga kerak ekanini rahbariyatga aytgan. Beylning o`zi ham Madriddan ketish niyati yo`qligini ma`lum qilgan.

Avvalroq Garet Beyl o`z faoliyatini Angliya Premer-ligasida davom ettirishi mumkinligi bir necha bor ta`kidlangandi. Uning xizmatlariga, ayniqsa, “MYu” katta qiziqish bildirgan.

«Реал» президенти Флорентино Перес жамоа ҳужумчиси Криштиану Роналду билан боғлиқ вазият хусусида фикр юритди.

«Унинг «Реал» билан шартномаси бор. Қачонки у Конфедерациялар кубогидан қайтса, биз у билан гаплашишимиз мумкин. У ҳалол ва ўз мажбуриятларини бажарадиган одам.

Мен Жорже Мендеш билан гаплашдим, хавотирланадиган гап йўқ. Кутиш керак. Роналду эса қаттиқ хафа ва ғазабнок.

Шундай журналистлар борки, улар «Реал»га зарар етказишни исташади. Мен ҳеч кимга Криштианунинг «Реал» футболкасидаги суратини чоп этмасликни сўраб қўнғироқ қилмаганман.

«Реал»ни танқид қилиш - навбатдаги муваффақиятли мақолага айланади. Миш-мишларга ишонишларидан афсусланаман. Одамлар бизга ишонсин.

Биз барчамиз солиқларни тўлашимиз керак. Клуб футболчиларнинг солиқ декларациялари учун жавобгар эмас, бу ҳеч кимга сир ҳам эмас. Лекин Роналду ўз гапларини қайтариб олишга мажбур ҳам эмас», – деган Перес esRadio учун берган интервьюсида.

Дортмунднинг «Боруссия» клуби ҳужумчиси Пьер-Эмерик Обамеянг фаолиятини Хитойда давом эттириши мумкин. Бу ҳақда Metro хабар тарқатди.

28 ёшли габонликка «Тяньцзинь Цюаньцзянь» йилига 30 миллион евро миқдорида маош тўлашга тайёр.

Хитойликлар клуби яқин кунлар ичида немис жамоасига Обамеянг учун таклиф бериши кутилмоқда.

«Боруссия» бу футболчисини 70-80 миллион евро эвазига қўйиб юбориши мумкин.

Обамеянг Германияда 2013 йилдан буён тўп суриб келмоқда. У ўтган вақт ичида «Боруссия» сафида 189 ўйинда майдонга тушиб, 120 гол урган ва 33 голга ассистентлик қилган.

Унинг амалдаги шартномаси 2020 йилгача тузилган, аммо футболчи мураббий Томас Тухель ортидан жамоани тарк этишга қарор қилган.

Аввалига ушбу футболчи «ПСЖ»га ўтиши кутилганди, аммо парижликлар жамоаси Верратти кетиши мумкинлиги туфайли марказий ҳужумчи эмас, ярим ҳимоячи олишга қарор қилди. Кейинроқ Обамеянгнинг номи «Манчестер Сити» билан боғлана бошланди, аммо инглизлар жамоаси ҳам футболчини сотиб олишни истамади.

«Реал» президенти Флорентино Перес «Монако» ҳужумчиси Килиан Мбаппенинг оила аъзолари билан учрашгани ҳақидаги хабарларга муносабат билдириб ўтди. «Қироллик клуби» раҳбари бу масалада эҳтиёт бўлиш кераклигини таъкидлаган.

Унинг фикрича, ҳозирда бу ёш футболчига Мадрид жамоасида бўш жой йўқ.

«Погба билан содир бўлган воқеани унутмаслик керак. Ўшанда ҳам бизга футболчини сотиб олиш кераклиги ҳақида гапиришганди. Мбаппе – ажойиб ва ёш футболчи. Менга кучли футболчилар ёқади, аммо жамоа 24 футболчидан ташкил топади, майдонга эса 11 нафар футболчи тушади. Кўпгина кучли ўйинчиларга «Реал»да жой топилмаслиги мумкин. Ҳозирда энг кучли таркибга эгамиз ва биз буни исботладик.

Бир неча йиллардан бери Мбаппени кузатиб келмоқдамиз. Аммо 18 ёшда ҳамма ҳам «Реал»да ўйнаб кета олмайди. Агар Мбаппени харид қилсак, «Реал»ни ким тарк этади? Бироз сабр керак», — дея Переснинг сўзларини келтирган esRadio.

Бундан аввалроқ, Перес Мбаппенинг оиласи билан учрашгани хабар қилинганди. 2016/17 йилги мавсумда ушбу ёш футболчи монегаскликлар жамоаси сафида барча турнирлар доирасида 44 учрашувда майдонга тушган ва 26 гол урган.

Польша мезбонлигида ўтказилаётган ёшлар ўртасида 2017 йилги Европа чемпионати финалига чиққан терма жамоалар номлари маълум бўлди.

Дастлабки ярим финалда Германия U21 Англия U21 терма жамоаси билан ўйнади ва пенальтилар сериясида ғалаба қозонди.

Ўйиннинг асосий вақтида 2:2 ҳисобидаги дуранг қайд этилди, инглизлардан Демарай Грей ва Тэмми Абраҳам гол урди, немисларнинг голларига Дейви Зельке ва Феликс Платте муаллиф бўлди.

Қўшимча бўлимларда гол бўлмади ва пенальтилар серияси бошланди. Унда Германия ёшлари устун келди - 4:3, инглизлар етакчиси Натан Редмонд ҳал қилувчи зарбани беришда адашди.

Испания ёшлари Краковда ўтган ярим финал учрашувида Италия ёшлари устидан 3:1 ҳисобидаги ғалабага эришди.

Ўйиннинг 53-дақиқасида Сауль Жанлуижи Доннарумма дарвозасини илк марта ишғол қилиб, испанларни олдинга бошлади. Бироз вақт ўтиб итальянлар 10 киши бўлиб қолишди — иккинчи сариқ карточкани олган Роберто Гальярдини майдонни тарк этди. Лекин «скуадра адзурра» тез орада ҳисобни тенглаштирди — 62-дақиқада Федерико Бернардески аниқ ҳаракат қилди. Ўйиндаги дуранг натижа кўп вақт сақланиб турмади — 3 дақиқа ўтиб Сауль яна гол урди. У 74-дақиқада «Қизил фурия»нинг учинчи голини ҳам уриб, жамоани финалга олиб чиқди.

Энди Испания ёшлари 30 июнь куни ярим финалда Англияни мағлуб этган Германияга қарши майдонга чиқади.

Евро-2017 (U-21)
1/2 финал
Англия U-21 – Германия U-21 2:2 (1:1, 1:1, 0:0, 0 ... Читать дальше »

Машҳур футболчилар атрофида солиқ можаролари авж олишда давом этмоқда. Яқиндагина Криштиану Роналдунинг Испания ғазнаси олдидаги жуда кўп миқдордаги қарзи ҳақида кўплаб хабарлар берилди (15 миллион евро), кейин эса “ёмон йигитлар” рўйхатида португалияликнинг футболдаги бош рақобатчиси – "Барселона"нинг 30 ёшли ҳужумчиси Лионель Месси ҳам пайдо бўлди.

Журналистларнинг хабар беришича, Лео хайрия фонди ташкил этилганидан буён (2007 йил), то 2015 йилга қадар даромадининг катта қисмини декларациядан ўтказмаган.

Мухбирларнинг фикрича, ташкилот футболчининг бизнес-ишлари учун аслида бир ниқобдир.

2009 йилда Лионель Месси отаси билан Аргентинадаги Росарио шаҳрида Fundacion Leo Messi ваколатхонасини очди, бироқ ўз ташкилотини Испанияда жамоатчилик сифатида рўйхатдан ўтказди. Журналистларнинг маълумот беришича, Месси айнан Росариода барча турдаги шартномаларни имзолаган, бироқ ҳеч қандай декларацияни тақдим этмаган.

Кейинчалик Аргентина молия вазирлиги Fundacion Leo Messi’ни ўз рўйхатидан чиқариб ташлади, сабаби бир неча йил давомида ташкилот ҳисоблари ҳақида ҳисобот олмаган.

Бу можаро Леонинг хайрия фаолиятини жиддий тарзда обрўсизлантиради, аргентиналикнинг бутун дунё бўйлаб миллионлаб ишқибозлари айнан шундан фахрланишарди.

«Монако» ҳужумчи Килиан Мбаппени жамоада сақлаб қолиш учун унинг маошини оширишга тайёр, деб хабар бермоқда RT.

AS маълумотига кўра, клуб раҳбарияти 18 ёшли ўйинчига иш ҳақини 900 фоизга оширишни таклиф қилган. Мбаппенинг амалдаги шартномасига кўра, футболчи ойига 80 минг евро ишлаб топмоқда. Француз янги шартномага имзо қўядиган бўлса, даромади бир ойда 700 минг еврога етади.

Аргентина терма жамоаси собиқ бош мураббийи ва футболчиси Диего Марадона Россия Федерацияси Президенти Владимир Путинга бўлган муносабати ҳақида маълум қилди.

“Мен Путин билан гаплашдим, кейин у менга қайта қўнғироқ қилди. У 2018 йилги Жаҳон чемпионати учун нимадир қилишимни истайди. Мен Путиннинг мухлисиман, унга ёрдам бера олсам, хурсанд бўлар эдим. Бунинг имкони бор. Бу ҳақда 2 ой аввал келишиб олганман, лекин, муҳими, шахсан президент билан гаплашишим керак”, дейди Марадона.

Айтиш керакки, 2018 йилги футбол бўйича жаҳон чемпионати 14 июндан 15 июлгача Россиянинг 11 та шаҳридаги 12 та стадионида ўтказилиши белгиланган.

Бугун Россияда ўтаётган Конфедерациялар кубоги «B» гуруҳида сўнгги тур ўйинларини ўтказилди.

Германия термаси Камерунни мағлуб этиб, 7 очко жамғарди ва гуруҳда биринчи ўринни қўлга киритди. Чили – Австралия ўйинида 1:1 ҳисоби қайд этилди ва ғолиб аниқланмади. Бу натижа жанубий америкаликларга иккинчи ўринни тақдим қилди.

Конфедерациялар Кубоги–2017. «B» гуруҳи. 3-тур

ГЕРМАНИЯ – КАМЕРУН 3:1 (0:0)

25 июнь, Сочи, «Фишт» стадиони

Голлар: 1:0 – Демирбай (48), 2:0 – Вернер (66), 2:1 – Абубакар (78), 3:1 – Вернер (81).

Германия: тер Штеген, Платтенхардт, Зюле, Рюдигер, Гинтер, Жан, Киммих, Демирбай (Брандт, 78), Руди (Ҳенрихс, 74), Дракслер (Юнес, 80), Вернер.

Камерун: Ондоа, Нгаде-Нгажуи, Фэ, Мабука, Тейку, Сутчин-Жум (Нгамале, 58), Замбо-Ангисса, Бассогог (Токо-Экамби, 82), Муканжо (Гиоата, 70), Абубакар, Сиани.

Четлатиш: Мабука (64).



ЧИЛИ – АВСТРАЛИЯ 1:1 (0:1)

25 июнь, Москва, «Откритие Арена» стадиони

Голлар: 0:1 – Тройси (42), 1:1 – Родригес (67).

Чили: Браво, Хара, Диас, Мена, Видаль, Фуэнсалида (Родригес, 46), Варгас (Диас, 82), Арангис (Эрнандес, 46), Санчес, Сильва, Исла.

Австралия: Райан, Макгоуэн, Сэйнсбери (Райт, 72), Бехич, Миллиган, Луонго, Ирвайн, Тройси, Кэйҳилл (Лекки, 57), Круз, Юрич (Макларен, 62).

Огоҳлантиришлар: Луонго (21), Тройси (31), Кэйҳилл (33), Бехич (45), Видаль ... Читать дальше »

«Барселона» ҳужумчиси Лионель Месси бугунги кунда Каталония жамоасида эмас, балки унинг азалий рақиби – Мадриднинг «Реал» клуби таркибида тўп суриши мумкин эди. Бу ҳақда ўз даврида 13 ёшли Мессини «Барселона»га олиб келган аргентиналик агент Орасио Гажиоли хабар қилди.

«Тақдир тақозоси билан Каталонияга яшашга кетдим. Ҳамда Леони «Барселона»га олиб бордим. Мен Испания пойтахтига кўчиб кетишга жуда яқин тургандим. Агарда Мадридга кетганимда, Месси «Реал» таркибида ўйнарди. Мессини аэропортда кўрганимда, бу йигитча футболчи бўла олмайди, деб ўйладим. У жуда кичкина ва озғин эди. Тан оламан, мен унинг кўринишидан жуда ҳайратга тушгандим. Бироқ, уни «Барселона» машғулотларида кўриб, бу буюк ўйинчи эканини тушундим», - дея Гажиолининг сўзларини келтиради Globoesporte.

Бугун, 24 июнь куни Россия ўйингоҳларида бўлиб ўтётган Конфедерациялар кубоги-2017 мусобақасининг “А” гуруҳидан ўрин олган икки учрашув якунига етди.

Унда Янги Зеландия Португалия терма жамоасига йирик ҳисобда имкониятни бой бериб, турнир билан хайрлашган бўлса, турнир мезбони Россия Мексикага мағлуб бўлиб, аламли тарзда мухлислари кўз ўнгида мусобақани тарк этди.

Шу тариқа, “А” гуруҳидан кейинги босқичга Португалия ва Мексика терма жамоалари йўл олишди.

Эртага, 25 июнь куни Германия – Камерун ва Чили – Австралия учрашувлари бўлиб ўтади.

Конфедерациялар кубоги, 3 – тур

“А” гуруҳи

Қозон шаҳри, “Казань-Арена” стадиони

Мексика – Россия – 2:1 (1:1)

Голлар: Араухо 31, Лосано 51 - Самедов 24

Мексика: Очоа, Морено, Д. Рейес (Р. Рейес 39), Лайун, Гуардадо (Аланис 70), Лосано, Х. Дос Сантос, Вела (Акино 46), Эррера, Араухо, Эрнандес.

Бош мураббий: Хуан Карлос Осорио.

Россия: Акинфеев, Васин, Жикия, Кудряшов, Глушаков, Самедов, Головин, Ерохин (Смольников 70), Жирков, Смолов (Канунников 76), Бухаров (Полоз 64).

Бош мураббий: Станислав Черчесов.

Огоҳлантиришлар: Жирков 9, Гуардадо 16, Кудряшов 63, Васин 71, Головин 88, Аланис 90+1.

Четлатиш: Жирков 67 (и/ск)

Ўйиннинг энг яхши футболчиси: Ирвинг Лосано

Санкт-Петербург шаҳри, “Крестовский” стадиони.

Янги ... Читать дальше »

Kataloniyaning “Barselona” klubi hujumchisi Lionel Messi bugun — 24-iyun kuni 30 yoshni qarshi oldi. “Oltin to‘p” sovrinini eng ko‘p qo‘lga kiritgan argentinalik yulduzni tanimagan kishining o‘zi qolmagan bo‘lsa kerak.

Messi – «Barselona» va Argentina terma jamoasi tarixidagi eng yaxshi to'purar sanaladi. 17 yildan buyon kataloniyaliklar asosiy tarkibida to'p surib kelayotgan Leo 4 karra Yevropa chempionlar ligasi g'olibi, 8 karra Ispaniya chempioni, 3 karra klublar o'rtasidagi jahon chempioni, 5 karra Ispaniya kubogi, 6 karra Ispaniya superkubogi, 3 karra Yevropa superkubogi sohibi bo'lgan. Argentina yoshlar terma jamoasi bilan jahon chempioni va Olimpiada o'yinlari oltin medalini qo'lga kiritgan.

Тошкентнинг “Пахтакор” футбол клубига янги бош мураббий Шота Арвеладзе тайинланиб, янги легионер ҳимоячи Марко Симич билан бирга футбол ишқибозларига таништирилди.

Таништириш маросими бошланишидан аввал мухлислар учун ўзбек шоу-бизнеси юлдузлари ижросида концерт дастури тақдим этилди. Унда клуб раҳбарлари – Президент Бобур Шодиев, вице-президент Умид Аҳматжонов, бош директор Дмитрий Адисман, ЎФФ “Футбол фахрийлари кенгаши” раиси Наримон Жалолов таклиф этилди.

Сўнг Шота Арвеладзе ва Марко Симич мухлислар билан ўзбек тилида саломлашишди. Мураббий ва футболчи ишқибозларга футбол тўплари ва жамоа либосларини совға тариқасида тақдим қилишди.

Туркиянинг “Бешиктош” клуби ҳужумкор ярим ҳимоячиси Райан Бабель ушбу ёзги трансфер вақтида ўз жамоасини ўзгартириши мумкин. 30 ёшли голландга “Пахтакор” клуби даъвогарлик қилмоқда. Бир пайтлар Арвеладзе ва Бабель “Қосимпошо” клубида бирга ишлаган эди.

Испания Олий суди «Барселона» ҳужумчиси Лионель Месси учун қўлланган 21 ойлик қамоқ жазосини 252 минг евро миқдоридаги жаримага алмаштирди. Бу ҳақда EFE хабар тарқатган.

Футболчининг отаси Хорхе Месси эса 180 минг евро миқдорида жарима тўлайди. Прокуратура воқеаларнинг бундай ривожига қарши эмас.

Футболчи ва унинг отаси 2016 йил ёзида 2007, 2008 ва 2009 йилларда жами 4,1 млн евро миқдоридаги солиқни тўламасликда айбланганди. Аргентиналик футболчи имиж ҳуқуқидан олинган даромадларидан солиқ тўламаган. Унга 21 йиллик қамоқ жазоси қўлланган, лекин Испанияда икки йилдан ошиқ бўлмаган қамоқ жазоси шартли қамоқ жазоси ҳисобланади ва айбланувчи бу муддатни қамоқхонада ўтказмайди.