Якшанба куни жанубий афғон вилоятларидан бири Ҳилманд вилоятида «Толибон» ҳаракати аъзолари «ДАБС» давлат энергетик компаниясининг саккиз нафар ишчисини ўғрилаб кетишган. Бу воқеа Сангин уездидаги туманларнинг бирида юз берди.

Бу вақтда техник хизматчилар гуруҳи маҳаллий ҳудуддаги электромонтаж ишларини олиб бораётган бўлган. Маҳаллий ҳуқуқни муҳофаза этиш органларининг ҳисоботида ёзилишича, компания томонидан толиблар назорат қилиб турган вилоятлардаги электроэнергия узиб қўйилгани учун жавоб реакцияси амалга оширилган.

Айни пайтда ҳаракат аъзолари билан музокаралар бошланган бўлиб, жангарилар электр энергиясини қайтадан улашни талаб қилмоқда.

Миллиардер Роман Абрамович ва Дарья Жукова ажрашишга қарор қилди. Page Six (New York Post газетаси иловаси) хабарига кўра, икки томон келишган ҳолда ажрашишга қарор қилган.

Икки фарзандли бу жуфтлик тинч йўл билан ажрашган.

«Биргаликда ўтган 10 йиллик ҳаётдан кейин биз иккимиз қийин қарор қабул қилдик (...), лекин биз дўстликни сақлаб қоламиз, биргаликдаги лойиҳаларимизда ҳамкорликни давом эттирамиз», — дея қайд этилган уларнинг қўшма баёнотида.

Айни вақтда 50 ёшда бўлган Абрамович учун 36 ёшли Жукова билан никоҳ ҳисоб бўйича учинчисидир. Унинг жами 7 фарзанди бор, улардан беш нафари — иккинчи никоҳидан. Абрамович Россиянинг энг бадавлат кишиларидан биридир, унинг бойлиги 9,1 миллиард долларга баҳоланган.

Абрамович ва Жукова 2005 йилда танишган, 2007 йил Абрамович ўзининг 16 йил бирга турмуш қурган иккинчи хотини Ирина Маландина билан ажрашгач, Жукова билан турмуш қурганди. Абрамович ва Жукованинг икки фарзанди бор — 2009 йилда туғилган Аарон Александр ва 2013 йил дунёга келган Лея.

Дарья Жукова Москвадаги «Гараж» замонавий санъат музейи асосчиси ҳисобланади, у шунингдек кийим ишлаб чиқарувчи Kova & T компаниясининг асосчиларидан бири ҳисобланади.

Hindistonning Assam shtatida avtomobillar serqatnov bo'lgan yo'ldan yugurib ketayotgan karkidon videoga olindi. Rolik BBC News’ning Twitter’dagi sahifasida 4 avgust kuni e`lon qilindi. Videoga bir sutka ichida 3,8 ming layk bosildi va u 2,4 mingdan ortiq repost qilindi.

Hind karkidoni (bir shoxli karkidon) – Osiyoda hajmi bo'yicha fildan keyin ikkinchi o'rinda turadi. Uning og'irligi 2,5 tonnaga yetishi mumkin. So'nggi yuz yilda uning tarqalgan joylari juda qisqardi, bu hayvonlar faqatgina Pokiston, Sharqiy Hindiston va Nepalda yashaydi. Ularning barchasi qo'riqlanuvchi hududlarda yashaydi, sababi brakonerlar uchun juda katta qiziqish tug'diradi.

Ozarboyjonning Sumgayit shahridagi 8-mikrotumanda joylashgan yotoqxonada portlash sodir bo'ldi. Bokuning Trend axborot agentligining ma`lum qilishicha, portlash oqibatida odamlar halok bo'lgan va o'nlab odamlar jarohat olgan.

Guvohlarning aytishicha, binoning 3-qavatida kuchli portlash ovozi eshitilgan, shundan keyin binoni yong'in qamrab olgan. Voqea joyiga favqulodda vaziyatlar vazirligi xodimlari yetib kelishgan.

Ayni vaqtda o'ndan ko'proq odam tutun tufayli is gazi bilan zaharlangani ma`lum, ular shifoxonalarga yetkazilganlar. Jarohatlanganlar orasida qutqaruvchilar ham bor, ular ayni vaqtda yong'in bilan kurashmoqdalar. Hozircha yong'inni to'xtatishning iloji bo'lmayapti.

Qurbonlar borligi ma`lum qilingan, biroq ularning aniq soni ma`lum qilinmagan. Voqea sababi hozircha o'rnatilmagan.

Yamanda yetti million kishi ocharchilik tahdidiga to'qnash keldi. Bu haqda BMTning gumanitar faoliyatni muvofiqlashtirish bo'yicha Boshqarmasi ofisi saytida e`lon qilingan hisobotda aytiladi.

Hisobotda aytilishicha, mamlakatda 5 yoshgacha bo'lgan 2,3 million bola to'yib ovqat yemaydi.

Yaman aholisining uchdan ikki qismi gumanitar yordam va himoya, boshpana, oziq-ovqat, ichimlik suvi hamda tibbiy yordamga muhtojdir.

Hujjatda Amron viloyatining Xamir tumani yaqinidagi lagerlarda joylashtirilgan qochqinlar haqida ham hikoya qilinadi. Bundan tashqari, uch million kishi mamlakatdan qochib chiqishga majbur bo'lgan, yana million inson mamlakat ichida boshqa joyga ko'chib o'tgan.

BMTdan eslatishlaricha, mamlakatda asosiy tibbiy xizmatlarni olish biroz mushkul, shu sababdan vabo epidemiyasi bilan kurashish ancha qiyinlashgan.

Хитойнинг Юньнань вилоятидаги Цюйцзин шаҳар округи ўрта поғонадаги халқ суди жума куни 2016 йилнинг сентябрида 19 кишини ўлдирган шахсни ўлим жазосига маҳкум этди. Бу ҳақда Хитой Марказий телевидениеси хабар берган.

Ҳуқуқни муҳофаза қилиш идоралари маълумотига кўра, 28 сентябрь куни 28 ёшли Ян Цинпэй Хуэйцзэ уездидаги қишлоқда яшовчи ота-онасининг олдига келиб, улардан пул сўраган. Шу сабабдан можаро келиб чиққан, ҳамда Ян отаси ва онасини ўлдирган. Кейин у жинояти ошкор бўлишидан қўрққан. Ўшанда у 17 нафар қўшнисини ўлдириш ҳақида қарор қабул қилган.

Жиноят икки куннинг ичида фош этилган, жиноятчи Куньмин шаҳрида ҳибсга олинган, шундан сўнг у ўз айбини тан олди.

Таъкидланишича, Ян Цинпэй апелляция бериш ниятида эмас.

Саудия Арабистони етакчилигидаги ҳарбий коалиция мусулмонлар учун энг муқаддас шаҳар – Маккаи Мукаррамага учирилган ракетани уриб туширди. Бу ҳақда ТАСС агентлиги хабар тарқатмоқда.

Маълумотларга кўра, ракета Яман ҳудудидан учирилган ва шаҳардан 69 км жануброқда уриб туширилган. Коалиция мазкур ҳужумни "ҳусийларнинг ҳаж ибодатини амалга оширишга тўсқинлик қилишга уриниш сифатида баҳолади. У бу йил 30 августдан бошланади".

2014 йил августидан Яманда ҳукумат кучлари ва исёнчи ҳусийлар ўртасида қуролли қарама-қаршилик давом этиб келмоқда. 2015 йил мартида Саудия Арабистони етакчилигидаги араб коалициясининг Яманга бостириб кириши билан зиддият кучайди. Яман ҳуқуқ ва тараққиёт марказига кўра, 2015 йил баҳоридан мамлакатда 10 мингдан ортиқ тинч аҳоли вакиллари қурбон бўлган. Уларнинг 2,4 мингги болалар, 2 мингга яқини аёллардир.

Чеченистон президенти Рамзан Қодиров Ибодат тепалигидаги Ал-Ақсо масжидини ҳимоя қилиш учун ўз лавозимини ташлаб кетишга тайёрлигини маълум қилди.

«Мен ўз лавозимни топшириш ва мусулмонлар учун муқаддас саналган бу масжид хавфсизлигини таъминлаш тизимида хизмат қилишга тайёрман. Кўнгилли сифатида қолган умримни Ал-Ақсо масжидини қўриқлашга бағишлашга тайёрман», — дея ёзган Қодиров Telegram каналида.

Ўтган ҳафта уч жангари Ибодат тепалигида икки полициячини ўлдириб кетгани бу ҳудудда хавфсизлик чоралари кучайтирилишига сабаб бўлди. Жумладан, Ибодат тепалигига чиқиш учун металл аниқловчи ромлардан ўтиш талаб этилади. Бундан ташқари, эллик ёшга тўлмаган мусулмонларга Ал-Ақсода намоз ўқиш тақиқланди.

Бу чоралар маҳаллий мусулмонлар орасида кескин норозиликларга сабаб бўлди. Улар намойишлар уюштирди, шунингдек, полиция билан тўқнашувларга киришди

25 июль куни Исроил ҳарбий-сиёсий кабинети металл детекторлар ва видеокамераларни олиб ташлашга қарор қилди.

Отатурк номидаги Истанбул халқаро аэропортидаги учиш-қўниш йўлагида иккита йўловчи самолётининг тўқнашуви юз берди. Бу ҳақда Posta нашри хабар берди.

Таъкидланишича, Оқтауга рейсни амалга ошираётган Қозоғистоннинг Scat Airlines авиакомпанияси самолёти Turkish Airlines’нинг Boeing 777 самолёти орқа қисмига текиб кетган.

Boeing бортида бўлган йўловчилар эвакуация қилинди. Улар Тайбэйга бошқа рейс билан жўнаб кетишган.

AQShning Atlanta shahridagi sud rossiyalik xaker Mark Vartanyanni besh yillik qamoq jazosiga hukm qildi. U zararli dasturlarni yaratishda ayblangandi.

Mark Vartanyan Citadel dasturini ishlab chiqishda ishtirok etgan. Jinoyatchilar bu dastur yordamida kompyuterlar hamda shaxsiy bank hisoblariga kirishgan. Mualliflar servisni rus tilidagi yopiq forumlarda sotishgan.

Vartanyan o'z aybini to'la tan oldi. Hukmni e`lon qilishda, u 2014 yildan beri qamoqda saqlanayotgani ham hisobga olindi. Mark avvaliga Ukrainada istiqomat qilgan, keyin esa Norvegiyaga ko'chib o'tgan.

Vartanyan hibsga olinganidan so'ng o'z aybini rad etdi, biroq 2017 yilning martida tergov bilan hamkorlik qilishga rozi bo'ldi hamda o'z harakatlari uchun kechirim so'radi.

Rossiyalik dasturchi joriy yilning bahorida Norvegiyadan AQShga ekstraditsiya qilingandi.

AQSh Qurolli kuchlari shtablar rahbarlari birlashgan qo'mitasining raisi Jozef Danford ma`lum qildiki, Rossiya harbiy salohiyatidan kelib chiqqan holda Vashington uchun «ulkan xavf» hisoblanadi.

«Biz Rossiya bilan yadroviy superqudratli davlat sifatida qarama-qarshilikka borishimiz kerak emas, ammo unutmaslik kerakki, bu davlat biz uchun ulkan xavf sanaladi»,— degan u Aspeneda xavfsizlik masalalariga bag'ishlab o'tkazilgan konferensiyada. Janob Danford Moskva yadroviy salohiyatga ega ekani hamda kiberkengliklarda harakat qila olishi mumkinligini ta`kidlagan.

U Moskva tomonidan kutiladigan xavf darajasi Eron, Xitoy yoki KXDRdan kutiladigan xavfdan kam emasligiga e`tibor qaratgan.

U bunday tahdidga qarshi turish uchun NATO bilan hamkorlikni kuchaytirish, Rossiya bilan harbiy va kiberxavfsizlik sohasida raqobat qilish zarurligini qo'shimcha qilib o'tgan.

Россия ИИВ 2017 йилнинг охирларига келиб мамлакатдаги илк миграция кодексини ишлаб чиқишни режалаштирмоқда, у мигрантларга нисбатан давлат сиёсатини белгилайди. Бу ҳақда ИИВ раҳбарининг биринчи ўринбосари Александр Горовой Федерал йиғилишдаги мажлисда маълум қилди, деб хабар бермоқда ТАСС.

«Биз амалдаги қонунчиликни қайта кўриб чиқиш ҳамда РФ миграция кодексини тайёрлашни бошлашни режалаштирмоқдамиз», - деди у.

Горовойнинг таъкидлашича, миграция оқимлари, худди мақсадлари каби, ўзгариб боради, шу сабабдан мамлакатда миграция сиёсатини тартибга солиб турувчи қонунчилик ҳам ўзгариши лозим.

ИИВ раҳбари ўринбосарининг ишонтиришича, Россиядаги криминоген ҳолатга бошқа давлатлардан келганлар томонидан босим «жиддий эмас»: унинг сўзларига кўра, мигрантлар томонидан содир этилувчи жиноятлар йил сайин камайиб бормоқда.

2016 йилнинг декабрида «Независимая газета» ҳам Россияда миграция кодекси пайдо бўлиши ҳақида ёзганди. Нашр маълумотларига кўра, тегишли лойиҳани тайёрлаш билан ҳуқуқ ҳимояси ташкилотлари Россия ИИВнинг миграция масалалари бўйича бош бошқармаси билан ҳамкорликда шуғулланмоқда. Ўшанда газета бошқа давлатлардан келган мигрантларга нисбатан сиёсатни инсонпарварлик тамойиллари асосида олиб бориш таклиф этилгани ҳақида ёзганди. ИИВ бўлинмаси вақтинчалик яшаш ва яшашга рухсат берувчи ҳужжатларни ягона ҳужжатга алмаштиришни ҳам режалаштирмоқда. Шунингдек, нашрнинг таъкидлашича, Россия фуқаролигини олмоқчи бўлган ва рус тили о ... Читать дальше »

Саудия Арабистони полицияси 18 июль куни “очиқ-сочиқ” юргани учун ҳибсга олинган қизни озодликка чиқарди, деб хабар қилмоқда РИА Новости.

Олти сониялик виделавҳа 17 июлда турли ижтимоий тармоқларда тарқалиб кетган эди. Twitter микроблоглар тармоғида қизни қўллаб-қувватлаш бўйича турли хештеглар пайдо бўлди. Саудия Арабистони аёллари танасини тўлиқ ёпиб турувчи кенг либослар кийишлари керак.

Агентликнинг хабар қилишича, қизни бир неча соат сўроқ қилишганидан кейин, ҳеч қандай айблов эълон қилмасдан қўйиб юборишган. Таъкидланишича, видеолавҳа қизнинг розилигисиз интернет тармоғига қўйиб юборилган.

Интернетда стюардессанинг самолёт бизнес-классида охиригача ичилмаган шампанни шиша бутилкага қайта қуйгани тасвирланган видео оммалашди. Emirates авиакомпанияси эса бу ҳолатни текширувдан ўтказишни бошлади, деб хабар бермоқда Arabian Business.

Ролик муаллифининг сўзларига кўра, ҳодиса Дубайдан Барселонага бўлган рейсда апрель ойида юз берган.

"Emirates ҳар доим сервиснинг юқори даражасини таъминлашга ҳаракат қилади. Видеодаги ҳолат эса бизнинг сифат стандартларимизга мос эмас", - дейилади авиакомпания баёнотида.

Ижтимоий тармоқлардаги баъзи фойдаланувчиларнинг фикрича, экипаж аъзоси ичилмаган ичимликни бутилкага, ундан кейинчалик фойдаланиш мақсадида қайта қуйган бўлиши мумкин.

Эрон ислом инқилоби қўриқчилари корпуси (ЭИҚК) Америка томонини, агарда улар ЭИҚКни террорчилик гуруҳларига тенглаштирса ҳамда янги санкцияларни киритса, бу АҚШнинг минтақадаги қўшинлари учун оқибатлар келтириб чиқариши билан огоҳлантирди. Бу ҳақда Reuters хабар бермоқда.

«ЭИҚКни террорчилик гуруҳларига тенглаштириш ва унга қарши янги санкцияларни киритиш – Америка ва унинг минтақадаги ҳарбий базалари ҳамда кучлари учун катта хатар келтириб чиқаради», - дея айтиб ўтди қуролли кучлар штаби бошлиғи генерал-майор Муҳаммад Бакерий.

Шу билан бирга, у америкалик ҳарбийлар бундай ҳолатда нимага дуч келишларига ойдинлик киритмади.

Эрон ислом инқилоби қўриқчилари корпуси – Эрондаги нуфузли ҳарбий-сиёсий гуруҳ бўлиб, мамлакатда миллиардлаб активларга эга. Шунингдек, у Эрон сиёсий тизимига жиддий таъсир ҳам ўтказа олади, дея таъкидлайди агентлик.