Munisa Rizaeva bilan suhbatlashganda uning shartaki, haqiqatparvar, o`z ishini sevuvchi va san`at olamiga telbalarcha oshiqligiga amin bo`lasiz. Kuylagan har bir qo`shig`iga yuragining bir parchasini qo`shadigan Munisa bilan bugun san`at va ijod haqida suhbatlashdik.

— Munisa, tanqidlarni mardlarcha qabul qila olishingizni bilamiz. Lekin qanchalik beparvo bo`lmang, ijodkorsiz, ular qalbingizga og`ir botsa kerak?

— Agar haqiqiy kamchiligimni aytib, to`g`ri yo`lga boshlash niyatda gapirishsa, aksincha ularning fikrlaridan xursand bo`laman. Chunki jurnalistlar, muxlislar san`atkorni yomon yo`lga boshlamaydi. Lekin afsuski, bugun bo`lar- bo`lmas gaplarni dastak qilib, xonanda yoki aktyorni jig`ibiyron bo`lishini tomosha qilish “urf” bo`lib borayotgandek...



—Yaqinda “Xafa-xafa” qo`shig`ingizga ishlangan klipning premerasi bo`ldi...

— “Mango” guruhi xonandalaridan biri Hamdam menga bu qo`shiqni olib kelganda bir marta tinglashim bilan ma`qul bo`lgan. Odatda tayyor qo`shiqlarga o`zimning stilimga moslashtirardim. Bu gal unday bo`lmadi. Xullas, tayyor qo`shiqni taqdim etganimizda muxlislar ham yaxshi kutib olishdi. Shundan keyin klip jarayonlarini boshlab yubordik. Klip g`oyasi va ssenariysi Da ... Читать дальше »

Taniqli bastakor Dilorom Omonullaeva Rayhon va Munisa Rizaevaning ijodiga munosabat bildirdi.

“Bilasizmi, bizda professional tanqidni ko`tara olishmaydi. Bunga xechkim tayyormasdek. Men o`z mutaxassisligim tarafidan ochiqchasiga tanqid qilaman va bunga haqqim bor. Bir marotaba Rayhonni tanqid qilgandim. U juda chiroyli qiz, onasini judayam hurmat qilaman, buyuk aktrisa lekin Rayhonning vokal taraflama ovozi yo`q, deb hisoblayman. Oddiy va juda katta bo`lmagan ovoz va engilgina qo`shiqlar kuylaydi, deb tanqid qilgandim. Keyin Munisa Rizaevani tanqid qilganman, o`zbekona milliylikka xos emas, degandim. Lekin Munisaning ovozi ajoyib! Ovozi zo`r, hammasi zo`r faqat dasturini o`zgartirish kerak deganman. Unga ko`proq mentalitetga xos va uni ovoziga mos professional qo`shiqlar tanlanishi kerakdek. Sevara Nazarxon ham o`quvchim, etno jaz bilan butun dunyoga tanildi, afsuski repertuarni o`zgartirib yo`nalishi popsaga o`tdi. U etno jaz kuylashini istardim. Baribir uni tan olaman o`zimning o`quvchim, juda iqtidorli. Mening oldimga kerib agar rosmana tanilgan mashhur Munisa Rizaeva janjal qilsayam tushunardim , bu kim bo`lib qolgan o`zi Muhammedova? (kuladi). Munisa o`zimizda bo`lmasayam lekin horijda musiqadan dars olganidan xabarim bor. Man gapirmasam shularni kim gapiradi?”

“Manchester Yunayted” jamoasi hujumchisi Antoni Marsyal o`z faoliyatini Italiya A Seriyasida davom ettirishi mumkin. Bu haqda La gazzetta dello Sport nashri ma`lum qildi.

Italiyaning “Roma” jamoasi 21 yoshli fransiyalik hujumchining xizmatlariga muhtojlik sezmoqda. Joze Mourino qo`li ostida etarlicha o`yin amaliyotiga ega bo`lmayotgan futbolchi mankunianlarni tark etishi kutilmoqda.

Marsyal 2015 yili “Monako”dan “Manchester Yunayted”ga ko`chib o`tgan. Uning amaldagi kelishuvi 2019 yilning iyunigacha mo`ljallangan. O`tgan mavsumda fransiyalik yosh iste`dod egasi APLning 25 o`yinida maydonga tushib, 4 ta gol va 6 ta golli pasga mualliflik qilgan.

Madridning “Real” klubi Xames Rodriges “Manchester Yunayted” bilan muzokaralarga kirishdi, deya xabar beradi The Independent nashri.

Tomonlar hozirda shartnomaning shaxsiy shartlari bo`yicha kelishuvga e`tiborni qaratgan, biroq Madrid klubi bilan transfer borasida bir qarorga kelmagan. Ma`lum bo`lishicha, “Real” kolumbiyalik futbolchi uchun 70 million evro olishni rejalashtirmoqda.

25 yoshli futbolchining klub bilan tuzgan shartnomas 2020 yil yozida yakuniga etadi.

Misr malikasi Kleopatraning go`zalligi haqida turli afsonalar yuradi, deb xabar beradi Interesno.cc nashri.

Aslida esa Kleopatra biz o`ylagan darajada go`zal ayol bo`lmagan. Kembrijlik misrshunos olim Salli Enn Eshton uzoq yillar davomida Kleopatraning tashqi qiyofasi ustida ish olib borib, quyidagi xulosaga keldi.

U Kleopatraning tashqi qiyofasini o`rganishda malikaning surati aks etgan tangalar, Misrning Dender shahar ibodatxonasidagi haykallar va shajarasining tahlilidan foydalandi.



Aniqlanishicha, Kleopatraning burni katta, labi ingichka va iyagi uchqur bo`lgan. Bunday tashqi qiyofaga ega, qorachadan kelgan ayol dunyo go`zali unvoniga ega bo`lishi dargumon. Britaniyalik olimlar malika Kleopatraning qaddi-qomati ham noproporsional bo`lib, bo`yi 152 santimetrni tashkil etganligini ham aniqlashdi. U to`lachadan kelgan, baqaloq ayol bo`lgan.



Yunon tarixchisi Plutarx Kleopatrani quyidagicha ta`riflagan: “Kleopatra juda go`zal ayol bo`lmasa ham odamni o`ziga maftu ... Читать дальше »

Qozog`istonning Qustanay viloyatida cho`pon va uning otari chaqmoq urishi tufayli yuzaga kelgan yong`in oqibatida halok bo`ldi, deb xabar berdi Tengrinews.kz nashri.

Otarni qutqarishga harakat qilgan cho`pon yong`inda o`zi ham yonib ketdi. Cho`ponning sakkiz farzandi bo`lgan. Otardagi 1500 ta qo`yning hammasi yong`inda yonib ketdi. O`tgan yilning iyun oyida Qirg`izistonda yashin oqibatida chiqqan yong`inda 300 ta qo`y yonib ketgan edi. Cho`pon qo`ylarni Qashqa-Suu yayloviga haydagan. Suuk-Dobo dovonida esa vaqtinchalik tunash uchun to`xtagan. Otarda 600 nafar qo`y bo`lgan. Yashin otarning ustiga tushgan, oqibatda 120 ta qo`y joyida halok bo`lgan, 145 ta qo`y esa qo`rqqanidan jarlikka sakragan. Cho`ponning o`zi esa tirik qolgan edi.

Itini ochlikdan sillasini quritgan britaniyalik erkak 12 haftalik qamoq jazosiga hukm qilindi, deb xabar berdi Tvzvezda.ru nashri.

Britaniyalik erkak itini och qoldirgani uchun 12 haftalik qamoq jazosiga hukm qilinib, yaqin 10 yil ichida uyida hayvon saqlashdan mahrum etildi. Erkak itini och qoldirgani sababli, itning sillasi qurib, yurolmay qolgan. Itning qovurg`alari sanalib, eti suyagiga yopishgan. Og`irligi 18 kilogramm bo`lishi kerak bo`lgan itning vazni 10 kilogramm bo`lgan. Fastfud restoranida ishlagan erkak ishdan qattiq charchab kelganligi tufayli itiga qaramay olmaganini tan oldi. Ayni paytda it o`ziga kelgan, unga RSPCA xodimlari g`amxo`rlik qilmoqda.

Президент Шавкат Мирзиёев жойларда амалга оширилаётган ижтимоий-иқтисодий ислоҳотларнинг бориши, бунёдкорлик ишлари билан танишиш, халқ билан мулоқот қилиш мақсадида 7-8 июль кунлари Наманган вилоятида бўлди.

Президент вилоят фаоллари билан бўлиб ўтган йиғилиш чоғида қишлоқлардаги газ ва электр энергияси масаласи ҳақида ҳам гапирган.

“Ўзбекистон шароитида биринчи маротаба Попда брикет ишлаб чиқараётган заводни очдик. Бу нимадан далолат? Бу авваламбор кўмирдан анча арзон, газдан тўрт-беш баробар арзон. Стандартларга тўғри келадиган брикет заводни очдик. Мана шуни 3 кг, 5 кг, 10 кг, 20 кг қилиб тарқатиб, олдига печкасини ҳар хилини берамиз, гўёки кичкина масала, лекин одамларни қийнаётган масала. Ёш боласи, набираси бўлган одамларга қишда иссиқ бўлмаса, булбул овози ёқмайди, дегани шу-да.

Мен ҳам қишлоқда яшаганман. Ўзим яшаган жойда ҳам ҳар куни газ, свет бўлмайди. Менга ҳам қариндошларим айтади: Қани, каттакон, ўтириб кўринг сиз ҳам бир икки-уч соат газсиз, светсиз, дейди. Чидайман. Нега десангиз – бу ҳаёт. Ҳақиқий ҳаёт бу – қишлоқ. Оёғимиз ердан узилмай, қишлоқни ҳаётини кўпроқ билсак, хатолар кам бўлади. Қабул қилаётган қарорларимиз адолатли бўлади”, - деди Мирзиёев.

Ўзбекистон Республикаси Президенти Шавкат Мирзиёев жойларда амалга оширилаётган ижтимоий-иқтисодий ислоҳотларнинг бориши, бунёдкорлик ишлари билан танишиш, халқ билан мулоқот қилиш мақсадида 7-8 июль кунлари Наманган вилоятида бўлди.

Президент вилоят фаоллари билан бўлиб ўтган йиғилиш чоғида тиббиёт соҳасига яна бир бор тўхталиб ўтди.

“Албатта, тиббиёт соҳасида ҳам жуда катта норозиликлар бор. Коррупция, порахўрлик, менсимаслик. Менга савол ёзаяпти: Жаноб Президент, тиббиёт пулликми ёки бепулми, деяпти. Бу савол биласизми мен учун қандай оғир савол. Лекин бу тўғри савол. Шунинг учун бу ерда ҳам изланишдамиз. Хабарингиз бор, қишлоқ врачлик пунктларининг 50-60 фоизини ёпдик, унинг қошида кўп жойларда поликлиника ташкил қилаяпмиз. Тез тиббий ёрдамни мутлақо бошқача қилаяпмиз. Мана, дори-дармонлар бўйича душанба куни яна битта қарор чиқади. Тартиб-интизом, талаб бундан ҳам қаттиқ кучаяди. Кимга? Ижро органининг ҳамма раҳбарларига. Агар халқни ичига кирмаса, у хиёнат қилган бўлади”, - деган Президент йиғилиш чоғида.

Аввал хабар қилинганидек, Ўзбекистон Республикаси Президенти Шавкат Мирзиёев жойларда амалга оширилаётган ижтимоий-иқтисодий ислоҳотларнинг бориши, бунёдкорлик ишлари билан танишиш, халқ билан мулоқот қилиш мақсадида 7-8 июль кунлари Наманган вилоятида бўлди.

Вилоят фаоллари билан бўлиб ўтган йиғилиш чоғида Президент ҳамма соҳалар бўйича режалар аниқ эканини айтиб ўтган.

“Кўп қилган ишларимиз ўзимизники. Лекин олдимизда катта режаларимиз, ниятларимиз турибди, одамларимизни умидлари турибди. Ҳамма соҳа бўйича режаларимиз аниқ, стратегиямиз бор. Биз келишганимиздек, 5 йил қарсак чалмаймиз, 5 йил бир-биримизни мақтамаймиз. Фақат ишлаймиз, ишлаймиз, яна бир марта ишлаймиз. Одамларимизга оддий меҳнатимиз билан, ҳалол меҳнатимиз билан, коррупцияни йўқ қилиб, мана, прокуратурага қанча масалалар қўйдик, ички ишлар тизимини мутлақо ўзгартираяпмиз, мана, инсоф берсин – судьялар билан гаплашдик. Ёшлар бўйича тарбиямизга, диний масалалар бўйича, диний оқимлар бўйича бировга ёқадими-ёқмайдими, жуда кескин-кескин саволлар қўйдик. Ёшлар иттифоқини туздик. Ёшларимизга ҳозирги замон талабига муносиб шароит яратиб бермасак, улар билан мулоқот қилмасак, уларнинг дардини эшитмасак, улар билан тенг бўлмасак, оёғимиз ердан узилса, улар биздан узоқлашаяпти. Бу яхшиликка олиб келмайди”, - деди Шавкат Мирзиёев.

Ўзбекистон Республикаси Президенти Шавкат Мирзиёев 2017 йил 30 июнда “Камолот” ёшлар ижтимоий ҳаракати қурултойида иштирок этиб, унда маъруза қилгани ҳақида аввал хабар қилган эдик.

Унда, давлат раҳбари, бугунги кунда ёшларга доир сиёсатни танқидий руҳда баҳолаб, ўзининг кескин фикрлари билан ўртоқлашди, таклифларини илгари сурди. Ёшлар муаммолари вақти матбуот, телерадиоканалларда етарлича ёритилмаётганини таъкидлади.

“Ёшлар ҳаётининг ўй-кечинмалари, орзу-ниятлари уларни қийнаётган энг муҳим масалалар, афсуски, радио ва телевидение, газета ва журналларда ўз ифодасини тўлиқ тополмаяпти. Гўёки, ҳамма нарса жойида, олам гулистон. Агар, ҳаммаси жойида бўлса, тўғри йўлдан адашган ёшлар, жиноятчилик, ишсизлик қаердан пайдо бўлаяпти? Нега, ёшларга оид сиёсатга лоқайд муносабатда бўлаётган амалдорлар ҳақида ОАВ, аввало ёшлар матбуоти чурқ ҳам этмайди.

Мана газетани ўқийман, ҳаммаси зўр, беш юз фоиз. Битта ҳоким ёшлар билан учрашмаяпти. Мана бу бўлмаяпти, у бўлмаяпти, деган гап йўқ бизда. Ҳаммаси зўр, есть қиламиз. Масалан, Камолот радиоси, Камолот интернет сайтини оладиган бўлсак, уларда ўтказилган юзаки тадбирлар, енгил-елпи қўшиқлар, ўзини-ўзи мақташ чиройли қиёфалардан бошқа нарсани деярли кўрмаймиз. Фақат енгил-елпи лик-лик қўшиқлардан бошқа ҳеч вақо йўқ. Қанчалик оғир бўлмасин, ҳозир шундай”, - деди Мирзиёев.

У, шунингдек, ўз маърузасида “Ёшлар” телерадиоканали фаолиятига ҳам танқидий ёндашди.

“Ёшлар телерадиокана ... Читать дальше »

Машҳур америкалик актёр, кинорежиссёр, продюсер ва сценарист Сильвестр Сталлоне юқори ижодий муваффақиятга эришган инсон. Биз сизга дунё тан олган актёрнинг томошабинлар эътирофига сазовор бўлган фильмдаги ижроларининг кетма-кетлигини тақдим этамиз.

1. Барни Росс (“Қўлга тушмаслар”). Мазкур жангари фильм суратга олиш вақтиданоқ машҳур бўлишга улгурган. 2010 йил 13 августда тақдимоти бўлиб ўтган фильмга 80 миллион доллар маблағ сарф этилган.

2. Рокки Бальбоа (“Рокки”). Энг машҳур “Рокки” драмасининг сценарийсини Сталлоненинг ўзи ёзган. Спорт йўналишидаги ушбу фильмни актёр 3 куну 20 соатда ёзишга муваффақ бўлган.

3. Жон Рэмбо (“Рэмбо: Биринчи қон”). Фильм узоқ вақт шавқатсиз кино деб ҳисобланган. Сабаби, фильмнинг ҳар ярим соатида бир одам ҳалок бўлади.

4. Жон Спартан (“Бузғунчи”). Жангари комедик фильм Сильвестр Сталлонега қанчалик мос келишини шу фильм исбот этган. Фильм 1993 йил режиссёр Марко Брамбилла томонидан суратга олинган.

5. Гейб Уокер (“Альпинист”). Мазкур фильм классик жангари фильм бўлиб, жанрнинг барча қонун-қоидаларига мос тарзда суратга олинган. 70 миллион доллар сарф этилган фильм 255 минг доллар даромад кўрган.

6. Рэй Танго (“Танго ва Кэш”). 1989 йилда кенг оммага намойиш этилган мазкур фильм жангари комедик жанрда суратга олинган. Фильм режиссёри Андрей Кончаловский.

7. Анжело Проволоне (“Оскар”). Сталлоненинг илк комедик роли. 110 дақиқалик фильм 1991 йилда су ... Читать дальше »

Сайтимиз орқали актриса Шаҳзода Муҳаммедова ва Дилором Омонуллаева ўртасида чиққан муаммо ҳақида батафсил маълумот бериб бормоқдамиз. Аслида бу машмашани Муҳаммедова ва Омонуллаева ўртасида чиқди, дейиш бироз муболағадек. Боиси Муҳаммедова ижтимоий тармоқлардаги шахсий саҳифаси орқали Дилором Омонуллаевани ҳақоратлаб чиқди. Омонуллаева эса буларга нисбатан жавоб қайтармади, ҳақорат ҳам қилмади. Аксинча, оғир-босиқлик билан йўл тутиб, бу вазиятни ҳал этишни жамоатчиликка, зиёлиларга ва Ўзбекистон Республикаси Маданият вазирлигига қўйиб берди.

Ўзбекистон Республикасининг қатор қонунларига кўра, шахсни ҳақоратлаш, унга туҳмат қилиб, эл орасида обрўсизлантириш, маънавий зарар етказиш тақиқланади. Қолаверса, Шаҳзода Муҳаммедова ўз ёзганларида Ўзбекистон давлат консерваторияси шаънига ҳам қатор ҳақоратларни келтирган. Қизиқ, нима учун бу вазиятга Ўзбекистон Республикаси Маданият вазирлиги мутасаддилари, Ўзбекистон бастакорлар уюшмаси, “Ўзбеккино” миллий агентлиги, “Ўзбекконцерт” давлат муассасаси ва Ўзбекистон давлат консерваторияси раҳбарияти панжа ортидан қараяпти? Ахир Шаҳзода Муҳаммедовадан кўра Дилором Омонуллаеванинг ўзбек санъатига қўшган ҳиссаси каттароқ эмасми? Бу ўринда биз Шаҳзода Муҳаммедовани қоралаш, уни айблаш ва камситиш фикридан йироқмиз. Аксинча, тегишли давлат ташкилотлари Шаҳзода Муҳаммедовани тўғри йўлга чақирса бўлмайдими, демоқчимиз.

Биз ушбу масалада юқоридаги номлари келтирилган ташкилотларга бир неча бор мурожаат қилдик. Аммо шу ... Читать дальше »