«Barselona» futbol jamoasi va Braziliya termasi hujumchisi Neymar CIES Football Observatory tadqiqot markazi talqiniga ko'ra, dunyodagi eng qimmat o'yinchisi, deb tan olindi. Uning qiymati 210,7 mln yevroga baholandi. Markaz rasmiy saytining xabar berishicha, reyting o'yinchilar natijalari, ish beruvchilar, xalqaro maqom, shartnoma, yosh va futbolchilarning holatidan kelib chiqib tuzilgan.

Ushbu ro'yxatning ikkinchi o'rnida «Tottenhem» yarim himoyachisi Delle Alli (155,1 mln yevro), uchinchi pog'onada esa – ushbu jamoa hujumchisi Harri Keyn (153,6 mln yevro) qayd etildi. «Barselona» hujumchisi Lionel Messi to'rtinchi o'rindan joy olgan bo'lsa (151,7 mln yevro), «Real» forvardi Krishtianu Ronaldu faqatgina 11-pog'onani egalladi (112,4 mln yevro).

Madridning «Real» jamoasi Rimning «Roma»sini klublar afsonalari uchrashuvida tor-mor keltirdi. «Santyago Bernabeu» stadionida bo'lib o'tgan bahs mezbonlarning 4:0 hisobidagi g'alabasi bilan yakunlandi.

Birinchi bo'limda madridliklar tarkibida Fernando Morentes va jarima zarbasini ajoyib tarzda ijro etgan Luish Figu gol urgan bo'lsa, bahsning ikkinchi taymida Morentes dubl qayd etdi. «Real»ning yana bir goliga Edvin Kongo mualliflik qildi.

JCh-2018 saralashi doirasida Yevropada 6-tur uchrashuvlari davom ettirildi. G guruhidagi uchrashuvlarda favorit terma jamoalar g'oliblikni rasmiylashtirishdi.

Ispaniya Makedoniya maydoniga safar qilib, 2:1 hisobida g'alaba qozondi.

O'yinning 15-daqiqasida ispanlar yarim himoyachisi David Silva hisobni ochdi. 27-daqiqada Diyego Kosta mehmonlar jamoasining ustunligini oshirdi. O'yinning 66-daqiqasida makedonlar himoyachisi Stefan Ristovski hisobni qisqartirdi.

Italiya esa Lixtenshteynga qarshi uchrashuvda yirik hisobdagi g'alabaga erishdi. Udinedagi «Friuli» stadionida kechgan uchrashuvda 5:0 hisobi qayd etildi.

O'yinning 35-daqiqasida mezbonlar yarim himoyachisi Lorentso Insine texnik mahoratini namoyish etib, to'pni darvozaning uzoq burchagiga joyladi. Ikkinchi bo'lim boshida Insine Andrea Belottini darvozabon bilan yakkama-yakka holatga chiqardi va hujumchi darvozabonga hech qanday imkoniyat qoldirmadi.

79-daqiqada Belotti himoyachilardan qochib ketib, Ederni to'p bilan ta`minladi va hisobdagi ustunlik uchtaga oshdi. 4 daqiqa o'tib Federiko Bernadeskining oyog'iga qulay tushib kelgan to'p darvoza to'riga borib tushdi. O'yin oxirida Manolo Gabbyadini qanotdan uzatilgan pasni darvozaning yaqin burchagiga joyladi.

Albaniya esa Isroil maydonidan yirik g'alaba bilan qaytdi (3:0).

Bu natijalardan keyin guruhda Ispaniya 16 ochko bilan peshqadam, ispanlar Italiyadan to'plar nisbatidagi ustunli ... Читать дальше »

Остонада ўтаётган EXPO 2017 халқаро кўргазмасининг Ўзбекистон миллий павильонида "Матиз" автомобилининг водород ёнилғисида ишловчи антиқа синов модели намойиш қилинди.

Ушбу автомобилнинг дунёдаги бошқа аналогларидан фарқи унда водород сақлаш учун мўлжалланган бакнинг йўқлиги сабабли хавфсизлиги юқорилигидадир. Бундай турдаги двигатель иши натижасида ишланган газларни ташқарига чиқариш тизимида сув чиқади.

Ички ёнув двигателида водород ишлатувчи тизим эвазига автомобиль атроф-муҳитга чиқарадиган газлар ҳажми 80 фоизгача камаяди.



Бундан ташқари, ўзбекистонлик мутахассислар автомобилсозлик соҳасидаги яна иккита ишланмани тақдим қилишди. Улардан бири – томида қуёш панеллари бўлган электромобиль концептидир.

Яна бир намойиш қилинган экспонат электрокартинг бўлди. Бу тажрибавий платформа бўлиб, унда транспорт воситасининг барча электрон тизимлари, аккумулятор батареялари ва электромоторларининг ўзаро ишлашининг турли вариантлари синалади. Бу модель 110 км/соат максимал тезликка эга бўлиб, юриш захираси 30 км ни ташкил қилади. Модель 100 км/соат тезликка 6 сонияда эришади.

Бундан ташқари, "Ўзавтосаноат" АК томондан кўргазмада Ўзбекистонда ишлаб чиқарилган 4 та паст полли MAN CNG (A22) авто ... Читать дальше »

Telegram asoschisi Pavel Durovning so'zlariga ko'ra, jamoasining AQShga 2016 yildagi tashrifi davomida ularni davlat agentliklari vakillari sotib olishga harakat qilgan. Bu haqda Durov Tvitterdagi sahifasida aytib o'tdi.

Taxminlarga ko'ra, Milliy xavfsizlik agentligi messenjyerning shifrlash algoritmiga kirish imkonini qidirgan. Durovning o'zi esa unga FQBda bosim ko'rsatishganidan shikoyat qildi.


«Bizning AQShga o'tgan yildagi bir haftalik tashrifimiz davomida mutaxassislarimizni AQSh agentliklari tomonidan sotib olishga ikki bora harakat bo'ldi + menga FQB tomonidan bosim o'tkazildi»

«Bularning bari bir haftada ro'y berdi. AQShda mustaqil yoki xavfsiz kriptoservisni saqlash soddalik bo'lardi»

Durovning instagramiga qaraganda, u 2016 yilning iyunida Kaliforniyada bo'lgan. Amerika maxsus xizmatlari va Telegram xodimlarining o'zaro aloqalari qanday yakun topgani noma`lum. Bundan so'ng AQShga u yoki uning hamkasblari tashrifiga ham oydinlik kiritilmagan.

Durovning so'zlari Edvard Snouden bilan Signal messenjyeri xavfsizligi borasidagi bo'lib o'tgan bahs-munozaralarga tegishli. Snouden – Signal messenjyeri tarafdori va Telegram’ning tanqidchisidir. Bu uning Durov bilan ushbu mavzudagi birinchi bahsi emas.

Biroq Durov bu safar Signal AQShda davlat tomonidan moliyalashtirilishiga e`tibor qaratdi. Pando.com ma`lumotlariga ko'ra, Signal’ning maxfiy yaratuvchisi Moksi Marlinspayk MXA bilan qalin aloq ... Читать дальше »

Microsoft компанияси Е3 кўргазмаси доирасида махсус матбуот анжумани ўтказди. Унда Xbox One X янги ўйин қурилмаси тақдим этилди. У бозордаги энг кучли ўйин қурилмасига айланди.

Компания вакиллари сўзларига кўра, қурилма ўйинларни 4К кенглик ва кадрларни 60 fps частотада ишга тушириши мумкин. Бунга олти терафлопслик график карта сабаб эришилган. Таққослаш учун, PS4 Pro ишлаб чиқарувчанлик ҳажми 4,2 терафлопсни ташкил этади. Бундан ташқари, Xbox One X Microsoft’нинг энг ихчам ўйин қурилмаси ҳисобланади. У Xbox One S’да қўлланилиши мумкин бўлган барча аксессуарлар билан бирга ишлаши мумкин.

Xbox One X 2017 йилнинг 7 ноябрь куни 500 доллар нархда сотувга чиқарилади.

БМТ душанба куни 2017 йилнинг бошидан буён давомли можаролардан кейин 125 минг нафар афғон ўз ватанини тарк этишга мажбур бўлганини маълум қилди.

АҚШ Гуманитар масалаларни мувофиқлаштириш бошқармаси (ГММБ)нинг маълумотлари сўнгги икки ҳафтанинг ўзидаёқ 22 минг киши мамлакатдан чиқиб кетганини тасдиқламоқда.

Шундай бўлса-да, ГММБда бу маълумотлар ўтган йилнинг шу давридаги кўрсаткичларга нисбатан 28 фоиз кам экани таъкидланган.

Таҳлилчиларнинг фикрича, кўрсаткичларнинг пасайишига зиддиятлар асосан бир жойда рўй бераётгани, у ердаги аҳоли эса аллақачон мамлакатни тарк этиб бўлгани сабабдир. Бошқа томондан эса, қашшоқликнинг ўсиши кўп фарзандли оилаларда кўчиш имконининг йўқлигига ишора қилмоқда.

Бугунги кунда Афғонистон шаҳарларида хавф ортган - авваллари хавфсиз ҳисобланган ҳудудлар бугун нотинч. Масалан, Кобул мунтазам равишда "Толибон" ва "ИШИД" ҳужумларига йўлиқмоқда. Бунинг натижасида эса юзлаб тинч аҳоли ўлдирилмоқда ва жароҳатланмоқда.

Prezident raisligida o'tkazilayotgan videoselektor yig'ilishi vaqtida Samarqand viloyati hokimi Himmat Qo'chqorovich Oqbo'tayev lavozimidan ozod etildi.

«Kun.uz» manbasi ma`lumotiga ko'ra, Shavkat Mirziyoyev yig'ilish vaqtida Samarqand viloyatida qator sohalarda, jumladan, moliya va soliq tizimidagi kamchiliklarni sanab o'tgan.

Qayd etish joiz, Shavkat Mirziyoyev 10 iyun kuni Samarqand viloyatida bo'lib, viloyatdagi qurilish ishlari bilan tanishgan, dalalarda fermerlar bilan uchrashgan edi.

Ma`lumot uchun, Oqbo'tayev o'tgan yilning dekabr oyi oxirida Samarqand viloyati hokimi etib tayinlangandi. U viloyatining avvalgi hokimi Zoyir Mirzayev bosh vazir o'rinbosari hamda respublika qishloq va suv xo'jaligi vaziri etib tayinlangach, uning o'rnida ish boshlagandi.

O'zbekiston Prezidenti Shavkat Mirziyoyev raisligi 12 iyun kuni boshlangan videoselektor davomida Jizzax viloyatidagi ahvolni tanqid qilgan, viloyatning ijtimoiy-iqtisodiy sohalaridagi qator muammolarni sanab o'tgan.

«Kun.uz» manbasi ma`lumotiga ko'ra, videoselektor davomida prezident Jizzax viloyatidagi 4ta tuman hokimlariga yo'l qo'yilgan kamchiliklarni bartaraf etish uchun 1 oy muhlat bergan.

Bundan avvalroq videoselektorda Samarqand viloyati hokimi Himmat Oqbo'tayev lavozimidan ozod etilgani ma`lum bo'lgandi.

Халқаро футбол федерацияси (ФИФА) Қатар атрофида юзага келган дипломатик инқироз шароитида ёрдам кўрсатишга тайёрлигини билдирди. Бу ҳақда ФИФА президенти Жанни Инфантино Швейцариядаги Le Matin Dimanche нашрига берган интервьюсида айтиб ўтган.

«Ҳозир Қатар дипломатик кризисни бошдан кечираётганини кўриб турибмиз. Аммо мен минтақада вазият ўнгланишига умид қиламан. ФИФАнинг бош мақсади футболни тарғиб қилиш, геосиёсатга аралашиш эмас. Агар ФИФА бу вазият барқарорлашувига ҳисса қўша олиши мумкин бўлса, ўз ёрдамини аямайди», деган Инфантино.

5 июнь куни Саудия Арабистони, Баҳрайн, БАА ва Миср Қатар билан дипломатик муносабатларни узгани ҳақида эълон қилди. Бу давлатлар расмий Доҳани терроризмни қўллашда айблади. Кейинроқ Ливия, Яман, Мальдив, Мавритания ва Комор ороллари ҳукуматлари ҳам Қатар билан алоқаларни тўхтатди. Шунингдек бу можаро фонида қатор давлатлар Қатардан ўз элчиларини чақириб ола бошлаган. Иордания ва Жибути ушбу мамлакат билан алоқалари даражасини пасайтирган.

Қатарда 2022 йилги жаҳон чемпионати ўтказилиши белгиланган (21 ноябрдан 18 декабрга қадар).

Ўзбекистон миллий терма жамоаси ярим ҳимоячиси Сервер Жепаров Эронга қарши ўйин олдидан Осиё футбол конфедерацияси расмий сайтига интервью берди. Суҳбат чоғида Осиёнинг икки карра энг яхши футболчиси ЖЧга чиқиш истаги бор эканини яширмаган.

«Барчаси жуда оддий – биз саралаш босқичидаги қолган уч ўйинда ғалаба қозонишимиз керак, ўшанда плей-офф босқичида ўйнамаймиз ва жаҳон чемпионатига автоматик равишда йўл оламиз. Сўнгги 8 йил давомида, айниқса, бундан аввалги саралаш босқичида кучли таркиб билан ҳаракат қилдик. Бу мен ўйнаган энг кучли авлод эди», – дея Жепаровнинг сўзларини келтирган ЎФФ матбуот хизмати.

Сервер Жепаров 34 ёшида ЖЧ–2018 мусобақасига чиқиш орқали мамлакат қаҳрамони бўлиш истаги ҳақида ҳам сўзлаган.

«Ғалаба қозониш нафақат мен учун, балки Ўзбекистон аҳолиси учун мотивация бўларди. Чунки мамлакат термаси жаҳон чемпионатида иштирок этмаган. 34 ёшимда ЖЧ–2018 турнирига йўл олиб, мамлакат қаҳрамонига айланишни хоҳлардим», – деган футболчи.

Жепаров Ўзбекистон термаси 2014 йилги мундиалга чиқишга жуда яқин боргани ва қўлдан бой берилган имкониятдан кейин кетиш ҳақида ўйлаганини айтиб ўтди.

«Биз яхши ўйнаган эдик ва ЖЧ–2014 турнирига чиқиш учун битта гол камлик қилганди. Бундан афсусда эдик. Жанубий Корея термаси Эронга мағлуб бўлганини эшитгач, қўлдан бой берилган барча имкониятлардан афсусга тушгандик. Мен термадан кетишни ва умуман футбол кўрмасликни истагандим», – деб эслаган Сервер Жепаров.
... Читать дальше »

Конго Демократик Республикаси шарқидаги Бени шаҳридаги турмага номаълум шахслар ҳужум қилди, деб хабар бермоқда Associated Press ахборот агентлиги.

Таъкидланишича, ҳужум вақтида 11 киши, жумладан 8 қўриқчи ҳалок бўлган. 900 дан кўпроқ маҳбус эса қочишга муваффақ бўлган.

Маълум қилинишича, воқеадан кейин турмада бор-йўғи 30 га яқин маҳбус қолган.

АҚШ ҳарбий-ҳаво кучлари Сомалида АҚШ миссиясининг ваколатлари кенгайтирилиши доирасида бу ерда ҳаракат қилувчи "Аш-Шабоб" террорчилик гуруҳи позицияларига зарба берди. Бу ҳақда АВС телеканали хабар берган.

Март ойида АҚШ президенти Дональд Трамп Африка иттифоқининг Сомалидаги жанговар операцияларини ва Сомали хавфсизлик кучларини қўллаб-қувватлаш мақсадида "Аш-Шабоб" жангариларига қарши курашувчи қўшинлар ваколатларини кенгайтирганди.

"11 июнда мудофаа вазирлиги Сомалида "Аш-Шабоб"га қарши операция ўтказди. Операция Могадишодан жануби-ғарбий томонда тахминан 300 км узоқликда ўтказилди", деб айтилди Пентагон хабарида.

Таъкидланишича, зарбадан мақсад Сакоу шаҳри яқинидаги террорчилар машғулот лагерини нишонга олиш бўлган. Маълум қилинишича, зарба натижасида гуруҳнинг қўмондонлик пункти ва омбори йўқ қилинган.

Хитойнинг марказий қисмида жойлашган Ланьчжоу шаҳрида қурилаётган осмонўпар бино ёниб кетди. Аланга қурилиш ҳавозалари бўйлаб тез тарқаб, бинони улкан маёққа айлантирган.

Хитойнинг ССTV телеканали маълум қилишича, ёнғин оқибатида жароҳатланганлар ёки ҳалок бўлганлар ҳақида маълумотлар олинмаган. Ўт ўчирувчиларга ёнғинни ўз назоратларига олиш учун 1,5 соат талаб этилган.

Қирғизистон президенти Алмазбек Атамбоев нима учун Қозоғистонга ҳавас қилишини айтди. Бу ҳақида унинг матбуот анжуманида айтган гапларига асосланиб, 24kg нашри хабар берди.

Атамбоевнинг сўзларига кўра, у Остонада бўлганида 3 миллиард долларга қурилган кўргазма мажмуасини кўздан кечирган.

"Агар мен шунча пул сарфлаганимда, мени ёқиб ташлаган бўлишарди, назаримда. Биз бу ерда Жаҳон кўчманчилар ўйинига 30 миллион доллар сарфладик ва бу асосан донорлар ҳисобидан. Бу борадаги гап-сўзлар ҳали тинмайди. Қозоғистонда эса ушбу кўргазма мажмуига буткул ўзгача муносабат. У ерда одамлар қўллаб-қувватламоқда. Мен ҳавас қилдим, тўғриси. Бизда, афсуски, ҳамма ҳам тушунмайди", - деди Алмазбек Атамбоев.

Россияга ташриф билан келган Қатар Ташқи ишлар вазири Муҳаммад ибн Абдураҳмон ал Соний маҳаллий нашрларга берган интервьюсида маълум қилдики, унинг мамлакати блокадага тайёр ва мамлакатда озиқ-овқат етишмовчилиги йўқ.

«Қатарнинг озиқ-овқат захиралари кўп вақтга етади. Мен буни тасдиқлайман ва бундан кейин ҳам тасдиқлашда давом этаман. Озиқ-овқат тақчиллиги ҳақида гаплар тарқалиши билан одамлар бунга реакция кўрсатиши табиий. Бу реакция маълум вақт давом этди. Кейин одамлар тинчланишди ва бизда захиралар етарли эканини билишди. Қатар бундай блокадага ҳамиша тайёр», — деган вазир.

Унинг сўзларига кўра, ўтмишда мамлакат кўплаб инқирозларни бошдан кечирган, мисол учун 1996 йилги давлат тўнтаришига уриниш ҳамда 2014 йилги дипломатик инқироз. У Қатар воқеаларнинг ҳар қандай ривожига тайёр эканини қўшимча қилган.

Бундан аввалроқ ал Соний, Доҳага қарши ахборий хуруж мамлакат учун кутилмаган ҳол бўлгани, бунгача Қатар барча араб давлатлари билан қалин ва дўстона алоқалар ўрнатгани ҳақида айтиб ўтганди.

5 июнь куни Саудия Арабистони, Баҳрайн, БАА ва Миср Қатар билан дипломатик муносабатларни узгани ҳақида эълон қилди. Бу давлатлар расмий Доҳани терроризмни қўллашда айблади. Кейинроқ Ливия, Яман, Мальдив, Мавритания ва Комор ороллари ҳукуматлари ҳам Қатар билан алоқаларни тўхтатди. Шунингдек бу можаро фонида қатор давлатлар Қатардан ўз элчиларини чақириб ола бошлаган.

Шундан сўнг Доҳа аҳолиси иқтисодий блокада юзага келиши ... Читать дальше »

ИШИД жангарилари Ироқнинг Ширкат шаҳрига ҳужум қилишди.

Reuters тарқатган хабарга кўра, Мўсул шаҳридан 100 км масофадаги ушбу шаҳарга ҳужум қурбонлари сони 40 нафардан ошади ва уларнинг аксар қисми тинч аҳоли вакилларидир.

Бундан ташқари, яна ўнлаб кишилар жароҳатланган. Ҳужум вақтида жангарилар ҳам талофат берган.

Бу ҳужум Ироқ ҳукумати армиясининг Мўсул ғарбидаги Зинжили туманини қўлга киритиш вақтига тўғри келди

Собиқ Ливия раҳбари Муаммар Каддафийнинг ўғли Саиф Ал-Ислом Зинтан шаҳрида озодликка чиқди. Бу ҳақида «Абу Бакр ас-Сиддиқ» қуролланган гуруҳи хабарига асосланиб, RT хабар берди.

Фото: Reuters

Гуруҳ вакилларининг маълум қилишича, кенжа Каддафий мамлакат парламенти томонидан эълон қилинган амнистияга биноан озодликка чиққан.

"Биз жаноб Саиф Ал-Ислом Муаммар Каддафийни озод қилишга қарор қилдик. У буткул озод. Биз Рамазоннинг 14-кунида унинг Зинтанни тарк этганини тасдиқлаймиз", - дейилади хабарда.
Манбага кўра, Саиф ўтган ойнинг охирида Ливия парламенти томонидан эълон қилинган умумий амнистия натижасида озодликка чиққан. У шунингдек мамлакат ичида ва ундан ташқарида тўсиқларсиз ҳаракатланиш ҳуқуқига эга бўлган.

"Зинтан инқилобчиларининг ҳарбий кенгаши" ҳам шу мазмундаги баёнот билан чиқди: "Саиф Ал-Ислом Каддафий умумамнистия қонуни ижроси асосида озод этилди".

"Ал-Арабийя"га кўра, ҳозирда кенжа Каддафий - Ливия шарқидаги Ал-Байда шаҳрида. У ўз тарафдорлари олдида чиқиш қилиши кутилмоқда.

"Энди муҳандис Саиф Ал-Ислом чиққанидан кейин яқин бир неча кунларда дунёни катта ҳодисалар кутмоқда", - деди собиқ маҳбуснинг қариндоши Аҳмад Муҳариб.

У бу сўзлари билан айнан нимани назарда тутаётганига аниқлик киритмади.

Саиф Ал-Ислом отасининг энг содиқ тарафдорларидан бири ҳисобланади. У отасининг фаолиятида фаол иштирок этган, хусусан Ливия ўтиш даври миллий кенгашига қаршилик ... Читать дальше »

ИШИД раҳбари Абу Бакр ал-Бағдодий Суриянинг Раққа шаҳрида амалга оширилган авиазарбалар вақтида ҳалок бўлган. Бу ҳақда Daily Mail нашри Суриядаги телеканалга асосланган ҳолда хабар тарқатди.

Ҳозирча жангариларнинг тарғибот воситаси бўлмиш Amaq бу маълумотни тасдиқламади.

Июнь ойи бошида Сурия курдларининг ҳарбий бўлинмалари ИШИД пойтахти саналмиш Раққа шаҳрини қамал қилишни бошлаганди. Ҳужум бошлаган отрядлар «араб-курд» отрядлари саналаётган бўлсада, асосий ишларни курдлар бажармоқда.

Бундан олдинроқ разведка хизматлари Ироқдаги Мўсул қамал қилингач, ИШИД раҳбари бу шаҳардан чиқиб кетишга муваффақ бўлгани маълум қилинганди.

Кейинроқ у қамалдан чиқиш вақтида қўлга олингани ҳақида хабарлар пайдо бўлди. Аммо Пентагон бу хабарни тасдиқламади.

Қайд этиш керакки, кейинги йилларда бир неча марта нашрлар ал-Бағдодийнинг қаттиқ яралангани ёки вафот этгани ҳақида хабарлар берган, аммо бу хабарларнинг ҳеч қайсиси тасдиғини топмаган.

Тошкент шаҳри. Республика Гидрометеорология марказининг хабар беришича, 12 июнь куни пойтахтда ҳаво ўзгариб туради, ёғингарчилик кутилмайди. Кечаси 18-20, кундузи 34-36 даража иссиқ бўлади.

Қорақалпоғистон Республикаси ва Хоразм вилояти. Ҳаво ўзгариб туради, ёғингарчилик бўлмайди. Кечаси 17-22, кундузи 33-38 даража иссиқ бўлади.

Бухоро ва Навоий вилоятлари. Ҳаво ўзгариб туради, ёғингарчилик бўлмайди. Кечаси 17-22, кундузи 34-39 даража иссиқ бўлади.

Тошкент, Самарқанд, Жиззах ва Сирдарё вилоятлари. Ҳаво ўзгариб туради, ёғингарчилик бўлмайди. Кечаси 15-20, кундузи 33-37 даража иссиқ бўлади.

Қашқадарё ва Сурхондарё вилоятлари. Ҳаво ўзгариб туради, ёғингарчилик бўлмайди. Кечаси 19-24, кундузи 35-40 даража иссиқ бўлади.

Андижон, Наманган ва Фарғона вилоятлари. Ҳаво ўзгариб туради, ёғингарчилик бўлмайди. Кечаси 14-19, кундузи 32-37 даража иссиқ бўлади.