ИШИД террорчилик гуруҳи жангарилари Ироқнинг Мўсул шаҳридаги Ан-Нурий масжидини портлатиб юборишди, дейишмоқда ироқлик ҳарбийлар. Бу ҳақда РИА Новости хабар бермоқда.

Масжид Мўсулнинг ғарбидаги эски шаҳар қисмида жойлашган, у ерда ҳозир террорчилар ва ҳукумат қўшинлари ўртасида ҳал қилувчи қақшаткич жанглар давом этмоқда. 2014 йилнинг июлида ИШИД етакчиси Абу Бакр ал-Бағдодий худди мана шу масжидда нутқ ирод қилиб, «халифалик» тузилгани ва ўзини унинг подшоси, деб эълон қилганди.

«ИШИД жангарилари яна бир тарихий жиноятга қўл уришди — ан-Нурий масжиди ва унинг минорасини портлатиб юборишди», — дейилади Ироқ армияси матбуот хизмати хабарида.

Найнава вилоятини озод қилиш бўйича операция қўмондонининг сўзларига кўра, ан-Нурий масжиди ва унинг Ал-Ҳадба деб аталувчи минораси Ироқ ҳарбийлари шаҳар ичкарисига киришга муваффақ бўлган пайтда жангарилар томонидан портлатилган.

Чоршанба куни Ироқ ҳарбийлари Мўсулнинг бош масжидидан 100 метр нарида мустаҳкам ўрнашгани маълум қилинаётган эди. Ироқнинг бу шаҳрида ҳарбий операция АҚШ бошчилигидаги ҳарбий коалиция кўмагида 2016 йилнинг октябридан буён ўтказилмоқда.

Мўсул марказида жойлашган эски шаҳар қисмини эгаллаш бўйича операция унинг кўчалари ўрта асрларга хос режалаштирилганлиги туфайли қийин кечмоқда — туман бор йўғи 2-3 метр кенгликдаги танг кўчалардан иборат.

Радикаллар рамзи

800 йил муқаддам барпо этилган айнан ан-Нурий масжидини террорчилар ... Читать дальше »

Аввалроқ Брюсселдаги вокзалда теракт содир этган жиноятчининг шахси аниқлангани ҳақида хабар берилганди. Бироқ, Бельгия ИИВ раҳбари Ян Ямбон унинг исмини айтмади ва бошқа тафсилотларни келтирмаганди.

РИА Новости’нинг Бельгия прокуратурасига асосан хабар беришича, ушбу шахс Марокаш фуқароси бўлган.

Хабар қилинишича, у аввал терроризмда гумонланмаган.

Саудия Арабистони қироли Салмон бин Абдул Азиз Ол Сауд валиаҳд шаҳзода Муҳаммад бин Нойифни ўзгартириш ҳақида қарор қабул қилди, деб хабар бермоқда Al Arabiya телеканали.

Таъкидланишича, бин Нойифнинг ўрнига қиролнинг 31 ёшли ўғли Муҳаммад бин Салмон валиаҳд шаҳзода бўлади.

Бундан ташқари, Муҳаммад бин Нойиф мамлакат ИИВ раҳбари лавозимидан маҳрум бўлди, у шаҳзода Абдул-Азиз бин Сауд бин Нойифга берилди.

Қирғизистон президенти Алмазбек Атамбаевнинг Москвага қилган давлат ташрифи якунлари бўйича томонлар Қирғизистоннинг Россия олдидаги қарзидан кечиш масаласи бўйича келишиб олишди.

Сешанба куни Кремлда Россия Федерацияси президенти Владимир Путин ва Қирғизистон президенти Алмазбек Атамбаев ўртасида музокаралар бўлиб ўтди. Музокаралар якунида давлат раҳбарлари иштирокида саккизта ҳужжат имзоланди. Ҳар икки давлатнинг молия вазирлари 2012 йил 20 сентябрда тақдим этилган кредит бўйича Қирғизистоннинг Россия олдидаги қарздорлигини тартибга солиш бўйича ҳукуматлараро битимнинг далолатномасини имзолашди, деб хабар беради РБК.

“Қирғистон томонидан қарздан кечиш борасида мурожаат бўлди, биз ҳамкорларимизга пешвоз чиқдик ва бугун 240 миллион АҚШ доллари ҳажмидаги қарздан кечиш ҳақида далолатнома имзоланди”, — дея тушунтирган РБКга Россия молия вазири Антон Силуанов. Вазирнинг сўзларига кўра, битим давлат думаси томонидан ратификация қилингач, кучга киради.

АҚШнинг NASA коинот агентлиги олимлари кўплаб кўрсаткичларига кўра Ерга ўхшаш бўлган 10 та янги экзосайёрани аниқлашди.

Тегишли тадқиқот NASA сайтида "Кеплер" коинот зонди олиб борган кузатувлар материаллари каталоги шаклида чоп этилган. Каталог "Кеплер" миссиясининг илк 4 йили давомида олинган натижаларга бағишланган.

"Бу синчковлик билан тўпланган каталог астрономиянинг энг асосий саволларидан бири – галактикада Ерга ўхшаш яна қанча сайёра борлиги ҳақидаги саволга аниқ жавоб бериш учун асос ҳисобланади", деб айтди каталог етакчи муаллифи Сьюзан Томпсон.

Олимлар 4 йил ичида 219 та янги сайёра аниқлашган. Экзосайёра бўлиш учун ҳаммаси бўлиб 4 мингдан кўпроқ даъвогар сайёра мавжуд бўлиб, ундан 2,3 мингини текшириб чиқишга муваффақ бўлинган. Улардан фақатгина 50 тасигина Ерга яқин ўлчамларга эга.

Аниқланган сайёралар орасида Ер билан деярли бир хил кўрсаткичларга эга бўлган камида битта сайёра топилди. KOI 7711 номи билан маълум бўлган бу сайёранинг диаметри Ерникидан 30 фоизга каттароқ ва унинг ўз орбитаси атрофида айланиши деярли бир йилни ташкил қилади.

Апрелда Ерга ўхшаш LHS 1140b экзосайёраси аниқлангани маълум қилинганди. Олимларнинг фикрича, бу сайёра Proxima b ёки TRAPPIST-1 тизими сайёраларидан кўра ҳаёт учун кўпроқ яроқлидир.

Qatar Airways жорий йилда дунёнинг энг яхши авиакомпаниясига айланди. У Skytrax рейтингида биринчи ўринни қўлга киритди.

Иккинчи поғонадан Singapore Airlines жой олган бўлса, учинчи ўринда - ANA. Шунингдек, энг яхши авиакомпаниялар топ-5лигига Emirates ва Cathay Pacific ҳам кирди.

Эслатиб ўтамиз, 2016 йилда экспертлар энг яхши авиакомпания сифатида Emirates’ни тан олишганди.

Skytrax топ-100лигидан “Ўзбекистон ҳаво йўллари” МАК жой олмаган.

Тўлиқ рўйхат билан қуйидаги ҳавола орқали танишингиз мумкин.

Австралия ҳукумати ИШИД террорчилик гуруҳи жангариларининг Суриядаги позицияларига авиазарбалар беришни тўхтатиш ҳақида қарор қабул қилди. Бу ҳақда Reuters хабар бермоқда.

«Австралия қуролли кучларининг Сурияда авиазарбалар бериш бўйича амалиётлари эҳтиёткорлик чоралари сифатида вақтинчалик тўхтатилди», - дейилади Австралия мудофаа маҳкамаси хабарида.

АҚШ ҳарбий-ҳаво кучларининг иккита B-1B товушдан тез ҳаракатланувчи бомбардимончиси Жанубий Кореядаги машқларда иштирок этмоқда. Улар ўз бортида ядро қуролини ҳам олиб юриш имкониятига эга, деб хабар берди «Рёнхап» агентлиги.

Таъкидланишича, Сеул томондан машқларда F-15K қирувчилари қатнашади.

«B-1B иккита бомбардимончиси бугун Корея ярим оролига етиб келди ва бизнинг F-15K қирувчиларимиз билан қўшма машқларда иштирок этмоқда», - дейилади хабарда.

Агентлик маълумотига кўра, Америка самолётлари Канвондо вилоятидаги Пхильсон полигонида машғулотлар давомида бомбалар ташлайди.

АҚШ ҳарбий-ҳаво кучларининг иккита B-1B товушдан тез ҳаракатланувчи бомбардимончиси Жанубий Кореядаги машқларда иштирок этмоқда. Улар ўз бортида ядро қуролини ҳам олиб юриш имкониятига эга, деб хабар берди «Рёнхап» агентлиги.

Таъкидланишича, Сеул томондан машқларда F-15K қирувчилари қатнашади.

«B-1B иккита бомбардимончиси бугун Корея ярим оролига етиб келди ва бизнинг F-15K қирувчиларимиз билан қўшма машқларда иштирок этмоқда», - дейилади хабарда.

Агентлик маълумотига кўра, Америка самолётлари Канвондо вилоятидаги Пхильсон полигонида машғулотлар давомида бомбалар ташлайди.

Иссиқ-Кўл қирғоғидаги ёнилғи қуйиш шохобчасидаги портлаш оқибатида икки киши, жумладан, ёш бола тириклайин ёниб кетди. Ҳодиса туфайли яна саккиз инсон куйиш жароҳатларини олган. Бу ҳақда Қирғизистон соғлиқни сақлаш вазирлиги матбуот хизмати сешанба куни хабар берди.

Маълумотларга кўра, мамлакатнинг Иссиқ-Кўл вилояти Ананьево қишлоғидаги портлаш кеча кечқурун, газни бошқа жойга олиб ўтиш вақтида рўй берган. Ҳаммаси бўлиб 10 киши жабрланди, уларнинг икки нафари ҳалок бўлди.

"Айни дамда туман касалхонаси жонлантириш бўлимида беш киши қолмоқда, уларнинг аҳволи оғир, деб баҳоланмоқда. Барчасида куйиш жароҳатлари бор", - дея хабар берди соғлиқни сақлаш вазирлиги.

Таъкидланишича, ҳалок бўлганлар орасида ёш бола ҳам бор.

АҚШнинг Теннесси штатидаги суд биносида юз берган отишма оқибатида шерифнинг икки ўринбосари жароҳат олди, деб хабар бермоқда AP ахборот агентлиги.

Коффи округи шерифи вакили Лаки Ноттнинг айтишича, суд биносига етказилган маҳбус полициячиларнинг биридан тўппончани тортиб олиб, уларга қарата ўқ уза бошлаган. Шериф ўринбосарларидан бири қорин соҳасидан, бошқаси эса қўлидан яраланган. Айни вақтда жароҳатланган полициячилар шифохонада қолмоқдалар.

Ноттнинг қўшимча қилишича, маҳбус отишма содир этгандан кейин суд биносидан қочиб чиқаётганда, тахмин қилинишича, ўзига ўқотар жароҳат етказган.

Россия Мудофаа вазирлиги 19 июндан эътиборан АҚШ билан Сурияда парвозлар хавфсизлигини таъминлаш бўйича меморандумни тўхтатади. Бу ҳақда вазирлик матбуот хизматида хабар берилган.

Яъни, Россия Америка ҳарбийлари билан махсус линияда мулоқот қилишни тўхтатмоқчи. Энди русларнинг Суриядаги авиацияси ўз амалиёт ҳудудидаги ҳар қандай самолёт ёки ҳарбий ракетани уриб тушириши мумкин бўлади.

Бунга коалиция ҳаво кучлари Суриянинг СУ-22 ҳарбий самолётини уриб туширгани сабаб бўлди.

Яқин Шарқда ИШИДга қарши курашаётган АҚШ бошчилигидаги коалиция авиацияси 18 июнь куни Раққа яқинида ҳарбий-ҳаво кучлари самолётини уриб туширди. Расмий Дамашқ уриб туширилган Су-22 самолёти ИШИД жангариларига қарши топшириқ бажараётган бўлганини маълум қилди.

АҚШ раҳбарлигидаги коалиция Сурия қирувчисини уриб туширганини тасдиқлади.

Коалиция баёнотига кўра, Сурия армиясининг Су-22 қирувчиси «коалициянинг қуруқликдаги иттифоқчиларини ҳимоя қилиш мақсадида» уриб туширилган («Қуруқликдаги иттифоқчилар» - Раққадан ғарбдаги Табках шаҳри ёнида ИШИДга қарши билан жанг қилаётган «Сурия демократик кучлари» аскарлари).

Маълум қилинишича, Сурия самолёти 18 июнь куни маҳаллий вақт билан 18:43 (Тошкент вақти билан 20:43)да Сурия мухолифати аскарлари устига бомба ёғдиришни бошлаган, натижада АҚШ ўз иттифоқчилари хавфсизлигини таъминлаш учун F/A-18E Super Hornet самолётини ҳавога кўтарган.

Истанбулдан Тбилисига парвоз қилган Atlas global авиакомпанияси самолётини яшин урди. Бу ҳақда авиалайнер йўловчилари ОАВга хабар беришди.

«Парвозга чиққанимиздан 15-20 дақиқа ўтиб ҳамма ёрқин нурни пайқади, ҳамда самолётни яшин урди. Шундан сўнг бошқарув билан муаммолар юзага келди, учувчи аэропортга қайтиб кетиш ҳақида қарор қабул қилди», - дея маълум қилди гувоҳлардан бири.

Бошқа бир йўловчининг қайд этишича, ҳодиса туфайли жабрланганлар йўқ, бироқ самолёт зарар кўрган, «ва айнан шунинг учун аэропортга қайтиш ҳақида қарор қабул қилинди».

Хабарларга кўра, Истанбул-Тбилиси рейси бир неча соатдан кейин амалга оширилган.

19 июнга ўтар кечаси Лондон шимолида минивэн масжиддан қайтаётган одамларни босиб кетди. Полициянинг таъкидлашича, воқеа оқибатида бир неча киши жабрланган, бироқ уларнинг аниқ сони айтилмаган. Воқеа Финсбери-парк туманидаги Seven Sisters Road кўчасида юз берган. Бу ҳақда LBC маҳаллий нашрига иқтибос келтирган ҳолда РБК хабар бермоқда.

Ҳуқуқ-тартибот идоралари вакилининг маълум қилишича, ҳужум ҳақидаги қўнғироқ маҳаллий вақт билан соат 00:20ларда келиб тушган. Таъкидланишича, ҳайдовчи йўл четига чиқиб, одамларга бориб урилган.

Воқеа жойига полиция, фавқулотда хизматлар ходимлари етиб келишган. Ҳуқуқ-тартибот идоралари берган маълумотларга кўра, воқеа оқибатида қурбонлар бор, уларнинг сони аниқлаштирилмоқда. Таъкидланишича, машина ҳайдовчиси одамлар томондан ушланиб, полицияга топширилган.

Айни вақтда Сэвен Систерс кўчаси ёпиб қўйилган. Лондон транспорт департаменти ҳайдовчилардан бошқа йўллардан юришни сўрамоқда.

Гувоҳларнинг айтишича, фургон секин юра туриб, одамларга урилиш олдидан тезлигини атайлаб оширган. Гувоҳлардан бири қўлга олинган ҳайдовчини "ирқчи", бўлиб ўтган воқеани эса мусулмонларга адоват ортида амалга оширилганини айтган.

рон ҳарбийлари Сурия шарқидаги террорчилар базаларига ракеталар билан зарба бердилар. Зарбага учраган жангарилар 7 июнда Теҳронда содир этилган терактга алоқадор бўлганлар, деб хабар бермоқда Tasnim ахборот агентлиги.

Ахборот агентлиги маълумотларига кўра, зарба ислом инқилоби қўриқчилари корпуси ҳарбийлари томонидан Даур-аз-Зўр шаҳрида террорчилар тўпланган жойга берилган.