«Реал» ҳужумчиси Криштиану Роналду 31 июль куни Мадрид автоном суди ҳамжамиятига сўроқ бериш учун боради. Бу ҳақда El Confedencial нашри хабар тарқатди.

Ўтган ҳафтада Испания прокуратураси Роналдуни ўз даромадларини яшириш мақсадида Испания қонунчилигига зид йўллар орқали фирибгарлик ишлатишда айбланганди. Гап Роналдунинг 14,7 млн евро миқдоридаги солиқларни тўлашдан бўйин товлагани ҳақида боради.

2011 йилдан 2014 йилга қадар ишлаб топилган даромадларни яширишга уринган Роналдуга 5 йиллик муддатгача бўлган қамоқ жазоси хавф солмоқда.

Бу хабарлар ортидан Роналду Испанияни бутунлай тарк этиш тараддудига тушган.

«Интерфутбол» нашри Ўзбекистон терма жамоасининг собиқ бош мураббийи Вадим Абрамовдан терма жамоанинг сўнгги натижалар ҳақидаги фикрларини сўраб, интервью олди.

Вадим Абрамов ўз жавобларида терма жамоа жаҳон чемпионатига чиқа олмаса, Азиз Ҳайдаров ва Одил Аҳмедовга ачинишини, уларда бошқа имкон бўлмаслиги мумкинлигини қўшимча қилиб ўтган.

1. Эрон - Ўзбекистон ўйини ҳақидаги умумий фикрлар
— Эрон термаси билан бўлган ўйинга қандай режа тузилгани мен учун тушунарли, аммо у қай даражада амалга ошгани ҳақида бирор нарса дейиш қийин. Бу учрашувда рақибнинг кучсиз жиҳатлари бор эди ва ундан фойдаланса бўларди. Аммо термамиз буни уддалай олмади. Ҳозир эронлик футболчилар иштирок этадиган аксар чемпионатларда мавсум якунига етган. Табиийки, футболчилар ҳорғин ҳолатда бўлишади.

Бизда эса Қатар чемпионатида тўп сурадиганлардан бошқа ҳамма энг яхши спорт формасида бўлиши лозим эди. Ҳар ҳолда мавсум энди қизғин паллага кириб бормоқда ва бу устунликдан фойдаланса бўларди. Бироқ фойдаланилмади.

Бевосита ўйиннинг ўзига келадиган бўлсак, ҳар икки жамоа ҳам ўзининг энг яхши жиҳатларини намойиш эта олмади. Эрон бундан кучлироқ ўйнаши мумкин эди, Ўзбекистон терма жамоасида ҳам очилмаган қирралар бор. Шунчаки, рақиб бу учрашувдан нима исташини яхшироқ тушуниб турганди ва бир ғалаба учун нима қилиш керак бўлса, ўшани амалга ошира олди.

2. Ўзбекистон терма жамоаси Теҳронда ўтган аввалги баҳсда Эронни мағлуб этган эди. Бу сафар ... Читать дальше »

«Интерфутбол» нашри Ўзбекистон терма жамоасининг собиқ бош мураббийи Рауф Инилеевдан терма жамоанинг сўнгги натижалар ҳақидаги фикрларини сўраб, интервью олди.

Нашр қуйидаги саволлар билан мурожаат қилган:

1. Эрон - Ўзбекистон ўйини ҳақидаги умумий фикрлар.

2. Ўзбекистон терма жамоаси Теҳронда ўтган аввалги баҳсда Эронни мағлуб этган эди. Бу сафар нима ўзгарди - Ўзбекистон кучсизландими ёки Эрон кучайганми?

3. Самвел Бабаян айни вақтдаги таркибни ўзбек футболи тарихидаги энг кучлиси, деб айтган эди. Аммо Эронга қарши кечган баҳсда ўзбек футболи тарихидаги энг кучсиз жамоа майдонга тушди, деган фикрга қўшиласизми?

Рауф Инилеевнинг жавоблари:

1. Эрон - Ўзбекистон ўйинидан қолган таассурот ҳаммада бир хил бўлса керак. Учрашув бундай ўтишини кутмагандик. Терма жамоа бутун ўйин давомида керак бўлганидек ҳаракат қила олмади ва мағлубиятга учради. Энг ёмони - Ўзбекистон терма жамоасида гол уриш учун вазиятлар ҳам бўлмади. Мана шуниси энг катта муаммо. Футболчиларимиз бирор марта дарвоза томон аниқ зарба бера олишмади. Бу учрашувда нафақат ғалаба, балки дуранг учун ҳам имконият йўқ эди. Рақиб ҳар томонлама ўйинни назорат қилиб, ҳақли ғалабага эришди.

2. Эрон термаси билан сафарда бўлиб ўтган аввалги учрашувдан буён кўп нарсалар ўзгарди. Энг аввало, рақиб таркибида кучли футболчилар сони янада кўпайганини айтиш лозим. Эрон жамоасида Европада тўп сурадиган кучли ижрочилар ҳар доим бўлган. Ҳозирги ... Читать дальше »

«Манчестер Юнайтед» раҳбарияти «Реал»дан Криштиану Роналду трансфери амалга оширилишига шубҳа билдирмоқда.

Daily Express маълумотига кўра, манкунианликлар португалиялик бу 32 ёшли футболчи учун Мадрид жамоаси талаб қиладиган 200 млн еврони жуда кўп деб ҳисобламоқда. Бундан ташқари, футболчига йилига 22 млн евро миқдорида маош тайинлаш керак бўлади.

Шунингдек, ушбу трансфер амалга ошишига Жозе Моуриньо ва футболчи ўртасидаги муносабатлар тўсиқ бўлиши мумкин. Португалиялик мутахассис «Реал»даги охирги мавсумида кўплаб футболчилар билан, жумладан Роналду билан ҳам зиддиятга борганди. Мураббийнинг бир фикри машҳур: «Мен ҳақиқий Роналдони шуғуллантирганман, ҳозиргисини эмас».

Daily Star хабарига кўра, Моуриньо Роналдунинг ўз жамоасига келишига қарши бўлмоқда. У ҳозирги вазиятда футболчи ўз шартномасини яхшилаш учунгина «МЮ»дан фойдаланмоқда, деган фикрда.

ESPN колумнисти, испан футболи ҳақидаги китоб муаллифи Грэм Ҳантегнинг ҳикоя қилишича, Роналду Моуриньо бош мураббий бўлганида ҳам Мадрид жамоасидан кетиб, Манчестерга қайтиш истагини билдирганди.

«Солиқлар бўйича можаролардан анча вақт олдин, «Реал»да ёрқин ўйинлар кўрсатаётган Криштиану Роналду «МЮ»даги собиқ жамоадошларига Мадриддаги ҳаётидан шикоят қилганди.

У Мадрид клубида бир неча марта шундай ҳолатга тушган. Айниқса, Моуриньо бош мураббий бўлганида. Ўшанда Криштиану «МЮ» раҳбарияти вакили Альберт Морганга қўнғироқ қилган ва «Реал»даги ҳолати «МЮ ... Читать дальше »

«Реал» президенти Флорентино Перес жамоа ҳужумчиси Криштиану Роналду атрофидаги вазият ҳақида фикрларини билдириб ўтди.

«Мен ҳали Криштиану билан гаплашмадим. Ҳозирча сизга ҳеч нарса айта олмайман. Охирги пайтларда мен президентлик сайлови билан банд бўлдим ва бу мавзуга вақт ажрата олмадим.

Мен барчасини газеталарда ўқидим. Ҳозирча менда бир қарор йўқ. Криштианунинг клуб билан шартномаси бор, у «Реал» футболчиси. Биз у билан гаплашамиз.

Ҳозир Криштиану терма жамоаси билан муҳим турнирда иштирок этмоқда ва мен уни безовта қилмоқчи эмасман. Нима бўлганини аниқ билмайман, аммо бунинг барчаси ғалати.

Криштиану – яхши йигит ва ҳақиқий профессионал. Бу тарих эса жуда ғалати. Мен у билан гаплашаман, у ҳаммасини тушунтириб беради.

Ҳа, барча солиқларни тўлаши керак. Аммо Криштиануда солиқдан қочиш фикри бўлмаган, у ҳеч қачон пулларини яширмаган. Мен матбуотдаги миш-мишларни ўқиб, зада бўлдим», – деган Перес.

13 июнь куни Испания прокуратураси Криштиану Роналду 2011-14 йиллар давомида жами 14,7 миллион евро миқдоридаги солиқларни яширгани учун унга қарши иш очди.

15 июнь куни Португалиядаги нашр Роналду «Реал»дан кетишни истаётгани, бунга у ўзини клуб томонидан қўллаб-қувватланмаётгани ҳақида хабар тарқатди. Кўп ўтмасдан футболчи терма жамоадаги шерикларига Мадриддан кетишга қарор қилгани ҳақида маълум қилди.

Афсонавий футболчи Диего Марадона «Ювентус»нинг бразилиялик ҳимоячиси Дани Алвесни тентак деб атади.

«Дани Алвес — тентак. У ҳимоячи, аммо у ўз позициясида ўйнамайди. У Кафу ёки Майконга тенглаша олмайди, бу футболчилар ҳам Бразилия терма жамоасида қанот ҳимоясида зўр ўйнашган. Дани Алвес ўйин давомида 3 марта тўпга тегинса, 8 марта рақибни тепади.

У ҳақда гапиргандан кўра, кетганим маъқул», — дея Марадонанинг сўзларини келтирган TyC Sport.

Бундан аввалроқ Алвес Лионель Мессини Марадона билан тенглаштириш керак эмаслиги, Месси 5та «Олтин тўп» эгаси эканини айтганди. У шунингдек, Аргентинанинг 1986 йилдаги жаҳон чемпиони бўлиши Марадона қўли билан гол уриши туфайли рўй берганини эслаб ўтган.

Мадриднинг «Реал» клуби президенти Флорентино Перес маълум қилдики, жамоанинг португалиялик ҳужумчиси Криштиану Роналдунинг клубдаги келажаги у терма жамоаси билан Конфедерациялар кубогида иштирок этиб қайтгач, муҳокама қилинади.

Ўтган ҳафтада бир қатор нашрларда Роналду Испания прокуратураси ўзига нисбатан солиқларни тўламаслик айблови билан иш ошгач, «Реал»дан кетишга қарор қилгани ҳақида ёзилганди.

«Мен охирги марта Роналду билан Кардиффда, Чемпионлар лигаси финалидан кейин гаплашгандим, биз ўшанда кейинги мавсум ҳақида гаплашгандик.

Ҳозирги вазиятни тушунмаяпман, бу жуда ғалати вазият. Мен у билан Конфедерациялар кубогидан кейин гаплашаман. Мен у кетади деб ўйламайман. Биз Роналду, Хамес Родригесу ва Альваро Мората бўйича таклифлар олмаганмиз», - дея Переснинг сўзларини келтирган As нашри.

Клуб президенти шунингдек, ушбу футболчи учун 1 миллиард евро миқдоридаги товон пули белгилаб қўйилгани ҳақида маълум қилган.

«Унинг «Реал» билан шартномасидаги бадал пули миқдори - 1 миллиард евро. Агар бошқа клублар бунча пул тўлашмаса, у кетмайди», деган президент Onda Cero радиоси эфирида.

Роналдуга даъвогар жамоалар «Манчестер Юнайтед», «ПСЖ», «Монако», «Челси», «Манчестер Сити» ва Хитой клублари бўлиб турибди.

4 карра «Олтин тўп» соҳиби 2009 йилда «Реал»га «Манчестер Юнайтед» сафидан рекорд даражадаги маблағ эвазига келиб қўшилганди. Ҳозирда 32 ёшга чиққан футболчи якунланган мавсумда «Реал» ... Читать дальше »

Qatar Airways жорий йилда дунёнинг энг яхши авиакомпаниясига айланди. У Skytrax рейтингида биринчи ўринни қўлга киритди.

Иккинчи поғонадан Singapore Airlines жой олган бўлса, учинчи ўринда - ANA. Шунингдек, энг яхши авиакомпаниялар топ-5лигига Emirates ва Cathay Pacific ҳам кирди.

Эслатиб ўтамиз, 2016 йилда экспертлар энг яхши авиакомпания сифатида Emirates’ни тан олишганди.

Skytrax топ-100лигидан “Ўзбекистон ҳаво йўллари” МАК жой олмаган.

Тўлиқ рўйхат билан қуйидаги ҳавола орқали танишингиз мумкин.

Австралия ҳукумати ИШИД террорчилик гуруҳи жангариларининг Суриядаги позицияларига авиазарбалар беришни тўхтатиш ҳақида қарор қабул қилди. Бу ҳақда Reuters хабар бермоқда.

«Австралия қуролли кучларининг Сурияда авиазарбалар бериш бўйича амалиётлари эҳтиёткорлик чоралари сифатида вақтинчалик тўхтатилди», - дейилади Австралия мудофаа маҳкамаси хабарида.

АҚШ ҳарбий-ҳаво кучларининг иккита B-1B товушдан тез ҳаракатланувчи бомбардимончиси Жанубий Кореядаги машқларда иштирок этмоқда. Улар ўз бортида ядро қуролини ҳам олиб юриш имкониятига эга, деб хабар берди «Рёнхап» агентлиги.

Таъкидланишича, Сеул томондан машқларда F-15K қирувчилари қатнашади.

«B-1B иккита бомбардимончиси бугун Корея ярим оролига етиб келди ва бизнинг F-15K қирувчиларимиз билан қўшма машқларда иштирок этмоқда», - дейилади хабарда.

Агентлик маълумотига кўра, Америка самолётлари Канвондо вилоятидаги Пхильсон полигонида машғулотлар давомида бомбалар ташлайди.

Душанбе шаҳрида “Равон” маркали ўзбек енгил автомашиналарини сотиш бўйича марказ қурилади. Бу ҳақда Asia-Plus маълум қилди.

Душанбега бугун икки кунлик ташриф билан келган Ўзбекистон бош вазири ўринбосари Улуғбек Рўзиқулов тожик ҳукуматининг юқори лавозимли мансабдор шахслари билан бўлажак объект қуриладиган жойга боради.

Бундан ташқари, таркибидан турли вазирлик ва ташкилотларнинг 17 вакили ҳамда 40 га яқин тадбиркорлар ўрин олган Ўзбекистон ҳукумати делегацияси Душанбеда савдо-иқтисодий, сармоявий ва бошқа соҳалардаги ҳамкорликни кенгайтириш масалаларини муҳокама этади.

Кутилишича, Ўзбекистон бош вазири ўринбосари Тожикистон бош вазири биринчи ўринбосари Давлатали Саид ва Душанбе ҳокими Рустам Имомали билан учрашади.

20 июнь куни Ўзбекистон Республикаси Президенти Шавкат Мирзиёевнинг «Рамазон ҳайитини нишонлаш тўғрисида»ги қарори эълон қилинди.

«Ўзбекистон мусулмонлари идорасининг 2017 йилда Рамазон ҳайитининг биринчи куни 26 июнь, душанба кунига тўғри келиши ҳақида қабул қилган қарорини эътиборга олиб, 2017 йил 26 июнь дам олиш куни деб белгилансин ва мамлакатимизда байрам сифатида кенг нишонлансин», — дейилган ҳужжатда.

Шу тариқа, ўзбекистонликлар қаторасига 3 кун дам олиши мумкин бўлади (24-25-26 июнь).

Ўзбекистон президенти Шавкат Мирзиёев қарорига биноан Ўзбекистон ва Россия ҳукуматлари ўртасида меҳнат миграцияси соҳасида ҳамкорлик қилиш бўйича келишувни тасдиқланди. Ҳужжат матни сешанба куни маҳаллий матбуотда эълон қилинган.

Апрель ойи бошида, Ўзбекистон президенти Шавкат Мирзиёевнинг Москвага ташрифи доирасида Россия ва Ўзбекистон ҳукуматлари Ўзбекистон фуқароларини Россияда вақтинчалик меҳнат қилишга уюшган ҳолда жалб этиш бўйича келишув имзолаганди. Ҳукуматлар шунингдек, биргаликда миграция соҳасида мутасадди органлар ваколатхоналарини таъсис этиш бўйича ҳам келишув имзолаган.

Президент Ўзбекистон Ташқи ишлар вазирлигига Россия томонини бу жараён ҳақида хабардор қилиш топшириғини берган.

Бундан олдинроқ, 15 июнь куни президент Тошкент шаҳрида бўлиб ўтган «Ижтимоий барқарорликни таъминлаш, муқаддас динимизнинг софлигини асраш — давр талаби» мавзусидаги анжуманда нутқ сўзлаб, Ўзбекистон ва Россия ўртасида имзоланган шартнома бу давлат ҳудудида ишлаётган Ўзбекистон фуқароларини ҳимоя қилиши ҳақида гапирганди.

Маълумотларга кўра, айни вақтда хорижда 3 миллионга яқин ўзбекистонлик меҳнат қилади (меҳнатга лаёқатли фуқароларнинг учдан бир қисми). РФ ИИВ маълумотига кўра, Россияда 1,7 миллион ўзбекистонлик бор.

Янги намунадаги ҳайдовчилик гувоҳномалари шахсни тасдиқловчи ҳужжат статусига эга бўлади — у хорижий давлатларда ишлатиладиган ID-карталарга ўхшаш бўлади. Бу Вазирлар Маҳкамасининг 19 июнь куни чиқарилган №389-сонли қарорида назарда тутилган, деб ёзади Uz24.

Янги намунадаги миллий ҳайдовчилик гувоҳномасининг намунаси. Олд томони / Фото: Uz24.uz
Ҳужжатга кўра, янги намунадаги ҳайдовчилик гувоҳномалари пластикдан тайёрланади ва жисмоний шахснинг шахсий идентификацион рақами (ЖШ ШИР) ҳамда қурилмалар ўртасида контактсиз маълумотлар алмашиш имконини берувчи махсус электрон белги (NFC смарт-карт) билан таъминланади.

2021 йилнинг 1 январига қадар техник кўрикдан ўтганлик ҳақидаги маълумотлар, автотраспортга эгалик қилиш ёки ундан фойдаланиш учун ишончнома, фуқаролик мажбурияти суғурта полисига эгалик ҳам босқичма-босқич электрон шаклга ўтказилади — улар ҳам NFC чипи ичига киритилади.

Бу ҳужжатларнинг қоғоздаги кўринишини мажбурий тарзда расмийлаштириш бекор қилади.

Шунингдек, эски намунадаги ҳайдовчилик гувоҳномаларини алмаштириш жараёни ҳам соддалаштирилди. Қарорга кўра, янги намунадаги ҳайдовчилик гувоҳномалари олиш учун ҳайдовчилар фақат паспорт, эски намунадаги ҳайдовчилик гувоҳномаси ва талонни тақдим этишса кифоя.

Ички ишлар органлари тизимида ахборот-коммуникация технолгиялари хизматини жорий этиш билан Ўзбекистон Республикаси ИИВ қошидаги «Инновацион лойиҳалар ва аҳолига сервис хизмати кўрсатиш Маркази» ... Читать дальше »

Чили терма жамоаси ҳужумчиси Алексис Санчес Конфедерациялар кубогини оғриқ билан ўтказмоқда.

У Чили терма жамоаси машғулотлари вақтида оёғини қайириб олганди. 28 ёшли ҳужумчи Камерунга қарши ўйинни захира ўриндиғида бошлаганди, мураббий уни 58-дақиқада, ҳисоб 0:0 бўлиб турган ҳолатида майдонга туширди. Футболчининг фаоллик кўрсатиши эвазига чилиликлар ўйиннинг қолган қисмида 2та гол уришди ва ғалабага эришди.

Ўйиндан кейинги кунда Санчес ижтимоий тармоқда шишиб кетган оёғи суратларини намойиш этди.


Чили 22 июнь куни турнир доирасидаги навбатдаги учрашувни Германияга қарши ўтказади.

ФИФА президенти Жанни Инфантино Конфедерациялар кубоги 1-туридан ўрин олган Австралия ва Германия ўртасидаги учрашувдан сўнг мусобақада ҳакамга видеоёрдам тизими (VAR) ишлаётганлигидан мамнун эканлигини айтди. Учрашувнинг ўзи эса Германия фойдасига 2:3 хисобида якунланди.

"Мен VAR тизимидан жуда мамнунман. Биз видеоёрдамчилар ҳакамларга тўғри қарорлар қабул қилишда қандай ёрдам бераётганини кўрмоқдамиз. Тизимнинг Конфедерациялар кубогида синовдан ўтиши бизга жараёнларни ва ҳакамлар билан алоқа қилишни яхшилашда ёрдам беради. Мухлислар кўп йиллар давомида орзиқиб кутганлари юз берди. Видеоёрдам тизими бу замонавий футбол келажагидир", деб айтди Инфантино.

Бугун — 19 июнь куни футбол бўйича Ўзбекистон Олий лигасида 14-тур беллашувлари старт олади ва унинг доирасида 3 та учрашув бўлиб ўтди.

Марказий ўйин Тошкентдаги «Пахтакор» стадионида 19:00 да старт олади ва унда мезбонлар Қаршининг «Насаф» клубига қарши майдонга тушди.

Ушбу учрашувда тошкентликлар жамоаси Игорь Сергеев ва Шерзод Каримовнинг голлари эвазига 2:1 ҳисобидаги ғалабага эришди. Бу натижадан сўнг «Пахтакор» очколари сонини 21тага етказиб, турнир жадвалида 5-ўринга кўтарилди. «Насаф» эса 23 очкоси билан иккинчи ўринда қолмоқда.

Тенгма – тенг курашлар остида кечган «Машъал» – «Нефтчи» учрашувида кучлар тенг келди - 2:2.

Учинчи учрашув Бекободда кечди ва унда маҳаллий «Металлург» «Қизилқум»ни мағлубиятга учратди - 3:1.

Ўзбекистон Олий лигаси
14-тур беллашувлари
19 июнь, душанба

«Пахтакор» — «Насаф» 2:1
Голлар: 1:0 - 67 Сергеев, 2:0 - 69 Каримов, 2:1 - 78 Сайфиев.
Пахтакор: Лобанов, Алижонов, Козак, Тожиев, Ҳошимов, Исматуллаев, Аҳмедов, Каримов, Нуруллаев, Сергеев, Ҳакимов.
Насаф: Суюнов, Шораҳмедов, Ғаниев, Раҳматуллаев, Абдураҳимов, Голбан, Аъзамов, Рашидхонов, Сайфиев, Нарзуллаев, Черан.

<«Машъал» — «Нефтчи» 2:2
Голлар: 1:0 - 23 Раҳмонов, 1:1 - 45 Мамазулумов, 2:1 - 52 Абдураимов, 2:2 - 85 Айвазов.
Машъал: Илёсов, Шайкулов, Рахмонов, Абдураимов, Камолов, Муртазоев, Сафаров, Қосимов, Бегимқулов, Агалиев, Шарипов. ... Читать дальше »