Aktrisa Sitora Alimjonova 8 avgust kuni Tailandning Pxuket orolidagi "Le MERIDIEN Phuket Beach Resort" mehmonxonasida sevgan insoniga turmushga chiqdi.

O`ziga xos tarzda o`tgan to`ydan foto va videolar Sitoraning do`stlari tomonidan ijtimoiy tarmoqlarda e`lon qilindi. Sitora to`yida Art by Sofia brendi tomonidan taqdim etilgan kelinlik libosini kiydi.



Avvalroq, aktrisa turklarning "Kara Sevda" serialini sevib tomosha qilganini va o`zining to`yi ham xuddi serial qahramonlarinikidek o`tishini orzu qilgani uchun to`yini aynan Tailandda o`tkazishga qaror qilganini ma`lum qilgan edi.





... Читать дальше »

Xonanda Samandar Hamroqulov bugun hayotidagi muhim sanani nishonlayotganini ma`lum qildi.

"Bugun to`yimizga 10 yil bo`ldi. Aynan bugun otajonim Rustam Hamroqulovning ham tug`ilgan kunlari edi. Dadamning ruhlari shod bo`lsin, Hoji onamning umrlari uzoq bo`lsin",—deb yozdi Samandar o`zining Instagram`dagi sahifasida.

Shuningdek, xonanda rafiqasini ham bugungi quvonchli sana bilan muborakbod etishni unutmadi.



"Baxtimizga ko`z tegmasin, hayotim!",—deya rafiqasi Dilnozani tabrikladi Samandar.

Ma`lumot uchun, Samandar Hamroqulov 2007 yilning 10 avgust sanasida Dilnozaxon bilan turmush qurgan.

«ПСЖ» президенти Носир Ал-Хелайфи айни вақтда Мадридда бўлиб турибди. AS маълумотига кўра, у Испанияга биринчи навбатда Неймарнинг «Барселона»дан трансфери бўйича ишни ёпиш мақсадида келган. Айни вақтда каталонлар клуби Францияга бразилиялик футболчининг трансфер сертификатини юбормай турибди, бунга 222 млн евро ҳали тўланмагани сабаб.

Бундан ташқари, Ал-Хелайфи «Атлетико»дан Ян Облакни трансфер қилиш масаласида музокара ўтказмоқчи. Ушбу дарвозабонни парижликлар 100 миллион еврога сотиб олиши мумкин.

Испания пойтахтида муҳокама этиладиган яна бир масала эса «ПСЖ» ҳимоячиси Тома Меньенинг «Реал»га трансфери масаласидир. Айни вақтда французлар клубида Дани Алвес келгач бу бельгиялик футболчига жой қолмади. У Мадридда ёзги трансферлар вақтида «Манчестер Сити»га трансфер қилинган Данило ўрнини эгаллаши мумкин.

«Ёшлар» телеканалининг собиқ директори, Ўзбекистон Халқ артисти Озодбек Назарбеков Ўзбекистон маданият вазирига ўринбосар этиб тайинланди. «Кун» манбаси маълумот беришича, президент бугунги видеоселектор давомида уни янги лавозимга тайинлаган.

Озодбек Назарбеков июнь ойи охирида «Ёшлар» телеканалига директори этиб тайинланган, июль ойи охирида ўз аризасига биноан ушбу лавозимдан кетган ва телеканалда бош продюсер сифатида фаолиятини давом эттираётганди.

Дортмунднинг «Боруссия» клуби «Барселона»дан Усмон Дембеле бўйича таклиф олгани ва бу таклифни рад этганини тасдиқлади. Бу ҳақда «Боруссия» расмий сайтида маълум қилинган.

Хабарда томонлар трансфер имкониятларини муҳокама қилиш учун учрашгани айтилган.

Дортмундликлар қайд этишича, таклиф кўриб чиқилган, аммо «бу таклиф футболчининг салоҳиятига ва ҳозирги трансферлар бозоридаги ҳолатга мос эмас».

Бундан аввалроқ, Дембеле учун «Боруссия» «Барселона»дан 150 млн евро талаб этиши ҳақида хабарлар тарқалганди.

Эслатиб ўтамиз, бугун Усмон Дембеле жамоанинг машғулотларига келишдан бош тортди ва қўнғироқларга жавоб бермаяпти.

Бу вақтда уни қўлга киритиш учун «Реал» ҳам ҳаракат бошлаган.

Дортмунднинг «Боруссия» клуби ҳужумчиси Усмон Дембеле «Реал» трансфер қилиши мумкин бўлган футболчилар рўйхатида турибди.

Mundo Deportivo хабарига кўра, Мадрид клуби «Монако»дан Килиан Мбаппени трансфер қилиш бўйича келишувга эриша олмаяпти, шу туфайли жамоа эътиборини Дембелега қаратиши мумкин.

Бундан ташқари, «Реал» раҳбарияти «Барселона»ни трансферлар борасида яна бир бор доғда қолдиришни истамоқда.

Қайд этиш керакки, бу ёзда Мадрид жамоаси каталонияликлар клуби ҳам даъвогарлик қилган Тео Эрнандес ва Дани Себальосни қўлга киритди.

Охирги хабарларга кўра «Боруссия» Дембелени 150 миллион еврога баҳолаган. Уни Неймарга ўринбосар сифатида кўраётган «Барселона» эса бунча тўламоқчи эмас. Клубдагилар у кетмоқчилиги ҳақида раҳбариятга ўзи маълум қилиши ва шу орқали нарх тушишига умид қилмоқда.

O'tib borayotgan hafta davomida AQSh Shimoliy Koreyaga nisbatan bosimni kuchaytirib borayotganiga guvoh bo'lmoqdamiz. Go'yoki katta urush oldidan ittifoqchilari bilan kelishib olayotgan mamlakat singari ASEAN yig'ilishida ishtirok etgan Davlat kotibi Reks Tillerson mintaqadagi davlatlarni Pxenyanga qarshi turishga chaqirmoqda.

Shuningdek, shimolliklar hukumati ham qo'l qovushtirib turgani yo'q: KXDR navbatdagi kichik o'lchamli yadroviy jangovar kallaklarni yaratdi, Guam orolini «Xvason-12» raketalari bilan «yo'q qilib tashlash» tashabbusi bilan chiqdi. Kuzatilayotgan ziddiyatlar haqiqatan urush bilan tugaydimi yoki bu navbatdagi po'pisalar ketma-ketligimi?

O'tgan yili Shimoliy Koreya harbiylari ikki marta yadro qurolini sinovdan o'tkazishi, unga nisbatan chet el sanksiyalari kuchayishiga olib kelgan edi. Endilikda esa bu harakatlar arzirli natija ko'rsata olmadi shekilli, iyul oyining o'zida Shimoliy Koreya ikki marta qit`alararo uchuvchi ballistik raketalarni ko'z-ko'z qilib o'tdi. Inqiroz yoqasida turgan har ikkala mamlakatni ham kutilmagan qarorlar qabul qilishi bilan ajralib turuvchi, bir so'z bilan harakatlarining oldini ko'rish mumkin bo'lmagan rahbarlar boshqarsada, xalqaro kuzatuvchilar urush bo'lishi ehtimoldan yiroq ekanini ta`kidlamoqda.

Associated Press'ning Pxenyandagi byurosi sobiq rahbari, Uilson markazi xodimi Jan Li shunday deydi:

«Ikki davlat o'rtasida qurolli to'qnashuvning kelib chiqishi haqiqatga mos kel ... Читать дальше »

Жорий йилнинг ноябрь ойида Самарқанд шаҳри БМТ шафелигида бўлиб ўтадиган «Марказий Осиё: бир ўтмиш ва бир келажак, барқарор ривожланиш ва ўзаро фаровонлик учун ҳамкорлик» номли халқаро конференциясига мезбонлик қилади.

Мазкур тадбирга нафақат минтақа мамлакатлари, балки дунёнинг бошқа давлатлари ташқи сиёсат идоралари раҳбарлари, етакчи халқаро ва минтақавий ташкилотлар раҳбарлари таклиф қилинган ва улар ўз иштирокларини тасдиқлашди. Бу ҳақда Ўзбекистон Республикаси Ташқи ишлар вазирлиги матбуот хизмати хабар берган.

Бугун, 11 август куни ташкил этилган халқаро анжуманда Ташқи ишлар вазири Абдулазиз Комиловнинг айтишича, тадбир Марказий Осиё минтақасида хавфсизлик ва барқарор ривожланиш масалаларига бағишланган бўлиб, сўнггида қўшма қарор ҳужжати қабул қилиниши кутилмоқда.

Маълумот учун, Ташқи ишлар вазири «Марказий Осиё - Ўзбекистон ташқи сиёсатининг устувор йўналиши» мавзусида ташкил этилган мазкур халқаро анжуманда иштирок этиб, табрик сўзи билан анжуман иш фаолиятини очиб берди

Ўзбекистон Республикаси Президенти Шавкат Мирзиёев раислигида 9 август куни Тошкентда жорий йилнинг ўтган 7 ойи мобайнида мамлакатимизни ривожлантириш бўйича Ҳаракатлар стратегиясига мувофиқ давлат ва жамият ҳаётининг барча соҳаларини янгилаш, иқтисодиётни эркинлаштириш ва аҳоли учун муносиб турмуш шароити яратиш, давлатимиз раҳбарининг жойларда халқ билан мулоқотлари чоғида белгиланган мақсад ва вазифаларнинг бажарилишига бағишланган селектор йиғилиши бўлиб ўтди, деб хабар бермоқда УзА.

Унда Ўзбекистон Республикаси Олий Мажлиси палаталари раҳбарлари, Бош вазир ва унинг ўринбосарлари, вазирлик ва идоралар раҳбарлари, видеоалоқа орқали Қорақалпоғистон Республикаси Жўқорғи Кенгеси Раиси, вилоятлар ва Тошкент шаҳар, туманлар ҳокимлари, тармоқлар мутасаддилари иштирок этди.

Президент йиғилиш давомида бош вазир Абдулла Арипов ва бош прокурор Ихтиёр Абдуллаевга мажлисбозлик, қоғозбозлик ва ҳисоботбозликни кескин камайтириш, давлат идоралари фаолиятида маълумот алмашишда замонавий ахборот технологияларидан кенг фойдаланиш бўйича ҳукумат қарорини ишлаб чиқиб, ижросини алоҳида назоратга олиш вазифаси юкланди.

Йиғилишда Шавкат Мирзиёев ўтган давр мобайнида мамлакатимизни ривожлантиришга қаратилган 20 дан ортиқ қонун, Президентнинг 180 дан ортиқ Фармони, 450 дан ортиқ қарори қабул қилингани ва бу жараён узлуксиз давом этаётганини, ушбу меъёрий-ҳуқуқий ҳужжатларнинг амалдаги ижросини таъминлашда барча бўғиндаги раҳбарларнинг масъулиятини ошириш зару ... Читать дальше »