Аргентиналик афсонавий футболчи Диего Марадона агар Россиянинг мураббийлар штабига кира олса, терма жамоа учун нималар қила олишини айтди. Унинг айтишича, ҳозирда у “Ал-Фужайра” жамоаси билан музокаралар олиб бормоқда.

Шундай бўлса-да, у Россия терма жамоасининг мураббийси бўлишни истайди. Марадонна россиялик футболчиларнинг салоҳияти юқорилигини ҳам таъкидлади.

Терма жамоанинг камчилиги сифатида эса уларнинг яхши ҳужум уюштира олмаслигини ҳамда ўзларига бўлган ишончлари сустлигини айтди.

Ҳа, айтгандай, Марадона Россия президенти Владимир Путиннинг мухлиси эканини ҳам эътироф этди.

«Барселона» ва Аргентина терма жамоаси ҳужумчиси Лионель Месси тўйига келган меҳмонларга совға беришдан кўра, ўзи ташкил қилган хайрия фондига маблағ ўтказиб беришларини сўраган. Бу ҳақда Goal.com интернет-нашри хабар тарқатди.

30 ёшли футболчи 2009 йилда соғлиқни сақлаш, таълим ва спорт соҳасида болаларга кўмаклашиш мақсадида ушбу хайрия фондини ташкил қилганди.

Мессининг тўйи бугун, 30 июнь куни Аргентинанинг Лео туғилиб ўсган Росарио шаҳрида бўлиб ўтади. Месси икки фарзандининг онаси бўлган Антонелла Роккуццога расмий равишда уйланмоқда.

Мадриднинг «Реал» клуби ҳужумчиси Криштиану Роналду матбуотда чоп этилган клубни тарк этиши ҳақидаги гапларни инкор этди. Бу ҳақда Mundo Deportivo нашри хабар тарқатмоқда.

Португалия терма жамоаси футболчиси «Қироллик клуби» раҳбарлари билан учрашув чоғида ҳам бу ҳақида гапирган ва барча миш-мишларни рад этган. Шу билан бирга футболчи, солиқлар билан боғлиқ жиноятларда уни ҳам айблашаётганидан ўзини ҳақорат қилингандек ҳис қилаётганини тасдиқлаган.

Эслатиб ўтамиз, Криштиану Роналду 14,7 млн. евро миқдоридаги солиқларни тўлашдан бўйин товлаганликда айбланиб судга чақирилганди. Роналду бундан норози бўлган ва ўзини жиноятчига чиқаришаётганидан нолиганди.

Келгуси ҳафтада Роналду «қаймоқранглилар» президенти Флорентино Перес билан учрашиши керак.

Футбол бўйича Ўзбекистон кубогининг чорак финалидан жой олган уч беллашув бугун — 30 июнь куни бўлиб ўтди.

Вадим Абрамов ва Миржалол Қосимов бошчилик қилаётган икки клуб, «Нефтчи» ва«Бунёдкор» ўзаро Фарғонада тўқнаш келди.

Дастлаб, биринчи бўлимнинг 44-дақиқасида Ҳамдамов ҳисобни очган бўлса, 70-дақиқага келиб Музаффаров пенальтидан жавоб голини киритди. Иккинчи бўлимнинг сўнгги дақиқаларида Миржамол Қосимовнинг голи бўлса, якунда тошкентликларга ғалабани тақдим этди – 1:2.

«Динамо» эса Самарқандда «Машъал»га ютқазиб қўйди. Иккинчи бўлимнинг 56-дақиқасида Сафаров томонидан киритилган гол, якунда муборакликларга ғалабани тақдим этди.

«Насаф» ва «Қўқон-1912» клублари ўртасидаги дастлабки учрашувда қаршиликларнинг 4:1 ҳисобидаги ғалабаси қайд этилди. Майдон эгалари сафида Абдураҳимов дубль қайд этган бўлса, Раҳматуллаев ва Кенжабоев ўз ҳисобларига биттадан гол ёзиб қўйишди. Меҳмон жамоанинг ягона голига Суҳроб Бердиев муаллифлик қилди.

Жавоб учрашувлари 4 июль кунига белгиланган.

Ўзбекистон Кубоги. 1/4 финал
Дастлабки учрашувлар

«Нефтчи» – «Бунёдкор» 1:2 (0:1, 1:1)
Голлар: 0:1 - 44 Ҳамдамов, 1:1 - 70 пенальти Музаффаров, 1:2 - 89 Қосимов.
«Нефтчи»: Юсупов, Каримов, Ғофуров, Музаффаров, Эрматов, Убайдуллаев, Ҳасанбоев, Исмоилов, Айвазов, Тошпўлатов, Асқаралиев.
«Бунёдкор»: Зуҳуров, Ашурматов, Комилов, Иброҳимов, Нурматов, Шомуродов, Ҳамдамов, Аҳмадалиев, У ... Читать дальше »

«Реал» ҳужумчиси Криштиану Роналду келажаги ҳақида гапиришни истамади. Португалиялик футболчи «Қироллик клуби»даги келажаги хусусидаги саволга жимлик билан жавоб қайтарган ва вазият ноаниқлигича қолган.

«Мен ҳеч ким билан келажагимни муҳокама этмоқчи эмасман», — дея Роналдунинг сўзларини келтирган AS нашри.

Бундан олдинроқ «Реал» раҳбарияти вакиллари ушбу футболчининг жамоада қолишига ишонч билдиришганди. Клуб айни вақтда Роналдунинг қарори аниқ бўлмагани учун трансфер амалиётларини бажаришда муаммога дуч келмоқда.

Июнь ойи аввалида Испания прокуратураси Роналдуни 14,7 млн евро миқдоридаги солиқни тўламаганликда айблаганди. «Қироллик клуби»дагилар унга шунча маблағни ўз ихтиёри билан давлатга ўтказиб беришни маслаҳат қилишган, аммо футболчи айбсизлигини судда исботлаб беришга қарор қилганди. Роналду ўзини раҳбарият томонидан етарлича қўллаб-қувватланмаган ҳис қилди ва «Реал» раҳбарияти газеталардан футболчи ҳақидаги салбий хабарларни унинг клуб либосидаги эмас, терма жамоаси либосидаги суратларини чоп этишни сўрагани ҳақидаги хабарлардан кейин клубдан кетмоқчилини маълум қилди. У мураббийи Зайнидин Зиданга Испанияда ўзини жиноятчидек ҳис қилаётганини айтиб, шикоят қилганди.

Бугун, 30 июнь куни Лионель Месси Аргентинада Антонелла Роккуццо билан турмуш қуради. Йилнинг энг шов-шувли тўйи бўлиши кутилаётган бу маросимга юзлаб меҳмонлар ташриф буюриши кутилмоқда. Никоҳ оқшоми Росариодаги шаҳар маркази мажмуасида бўлиб ўтади.

Жуфтлик 5 ёшидан бери бир-бирини танийди. Антонелла ва Мессининг Тьяго ва Матео исмли фарзандлари бор.

Тўйга таклиф қилинганлар орасида Мессининг ҳозирги ва собиқ жамоадошлари - Неймар, Луис Суарес, Фабрегас, Дани Алвес каби таниқли футбол юлдузлари ҳам мавжуд. Маросим меҳмонлари орасида «Реал»нинг собиқ юлдузи, аргентиналик футболчи Анхель Ди Марияни ҳам учратиш мумкин.

Бундан аввалги хабарларда у «Барселона»нинг собиқ мураббийи Луис Энрике, жамоа раҳбари Бартомеу ҳамда Аргентина терма жамоасининг собиқ юлдузи ва мураббийи Диего Армандо Марадонани никоҳ маросимига айтмагани айтилганди.

Конфедерациялар кубогининг ярим финал иккинчи жуфтлик баҳсларида Германия ва Мексика терма жамоалари финал йўлланмасини қўлга киритиш учун курашди. Сочидаги "Фишт" стадионида кечган ўйин Германиянинг йирик ғалабаси билан якунланди.

Дастлаб 6- ва 8-дақиқаларда Горетцка икки гол уриб, жамоасини олдинга олиб чиққан бўлса, 59-дақиқада Вернер орадаги фарқни йирик кўринишга олиб келди. Ўйин тугашига бир дақиқа қолганида Фабиан мексикаликларнинг ягона голи киритди. Учрашувга қўшиб берилган вақтда Юнес гол киритиб, якуний 4:1 ҳисобни ўрнатди.

Германия терма жамоаси финалда Чилига қарши майдонга тушади. Ўйин 2 июль куни бўлиб ўтади.

Германия – Мексика 4:1
Голлар: 1:0 – 6 Горетцка, 2:0 – 8 Горетцка, 3:0 – 59 Вернер, 3:1 – 89 Фабиан, 4:1 – 90+1 Юнес.
Германия – тер Стеген, Хектор, Гинтер, Рюдигер, Хенрихс, Горетцка (Жан, 67), Киммих, Руди, Дракслер (Юнес, 81), Вернер, Штиндль (Брандт, 79).
Мексика – Очоа, Морено, Лайюн, Араухо, Аланис, Акино (Лосано, 46), Дос Сантос (Маркес, 67), Эррера, Хименес, Эрнандес, дос Сантос (Фабиан, 63).
Огоҳлантиришлар: Хименес (55), Жан (72).

«Реал» ҳужумчиси Криштиану Роналду Инстаграмдаги саҳифасида янги туғилган фарзандлари билан тушган суратини намойиш этди. Энди португалиялик футболчи 6 ёшли Кенжа Криштиану Роналдудан кейин эгизаклар – Ева ва Матеуни тарбиялайди.

«Ҳаётимдаги икки янги севгимни қўлимда тутиб турганимдан бахтиёрман», - дея ёзган Роналду.

Футболчининг эгизак фарзандлари 8 июнь куни туғилган, бу ҳақида 11 июнь куни хабар тарқалганди. Унинг ўзи бугун ушбу маълумотни тасдиқлади ва уларни кўриш учун йўл олди. У шу муносабат туфайли миллий терма жамоа қароргоҳини тарк этиб, Конфедерациялар кубоги-2017 турнирининг учинчи ўрни учун баҳсда иштирок этмайдиган бўлди.

Каталониянинг «Барселона» ва Аргентина терма жамоаси ҳужумчиси Лионель Мессининг эртага, 30 июнь куни Аргентинанинг Росарио шаҳрида бўлиб ўтадиган тўйига 155 нафар журналист аккредитациядан ўтган.

Лионель Месси ва унинг икки фарзанди онаси Антонелла Роккуццонинг тўйи жиноятчилик даражаси жуда юқори эканлиги билан машҳур она шаҳрида бўлиб ўтиши кутилмоқда.

Football.fr’нинг маълумотига кўра, никоҳ маросимига оид энг асосий тадбирлар шаҳарнинг энг ҳашаматли меҳмонхонасида бўлиб ўтади. Шаҳар ҳуқуқ-тартибот органлари томонидан умуман назорат қилинмаслиги боис, Месси ўзининг тўйида тартибни сақлаш учун 200 нафар тансоқчи ёллаган.

«Манчестер Юнайтед» ҳужумчиси, тез орада эркин агентга айланадиган Златан Ибраҳимович ўзи учун ясалаётган ҳайкалнинг бошини намойиш қилди. 35 ёшли швециялик футболчи Инстаграмдаги саҳифасида ўзининг ҳайкали учун тайёрланган металл бош тасвирланган видеороликни жойлаштирган.

«Швеция рамзи тайёр бўлиб қолди», - дея ёзган у.


Эслатиб ўтамиз, шу йил бошида Португалияда ҳайкалтарош Мануэл Сантуш «Реал» ҳужумчилари Криштиану Роналду ва Гарет Бэйлнинг бюстларини ясаган, бу ижод намуналари футболчиларга ўхшамагани учун ҳеч кимга ёқмаган ва ҳайкалтарош танқидларга учраганди.

Ўзбекистон терма жамоаси собиқ бош мураббийи, эндиликда Фарғонанинг «Нефтчи» клубини бошқараётган Вадим Абрамов JFL.uz интернет-нашрига интервью берди. Мураббий бугунги терма жамоа, клубдаги фаолияти ва яна кўп нарсалар ҳақида фикрлари билан ўртоқлашди.

– Нимага узоқ вақт футболдан четда бўлдингиз?
– Аввало, футболга қайтганимдан хурсандман. Мен узоқ вақт таклифларни кутдим. Ўйладимки, футболимизда муаммо бор ва мени клублар чақиришади деб, лекин адашган эканман. Футболда ҳаммаси яхши экан ва ҳеч бир клуб менга таклиф билан чиқмади. Кейин Бухородан таклиф келди, лекин ўша вақтда оилам билан боғлиқ муаммолар сабаб у ерда ишлай олмадим. Ниҳоят «Нефтчи» таклиф билан чиқди ва мен уни қабул қилдим. Бу ер мен учун бегона эмас, Фарғонада аввал ҳам ишлаганман. Шундай қилиб «Нефтчи»га мавсум охиригача ёрдам беришга қарор қилдим.

– Тошкент жамоаларидан таклиф кутганингиз ростми?
– «Локомотив»дан таклиф кутганим йўқ, лекин «Пахтакор» ва «Бунёдкор»дан кутганим рост. Афсус улар таклиф билдиришмади.

– Фарғоналик мухлислар сизнинг келишингиздан хурсанд бўлишди. У ерда сизга аниқ қандай вазифа қўйишди?
– Жамоа кубокда курашни давом эттирмоқда ва бу жуда яхши. Мен ҳозир жамоам қандайдир соврин учун курашади деб айта олмайман. Мен афсунгар эмасман, ахир. Ҳали энди футболчилар билан танишяпман. Уларни билиб олишим керак. Ахир ҳар қандай тактика ҳам ижрочилар асосида қурилади. Афсуски жамоада тил билан боғлиқ муаммолар ҳам бор. Барча йи ... Читать дальше »

Португалия терма жамоаси ҳужумчиси Криштиану Роналду Конфедерациялар кубоги-2017 турнирида учинчи ўрин учун учрашувда иштирок этмайди. Marca нашрининг хабар беришича, мураббийлар штаби Мадриднинг «Реал» жамоаси футболчисига ўзининг янги туғилган фарзандларини кўриш учун жўнаб кетишга рухсат берган.

«Мен терма ўйинларига бор диққатни жамладим, бу ҳаттоки икки нафар фарзандим дунёга келганини билганимдан сўнг ҳам давом этди. Афсуски, мусобақадаги бош мақсадга эриша олмадик, бироқ, ишончим комилки, португалиялик ишқибозларга қувонч тақдим этишда давом этамиз. Фарзандларимизни илк бора кўришимдан жуда хурсанд бўламан», - дея ёзди Криштиану «Фейсбук»даги саҳифасида.

11 июнь куни Криштиану Роналду эгизак фарзандли бўлгани ҳақида хабарлар тарқалганди.

Эслатиб ўтамиз, Португалия Конфедерациялар кубоги-2017 ярим финалида Чилига пенальтилар сериясида имкониятни бой берди. Якшанба куни Фернанду Сантуш шогирдлари турнирдаги охирги учрашувда Германия ва Мексика терма жамоалари учрашувида мағлуб бўлган жамоага қарши учинчи ўрин учун ўйнайди.

Конфедерациялар кубогининг ярим финал ўйинида Чили ҳамда Португалия терма жамоалари тўқнаш келди. "Казань-Арена" стадионида кечган ўйин Чилининг ғалабаси билан якунланди.

Ўйиннинг асосий ва қўшимча дақиқаларида ҳисоб очилмади. Пенальтилар сериясида чилилик футболчиларнинг қўли баланд келди. Клаудио Браво кетма-кет 3та пенальтини қайтариб, жамоасини финалга олиб чиқди.

Чили 2 июль куни Тошкент вақти билан соат 23:00да финалда Германия – Мексика жуфтлиги ғолиби билан куч синашади. Португалия ҳам 3-ўрин учун курашни шу куни, соат 17:00 да ўтказади.

Португалия – Чили 0:0
Португалия – Руй Патрисиу, Соареш, Алвеш, Фонте, Элизеу, Бернарду Силва (Куарежма, 83), Адриен Силва (Моутинью, 102), Вильям Карвалью, Андре Гомеш (Желсон Мартинш, 116), Роналду, Андре Силва (Нани, 76).
Чили – Браво, Медель, Босежур, Хара, Видаль, Эрнандес (Сильва, 112), Варгас (Родригес, 86), Диас, Санчес, Арангис, Исла (Фуэнсалида, 120).
Пенальтилар серияси: 0:1, 0:2, 0:3.
Огоҳлантиришлар: Хара (23), Вильям Карвалью (31), Андре Силва (43), Эрнандес (51), Фонте (96), Алвеш (111), Соареш (114).

“Yuventus” jamoasi Madridning “Real” klubi o`ng qanot himoyachisi Daniloga qiziqib qoldi, deb xabar bermoqda Championat.com nashri.

Turinliklar “Real”ga 15 million evro va bonuslar taklif qilmoqda. “Real” esa braziliyalik futbolchini kamida 19 millionga sotishni rejalashtirgan.

Yaqin orada turinliklar 25 yoshli futbolchining agenti bilan yana bir bor muzokara o`tkazadi.

“Barselona” klubi va Urugvay terma jamoasi hujumchisi Luis Suares eng yomon ko`radigan klub nomini aytdi.

“Eng yomon ko`radigan klubim – “Atletiko Madrid”. Bu jamoani jiniy suymaydi. Ularga qarshi o`yinda ko`p asabiylashaman. Ular safida hamyurtim Diego Godin ham bor. U doim meni qo`riqlaydi va jahlimni chiqaradi. Men ham unga javoban shunday munosabatda bo`laman”, – dedi Luis Suares.

Ma`lumot uchun, o`tgan mavsumda Luis Suares kataloniyaliklarning barcha musobaqalarida 59 ta gol urishga muvaffaq bo`lgandi.