«Реал» ҳужумчиси Гарет Бэйлнинг «Боруссия» Дортмунд (3:1) дарвозасига урган голи ўтган ҳафтада ЕЧЛнинг энг чиройли голи деб топилди. УЕФА расмий сайти маълумотларига кўра, гол учун 23% кишилар овоз берган

Иккинчи ўринни «Селтик» яримҳимоячиси Скотт Синклейрнинг «Андерлехт» (3:0) дарвозасига урган голи (22% овоз) эгаллаган бўлса,«Спартак» хавбеки Фернандо «Ливерпуль» (1:1) дарвозасига урган голи (19%) учинчи ўринни банд этган.

Кейинги ўринларда Эдинсон Кавани («ПСЖ», 18%) ва Кевин Де Брюйне («Манчестер Сити», 17%) ўрин олган.

Ўзбекистон Республикаси Президентининг Ўзбекистон Республикаси Конституцияси қабул қилинганлигининг йигирма беш йиллиги муносабати билан жазони ижро этиш муассасаларида жазо ўтаётган маҳкумларни афв этиш ҳақидаги материалларни тайёрлаш чора-тадбирлари тўғрисидаги фармойиши имзоланди. Ҳужжат матни президент сайтида келтирилган.

Инсонпарварлик, шунингдек инсон, унинг ҳаёти, эркинлиги, шаъни, қадр-қиммати ва бошқа ажралмас ҳуқуқларини олий қадрият деб тан олиш каби умуминсоний ва конституциявий принципларнинг амалда таъминланиши, мамлакатимизда амалга оширилаётган барча ислоҳотлар ва янгиланишларнинг асосидир.

Қонунни бузган, бироқ ўз қилмишининг ҳуқуққа хилофлигини англаган ва тузалиш йўлига ўтганлигини қатъиятлик билан намоён қилган шахсларга жамият ва ўз оиласи даврасига қайтиш имконининг берилиши, ўзбек халқининг кечиримлилик, раҳмдиллик ва бағрикенглик каби азалий қадриятларининг рўёбга чиқарилиши ҳисобланади.

Маҳкумларни афв этиш, яъни шахсни жазодан озод қилиш ёки унга нисбатан тайинланган жазони енгилроғи билан алмаштириш юқорида санаб ўтилган принцип ва анъаналарнинг бир кўриниши сифатида намоён бўлади.

Шу билан бирга, аҳоли билан очиқ мулоқот натижалари шундан далолат бермоқдаки, суд амалиётида жазонинг содир этилган қилмишнинг ижтимоий хавфлилик даражасига мутаносиб бўлиши, маҳкумнинг шахсини тавсифловчи ва айбини енгиллаштирувчи ҳолатларни ҳисобга олиш етарлича тўлиқ таъминланмаяпти.

Амалга оширилган иш ... Читать дальше »

24 сентябрь куни бўлиб ўтган йиғилишда Ўзбекистон Республикаси Бош вазири Абдулла Арипов 1 октябрдан бошлаб тижорат банклари томонидан жисмоний шахсларга нақд валюта сотилиши бошланишини таъкидлагани ҳақида хабар берилган эди.

Бироқ, 3 октябрга келиб ҳам бу иш амалга ошганича йўқ. Тижорат банклари жисмоний шахсларга ҳамон валютани конверсион карталарга ўтказиб бериш йўли билангина сотишмоқда.

Аҳоли нақд долларни ҳамон «қора бозор»дан харид қилмоқда. Гарчи «қора бозор» аввалгидек эмин-эркин фаолият кўрсатмаётган, саррофлар ҳуқуқ-тартибот органлари томонидан бот-бот ўтказилаётган тадбирлардан ваҳимага тушиб қолишган бўлса-да, улар хорижий валютани жуда эҳтиёткорлик билан, синалган кишиларгагина сотиб келишмоқда.

KUN.UZнинг аниқлик киритишича, айни пайтда Марказий банк томонидан бу борада маълум бир қарор ишлаб чиқилмоқда. Қарор Вазирлар Маҳкамаси томонидан тасдиқланади. Яқин кунлар ичида бу борада қарор эълон қилинади. Баъзи тахминларга кўра, нақд хорижий валюта сотуви ҳақидаги қарор 10 октябрдан ишга тушиши мумкин.