Ўзбекистон Республикаси Марказий банки 28 июнь санасидан хорижий валюталарнинг сўмга нисбатан янги қиймати эълон қилди.

Бу ўтган ҳафтадаги курсга нисбатан 27 сўм 65 тийинга кўп бўлиб, 3958 сўм 56 тийинни ташкил қилади. 1 евро қиймати эса 26,09 сўмга ошиб, 4422 сўм 11 тийин деб белгиланди.

Таъкидлаш жоиз, валюта қийматини белгилаш чоғида Марказий банк мазкур валюталарни ушбу қийматда сотиш ёки сотиб олиш мажбуриятини олмаган.

Жорий йилнинг 22 июнь, пайшанба куни тахминан соат 19:00ларда, Бектемир тумани ИИБ ходимлари ўтказган “Орият” тадбири давомида Исматуллаева Венера Рафиковна Бектемир туманида жойлашган хонадонида фоҳишахона сақлаб, 20.000 сўм пул эвазига фуқаро “С” ва “Г” ларга жинсий алоқа қилишлари учун шароит яратиб бергани аниқланган.

Ушбу воқеанинг эртаси, 23 июнь, жума куни тахминан соат 14:00ларда, Мирзо Улуғбек тумани ИИБ ходимлари ўтказган тезкор тадбир натижасида, муқаддам судланган Марипов Вячеслав Зекирович Мирзо Улуғбек туманида жойлашган хонадонида фоҳишахона сақлаб, 30.000 сўм пул эвазига фуқаро “Р” ва “К” ларга жинсий алоқа қилишлари учун шароит яратиб бергани аниқланган.

Мазкур ҳолатлар юзасидан Бектемир тумани ИИБ ҳузуридаги Тергов бўлими томонидан Ўзбекистон Республикаси ЖКнинг 131-моддаси 2-қисми (фоҳишахона сақлаш) аломатлари билан жиноят иш қўзғатилиб, тергов ҳаракатлари олиб борилмоқда.

Россия Федерациялар Кенгашининг мудофаа ва хавфсизлик қўмитаси раиси биринчи ўринбосари Франц Клинцевичнинг маълум қилишича, АҚШ Суриядаги ҳукуматга яқин қўшинларга янги ҳужум учун тайёрланмоқда. Бу ҳақда РИА «Новости» хабар берди.

«АҚШ Сурия қўшинлари позициясига янги ҳужум тайёрламоқда, бу аниқ. Янги фитнага тайёрланмоқда», - деган у.

Клинцевичнинг қўшимча қилишича, АҚШ «кимёвий ҳужум сифатида талқин этиладиган» бу фитнадан сўнг «вазиятни конструктив ҳал этишга яқин турган гуруҳга» зарба бериши мумкин.

Сенаторнинг сўзларига кўра, шу сабабдан Сурияда бўлган Россия ҲКК ҳарбий хизматчилари ва бошқа ҳарбий мутахассисларга хавф бор.

«Уларнинг ҳаётига ҳақиқий хатар бор», - деди у.

Аввалроқ Оқ уй матбуот котиби Шон Спайсер Сурия ҳукумати янги кимёвий ҳужумга тайёргарлик олиб бораётгани ҳақида маълум қилди.

Машҳур футболчилар атрофида солиқ можаролари авж олишда давом этмоқда. Яқиндагина Криштиану Роналдунинг Испания ғазнаси олдидаги жуда кўп миқдордаги қарзи ҳақида кўплаб хабарлар берилди (15 миллион евро), кейин эса “ёмон йигитлар” рўйхатида португалияликнинг футболдаги бош рақобатчиси – "Барселона"нинг 30 ёшли ҳужумчиси Лионель Месси ҳам пайдо бўлди.

Журналистларнинг хабар беришича, Лео хайрия фонди ташкил этилганидан буён (2007 йил), то 2015 йилга қадар даромадининг катта қисмини декларациядан ўтказмаган.

Мухбирларнинг фикрича, ташкилот футболчининг бизнес-ишлари учун аслида бир ниқобдир.

2009 йилда Лионель Месси отаси билан Аргентинадаги Росарио шаҳрида Fundacion Leo Messi ваколатхонасини очди, бироқ ўз ташкилотини Испанияда жамоатчилик сифатида рўйхатдан ўтказди. Журналистларнинг маълумот беришича, Месси айнан Росариода барча турдаги шартномаларни имзолаган, бироқ ҳеч қандай декларацияни тақдим этмаган.

Кейинчалик Аргентина молия вазирлиги Fundacion Leo Messi’ни ўз рўйхатидан чиқариб ташлади, сабаби бир неча йил давомида ташкилот ҳисоблари ҳақида ҳисобот олмаган.

Бу можаро Леонинг хайрия фаолиятини жиддий тарзда обрўсизлантиради, аргентиналикнинг бутун дунё бўйлаб миллионлаб ишқибозлари айнан шундан фахрланишарди.

«Монако» ҳужумчи Килиан Мбаппени жамоада сақлаб қолиш учун унинг маошини оширишга тайёр, деб хабар бермоқда RT.

AS маълумотига кўра, клуб раҳбарияти 18 ёшли ўйинчига иш ҳақини 900 фоизга оширишни таклиф қилган. Мбаппенинг амалдаги шартномасига кўра, футболчи ойига 80 минг евро ишлаб топмоқда. Француз янги шартномага имзо қўядиган бўлса, даромади бир ойда 700 минг еврога етади.

Ўзбек эстрадаси вакили Фаррух Комилов иккинчи маротаба ота бўлди. Ўғил фарзанд кеча, 26 июнь куни дунёга келди.

Маълумот ўрнида, Фаррух Комилов Равшанович 1989 йил 20 май куни Тошкент шаҳрида таваллуд топган. Отаси Ўзбекистонда хизмат кўрсатган артист Равшан Комилов туфайли санъатга меҳр қўйган ва шу соҳани танлаган.

Фаррух Комиловнинг яна бир нафар қиз фарзанди бор.

Ёзувчи Жоан Роулингнинг машҳур “Гарри Поттер” асарининг илк қисми (“Гарри Поттер ва афсунлар тоши”) чоп этилганига 20 йил бўлгани муносабати билан Twitter’да кенг миқёсда нишонланди.

Ҳаттоки, Twitter ижтимоий тармоғида #HarryPotter20 хэштэгини ҳам оммалашди. Бундан ташқари, Twitter Гарри Поттер ҳақида ижтимоий тармоқдаги қизиқарли статистик маълумотларни ҳам тақдим этди.

Қолаверса, Twitter’да Гарри Поттер китобининг рейтинг ўринлари маълум бўлди:

1-ўрин – “Ўлим туҳфаси” қисми

2-ўрин – “Гарри Поттер ва сирли хона” қисми

3-ўрин – “Гарри Поттер ва афсунлар тоши” қисми. Рейтинг сўнгини эса “Гарри Поттер ва Азкабан маҳбуси” цикли эгаллади.

Хогвартснинг энг кўп муҳокама қилинган факультетлар рейтинги:

1-ўрин - “Слизерн” 4,9 млн твит

2- ўрин - “Гриффиндор” 4,6 млн твит

3-ўрин - “Пуффендуй” 2,8 млн твит

4-ўрин - “Когтевран” 2,4 млн твит

Энг кўп муҳокама қилинган персонажлар:

Гарри Поттер
Северус Снегг
Волан-де-Морт
Гермиона
Профессор Дамблдор
Добби
Драко Малфой
Рон Уизли

Аргентина терма жамоаси собиқ бош мураббийи ва футболчиси Диего Марадона Россия Федерацияси Президенти Владимир Путинга бўлган муносабати ҳақида маълум қилди.

“Мен Путин билан гаплашдим, кейин у менга қайта қўнғироқ қилди. У 2018 йилги Жаҳон чемпионати учун нимадир қилишимни истайди. Мен Путиннинг мухлисиман, унга ёрдам бера олсам, хурсанд бўлар эдим. Бунинг имкони бор. Бу ҳақда 2 ой аввал келишиб олганман, лекин, муҳими, шахсан президент билан гаплашишим керак”, дейди Марадона.

Айтиш керакки, 2018 йилги футбол бўйича жаҳон чемпионати 14 июндан 15 июлгача Россиянинг 11 та шаҳридаги 12 та стадионида ўтказилиши белгиланган.