Андижон вилоят ҳокими Шуҳратбек Абдураҳмонов вилоят фаоллари билан пахта йиғим-теримига бағишлаб ўтказилган йиғилишда пахта мавсуми юзасидан вилоят аҳолисига мурожаат қилар экан, бюджет соҳаси ходимлари ва талабаларни пахтага мажбурий чиқариш жиноят эканлигини алоҳида таъкидлаб ўтди. Ҳокимнинг мажлисда айтган сўзлари видеоси ва аудиоси ижтимоий тармоқлар ва мессенжерларда тарқалган. «Ўтган йили биз пахтанинг бир килосига 230 сўмдан пул тўлаганмиз. Бу йил 410 сўмдан теримчилар даланинг ўзида хоҳлашса бир кунлик, хоҳлашса беш кунлик 10 минглик ва 50 минг сўмлик, бели синмаган янги купюраларда нақд тўлаб берилади. Мен вилоят раҳбари сифатида бунга ваъда бераман», деган Ш.Абдураҳмонов мажлисда. «Иккинчи масала — теримчиларнинг далада тушлик масаласи. Биз фермерларга ҳисоб-китоб қилдириб, жамики маҳсулоти — қўйларгача олдирдик. Тушликда гўштли текин овқат ташкил этилади. Ётоққа борадиганларга эрталабки нонуштаси ва кечки овқатини ҳам ўзимиз қилиб берадиган бўляпмиз. Ёки уйида ёш боласи бор аёлларни олайлик. «Болам бор-да, бўлмаса чиқиб терардим», дейдиган аёлларимиз, опажонларимиз, қизларимиз теримга чиқишса, фарзандларини болалар боғчасига жойлаштириб, боғча пулини ҳам фермер ҳисобидан бир ойлик взносини (70 минг сўм) ҳам тўлатиб берамиз». «Биз уларнинг кўнгилли дам олишлари учун концертлар, терим вақтида уларга кўмак кўрсатиш мақсадида савдо ярмаркаларини ҳам ташкил қилиб берамиз», деган вилоят ҳокими. Ҳоким таклифига кўра, ҳудудлар бўйича ишсиз юрган фуқаролар мутасаддила ... Читать дальше »

Сентябрь ойи давомида тарихий қарор ва янгиликлар халқимиз эътиборига ҳавола этилмоқда ва буларнинг барчаси узоқ йиллар давомида кутилган хушхабарлар эди. Улардан бири банкларда эркин валюта конвертациясининг жорий этилиши бўлса, бошқаси пахта терим мавсумида кишиларнинг у ёки бу шаклдаги мажбурий меҳнатидан воз кечиш каби тарихий қарорлар эканлигини эслашнинг ўзи кифоя қилади. Kun.uz сайтида эркин валюта конвертация амалиётининг жорий этилишига доир кўплаб таҳлилий, долзарб мақолалар эълон қилинди. Бугунги кун саволи эса пахта терим мавсуми, шундай экан, ушбу жараён атрофида пайдо бўлаётган саволга жавоб беришга ҳаракат қиламиз. Энг аввало, пахта теримида бундай тарихий қарор нега зудлик билан, кутилмаганда қабул қилинди? Хабарингиз бор, 20 сентябрь куни АҚШнинг Нью-Йорк шаҳрида Ўзбекистон президенти Шавкат Мирзиёев ва Жаҳон Банки президенти Жим Ёнг Ким учрашуви бўлиб ўтди. Унда томонлар ўзаро ҳамкорлик алоқаларни муҳокама этиб, келгуси режадаги масалаларга тўхталиб ўтишган. Шу ўринда Жаҳон Банки президенти жаноб Ким президент Шавкат Мирзиёев бошчилигида олиб борилаётган амалий ҳаракатлар ва ислоҳотлардан хабардор эканлигини таъкидлаб, улкан ишларда муваффақият тилаган. Шунингдек, мамлакат болалар меҳнатида бутунлай воз кечганини эслаб, Ёнг Ким тез орада мажбурий меҳнатнинг ҳар қандай шаклини тугатишга қаратилган олиб борилаётган ишларда омад тилаган. Ўз ўрнида давлат раҳбари бу борада барча имкониятларни ишга солишини айтиб, Ўзбекистонда меҳнат муносабатлари янги босқич ... Читать дальше »

24 сентябрда Афғонистон пойтахти Кобул туманларидан бирида НАТОнинг автомобиль карвони йўлида террорчи-худкуш ўзини портлатди, деб хабар бермоқда Pajhwok Afghan News нашри. Портлаш оқибатида 4 нафар маҳаллий фуқаро жароҳатланган. НАТО ҳарбийлари орасида қурбонлар ва жабрланганлар борлиги ҳақида маълумот берилмаган.

Испания чемпионатининг 6-туридан ўрин олган аҳамиятга молик учрашувлардан бири лигага қўшилган янги Каталония дербисида кузатилди.

Лига дебютанти «Жирона» «Барселона»ни қабул қилди. Учрашувнинг дастлабки икки голи автогол натижасида юзага келган бўлса, Луис Суареснинг голи ҳисобни йирик кўриниш олишига сабаб бўлди.

Ушбу ғалабадан кейин «Барселона» ўз ҳисобидаги очколари сонини 18тага етказиб олди ва жамоа турнир жадвалида якка пешқадамликни давом эттирмоқда.

Бу турда «Атлетико» турнир жадвалидаги тўғридан-тўғри рақиби «Севилья»ни Феррейра Карраско ва Антуан Гризманн голлари эвазига енгди ва 14 очко билан иккинчи ўринга кўтарилди. Севильяликлар 13 очко билан учинчи ўринга тушди.

Мавсумни муваффақиятсиз бошлаган «Реал» эса янги футболчиси Дани Себальоснинг икки голи эвазига «Алавес»ни мағлубиятга учратиб, тўртинчи ўринга кўтарилди (11 очко).

Испания Ла-лигаси, 6-тур

Жирона – Барселона 0:3 (0:1)
Голлар: Адай (17, автогол), Ирайсос (48, автогол),Суарес (69).
Жирона: Ирайсос, Хуанпе, Эспиноса, Рамальо, Адай (Мохика, 69), Порту, Алейш Гарсия, Дуглас Луис, Понс, Маффео (Морено, 78), Олунга (Кайоде, 60).
Барселона: тер Стеген, Маскерано, Альба, Алеиш Видаль (Андре Гомеш, 81), Умтити, Серджи Роберто, Ракитич, Паулиньо (Бускетс, 67), Иньеста (Денис Суарес, 80), Месси, Суарес.
Огоҳлантиришлар: Маффео (23), Адай (41), Кайоде (83).

Франция чемпионатининг 7-туридан ўрин олган эътиборга молик учрашувлардан бири Монпельеда бўлиб ўтди. Маҳаллий жамоа пешқадам «ПСЖ»ни қабул қилди. Неймарсиз майдонга тушган парижликлар бу учрашувда муваффақият қозона олишмади. 90 дақиқа давомида дарвозалар ишғол қилинмади ва учрашув нурсиз дуранг билан тугади. Ушбу натижадан кейин «ПСЖ» ҳисобидаги очколар сони 19тага етди ва жамоа ҳамон турнир жадвалида етакчилик қилмоқда. Франция чемпионати, 7-тур Монпелье – ПСЖ 0:0 Монпелье: Лекомт, Педру Мендеш, Илтон, Конгре, Руссийон (Мукиеле, 71), Скири, Самбия (Пирис, 70), Сессеньон, Ласн, Агиляр, Нинга (Мбенза, 82). ПСЖ: Ареоля, Маркиньос, Берчиче, Меньё (Дани Алвес, 71), Тиаго Силва, Верратти, Мотта (Ло Чельсо, 80), Рабьо, Дракслер (Лукас Моура, 66), Мбаппе, Кавани. Огоҳлантиришлар: Маркиньос (12), Нинга (31), Педру Мендеш (41), Лукас Моура (75).

Испания чемпионатининг 6-туридан ўрин олган учрашувларнинг бири «Алавес» майдонида бўлиб ўтди ва унда маҳаллий клуб амалдаги чемпион «Реал»ни қабул қилди. Учрашувда мадридликлар 2:1 ҳисобида ғалаба қозонди. «Реал»нинг иккала голига ҳам ёзда бўлиб ўтган ёшлар ўртасидаги Европа чемпионати қаҳрамони, мадридликларнинг янги футболчиси Дани Себальос муаллифлик қилди. Ушбу ғалабадан кейин «Реал» очколари сони 11тага етди ва жамоа вақтинчаликка бўлсада, 4-ўринга кўтарилиб олди. Испания Ла-лигаси, 6-тур Алавес – Реал Мадрид 1:2 (1:2) Голлар: Ману Гарсия (40) – Себальос (10, 43). Алавес: Пачеко, Вигарай (Руано, 46), Эли, Марипан, Дуарте, Ману Гарсия, Бурги (Педраса, 66), Медран, Торрес, Ибаи Гомес (Собрино, 81), Мунир. Реал Мадрид: Навас, Варан, Карвахаль, Начо, Рамос, Каземиро, Иско, Васкес, Себальос (Льоренте, 72), Асенсио, Роналду. Огоҳлантиришлар: Вигарай (14), Карвахаль (32), Эли (45), Медран (61), Ману Гарсия (67).