Ўзбекистон Республикасининг Биринчи Президенти Ислом Каримовнинг кенжа қизи, “Сен ёлғиз эмассан” Республика жамоатчилик болалар жамғармаси, Республика болалар ижтимоий мослашуви маркази раиси, Ўзбекистон гимнастика федерацияси президенти, Ислом Каримов номидаги Республика хайрия жамоат фонди васийлик кенгаши раиси, Ўзбекистоннинг ЮНЕСКОдаги доимий вакили Лола Каримова-Тилляева ижтимоий тармоқлардаги шахсий саҳифаси орқали айни дамда АҚШда истиқомат қилаётганини маълум қилди. “Америка Қўшма Штатларида истиқомат қилиш мен учун, аёл сифатида, жуда муҳим аҳамият касб этди. Бу ерда мен инсон ҳаётининг асосий омилларидан бири бўлмиш, менинг фундаментал ҳуқуқим – сўз эркинлигини кундалик равишда қўлламоқдаман. Ҳар жиҳатдан, санъат ва мода соҳаларига қизиқиш, сиёсий қарашларни эркин ифода этиш орқали, ўзлигингни борича намоён эта билиш ва ҳаётингга шукрона айтган ҳолда, эркин шахс бўлиш, ҳурлик туйғуси онгу шуурингга кириб бориши нақадар муҳимлигини англамоқдаман. Фарзандларимни ҳам ўз фикрларини эркин ифода этишга ўргатиб келяпман”, деб сўз бошлайди Лола Исломовна. Жамоатчи гендер тенглиги масаласини кўтариб, бу хусусида ўз қарашларини ифода этади: “Эркаклар ва аёллар тенг эканлигига қатъий ишонаман: ҳар бир инсон индивидуал шахс бўлиб, ўз фикрлари, ҳиссиётлари ва қарашлари билан олий қадриятдир. Ҳар бир шахс ўз фикрларини эркин ифода эта олиши ўта муҳим. Ҳар биримиз ўз ижодий ғояларимизни, бу модалар дунёси, хоҳ мусиқа, шеърият, пазандачилик, спорт ёки рақс бўладими, ам ... Читать дальше »

Кеча янги турдаги ҳайдовчилик гувоҳномалари ва “техпаспорт” деб аталмиш ҳужжатларнинг пластик карточка кўринишидаги нусхалари жорий қилиниши ҳақидаги хабарлардан сўнг таҳририятимизга кўплаб саволлар келиб тушди... Жуда кўп ўқувчиларимизни Ўзбекистонда бериладиган янги ҳайдовчилик гувоҳномаси чет элда “ўтиш-ўтмаслиги” билан қизиқмоқда. Ўзбекистонда олинган ҳайдовчилик гувоҳномаси чет элда амал қиладими? Ўзбекистон 1968 йилдаги Йўл ҳаракати, йўл белгилари ва сигналлари ҳақидаги Конвенцияни имзолаган. Шу вақтдан бошлаб Ўзбекистонда бериладиган ҳайдовчилик гувоҳномалари ушбу Конвенцияни имзолаган барча мамлакатларда қабул қилинади. Конвенциянинг 41-моддасига кўра, мазкур Конвенциянинг 6-к иловасида кўрсатилган шартларга тўлиқ жавоб берган исталган миллий ҳайдовчилик гувоҳномаси — келишув иштирокчилари томонидан тан олинади. БМТнинг халқаро ҳайдовчилик гувоҳномаси — миллий ҳайдовчилик гувоҳномасига асосланиб берилади ва унинг тасдиқланган таржимаси ҳисобланади. Халқаро ҳайдовчилик гувоҳномаси маълум муддатга қадар амал қилади.
БМТнинг халқаро ҳайдовчилик гувоҳномасини олиш учун қуйидагилар талаб этилади: Шахсни тасдиқловчи ҳужжат (паспорт) Ҳайдовчилик гувоҳномаси ва огоҳлантришлар талони 3х4 форматда 2 та фото
Халқаро ҳайдовчилик гувоҳномасининг амал қилиш муддатига кўра тўловлари мавжуд. Гувоҳнома 3 кунда берилади ва қайта имтиҳондан ўтишни талаб қилмайди. Демак, Ўзбекистонда берилган ҳайдовчилик гувоҳномаси чет давлатда қабул қилинади. Унда нега ... Читать дальше »

“Тошкент-Аэро” ихтисослаштирилган божхона комплекси ходимлари Ислом Каримов номидаги Тошкент халқаро аэропортида Бирлашган Араб Амирликларидан учиб келган фуқаролар — Маҳмуд ва Ботир Усмоновлар (мақоладаги исм-шарифлар ўзгартирилган) томонидан кўп миқдордаги товар-моддий бойликларнинг ноқонуний равишда олиб кирилишига чек қўйдилар. Маҳмуд Усмонов йўловчи божхона декларациясида ва божхона ходимларининг оғзаки сўрови пайтида маълум қилмасдан туриб, ноутбук, телевизор, проектр, Playstation ўйин приставкаси, тюнер, планшет, электрон қўл соати, смарфтон каби жами 21 дона техника буюмларини божхона назоратидан четлаб, олиб киришга уринган экан. Бундан ташқари, ушбу товарлар орасидаги 2 дона тюнерларни кўздан кечириш давомида, уларнинг ичига 5 турдаги 44 дона смартфонлар моҳирлик билан яширилганлиги фош бўлди. Ҳадича Сулаймонова номидаги Республика суд экспертизаси марказининг хулосасига кўра, ашёвий далил тариқасида олинган юқоридаги товар-моддий бойликларнинг умумий баҳоси 233 миллион сўмдан ошар экан. Айни шу рейс билан учиб келган Ботир Усмонов ҳам ўзининг қинғир режаларини амалга оширолмаган. Йўловчи божхона декларациясида ва божхона ходимларининг оғзаки сўрови пайтида маълум қилмасдан туриб, тюнер, планшет, замонавий қўл соати, проектр ва ноутбуклардан иборат жами 17 та техника буюмларини ноқонуний равишда олиб киришга уринган пайтда тўхтатиб қолинди. Ушбу шахс ҳам божхоначиларни чалғитиш мақсадида юқоридаги каби “найрангни” қўллади. Яъни, 2 дона тюнерлар орасига 2 т ... Читать дальше »

Аввалроқ, 17 октябрь куни кечки соат 22:00лар атрофида Тошкент шаҳри ва айрим вилоятларда кучли шамол содир бўлгани, кучли шамол натижасида электр тармоқларида узилиш кузатилиб, дарахтларнинг шохлари синиши ва уларнинг йўловчилар ва автотранспорт воситаларига шикаст етказгани ҳақида хабар берган эдик. ФВВ томонидан 17 октябрь куни Тошкент шаҳри ва Бухоро вилоятида 9-32 м/с тезликда шамол бўлгани ҳақида аниқ маълумот берилди. Кучли шамол оқибатида айрим маъмурий бинолар ва уйларнинг том қисмларига зарар етган. Дарахт шохларининг синиб тушиши сабабли баъзи фуқароларнинг автотранспорт воситаларига шикаст етган, автомобиль йўлларида тирбандликлар юзага келган. Дарахт шохининг синиб тушиши оқибатида Тошкент шаҳрининг Чилонзор туманида истиқомат қилган фуқаро Г.И. турли даражада тан жароҳати олган ва шифохонага ётқизилган. Тиббий ёрдам кўрсатилишига қарамай, у шифохонада вафот этгани ҳақида хабар берилди. Тошкент шаҳрининг айрим ҳудудларида электр линияларининг бузилиши туфайли электр энергияси таъминотида вақтинчалик узилишлар содир бўлган. Маҳаллий бошқарув органлари, авария-қутқарув хизматлари томонидан юзага келган вазият оқибатларини бартараф этиш бўйича тезкор чоралар кўрилди.