Туркия президенти Ражаб Тойиб Эрдўған парламент мамлакатда ўлим жазосини тиклаш бўйича қонун лойиҳасини маъқуллашига умид билдирди.

«Агар ўлим жазосини қайтариш ҳақидаги қонун парламентдан ўтса, мен уни тасдиқлайман. Ишонаманки, шундай бўлади», деган у Анқарадаги 15 июль воқеаларига бир йил тўлиши муносабати билан ўтказилган митинг вақтида.

У биринчи навбатда «хоинларнинг боши олиниши» ҳақида гапирган.

Бундан ташқари, душанба куни Туркия парламенти мамлакатдаги фавқулодда ҳолатни узайтириш масаласини кўриб чиқади.

15 йилдан 16 июлга ўтар кечаси Туркиянинг қатор шаҳарларида давлат тўнтаришига уринишга бир йил тўлгани муносабати билан тадбирлар ўтказилди. Истанбулда ҳам митинг бўлиб, унда президент Эрдўған чиқиш қилган. Намойишчилар 1 йил олдин исёнчи ҳарбийлар ва намойишчилар ўртасидаги тўқнашув рўй берган Босфор бўғози устидаги кўприкка томон марш ўтказишди.

Туркияда 2016 йилнинг 15 июли оқшомида ҳарбийлар давлат тўнтариши амалга оширмоқчи бўлишганди. Исён вақтида тўқнашувлар вақтида камида 265 киши ҳалок бўлган, 1500 киши жароҳатланган. Исёндан кейин 6 минг киши — зобитлар, журналистлар ва судьялар қамоққа ташланган, ҳукумат мамлакатда фавқулодда ҳолат жорий этган.

Францияда Миллий кун байрамини нишонлаш вақтида безорилар 897та автомобилни ёқиб юборди. Бу ҳақда мамлакат Ички ишлар вазирлиги хабар берди.

Маълум қилинишича, 13 ва 14 июль кунлари полиция ходимлари томонидан 368 нафар шахс қўлга олинди. Ушбу кунларда мамлакатни 86 минг нафар полиция ходимлари ва жандармлар, шунингдек, 7 минг нафар ҳарбийлар қўриқлашган.

"Қатор шаҳарларда тартибни сақлаш ходимларига ҳужумлар аниқланган, 13 нафар полиция ва ҳарбий жароҳатланган", – дейилади хабарда.

Ўтган йили ушбу байрамда 577 нафар фуқаро қўлга олиниб, 855та автомобилга ўт қўйилганди.

Париж шаҳрининг рамзи бўлган Эйфель минораси 15 июлга қадар ташриф буюрувчилар учун ёпилди. Бу АҚШ президенти Дональд Трампнинг Францияга ташрифи ва Бастилия эгалланган Куннинг нишонланиши туфайли рўй берди

Кеча кечқурун Франция президенти Эммануэль Макрон Трамп шарафига расмий кечки овқат берди. Тадбир Эйфель минорасининг иккинчи қаватидаги Jules Verne ресторанида бўлиб ўтди. Шунинг учун Эйфель минораси куннинг иккинчи ярмида ташриф буюрувчилар учун ёпиқ бўлди.

Бундан ташқари, Эйфель минораси Бастилия эгалланган Кун шарафига уюштириладиган анъанавий мушакбозлик туфайли ҳам ёпилади.

Эслатиб ўтамиз, ҳар йили Эйфель минорасига етти миллионга яқин сайёҳ ташриф буюради.

Аввалроқ Эйфель минораси Трамп туфайли ёпилиши хабар қилинганди.

Покистон шимоли-шарқидаги сув тошқинлари натижасида камида 12 киши ҳалок бўлди ва тўрт инсон жабрланди. Бу ҳақда Dawn нашри хабар бермоқда.

Нашр маълумотига кўра, кучли ёмғирлар туфайли юз берган сув тошқинлари Панжоб вилоятининг уч туманида кузатилган.

Маҳаллий метеорологларнинг хабарига кўра, ноқулай об-ҳаво мамлакатнинг ушбу ҳудудида яна бир неча кун давомида сақланиб қолади. Бироқ ҳафта охирига келиб Покистон ҳудуди узра янги атмосфера гирдоби ўтади.

Ўтган йили мавсумий сув тошқинлари ва кучли ёмғирлар 81 кишининг умрига зомин бўлганди, тахминан 300 минг инсон жарбланган.

Нью-Йорк ҳукумати келаси йилга қадар каламушларнининг 70 фоизини йўқ қилиш ниятида. Шаҳарни кемирувчилардан тозалаш амалиётига 30 миллион доллардан кўпроқ маблағ сарфлаш режалаштирилмоқда, деб хабар берди Reuters агентлиги.

Нью-Йорк соғлиқни сақлаш департаменти маълумотига кўра, 2017 йилнинг бошидан бери каламушлар бўйича 10 мингдан ортиқ шикоят келиб тушди. Бу кемирувчилар айниқса Манхэттен, Бронкс ва Бруклинда кўпроқ учрайди.

Шаҳар маъмуриятининг фикрича, ажратилган маблағларнинг катта қисми жамоат жойларини яхшилаш, ертўлаларнинг тупроқли полларини бетон билан қоплаш ҳамда қуёшли чиқинди йиғиш комбайнларини ўрнатишга сарфланади. Шаҳар кўчаларидаги чиқинди саватчалари пўлатли бакларга алмаштирилади.

АҚШ ҳарбийлари Суриянинг Раққа шаҳрида "Сурия деморатик кучлари"га ИШИДга қарши курашда ёрдам бермоқдалар, деб хабар бермоқда "Франс Пресс" ахборот агентлиги.

АҚШ бошчилигидаги коалиция вакили, АҚШ полковниги Райан Диллоннинг айтишича, орасида махсус кучларнинг кўп сондаги жангчилари бўлган ҳарбийлар бевосита жангларда иштирок этмай, маҳаллий кучларга "маслаҳат бермоқдалар, ёрдам кўрсатмоқдалар ва ҳамроҳлик қилмоқдалар".

Раққа 2013 йилдан бери ИШИД назоратида бўлиб келмоқда. Шаҳар ИШИДнинг норасмий пойтахти ҳисобланади. 2016 йилда АҚШ бошчилигидаги коалиция шаҳарни озод қилиш бўйича операция бошланишини, жорий йилнинг июль бошида эса "Сурия демократик кучлари" шаҳарнинг эски қисмида жангарилар мудофаасини ёриб ўтганини маълум қилган.

Москвада яқин соатлар ичида яна момақалдироқ, дўл ва кучли ёмғир ёғиши кутилмоқда. Бу ҳақда Россия ФВВнинг шаҳар бўйича бош бошқармаси хабар берди.

«Москвада яқин соатлар ичида, 12 июль куни кундузи ва кечқурун, 13 июль куни кечаси ва эрталаб кучли ёмғир, момақалдироқ, дўл кузатилади. Шамол сониясига 15-20 метр тезликда эсади», - дейилади хабарда.

Таъкидланишича, транспорт ҳаракати мураккаблашиши, электр узатиш линияларида узилишлар бўлиши, дарахтлар ва реклама тўсиқлари қулаши мумкин.

Қутқарувчилар ноқулай об-ҳаво пайтида бинолар ичида, кўчада эса дарахтлардан узоқроқда бўлишни тавсия этишган.

Misr malikasi Kleopatraning go`zalligi haqida turli afsonalar yuradi, deb xabar beradi Interesno.cc nashri.

Aslida esa Kleopatra biz o`ylagan darajada go`zal ayol bo`lmagan. Kembrijlik misrshunos olim Salli Enn Eshton uzoq yillar davomida Kleopatraning tashqi qiyofasi ustida ish olib borib, quyidagi xulosaga keldi.

U Kleopatraning tashqi qiyofasini o`rganishda malikaning surati aks etgan tangalar, Misrning Dender shahar ibodatxonasidagi haykallar va shajarasining tahlilidan foydalandi.



Aniqlanishicha, Kleopatraning burni katta, labi ingichka va iyagi uchqur bo`lgan. Bunday tashqi qiyofaga ega, qorachadan kelgan ayol dunyo go`zali unvoniga ega bo`lishi dargumon. Britaniyalik olimlar malika Kleopatraning qaddi-qomati ham noproporsional bo`lib, bo`yi 152 santimetrni tashkil etganligini ham aniqlashdi. U to`lachadan kelgan, baqaloq ayol bo`lgan.



Yunon tarixchisi Plutarx Kleopatrani quyidagicha ta`riflagan: “Kleopatra juda go`zal ayol bo`lmasa ham odamni o`ziga maftu ... Читать дальше »

Qozog`istonning Qustanay viloyatida cho`pon va uning otari chaqmoq urishi tufayli yuzaga kelgan yong`in oqibatida halok bo`ldi, deb xabar berdi Tengrinews.kz nashri.

Otarni qutqarishga harakat qilgan cho`pon yong`inda o`zi ham yonib ketdi. Cho`ponning sakkiz farzandi bo`lgan. Otardagi 1500 ta qo`yning hammasi yong`inda yonib ketdi. O`tgan yilning iyun oyida Qirg`izistonda yashin oqibatida chiqqan yong`inda 300 ta qo`y yonib ketgan edi. Cho`pon qo`ylarni Qashqa-Suu yayloviga haydagan. Suuk-Dobo dovonida esa vaqtinchalik tunash uchun to`xtagan. Otarda 600 nafar qo`y bo`lgan. Yashin otarning ustiga tushgan, oqibatda 120 ta qo`y joyida halok bo`lgan, 145 ta qo`y esa qo`rqqanidan jarlikka sakragan. Cho`ponning o`zi esa tirik qolgan edi.

Itini ochlikdan sillasini quritgan britaniyalik erkak 12 haftalik qamoq jazosiga hukm qilindi, deb xabar berdi Tvzvezda.ru nashri.

Britaniyalik erkak itini och qoldirgani uchun 12 haftalik qamoq jazosiga hukm qilinib, yaqin 10 yil ichida uyida hayvon saqlashdan mahrum etildi. Erkak itini och qoldirgani sababli, itning sillasi qurib, yurolmay qolgan. Itning qovurg`alari sanalib, eti suyagiga yopishgan. Og`irligi 18 kilogramm bo`lishi kerak bo`lgan itning vazni 10 kilogramm bo`lgan. Fastfud restoranida ishlagan erkak ishdan qattiq charchab kelganligi tufayli itiga qaramay olmaganini tan oldi. Ayni paytda it o`ziga kelgan, unga RSPCA xodimlari g`amxo`rlik qilmoqda.

Қозоғистоннинг Чимкент шаҳрида иссиқ ҳарорат кузатилмоқда, баъзи чимкентликлар эса бундан тажрибаларини ўтказишда фойдаланишмоқда. YouTube порталида шундай тажрибалардан бири жараёни тасвирлари пайдо бўлди.

Унда қуёш остидаги бетонга қўйилган товада тухум пиширилади - 2 дақиқа ичида тухум қовурилади.

Ўтган ҳафтада Чимкентда ҳарорат 50 даражага кўтарилган. «Казгидромет» 9 июлга келиб ҳарорат пасайишини прогноз қилган, 11 июль кунидан бошлаб, иссиқ ҳарорат 36 даражадан ошмаслиги айтилган.

Ўзбекистонда ҳам охирги ҳафталарда аномал иссиқ кузатилди. Гидрометеорология маркази ҳароратни максимум 45 даража деб маълум қилган бўлсада, ҳудудларда бундан юқори даражадаги иссиқ кузатилган. Ўзбекистонда ҳам 9 июль куни кечқурун салқин тушиб, 10 июлдан ҳарорат пасая бошлади.

Японияда 600 дан зиёд фуқаро жазирама туфайли шифохоналарга мурожаат қилган. Уларнинг икки нафари жуда оғир аҳволда, деб хабар берди NHK телеканали.

Япониядаги 47 префектурадан 45 тасида жами 608 нафар одам шифохонага ётқизилган. 2 нафари эса ҳушига келмаган ва аҳволи оғирлигича қолмоқда.

62 нафар инсон Токио шаҳрида жазирамадан жиддий зарар кўришган. У ерда ҳаво ҳарорати 33,7 даражага кўтарилди.

Бу кўрсаткич мамлакат бўйича энг юқори эмаслиги таъкидланмоқда. Масалан: Гифу ва Гумма префектураларида иссиқлик ўлчагич кўрсаткичи 36,5 даражага кўтарилган.

Айтида – 35,5, Сайтаме ва Хоккайдода – 35,6, Киото ва Фукусимада – 35,5 даражагача жазирама иссиқлик давом этмоқда.

8 июль куни “Сандерленд”нинг 6 ёшли содиқ мухлиси Брэдли Лоуэри вафот этди.

Шифокорлар 6 ёшли болакайда нейробластома касаллигининг юқори даражадаги ўсимтаси борлигини аниқлашган. Касаллик асосан асаб тизимини ишдан чиқаради. Бу турдаги ўсимта ёш болаларда кўпроқ учрайди. Брэдли Лоуэри эса касаллик билан узоқ кураш олиб борганди.

“Сандерленд”нинг собиқ футболчиси, ҳозирда “Борнмут” аъзоси Жермейн Дефо иштирокидаги матбуот анжуманида Брэдли ҳақида сўрашганида у саволларга кўзида ёш билан жавоб қайтарди.

Англия премьер лигасининг кўплаб клублари, футболчилари болакайни қўллаб-қувватловчи чиқишлари билан унинг ота-онасига далда бериб туришганди.

АҚШ ва Россия президентлари Дональд Трамп ва Владимир Путин "ўта муҳим" учрашувни ўтказди, шу боис етакчиларнинг ҳеч бири тўхтатишни истамади, дея баёнот берди АҚШ давлат котиби Рекс Тиллерсон.

Унинг сўзларига кўра, қайсидир лаҳзада музокаралар хонасига АҚШнинг биринчи хоними Меланья Трамп назар солган, шу билан у давлат раҳбарларини музокараларни тугатишга ундаган бўлса-да, бунинг уддасидан чиқа олмаган.

"Музокараларга шунчалик киришиб кетилган ва фикр алмашувлар бўлаётган эдики, томонларнинг ҳеч бири тўхташни исташмас эди. Одамлар музокаралар хонаси эшигидан қараб-қараб қўйишарди. Улар ҳатто, бизларни тўхтатиш илинжида биринчи хонимни юборишди. Шубҳасиз, у бунинг уддасидан чиқа олмади", — деган Тиллерсон журналистларга. Унинг қайд этишича, президентлар учрашуви 2 соат 15 дақиқа давом этган.

"Бу жуда муҳим учрашув бўлди. Бизда муҳокама қилиш учун жуда кўп мавзу бор ва бошланиши ёмон эмас", — деб қайд этди Тиллерсон.

AQSh prezidenti ma`muriyati Suriya masalasi bo'yicha yangicha yondashuvni ko'rib chiqmoqda va bundan keyin Bashar Asad mamlakat prezidentligidan ketishini talab qilmoqchi emas. Bu haqda Oq uy va Kongressdagi manbalariga tayangan holda The Daily Beast portali ma`lum qildi.

Xabarga ko'ra, bu qadam AQShning Suriyadagi inqirozni hal qilish bo'yicha yangi strategiya doirasidadir. Shuningdek, Amerika hukumati Suriyada Moskva taklifiga ko'ra xavfsizlik zonalari yaratilishi hamda mamlakat hududida Rossiya harbiy politsiyasi bo'lishiga rozi.

Yangi strategiyaning asosiy maqsadi IShIDni uzil-kesil yo'q qilish va unga hududlarni qaytarib olish uchun imkoniyat qoldirmaslik hisoblanishi aytilmoqda. Biroq AQSh IShIDdan tortib olingan hududlar nazoratini Suriya rasmiylariga emas, koalitsiya qo'llab-quvvatlayotgan muxolifatga, «Suriya Demokratik kuchlari»ga topshirishni mo'ljallagan.

Qayd etilishicha, bu boradagi muzokaralar Moskva va Vashington tomonidan bir necha oydan buyon muhokama etilib kelinmoqda. Bu loyiha AQSh Davlat departamenti rahbari Reks Tillerson tomonidan ishlab chiqilgandi.

6 iyul kuni Tillerson AQSh va Rossiya prezidentlari uchrashuvida muhokama qilinadigan mavzular qatorida Suriya Arab Respublikasidagi vaziyat ham bo'lishi haqida aytib o'tgandi.

Mazkur reja Hamburgdagi G20 sammiti doirasidagi AQSh va Rossiya tomonlari uchrashuvida taqdim etilishi kutilmoqda.

AQSh prezidenti Donald Tramp va Rossiya ... Читать дальше »