«Реал» клуби ҳужумчиси Криштиану Роналду жамоанинг вице-сардорига айланади.

Сардорлик боғичи Серхио Рамосда қолади ва унга Марсело ўринбосарлик қилади.

Жамоадан Пепе кетгани учун, унинг ўрнини Роналду эгаллаган. Рамос ва Марсело ўйинга туша олмаса, жамоани айнан Роналду майдонга бошлаб тушади.

2009 йилдан буён мадридликлар сафида тўп суриб келаётган Роналду 2013 йил 6 январида илк марта сардорлик боғичини таққанди. Ўшанда «Реал Сосьедад»га қарши кечган ва 4:3 ҳисобидаги ғалаба билан якунланган ўйиндан олдин сардор Икер Касильяс ва унинг ўринбосари Гонсало Игуаин захирада қолган, Рамос ва Марсело ўйин заявкасига ҳам киритилмаганди.

AS нашрида хабар қилинишича, Роналду якуний қарорларни қабул қилишда иштирок этади. У клуб президенти Флорентино Перес билан мунтазам равишда учрашиб боради ва Рамос ҳамда Марсело билан бирга муҳим масалаларни муҳокама қилади.

Манба маълумотига кўра, жамоада тўртинчи сардор вазифасини Карим Бензема бажаради.

O`zbekiston Kubogi–2017 musobaqasi yarim final uchrashuvlarining “uyda-safarda” tartibini aniqlash uchun qur`a tashlandi.

Unga ko`ra, «Bunyodkor» – «Neftchi» uchrashuvi g`olibi 31 iyul kuni o`z maydonida Samarqandning «Dinamo» klubini qabul qiladi.

«Lokomotiv» – «Buxoro» bellashuvi g`olibi 2 avgust kuni o`z maydonida «Qo`qon-1912» va «Nasaf» o`rtasidagi o`yin g`olibi bilan kurash olib boradi.

O`zbekiston Kubogi, 1/2 final

31 iyul (dushanba)

«Bunyodkor» / «Neftchi» o`yini g`olibi – «Dinamo»

2 avgust (chorshanba)

«Lokomotiv» / «Buxoro» o`yini g`olibi – «Qo`qon-1912» / Nasaf» o`yini g`olibi

Madridning “Real” klubi va Braziliya terma jamoasi sobiq himoyachisi Roberto Karlos 9-bor ota bo`lish baxtiga muyassar bo`ldi.

Ushbu haftada uning 44 yoshli rafiqasi Mariana Lukon sobiq futbolchiga qizaloq tuhfa etdi. Yangi tug`ilgan chaqaloqqa Marina ismi qo`yildi. Bu uning ushbu xotinidan ikkinchi farzandi sanaladi.

Odil Axmedovning "Anji"dagi sobiq jamoadoshi birinchi nikohidan 3 ta va boshqa ayollardan yana 4 nafar farzandi mavjud.

Уэйн Руни «Манчестер Юнайтед»дан «Эвертон»га ўтиши жараёнини якунлади. Клуб расмий сайти 31 ёшли футболчи «ирислар» жамоаси базасида тиббий кўрикдан ўтди ва икки йиллик шартнома тузгани ҳақида эълон қилди.

«МЮ» тарихидаги энг яхши тўпурарга айланган футболчи фаолиятини «Эвертон»да бошлаган ва 2004 йили «қизил иблислар» сафига ўтганди.

Руни бу жамоада 559 учрашув ўтказиб, 253 гол урган ҳамда 145 голга ҳаммуаллиф бўлганди.

Унинг Ливерпульга қайтиши Ромелу Лукаку трансфери доирасида амалга ошди. Манчестерликлар Лукаку учун 75 миллион евро тўлади ва Рунини қўшиб берди. Шартномаси ҳали тугамаган футболчининг трансфер қиймати 10 миллион еврога баҳоланган.

Руни янги жамоасида «Манчестер Юнайтед»дагидан икки баравар кам, ҳафтасига 170 минг фунт миқдорида маош олади.

«Барселона» билан 4 йиллик шартнома имзолаётган Лионель Мессининг йиллик маоши миқдори 62 млн еврони ташкил этади. Бу ҳақда The Times нашри испан грандидаги манбасига асосланган ҳолда хабар тарқатган.

Шу тариқа Месси ҳафтасига 1 млн евро маош оладиган илк футболчига айланади.

У 4 йил давомида жамоада қолса, жами 248 млн евро (жамоавий ва шахсий натижалар учун бонуслар ҳисобланмаганда) миқдоридаги маблағ ишлаб топади.

Бундан аввалги хабарларда Месси «Барселона» билан шартномани узайтиришга рози бўлгани учун 50 миллион евро миқдоридаги бонус олиши айтилганди.

«Реал» ярим ҳимоячиси Хамес Родригес «Манчестер Юнайтед»га ўтишга яқин турибди.

Жамоа бош мураббийи Жозе Моуриньо клуб ижрочи вице-президенти Эд Вудворддан «Реал»дан Альваро Моратани трансфер қилиш бўйича музокараларни тўхтатишни сўраган.

The Independent нашрида хабар қилинишича, «қизил иблислар» «Реал»ни тарк этишга қарор қилган колумбиялик 25 ёшли ярим ҳимоячи Хамес Родригес трансфери бўйича музокара бошлаган.

Бундан аввалги хабарларда Лукаку учун курашда ютқазган «Челси» Альваро Мората ва Хамес Родригесни сотиб олиш учун ҳаракат бошлагани айтилганди.

«Реал» ярим ҳимоячиси Хамес Родригес ўзига янги клуб ахтаришни бошлади.

As хабарига кўра, колумбиялик бу футболчи«Реал»ни тарк этиши аниқ. Унинг трансфери яқин кунларда содир бўлади. Хамес мадридликлар жамоаси билан АҚШдаги турнега бормайди.

«Реал» президенти Флорентино Перес Хамес қолишини истаган, аммо футболчининг ўзи жамоага Дани Себальос келаётгани туфайли кетиш ҳақида узил-кесил қарор қабул қилган.

Хамесга «Манчестер Юнайтед», «Челси» ва «ПСЖ» клубларидан қизиқиш мавжуд. «Реал» уни 70 миллион евродан камига сотмоқчи эмас.

Бир неча кун аввал Испания Олий суди “Реал” клуби ҳужумчиси Криштиану Роналдуни солиқларни тўламаганликда айблаб, унинг иши бўйича жиноий иш қўзғатгани ҳақида хабар бергандик.

Футболчи айни шу сабабга кўра, “Реал”ни тарк этиши мумкинлиги ҳақида Португалия терма жамоасидаги дўстларига ҳам маълум қилганди.

8 июнь куни суррогат она ёрдамида дунёга келган эгизак чақалоқлар отаси бўлмиш Роналду бугун, 9 июль куни келажаги ҳақида сўнгги қарорни қабул қилди.

Унга кўра, португалиялик футболчи фаолиятини “қироллик клуби”да давом эттиришга қарор қилган.

Таъкидлаб ўтиш жоиз, Криштиану Роналдунинг кетишидан хабардор бўлган “ПСЖ” ва “Манчестер Юнайтед” жамоалари футболчи хизматларига қизиқиш билдириб, “Реал” раҳбариятига бир неча маротаба таклифлар юборишганди.

Madridning “Real” klubi himoyachi Xesus Valexo bilan rasman shartnoma imzoladi va uni rasman tanishtirdi.

Qayd etish joiz, Valexoga 10 yil “Real”da to`p tepgan Pepening raqami berildi.

Ma`lumot uchun Valexo yakunlangan mavsumda ijara asosida nemis klubida to`p surdi va Bundesligada 25 ta o`yin o`tkazib, bitta gol kiritdi. Bundan tashqari yana bitta golga assistentlik qildi.

Ispaniya sudi “Barselona” hujumchisi Lionel Messiga nisbatan jazo turini o`zgartirishga qaror qildi.

Argentinalik futbolchi avvaliga 21 oylik qamoq jazosiga hukm etilgandi. Endilikda, Messi 252 ming evro miqdoridagi jarima bilan “suvdan quruq” chiqadigan bo`ldi. Uning otasi Xorxe Messi esa 180 ming evro miqdoridagi jarimani to`lashi belgilandi.

Ma`lumot uchun, ota va bola Messilar 2016 yilning iyun oyida 2007–2009 yillarda 4,1 mln evro miqdoridagi soliqdan bo`yin tovlagani uchun sud oldida javob bergan edi.

Ispaniyaning “Valensiya” klubi o`z safini “Yuventus” darvozaboni Norberto Neto bilan to`ldirdi. Bu haqda Ispaniyaning Sport nashri ma`lum qildi.

Qayd etilishicha, 27 yoshli braziliyalik posbon “ko`rshapalaklar” bilan 2021 yilga qadar shartnoma imzolagan va endi uning tovon puli 80 mln evroni tashkil etadi. “Valensiya” mazkur transfer uchun 7 mln evro to`lagan.

Eslatib o`tamiz, Neto “Yuventus” safiga 2015 yilda kelib qo`shilgan edi. U o`tgan davr mobaynida turinliklar libosida jami 22ta bahsda maydonga tushgan.

Тошкентнинг “Пахтакор” футбол клубига янги бош мураббий Шота Арвеладзе тайинланиб, янги легионер ҳимоячи Марко Симич футбол ишқибозларига таништирилгани ҳақида хабар бергандик.

Эндиликда “пахтакорчилар” 11 июль, сешанба куни барча ОАВ вакилларини матбуот анжуманига таклиф қилиш билан бирга шу анжуманда жамоага таклиф этилган янги футболчиларни ҳам таништириб ўтади.

Жумладан, Шота Арвеладзе бошқарувидаги “Пахтакор” бразилиялик Тиаго Безерра, исроиллик Гиди Канюк ва “Насаф”нинг икки футболчиси Шерзод Аъзамов ва Элдор Суюнов билан шартнома имзолайди.

Шунингдек, янги футболчилар иштирокида матбуот анжумани бўлиб ўтади. Тадбирда “Пахтакор” футбол клуби раҳбарияти ва бош мураббий Шота Арвеладзе иштирок этиши режалаштирилган.

Таништирув маросими 11 июль “Пахтакор” стадиони анжуманлар залида соат 11:00 да бошланади.

«Реал» сардори Серхио Рамос «Монако»нинг 18 ёшли ҳужумчиси Килиан Мбаппенинг ўйинларидан ҳайратга тушиш ҳақида айтиб ўтди.

«Мен Чемпионлар лигасида унинг нималарга қодирлигини кўрдим. У катта салоҳиятга эга футболи. Мбаппе — тезкор футболчи, у рақиб ҳимоячиларини ортда қолдириб, дарвозага аниқ зарба бера олади. У дунёнинг энг яхши футболчиларидан бирига айлана олади», — дея Рамоснинг сўзларини келтирган FootMercato.

7 июль куни нашрлар «Реал» Мбаппе билан 6 йиллик шартнома бўйича келишиб олгани, унга 6-7 млн евро миқдоридаги йиллик маош тайинланиши ҳақида ёзганди.

Тошкентнинг «Бунёдкор» жамоаси ҳужумчиси Элдор Шомуродов фаолиятини Россиянинг «Ростов» клубида давом эттиради. Бу ҳақда Tribuna.uz'га вазиятдан хабардор манбалар маълум қилган.

Олдинроқ Россиянинг «Известия» нашри Шомуродовнинг «Краснодар»га ўтаётгани ҳақида хабар тарқатганди. Унга кўра, футболчи краснодарликлар жамоаси ҳужумчиси Фёдор Смолов ўрнини эгаллаши лозим эди. Аммо «Бунёдкор» мутасаддилари ва мураббийлар билан яқин алоқада экани айтиладиган ОФК собиқ комиссари Алишер Никимбаев бу маълумотни инкор қилиб чиқди.

«Шомуродовнинг кейинги жамоаси аниқ. Аммо бу «Краснодар» эмас. РФПЛ жамоаси, лекин бошқа жамоа», дея ёзган Никимбаев ўз твиттерида.

Шомуродовнинг «Ростов» билан тузадиган шартномаси шартлари очиқ қолмоқда.

Эслатиб ўтамиз, мавсум якунлангач, «Ростов»ни маълум муддат бошқарган Қурбон Бердиев ва асосий таркибнинг деярли барча етакчилари тарк этишди. Жумладан жамоанинг асосий ҳужумчилари Сардор Ўзмун ва Дмитрий Полознинг бошқа жамоага ўтиб кетиши натижада ростовликлар ҳужумчи амплуасига футболчи қидиришаётганди. Шомуродов клубни тарк этган футболчилар ўрнини босиши кутилмоқда.

2017 йилги мавсумни Эроннинг «Машинасози» жамоасида ўтказган ўзбекистонлик ярим ҳимоячи Азиз Ибрагимов ўз фаолиятини Латвияда давом эттиради. 30 ёшли футболчи Юрмала шаҳри шарафини ҳимоя қилаётган «Спартак» клуби билан шартнома имзолади.

2007 йилда ташкил этилган «Спартак» клуби ўтган мавсумда ўз тарихида биринчи марта Латвия чемпиони бўлди ва Европа Чемпионлар Лигаси саралаш босқичида иштирок этиш ҳуқуқини қўлга киритди. Юрмалаликлар ЕЧЛдаги иштирокини 2-саралаш босқичидан бошлайди.