ЖЧ-2018 саралаш ўйинлари доирасида F гуруҳи вакиллари Шотландия ва Англия терма жамоалари ўртасидаги баҳс бўлиб ўтди.
Глазгодаги «Ҳэмпден Парк» стадионида кечган баҳс 2:2 ҳисобидаги дуранг билан якунланди.
Биринчи бўлимда дарвозаларга голлар урилмади. 70-дақиқада эса Алекс Окслейд-Чемберлен аниқ зарбаси билан инглизларни ҳисобда олдинга олиб чиқди. 87-дақиқада Ли Гриффитс ҳисобни тенглаштирди. Унинг ўзи 3 дақиқадан кейин яна бир гол уриб, жамоасини олдинга бошлади. Аммо ўйинга қўшиб берилган дақиқаларнинг иккинчисида Ҳарри Кейн инглизларга дуранг натижа келтирувчи голни урди.
Яна бир ўйинда эса Словения Мальтани қабул қилиб, 2:0 ҳисобидаги ғалабага эришди. Голлар муаллифлари Йосип Иличич ва Миливое Новакович. Учинчи жуфтлик Словакия ва Литва ўртасидаги ўйин давом этмоқда.
Бу натижалардан кейин инглизлар очколари сонини 14тага етказиб, пешқадамликни давом эттирган. Иккинчи ўринда 11 очко тўплаган ҳолда словенияликлар жойлашган. Словаклар 9 очко билан учинчи, шотландлар 8 очко билан тўртинчи. Бешинчи ва олтинчи ўринлардаги Литва ва Мальта ҳисобида мос равишда 5 ва 0 очко бор.
ЖЧ-2018 саралаши, Европа
6-тур
Шотландия – Англия 2:2 (0:0, 2:2)
Голлар: 0:1 – 70 Окслейд-Чемберлен, 1:1 – 87 Гриффитс, 2:1 – 90 Гриффитс, 2:2 – 90 Кейн.
Шотландия – Гордон, Малгрю, Тирни, Берра, Робертсон, Браун, Моррисон (Макартур, 46), Снодграсс (Фрэйзер, 67), Анья (Мартин, 81), Армстронг, Гриффитс.
Англия – Ҳарт, Бертран, Уокер, Кэйхилл, Смоллинг, Дайер, Лаллана, Алли (Стерлинг, 84), Ливермор (Дефо, 90), Кейн, Рэшфорд (Окслейд-Чемберлен, 65).
Огоҳлантиришлар: Браун (3), Ливермор (44), Дайер (60)
Словения – Мальта 2:0 (1:0, 1:0)
Голлар: 1:0 – 45 Иличич, 2:0 – 84 Новакович.
Словения – Облак, Деламеа-Млинар, Йокич, Скубиц (Палчич, 89), Куртич, Мевля, Иличич, Крхин, Вербич, Берич (Новакович, 64), Безяк (Омладич, 59).
Мальта – Ҳогг, Аджиус, Борг (Магри, 89), Мускат, Фейлла, Кристенсен (Гэмбин, 46), Мускат, Фенек, Эффионг, Пизани, Шембри (Мифсуд, 62).
Огоҳлантиришлар: Пизани (37), Эффионг (45), Фейлла (65), Фенек (79), Новакович (85).
|
