Тошкент шаҳри. Республика Гидрометеорология марказининг хабар беришича, 22 июнь куни пойтахтда ҳаво бироз булутли бўлади, вақти-вақти билан ўзгариб туради, ёғингарчилик бўлмайди. Кечаси 23-25, кундузи 38-40 даража иссиқ бўлади.

Қорақалпоғистон Республикаси ва Хоразм вилояти. Ҳаво ўзгариб туради, ёғингарчилик кузатилмайди. Кечаси 22-27, кундузи 31-36 даража иссиқ бўлади.

Бухоро ва Навоий вилоятлари. Ҳаво бироз булутли бўлади, айрим жойларда ўзгариб туради, ёғингарчилик бўлмайди. Кечаси 22-27, кундузи 37-42 даража иссиқ бўлади.

Тошкент, Самарқанд, Жиззах ва Сирдарё вилоятлари. Ҳаво бироз булутли бўлади, айрим жойларда ўзгариб туради, ёғингарчилик бўлмайди. Кечаси 22-27, кундузи 37-42 даража иссиқ бўлади.

Қашқадарё ва Сурхондарё вилоятлари. Ҳаво бироз булутли бўлади, айрим жойларда ўзгариб туради, ёғингарчилик бўлмайди. Кечаси 22-27, кундузи 37-42 даража иссиқ бўлади.

Андижон, Наманган ва Фарғона вилоятлари. Ҳаво ўзгариб туради, ёғингарчилик бўлмайди. Кечаси 20-25, кундузи 35-40 даража иссиқ бўлади.

Аввалроқ Брюсселдаги вокзалда теракт содир этган жиноятчининг шахси аниқлангани ҳақида хабар берилганди. Бироқ, Бельгия ИИВ раҳбари Ян Ямбон унинг исмини айтмади ва бошқа тафсилотларни келтирмаганди.

РИА Новости’нинг Бельгия прокуратурасига асосан хабар беришича, ушбу шахс Марокаш фуқароси бўлган.

Хабар қилинишича, у аввал терроризмда гумонланмаган.

Lincoln компанияси Navigator тўртинчи авлод йўлтанламас автомобилининг узайтирилган намунасини тақдим этди. Янги автомобиль бу русумдаги автомобиллар рўйхати ичида энг йириги ва энг қиммати бўлиб турибди.

Extended модификацияси оддий Navigator’дан 30 сантиметрга узун ва автомобилнинг умумий габарит узунлиги 5,64 метрга етади. Ғилдираклар базаси ҳам 25 сантиметрга оширилган.



Янги автомобиль кенгроқ орқа эшиклари билан фарқланади. Lincoln тарқатган хабарларга кўра, бу сегментдаги автомобиллар ичида иккинчи қатор ўриндиқлардан кейин энг катта захира майдонига эга. Ўриндиқларнинг учинчи қаторидан кейинги юк майдони узайтирилган намунада деярли 425 литр ҳажига тенг.



Оддий «Навигатор» ва унинг Extended модификацияси АҚШда шу йилнинг кузидан сотувга чиқарилади. Оддийсининг нархи 72 минг доллар бўлса, узайтирилган намунасиники 81 минг доллардан бошланади.

... Читать дальше »

Конфедерациялар кубоги А гуруҳи доирасида Россия ва Португалия учрашуви бўлиб ўтди. Москва шаҳридаги «Открытие Арена» стадионида кечган учрашув португалларнинг 1:0 ҳисобидаги ғалабаси билан якунланди.

Ўйиннинг 8-дақиқасида Рафаэль Геррейронинг жарима майдонига йўллаган тўпи Криштиану Роналдуга келиб тушди ва у боши билан тўпни Игорь Акинфеев қўриқлаётган дарвозага йўллади. Ушбу гол ўйинда ягоналигини сақлаб қолди.

24 июнь куни Россия терма жамоаси учинчи тур доирасида Мексика билан ўйнайди, Португалия Янги Зеландияга қарши баҳсда майдонга тушади.

Ҳозирга келиб Португалия гуруҳда 4 очко билан пешқадамга айланган, Россия икки ўйиндан кейин 3 очко билан ҳозирча иккинчи ўринда. Мексика ва Янги Зеландия иккинчи турни энди ўтказишади.

Конфедерациялар кубоги
А гуруҳи, 2-тур
Россия – Португалия 0:1 (0:1, 0:0)
Гол: 0:1 – 8 Роналду.
Россия – Акинфеев, Шишкин (Ерохин, 46), Джикия, Васин, Комбаров (Полоз, 68), Глушаков, Самедов, Головин, Жирков, Кудряшов (Бухаров, 83), Смолов.
Португалия – Руй Патрисиу, Пепе, Геррейру (Элизеу, 66), Соареш, Алвеш, Бернарду Силва, Вильям Карвалью, Адриен Силва (Данилу Перейра, 82), Андре Гомеш, Роналду, Андре Силва (Желсон Мартинш, 78).
Огоҳлантиришлар: Глушаков (26), Пепе (57), Бернарду Силва (71), Жикия (72), Самедов (76).

«Пахтакор» клуби ёздаги илк трансферини амалга оширди. Тошкент жамоаси матбуот хизмати маълум қилишича, черногориялик ҳимоячи Марко Симич таркибга қўшиб олинган.

Ушбу легионер ва жамоанинг янги бош мураббийи Шота Арвеладзенинг тақдимот маросими 23 июнь куни ўтказилади.

Марко Симич 30 ёшда бўлиб, Черногория терма жамоа футболчиси ҳисобланади. «Партизан» клуби тарбияланувчиси бўлмиш Симич турли йилларда «Раднички», «Младеновац», «Гонвед», «Бежания», «Ягодина», БАТЭ, «Кайсериспор», «Хапоэль» клубларида тўп сурган.

Қўнғироқ чалинди.

Тўққиз йил олдин мактабга қадам қўйган болакай бу йил тугатди. Лицей ё коллежга тараддуд кўрмоқда.

2008 йили илк бора Олтин тўпни олган Криштиану 2009 йили Мадридга келди ва ҳаммаси шундан бошланди. Месси ҳам тинчгина ўтирганди, “Барселона” ўз қасрини бировларни аралаштирмасдан қурмоққа киришган паллалар эди. Испания осмонида бирдан момақалдироқ гулдиради. МЮда қип-қизариб пишган Роналдуга оқ либос кийдирилаётган лаҳзалар... Ҳали у қандай курашга, қандай жанг майдонига кириб келганини ўша пайтда билмасди. Ҳеч ким билмасди. Ҳаш-паш дегунча, тўққиз йил ўтибди шу ҳодисага.



Ҳозир мен икки юлдузнинг ўзига хос жиҳатларини санаб ўтирмоқчи эмасман. Менсиз ҳам барча билади бу гапларни. Олтин тўпни тўққиз йилдан бери бўлишиб келаётгани эса, футболга қизиқмайдиганларга ҳам маълум. Ҳозир гап умуман бошқа масалада. Роналду “Реал”дан кетмоқда деган хабарнинг қандай қарши олинганида. Бошида ҳазил маъносида, сўнг жиддий оҳангда тарқалган хабарлар борган сари одамни ўйлантириб қўймоқда.

Криш “Реал”дан кетиш - кетмаслиги номаълум. Бироқ шу қисқа вақт ичида бизга бошқа нарса маълум бўлиб қолди – футбол ҳали тайёр эмас экан бу айрилиққа. Ҳатто Месси азалий рақобатчисининг Мадриддан кетишига хайрих ... Читать дальше »

Ўзбекистон футбол федерацияси Келишилган ўйинларга қарши кураш бўлими бошлиғи Аҳрол Иноятов Халқаро пресс клубда ташкил этилган матбуот анжуманида Ўзбекистон терма жамоаси бош мураббийи Самвел Бабаянни қўллаб-қувватлашга чақирди.

"Ўзбекистон терма жамоасининг натижалари яхши бўлиб турганида ҳеч ким индамаганди. Натижалар ёмонлашган заҳоти, ҳамма танқид қилишга ўтди. Бунақа қилиш ярамайди.

Терма жамоани қийин вақтларда қўллаб-қувватлаш керак. Бабаянни ҳам. У ҳозир умуман ўзида эмас. Ўзини йўқотиб қўйган. Ҳаттоки қочиб юрибди. Шунга мажбур бўляпти. Стадионларга кела олмаяпти", дея гапирди Иноятов.

Axborot va muloqot vositalari ko‘payishi, monitorlarning kichrayib borishi natijasida ko‘rish bilan bog‘liq kasalliklar bugungi avlodning eng katta muammosi. Tibbiyotda kichkina ko‘z bilan bog‘liq 60 ga yaqin xastaliklar aniqlangan. Agar bugun monitor qarshisida ko‘p vaqt sarflayotgan bo‘lsangiz, keksalikda ortiqcha muammolarga duch kelmaslik uchun hozirdanoq ko‘z salomatligi haqida qayg‘uring.

Eng avval beradigan muhim tavsiyamiz shuki, monitor qarshisida tez-tez kiprik qoqing. Shunda ko‘zning oq pardasi namlanadi. Ko‘zning ko‘rish qobiliyati va boshqa ko‘z kasalliklari oq pardaning qurishi bilan bog‘liq.

Ko‘zning ko‘rish qobiliyatini oshiramiz

Ko‘zga dam bering. Kunning ish eng tig‘iz bo‘lgan soatlarida, har soatda bir marta ko‘zlarni 2 daqiqa mobaynida yumib, ularga dam bering. Bu lahzalarda ko‘z mushaklari dam olib, ko‘rish qobiliyati oshadi, asab tizimi ham tinchlanadi. Bunga odatlansangiz, tez orada nigohingiz ravshan tortib, ko‘zingiz o‘tkirlashadi.

Ko‘zoynakni tez-tez yechib turing

Ko‘rish qobiliyati past bo‘lishi va ko‘zoynak yoki linza taqish vaqti-vaqti bilan undan voz kechmaslikka sabab bo‘la olmaydi. Kun mobaynida hech bo‘lmaganda 30 daqiqa bu vositalarni yechib qo‘ying. Bu ko‘zning ko‘rish qobiliyatiga yaxshi ta’sir qiladi. Sababi, shifokorlar ko‘zoynakning ko‘zga foydali yoki foydasiz ekani yuzasidan hali bir to‘xtamga kelishgani yo‘q.

Ko‘zni massaj qiling

Har kuni hech b ... Читать дальше »

«Реал» ҳужумчиси Испания солиқ органларига 14,8 миллион евро миқдоридаги маблағни тўлашга қарор қилган. Cope тарқатган хабарга кўра, ушбу футболчи қамалмаслик учун шунча маблағни тўлаб беради.

Ўтган ҳафтада Испания прокуратураси ушбу португалиялик футболчини 2011-2014 йиллар мобайнида 14,7 миллион евро миқдоридаги маблағни солиқ сифатида тўламаганликда айблаганди. Натижада футболчи 28 миллион евро миқдорида жаримага тортилиши ва 7 йилга қамалиши мумкин бўлиб қолди.

Шундан кейин Роналду «Реал» ўзини етарли даражада ҳимоя қилмаяпти деб ҳисоблади ва клубдан кетиши ҳақида маълум қилди.

Ушбу футболчи Конфедерациялар кубоги якунлангач, 31 июнь куни Мадрид судига боради.

Воқеаларнинг кейинги ривожи Роналдунинг адвокатлари ҳаракатларига боғлиқ. Футболчи қамалмаслик учун тергов билан ҳамкорлик қилиши кутилмоқда.

Қайд этиш керакки, шунга ўхшаш ҳолат «Барселона» футболчилари Лионель Месси ҳамда Хавьер Маскерано билан ҳам содир бўлганди. Испания суди уларни солиқлардан бўйин товлашда айблаган, Месси 21 ойга қамалиши ва 2 миллион евро миқдорида жарима тўлаши керак бўлганди. Маскеранога эса 1 йиллик қамоқ жазоси ҳамда 1 миллион еврога яқин жарима тўлаш хавфи таҳдид қилганди. Икки футболчи ҳам Испания қонунчилиги билан келишди ва уларга шартли қамоқ жазоси тайинланди.

«ПСЖ» «Реал»дан Криштиану Роналдуни сотиб олиш учун ҳаракат қилмоқда. Бу ҳақда L'Equipe нашри хабар тарқатди.

Бундан аввалроқ «қаймоқранглилар» жамоаси ҳимоячиси Пепе ўз ватандоши Роналдуни ўзи билан бирга Парижга йўл олишга чақиргани ҳақида хабар берилганди.

Португалиялик футболчининг «Реал»даги келажаги айни вақтда аниқ эмас. У Испания прокуратураси томонидан 2011 йилдан 2014 йилгача бўлган муддатда жами 14,7 миллион евро миқдоридаги солиқни тўламаганликда айбланмоқда. Матбуотда Роналду бу маблағларни ўзи томонидан 2010 йилда ташкил этилган фирма орқали яширгани ҳақида ёзилди. Роналду ўз имиж ҳуқуқи орқали топилган пулларни давлатдан яширган бўлиши мумкин. У жами 4та жиноятни содир этишда айбланмоқда ва унга 5 йиллик қамоқ жазоси таҳдид қилади.

Ушбу хабарлардан кейин Роналду «Реал»ни тарк этишга қарор қилгани ҳақида хабар пайдо бўлди.

Аввалига унга асосий даъвогар сифатида «Манчестер Юнайтед» жамоаси тилга олинаётганди, аммо манчестерликларнинг ҳозирги мураббийи Жозе Моуриньо ва футболчи ўртасидаги муносабатлар бу трансфер эҳтимолини йўққа чиқарди.

«ПСЖ» эса бу вақтда футболчи трансфери учун 140 миллион евро сарфлашга тайёрлигини билдирган.

31 июнь куни, Конфедерациялар кубогидан қайтгач, Криштиану Роналду судга боради.

ФИФА 2016 йил ёзида Пол Погбанинг «Манчестер Юнайтед»га трансфер қилиниши юзасидан «Ювентус»га нисбатан интизомий иш очди.

ESPN тарқатган хабарга кўра, «Манчестер Юнайтед» франциялик ушбу футболчи трансфери учун 89,3 миллион фунт тўлаган. ФИФА эса ушбу трансфер доирасида футболчининг агенти Мино Райола 41 миллион фунт олгани ҳақидаги хабарга ўз эътиборини қаратмоқда.

Манчестерликлар томонидан ФИФАга тақдим этилган ҳужжатларда ҳеч қандай шубҳага ўрин йўқ. Аммо «Ювентус» ва Райола ўртасидаги муносабатларда ФИФА қоидалари бузилган бўлиши мумкин.

Агар «Ювентус»нинг айби исботланса, туринликлар жамоасига жазо белгиланади: ёки жарима солинади, ёки трансфер бўйича тақиқ ўрнатилади.

«Биз «Ювентус»га нисбатан интизомий иш очганимизни тасдиқлашимиз мумкин, «Манчестер Юнайтед»га нисбатан эса – йўқ. Ҳозирда суриштирув ишлари кетаётгани боис, вазиятни изоҳлай олмаймиз», – деган ФИФА вакили.

«Манчестер Юнайтед» жамоаси бош мураббийи Жозе Моуриньо «Реал» ҳужумчиси Криштиану Роналдуни ўз жамоасида кўришни истамаяпти.

Португалиялик футболчи солиқчилар билан муаммоаларидан кейин Мадрид клуби раҳбариятидан норози бўлган ва жамоани тарк этишга қарор қилганди, шундан кейин у «МЮ»га йўл олиши ҳақида хабарлар тарқалди.

Marca нашрининг ёзишича, Моуриньо бундай ёшдаги футболчига (Роналду 32 ёшда) катта маблағ сарфлаш тўғри эмас деб ҳисоблайди (Мадридликлар уни 200 миллион еврога сотиши мумкин, унга шунингдек, 25 миллион евро миқдоридаги маош тайинлашга тўғри келади). У «Реал»нинг бошқа ҳужумчиси, 24 ёшли Альваро Моратани ўз жамоасида кўришни истамоқда.

Бундан ташқари, Моуриньо Роналдуни шунчаки кўришни истамайди. Ушбу икки португалиялик «Реал»да бирга ишлаганида, уларнинг муносабатлари бузилган.

Моуриньонинг Роналдунинг келишига қарши бўлиши - португалиялик футболчининг ўйинида пасайиш бошлангани ва унинг Мадрид клубидан кетиш ҳақидаги гапларига ишонч йўқлиги билан ҳам боғланмоқда.

Эндиликда Роналдуда «ПСЖ»га ўтиш имкони қолмоқда, парижликлар жамоаси ушбу футболчи учун 140 миллион евро сарфлашган тайёр.

Эслатиб ўтамиз, Роналду Испания прокуратураси томонидан 14,7 миллион евро миқдоридаги солиқларни тўламаганликда айблангач, «Реал»дан кетиш тараддудига тушди. Унинг ҳисоблашича, жамоа уни бундай вазиятда етарлича қўллаб-қувватламади.

Бугун, 20 июнь куни Олий лиганинг 14-тури доирасида яна 5 учрашув бўлиб ўтди.

«Бухоро» ўз майдонида «Бунёдкор»ни қабул қилди. Улуғбек Бақоев бошқарувидаги жамоа Миржалол Қосимовнинг «Бунёдкор»ига ҳеч қандай имконият қолдирмади - 4:2. Бу эса бухороликлар ўз тарихида илк марта «қалдирғочлар» жамоаси устидан ғалабаси бўлди.

Эндиликда, 14 турдан кейин «Бухоро» 20 очко тўплаган ҳолда олтинчи ўринда жойлашган, «Бунёдкор» эса 15 очкоси билан 13-ўринда қолмоқда.

Олий лига, 14-тур
«Бухоро» – «Бунёдкор» 4:2
Голлар: Нурилло Тўхтасинов 22 автогол, - 1:0. Иван Нагаев 25, - 2:0. Санъат Шихов 36, - 3:0. Достонбек Ҳамдамов 65, - 3:1. Нозим Умуров 79, - 4:1. Вадим Чемиртан 90+3, - 4:2.
«Бухоро»: Эркин Жабборов, Бобиржон Омонов, Санъат Шихов, Артём Филипосян, Алишер Шоғуломов (Нозим Умуров, 60), Шохрух Гадоев, Зоҳир Пиримов, Раббим Ҳасанов, Эргаш Исмоилов, Владимир Баенко, Иван Нагаев
«Бунёдкор»: Муроджон Зуҳуров, Рустам Ашурматов, Акрам Комилов, Жавлон Иброҳимов, Шахзодбек Нурматов, Элдор Шомуродов (Вадим Чемиртан, 59), Достонбек Ҳамдамов, Нурилло Тўхтасинов (Фаррух Икромов, 41), Дилшод Аҳмадалиев, Отабек Шукуров, Миржамол Қосимов (Сардорбек Азимов, 75).

Саудия Арабистони қироли Салмон бин Абдул Азиз Ол Сауд валиаҳд шаҳзода Муҳаммад бин Нойифни ўзгартириш ҳақида қарор қабул қилди, деб хабар бермоқда Al Arabiya телеканали.

Таъкидланишича, бин Нойифнинг ўрнига қиролнинг 31 ёшли ўғли Муҳаммад бин Салмон валиаҳд шаҳзода бўлади.

Бундан ташқари, Муҳаммад бин Нойиф мамлакат ИИВ раҳбари лавозимидан маҳрум бўлди, у шаҳзода Абдул-Азиз бин Сауд бин Нойифга берилди.

Қирғизистон президенти Алмазбек Атамбаевнинг Москвага қилган давлат ташрифи якунлари бўйича томонлар Қирғизистоннинг Россия олдидаги қарзидан кечиш масаласи бўйича келишиб олишди.

Сешанба куни Кремлда Россия Федерацияси президенти Владимир Путин ва Қирғизистон президенти Алмазбек Атамбаев ўртасида музокаралар бўлиб ўтди. Музокаралар якунида давлат раҳбарлари иштирокида саккизта ҳужжат имзоланди. Ҳар икки давлатнинг молия вазирлари 2012 йил 20 сентябрда тақдим этилган кредит бўйича Қирғизистоннинг Россия олдидаги қарздорлигини тартибга солиш бўйича ҳукуматлараро битимнинг далолатномасини имзолашди, деб хабар беради РБК.

“Қирғистон томонидан қарздан кечиш борасида мурожаат бўлди, биз ҳамкорларимизга пешвоз чиқдик ва бугун 240 миллион АҚШ доллари ҳажмидаги қарздан кечиш ҳақида далолатнома имзоланди”, — дея тушунтирган РБКга Россия молия вазири Антон Силуанов. Вазирнинг сўзларига кўра, битим давлат думаси томонидан ратификация қилингач, кучга киради.

АҚШнинг NASA коинот агентлиги олимлари кўплаб кўрсаткичларига кўра Ерга ўхшаш бўлган 10 та янги экзосайёрани аниқлашди.

Тегишли тадқиқот NASA сайтида "Кеплер" коинот зонди олиб борган кузатувлар материаллари каталоги шаклида чоп этилган. Каталог "Кеплер" миссиясининг илк 4 йили давомида олинган натижаларга бағишланган.

"Бу синчковлик билан тўпланган каталог астрономиянинг энг асосий саволларидан бири – галактикада Ерга ўхшаш яна қанча сайёра борлиги ҳақидаги саволга аниқ жавоб бериш учун асос ҳисобланади", деб айтди каталог етакчи муаллифи Сьюзан Томпсон.

Олимлар 4 йил ичида 219 та янги сайёра аниқлашган. Экзосайёра бўлиш учун ҳаммаси бўлиб 4 мингдан кўпроқ даъвогар сайёра мавжуд бўлиб, ундан 2,3 мингини текшириб чиқишга муваффақ бўлинган. Улардан фақатгина 50 тасигина Ерга яқин ўлчамларга эга.

Аниқланган сайёралар орасида Ер билан деярли бир хил кўрсаткичларга эга бўлган камида битта сайёра топилди. KOI 7711 номи билан маълум бўлган бу сайёранинг диаметри Ерникидан 30 фоизга каттароқ ва унинг ўз орбитаси атрофида айланиши деярли бир йилни ташкил қилади.

Апрелда Ерга ўхшаш LHS 1140b экзосайёраси аниқлангани маълум қилинганди. Олимларнинг фикрича, бу сайёра Proxima b ёки TRAPPIST-1 тизими сайёраларидан кўра ҳаёт учун кўпроқ яроқлидир.

Ўзбекистоннинг “Кварц” АЖ Халқаро Бизнес ташаббуслар дирекцияси (BID) томонидан “International Star for Leadership in Quality” (Сифат соҳасидаги етакчилик учун Халқаро юлдуз) мукофотини қўлга киритди.

“Кварц” АЖ — Ўрта Осиёнинг энг етакчи корхоналаридан бири бўлиб, 1975 йилда ишга туширилган. “Кварц” компанияси фаолиятига қуйидагилар киради: шиша идишлар, сайқалланган шишалар, шунингдек, чиниққан шишалар ишлаб чиқарилади.

“International Star for Leadership in Quality” мукофоти, Париж

2017 йил 9 апрель куни Парижда ўтказилган тантанали маросимда BID Президенти Хосе Прието “Кварц” АЖ бошқарув раиси А.Пўлатовга “International Star for Leadership in Quality” халқаро мукофотини топширди.
Таъкидлаш жоизки, жорий йил “Кварц” корхонаси нафақат Ўзбекистон, балки Ўрта Осиё мамлакатлари ичида мазкур халқаро танловда қатнашган ягона иштирокчидир. Ушбу нуфузли мукофот “Кварц” корхонасининг модернизация ва ишлаб чиқаришни кенгайтириш, мавжуд технологияларни энерго-самарадорлигини юксалтириш, ходимлар малакасини ошириш, халқаро стандартларга қатъий амал қилиш бўйича тинимсиз харакатлари натижасида тақдим этилди.

Танловнинг танлаш жараёнида қуйидаги жиҳатларга алоҳида эътибор берилган:

мижозлар талабини қондириш;
инновация;
ходимлар малакасини ошириш;
доимий ўсиш;
ISO 9001 тизими;
атроф-муҳитга таъсири;
хом-ашёни қайта ишлатиш;
бошқарув;
иқтисодий кўрсаткичлар;
... Читать дальше »