Халқаро футбол федерацияси (ФИФА) Қатар атрофида юзага келган дипломатик инқироз шароитида ёрдам кўрсатишга тайёрлигини билдирди. Бу ҳақда ФИФА президенти Жанни Инфантино Швейцариядаги Le Matin Dimanche нашрига берган интервьюсида айтиб ўтган.

«Ҳозир Қатар дипломатик кризисни бошдан кечираётганини кўриб турибмиз. Аммо мен минтақада вазият ўнгланишига умид қиламан. ФИФАнинг бош мақсади футболни тарғиб қилиш, геосиёсатга аралашиш эмас. Агар ФИФА бу вазият барқарорлашувига ҳисса қўша олиши мумкин бўлса, ўз ёрдамини аямайди», деган Инфантино.

5 июнь куни Саудия Арабистони, Баҳрайн, БАА ва Миср Қатар билан дипломатик муносабатларни узгани ҳақида эълон қилди. Бу давлатлар расмий Доҳани терроризмни қўллашда айблади. Кейинроқ Ливия, Яман, Мальдив, Мавритания ва Комор ороллари ҳукуматлари ҳам Қатар билан алоқаларни тўхтатди. Шунингдек бу можаро фонида қатор давлатлар Қатардан ўз элчиларини чақириб ола бошлаган. Иордания ва Жибути ушбу мамлакат билан алоқалари даражасини пасайтирган.

Қатарда 2022 йилги жаҳон чемпионати ўтказилиши белгиланган (21 ноябрдан 18 декабрга қадар).

Ўзбекистон миллий терма жамоаси ярим ҳимоячиси Сервер Жепаров Эронга қарши ўйин олдидан Осиё футбол конфедерацияси расмий сайтига интервью берди. Суҳбат чоғида Осиёнинг икки карра энг яхши футболчиси ЖЧга чиқиш истаги бор эканини яширмаган.

«Барчаси жуда оддий – биз саралаш босқичидаги қолган уч ўйинда ғалаба қозонишимиз керак, ўшанда плей-офф босқичида ўйнамаймиз ва жаҳон чемпионатига автоматик равишда йўл оламиз. Сўнгги 8 йил давомида, айниқса, бундан аввалги саралаш босқичида кучли таркиб билан ҳаракат қилдик. Бу мен ўйнаган энг кучли авлод эди», – дея Жепаровнинг сўзларини келтирган ЎФФ матбуот хизмати.

Сервер Жепаров 34 ёшида ЖЧ–2018 мусобақасига чиқиш орқали мамлакат қаҳрамони бўлиш истаги ҳақида ҳам сўзлаган.

«Ғалаба қозониш нафақат мен учун, балки Ўзбекистон аҳолиси учун мотивация бўларди. Чунки мамлакат термаси жаҳон чемпионатида иштирок этмаган. 34 ёшимда ЖЧ–2018 турнирига йўл олиб, мамлакат қаҳрамонига айланишни хоҳлардим», – деган футболчи.

Жепаров Ўзбекистон термаси 2014 йилги мундиалга чиқишга жуда яқин боргани ва қўлдан бой берилган имкониятдан кейин кетиш ҳақида ўйлаганини айтиб ўтди.

«Биз яхши ўйнаган эдик ва ЖЧ–2014 турнирига чиқиш учун битта гол камлик қилганди. Бундан афсусда эдик. Жанубий Корея термаси Эронга мағлуб бўлганини эшитгач, қўлдан бой берилган барча имкониятлардан афсусга тушгандик. Мен термадан кетишни ва умуман футбол кўрмасликни истагандим», – деб эслаган Сервер Жепаров.
... Читать дальше »

Енгил атлетика бўйича саккиз карра Олимпиада чемпиони Усэйн Болт Кингистонда ўтказилган Racers Grand Prix мусобақасида 100 метрга югуриш баҳси ғолиби бўлди.

30 яшар спортчи мазкур масофани 10,03 секунд ичида босиб ўтди. Болтнинг фаолияти учун бу юртида ўтаётган энг сўнгги мусобақага бўлди. Усэйн ғалабасидан сўнг мухлислар олқиши ичида майдонни югуриб ўтди. Ана шундан сўнг бориб, финиш чизиғини ўпди.

Сўнгги вақтларда Болт спортдаги фаолиятини якунлагач, сиёсат оламида пайдо бўлади, деган маълумотлар пайдо бўлди. Аммо бундай эмаслиги ойдинлашди. Бу ҳақда спортчининг ўзи “Рейтер” агентлиги билан ўтказилган суҳбатда айтиб ўтган.



“Мен олдин ҳам айтган эдим – сиёсат мен учун эмас. Мен имконим қадар сиёсатдан ўзимни йироқ олиб келганман”, - деган у. Агентликнинг хабар беришича, Ямайка бош вазири Эндрю Хоулнесс Болтга ҳукуматда ишлашни таклиф қилган, аммо спортчи рад этган.

RT’нинг эслатишича, Болт жорий йилнинг 5-23 август кунлари Лондонда ўтадиган жаҳон чемпионатидан сўнг фаолиятини тўла якунлашга қарор қилган.

... Читать дальше »

"Ювентус" дарвозабони Жанлуижи Буффон 2018 йилги жаҳон чемпионатидан сўнг фаолиятини якунлаши мумкинлиги ҳақида гапирди.

"Спортчининг фаолияти ғалаба ва мағлубиятлардан иборат. Ўз вақтида мен жуда кўп ғалабага эришганман, бироқ мағлубиятларим ҳам етарлича бўлган. Биз доимо келажакка қарашимиз керак. "Реал"нинг ҳаттоки энг ёмон ўйинчиси ҳам мендан кўпроқ совринга эга ва катта финалларда ҳам кўпроқ иштирок этган. Шу сабабли бизнинг Чемпионлар лигасидаги имкониятларимизни ортиқча баҳолаш керак эмасди.

Бу йил фаолиятимдаги сўнггиси бўлиши мумкин ва уни бош ролларда ўтказишни хоҳлайман. Мен абадий эмасман ва ҳеч қачон бундай ўйламаганман. Мен жамоа ҳақида ўйлайман, "Ювентус" ва Италия терма жамоаси биргини футболчига боғлиқ бўлмаслиги керак. Олдин мен мураббий бўлмаслигим мумкинлигини айтгандим, бироқ Италия терма жамоа мураббийи бўлиш камроқ стрессли бўлиши мумкин. Фаолиятимни тугатганимда бироз дам олмоқчиман, чунки узоқ ва оғир фаолиятни бошдан ўтказдим", – деди Буффон

Мадриднинг "Реал" клуби ҳужумчиси Криштиану Роналду эгизак фарзандли бўлди. Эгизаклар – Маттео исмли ўғил ва Ева исмли қиз 8 июнда туғилишган. Бу ҳақда Португалиянинг SIC телеканалига иқтибос келтирган ҳолда Daily Mail нашри хабар бермоқда.

Машҳур футболчи иккинчи бор ота бўлмоқда, унинг 6 ёшли Кичик Криштиану Роналду исмли ўғли бор. Роналдунинг эгизак фарзандлари ҳам биринчи фарзанди каби суррогат онадан дунёга келдилар.

Эгизаклар туғилгани ҳақидаги маълумот Роналдунинг ўзи томондан ҳам, унинг вакиллари томондан ҳам расман тасдиқланмади.

Март ойида АҚШда яшовчи суррогат она ҳомиладорликнинг сўнгги ойларида эканлиги ва яқин орада футболчи учун эгизаклар туғиб бериши маълум қилинганди. Футболчига яқин манба эгизаклар туғилгач Роналдунинг Мадрид яқинидаги вилласига олиб келинишларини маълум қилганди.

Ўзбекистон терма жамоаси ЖЧ–2018 саралаш босқичи «А» гуруҳи 8-туридан ўрин олган Эронга қарши учрашувда иштирок этиш учун Теҳронга йўл олди.

Tribuna.Uz манбаси берган хабарга кўра, Ўзбекистон миллий терма жамоаси Теҳронга 23 нафар футболчи билан йўл олган. Эронга қарши учрашувда майдонга тушиши мумкин бўлган таркиб қўйидагича кўриниш олган:

Дарвозабонлар: Александр Лобанов («Пахтакор»), Игнатий Нестеров («Локомотив»), Элдор Суюнов («Насаф»).
Ҳимоячилар: Фаррух Сайфиев («Насаф»), Анзур Исмоилов («Чангчун Ятай», Хитой), Егор Кримец («Бейжинг Гуан», Хитой), Рустам Ашурматов («Бунёдкор»), Отабек Шукуров («Бунёдкор»), Мурод Холмуҳаммедов («Қўқон-1912»), Даврон Хошимов («Пахтакор»), Акмал Шораҳмедов («Насаф»).

Ярим ҳимоячилар: Станислав Андреев («Пахтакор»), Одил Аҳмедов («Шангҳай СИПГ»), Сервер Жепаров («Истиқлол», Эрон), Сардор Рашидов («Ал-Жаиш», Қатар), Азиз Ҳайдаров («Ажман», БАА), Фозил Мусаев («Жубило Ивата», Япония), Вадим Афонин («Оренбург», Россия).

Ҳужумчилар: Элдор Шомуродов («Бунёдкор»), Жалолиддин Машарипов («Локомотив»), Игорь Сергеев («Пахтакор»), Темурхўжа Абдухолиқов («Ас-Сайлия», Қатар), Александр Гейнрих («Ўрдабаси», Қозоғистон).

Ўзбекистон терма жамоаси таркибида жароҳати сабаб «Локомотив» футболчилари Ислом Тўхтахўжаев ва Марат Бикмаев Эрон терма жамоасига қарши учрашувда иштирок эта олмайди.

Эслатиб ўтамиз, Эронга қарши учрашув 12 июнь куни, Теҳрондаги «Озоди» стадионида бўли ... Читать дальше »

Чилилик журналист, Mega ва Fox Sports телеканалларида ишловчи Фернандо Солабарриета «Арсенал» ҳужумчиси Алексис Санчеснинг келажагига ойдинлик киритди.

Солабарриета берган маълумотга кўра, футболчи фаолиятини Англияда, «Манчестер Сити» сафида давом эттиради. Манкунианликларни ҳозирда бошқараётган Хосеп Гвардиола айнан Санчесни«Барселона»га таклиф қилганди.

Эслатиб ўтамиз, олдинроқ чилилик футболчига Германиянинг «Бавария» клуби ҳам қизиқиш билдирётгани маълум қилинганди.

«Реал», «Ювентус» ва Англия терм жамоаси собиқ бош мураббийи Фабио Капелло Хитойнинг «Жиангсу Сунинг» жамоасини бошқаришга розилик билдирган. Бу ҳақда Gazzetta dello Sport нашри хабар тарқатди.

Манба берган хабарга кўра, Капеллонинг мураббийлар штабидан «Ювентус» собиқ футболчиси Жанлука Дзамбротта, шунингдек собиқ «Милан»чи Кристиан Брокки ҳам ўрин олади. Расмий ахборот тез орада эълон қилиниши кутилмоқда Ожидается, что официально о назначении будет объявлено в ближайшее время.

Маълумот учун, Хитой чемпионатининг ортда қолган 12-туридан сўнг «Жиангсу Сунинг» 8 очко тўплаб, турнир жадвалида 15-ўринда бормоқда.

Эслатиб ўтамиз, Фабио Капеллонинг сўнгги иш жойи Россия терма жамоаси бош мураббийлиги бўлганди.

Ўзбекистон миллий терма жамоаси ҳужумчиси Александр Гейнрих ФИФА расмий сайтига интервью берди. ЎФФ матбуот хизмати ушбу интервьюни чоп этди.

Суҳбат чоғида тажрибали футболчи фаолиятидаги қийинчиликлар, саралаш босқичидаги бўлажак тўқнашувлар, ЖЧ–2018 турнирига чиқиш орзуси ҳамда Сурияга қарши ўйиндаги селфи ҳақида сўзлаб берди.

ФИФА мухбири Александр Гейнрихнинг Сурия билан ўйинда олган селфисига олдиндан тайёргарлик кўрган-кўрмагани ҳақидаги саволга қуйидагича жавоб берди: «Сурия билан ўйиндаги селфи ўз-ўзидан келиб чиқди. Журналист телефонини менга узатди ва ажойиб эҳтирослар остида селфига тушдик».

Ўзбекистонлик ҳужумчидан интервью олган мухбир Гейнрихни бир неча кун олдин фаолиятини якунлаган Франческо Тоттининг селфи билан гол нишонлашига қиёслади.



«Тотти менга ёқади, у ҳақиқий афсона. Унинг сўнгги ўйинини кўрдим ва футбол билан хайрлашганини кўриб йиғладим. У сингари гол нишонлаганимдан мамнунман», – дея жавоб берди ҳужумчи.

Ўзбекистонлик ҳужумчи Россияда бўлиб ўтадиган Жаҳон чемпионатига чиқиш истаги ҳақида қўйидаги фикрларни билдирди: «Россиядаги ЖЧга боришни жуда ҳам хоҳлардим. ЖЧ қандай экани ҳақида тушунчага эгаман, чунки 2003 йили БААдаги U-20 Жаҳон чемпионатида иштирок ... Читать дальше »

Европада 2018 йилги жаҳон чемионати саралаши доирасида С гуруҳи вакиллари 6-тур ўйинларини ўтказишди.

Германия Сан-Марино устидан йирик ҳисобдаги ғалабага эришди. Нюрнбергдаги «Грундиг» стадионида кечган учрашув 7:0 ҳисобидаги ғалаба билан якунланди.

Ғолибларнинг голларига Юлиан Дракслер, Амин Юнес, Шкодран Мустафи, Юлиан Брандт ва ҳет-трик қайд этган Сандро Вагнер муаллифлик қилишди.

Гуруҳда доирасида аввалроқ бўлиб ўтган учрашувда Шимолий Ирландия Озарбойжонни қабул қилиб, ўйинга қўшиб берилган дақиқаларда Стюарт Даллас урган гол эвазига ғалабага эришганди (1:0).

Яна бир учрашувда Чехия Норвегия майдонига сафар қилиб, дуранг қайд этди (1:1). Меҳмонларнинг голи Теодор Гебре Селасси томонидан урилганди, мезбонларнинг жавоб голига Александр Сёдерлунд муаллиф бўлди.

Эндиликда С гуруҳида турнир жадвали шундай кўриниш олган: 1. Германия — 18 очко (6 ўйин); 2. Шимолий Ирландия — 13 (6); 3. Чехия — 9 (6); 4. Озарбойжон — 7 (6); 5. Норвегия — 4 (6); 6. Сан-Марино — 0 (6).

ЖЧ-2018 саралаши, Европа
6-тур

Германия – Сан-Марино 7:0 (4:0, 3:0)
Голлар: 1:0 – 11 Дракслер, 2:0 – 16 Вагнер, 3:0 – 29 Вагнер, 4:0 – 38 Юнес, 5:0 – 47 Мустафи, 6:0 – 72 Брандт, 7:0 – 85 Вагнер.
Германия – тер Стеген, Киммих, Мустафи, Ҳектор (Платтенхардт, 55), Дракслер (Демме, 76), Горетцка, Юнес, Жан, Брандт, Штиндль (Вернер, 55), Вагнер.
Сан-Марино – Бенедеттини, Дзафферани, Червеллини, ... Читать дальше »

«Бенфика» ҳимоячиси Виктор Линделеф фаолиятини «Манчестер Юнайтед»да давом эттиради.

Англия клуби расмий сайтида ушбу 22 ёшли футболчи билан келишувга эришилгани ҳақида расман маълум қилинди.

Эндиликда ушбу швециялик футболчи тиббий кўрикдан ўтиши, Англияда ишлаш ҳуқуқини олиши ва «МЮ» билан шахсий шартномани келишиши керак бўлади.

Бундан олдинг хабарларда Линделеф учун «Юнайтед» 30 миллион фунт тўлаш айтилганди.

ЖЧ-2018 саралаш ўйинлари доирасида F гуруҳи вакиллари Шотландия ва Англия терма жамоалари ўртасидаги баҳс бўлиб ўтди.

Глазгодаги «Ҳэмпден Парк» стадионида кечган баҳс 2:2 ҳисобидаги дуранг билан якунланди.

Биринчи бўлимда дарвозаларга голлар урилмади. 70-дақиқада эса Алекс Окслейд-Чемберлен аниқ зарбаси билан инглизларни ҳисобда олдинга олиб чиқди. 87-дақиқада Ли Гриффитс ҳисобни тенглаштирди. Унинг ўзи 3 дақиқадан кейин яна бир гол уриб, жамоасини олдинга бошлади. Аммо ўйинга қўшиб берилган дақиқаларнинг иккинчисида Ҳарри Кейн инглизларга дуранг натижа келтирувчи голни урди.

Яна бир ўйинда эса Словения Мальтани қабул қилиб, 2:0 ҳисобидаги ғалабага эришди. Голлар муаллифлари Йосип Иличич ва Миливое Новакович. Учинчи жуфтлик Словакия ва Литва ўртасидаги ўйин давом этмоқда.

Бу натижалардан кейин инглизлар очколари сонини 14тага етказиб, пешқадамликни давом эттирган. Иккинчи ўринда 11 очко тўплаган ҳолда словенияликлар жойлашган. Словаклар 9 очко билан учинчи, шотландлар 8 очко билан тўртинчи. Бешинчи ва олтинчи ўринлардаги Литва ва Мальта ҳисобида мос равишда 5 ва 0 очко бор.

ЖЧ-2018 саралаши, Европа
6-тур
Шотландия – Англия 2:2 (0:0, 2:2)
Голлар: 0:1 – 70 Окслейд-Чемберлен, 1:1 – 87 Гриффитс, 2:1 – 90 Гриффитс, 2:2 – 90 Кейн.
Шотландия – Гордон, Малгрю, Тирни, Берра, Робертсон, Браун, Моррисон (Макартур, 46), Снодграсс (Фрэйзер, 67), Анья (Мартин, 81), Армстронг, Гриффитс.
Англи ... Читать дальше »

Саудия Арабистони ҳукумат Қатар компанияси билан техник ҳомийлик бўйича шартнома имзолаган «Барселона» клуби либосини мамлакатда кийиб юришни тақиқлаб қўйди. Бу ҳақда RT нашри хабар тарқатди.

Манбага кўра, эндиликда Саудияда каталонияликлар клуби либосини кийган кишига 135 минг евро жарима миқдорида солинади ва 15 йилга озодликдан маҳрум этиш жазоси қўлланилади.

Эслатиб ўтамиз, олдинроқ Саудия Арабистони Қатарнинг террорчилик гуруҳларига ёрдам беришда ва молиявий қўллаб-қувватлашда айблаб, улар билан барча дипломатик алоқаларни узганди.

"Барселона" клуби ҳужумчиси Лионель Мессининг Аргентина ва Сингапур терма жамоалари ўртасидаги ўртоқлик учрашувида иштирок эта олмаслиги мухлислар норозилигига сабаб бўлди. Бу ҳақда Today Online нашри хабар бермоқда.

13 июнда ўтказиладиган учрашув Сингапур футбол уюшмасининг 125 йиллигига бағишланган бўлиб, унга 55 мингта чипта бир неча ҳафта олдин сотиб бўлинган.

Маълумотларга кўра, аргентиналик футболчи учрашувда ўзининг анча йиллик севгилиси Антонелла Рокуццо билан никоҳ тўйига тараддуд кўриши сабаб иштирок эта олмайди. Футболчининг никоҳ тўйи 30 июнга белгиланган.

Мессининг учрашувда иштирок этмаслигидан хабар топган сингапурлик мухлислар мамлакат футбол федерациясини фирибгарликда айблаб, чипталар учун тўланган пулларнинг қайтарилишини талаб қила бошлашган.

Кўпчилик мухлисларнинг айтишича, улар чипталарни айнан Мессини кўриш учунгина сотиб олганлар. Уларнинг таъкидлашича, учрашув ташкилотчилари ўйиннинг бош юлдузи унда иштирок эта олмаслигини аввалдан маълум қилишлари керак эди.

Сингапур билан учрашувни никоҳ тўйи муносабати билан Аргентинанинг яна бир ўйинчиси – ярим ҳимоячи Николас Отаменди ҳам ўтказиб юборади. Унинг тўйи 16 июнга белгиланган.

Муборак шаҳридаги Баҳром Вафоев номли стадионда катта ёнғин келиб чиққан. Бу ҳақда Tribuna.Uz‘га вазиятдан хабардор манбалар маълум қилган.

Қайд этилишича, ёнғин 9 июнь куни содир бўлган. «Машъал» клубига тегишли стадионнинг бош биносида катта аланга юзага келган ва натижада бино деярли тўлиқ ёниб бўлган. Ҳозирда стадион футбол ўйнаб бўлмайдиган даражага келгани таъкидланмоқда.

Ҳозирча ёнғиннинг бошқа тафсилотлари маълум эмас. Бу борада ҳеч қандай расмий ахборот ҳам берилмаган.