Давлат солиқ қўмитаси концерт-томоша фаолияти билан шуғулланиш учун лицензия олган жисмоний шахсларнинг жисмоний шахслардан олинадиган даромад солиғи тўлаши бўйича маълумот берди.

Ўзбекистон Республикаси Вазирлар Маҳкамасининг 2015 йил 9 декабрдаги «Концерт-томоша фаолиятини амалга ошириш тартибини янада такомиллаштириш чора-тадбирлари тўғрисида»ги 354-сонли қарори билан тасдиқланган «Концерт-томоша фаолиятини лицензиялаш тартиби тўғрисида»ги Низомнинг 2-бандига мувофиқ, концерт-томоша фаолиятини лицензиялаш Миллий эстрада санъатини ривожлантириш ва мувофиқлаштириш кенгаши ҳузуридаги ижодий кўмаклашувчи вакиллар гуруҳининг хулосалари асосида «Ўзбекконцерт» эстрада бирлашмаси томонидан амалга оширилади.

Мазкур Низомнинг 5-бандига асосан, лицензия концерт-томоша фаолиятининг олти рейтинг гуруҳлари бўйича берилади:

а) I, II, III, IV рейтинг гуруҳлари берилиши:

яккахон ижрочи концертини ташкил этиш (битта ижрочининг яккахон концерт дастури);
битта жанрнинг икки ёки ундан кўп ижрочиси иштирокидаги концерт дастурида иштирок этиш;
турли жанрлар йўналишларининг бир нечта ижрочилари иштирокидаги концерт дастурида иштирок этиш;
оммавий ахборот воситаларида қўшиқлар ва видео клиплар тақдим этиш;
тўйлар, юбилейлар ва бошқа тантаналарда концерт хизмати кўрсатиш ҳуқуқини беради;
б) V ва VI рейтинг гуруҳлари берилиши тўй, юбилей ва бошқа тантаналарга концерт хизмати кўрсатиш (ресторанлар, барлар, қаҳвахон ... Читать дальше »

Париж шаҳрининг рамзи бўлган Эйфель минораси 15 июлга қадар ташриф буюрувчилар учун ёпилди. Бу АҚШ президенти Дональд Трампнинг Францияга ташрифи ва Бастилия эгалланган Куннинг нишонланиши туфайли рўй берди

Кеча кечқурун Франция президенти Эммануэль Макрон Трамп шарафига расмий кечки овқат берди. Тадбир Эйфель минорасининг иккинчи қаватидаги Jules Verne ресторанида бўлиб ўтди. Шунинг учун Эйфель минораси куннинг иккинчи ярмида ташриф буюрувчилар учун ёпиқ бўлди.

Бундан ташқари, Эйфель минораси Бастилия эгалланган Кун шарафига уюштириладиган анъанавий мушакбозлик туфайли ҳам ёпилади.

Эслатиб ўтамиз, ҳар йили Эйфель минорасига етти миллионга яқин сайёҳ ташриф буюради.

Аввалроқ Эйфель минораси Трамп туфайли ёпилиши хабар қилинганди.

«Бетис» ярим ҳимоячиси Дани Себальос расман «Реал» футболчисига айланди.

Мадридликлар клуби расмий сайтида футболчи таркибга қўшиб олингани, у билан 6 йиллик шартнома тузилгани ҳақида эълон қилинган.

Трансфер қиймати ошкор этилмаган. Бундан аввалги хабарларда Себальос 15-18 миллион евро атрофидаги пулга олиб келингани ҳақида айтилганди.

Ушбу янги футболчи тақдимоти 20 июль куни ўтказилади.

Қайд этиш керакки, «Реал»Себальос учун рақобатда «Барселона» ва «Ювентус» жамоаларини ортда қолдирди.

Айнан шу футболчи келаётгани туфайли Хамес Родригес жамоани тарк этишга қарор қилди.

«Ювентус» ҳимоячиси Леонардо Бонуччи яқин орада «Милан» футболчисига айланиши мумкин. Sky хабарига кўра, «россонерилар» футболчининг агенти Алессандро Луччи билан музокара олиб бормоқда.

«Милан» футболчи учун 30 млн евро беришга тайёр, бироқ туринликлар уни 45 млн евродан камига қўйиб юбормоқчи эмас. Бу вазиятда «Россонери» битим доирасида ҳимоячи Маттиа Де Шильони қўшиб бериб, «Юве»ни кўндиришга ҳаракат қилмоқда.

«Милан» футболчига 7 миллион евро маош ваъда қилган. Туринликларнинг футболчи билан амалдаги шартномаси 2021 йилгача мўлжалланган.

Ўз навбатида Алессандро Луччи Calciomercato бу борада «Милан»дан аниқ таклиф келиб тушмаганини айтган. 30 ёшли футболчига «Милан»дан ташқари «Челси», «Манчестер Сити» ва «Барселона»дан жиддий қизиқишлар сақланиб турибди.

«Айни вақтда бизда аниқ маълумот йўқ. Кутиш керак», деган агент.

Таниқли инсайдер Жанлука ди Марцио эса Бонуччи бугуноқ «Милан» футболчисига айланиши ҳақида айтмоқда: «Леонардо Бонуччининг «Милан»га ўтиши ҳал бўлган. Томонлар трансфернинг охирги жиҳатларини, бонуслар масаласини ҳал қилишмоқда. Умуман олганда «россонерилар» бу футболчи учун 40 миллион евро сарфлашади. Марко Фассоне жамоа билан Хитойга учмади. У трансферни расмийлаштириш учун Миланда қолди. Бонуччи бугуноқ Миланда бўлади».

Бонуччини «Ювентус»да нима қониқтирмади?

Буни эҳтимол, ҳеч қачон аниқ билиб бўлмас. Аммо ўтган мавсум давомида миш-мишлар тарқалганди - фут ... Читать дальше »

Гвардиола Дани Алвеснинг ҳаракатидан дарғазаб бўлди ва уни хоин деб атади.

«Манчестер Сити» раҳбарияти Дани Алвеснинг «ПСЖ» клубини танлагани учун ундан қаттиқ норози бўлди.

Бразилиялик футболчи аввалига «шаҳарликлар» жамоаси таркибига қўшилишга ваъда берган эди. Бироқ, охирги кунда қарорини ўзгартириб, «ПСЖ» билан шартнома имзолади.

Marca хабарига кўра, Алвеснинг бу ҳаракатидан «Манчестер Сити» бош мураббийи, унинг «Барселона»даги собиқ устози Хосеп Гвардиола ҳамда «Барселона»нинг собиқ вакили, ҳозирда манчестерликлар жамоаси спорт директори бўлиб ишлаётган Чики Бегиристайн қаттиқ норози бўлган.

Ўтган ҳафтанинг жума кунида Гвардиола ва Алвес Барселонада учрашиб, бирга тушлик қилишганди. Ўшанда томонлар Англияда яна ҳамкорликда ишлашга келишишган.

Кўп ўтмасдан Дани Алвес «Ювентус» билан шартномани узди ва ҳамма унинг «Манчестер Сити»га бориб қўшилишини кута бошлади.

Унинг «шаҳарликлар» билан келишувга эришгани ҳақида ўтган ойдаёқ ёза бошлашганди. У ўшандаёқ шартнома тузиши мумкин бўлган, аммо таътилни ўтказиш учун ватанига кетган. У океан ортидан қайтгач, Барселонада Гвардиола билан суҳбатда бўлди, 4 кун ўтиб эса Париж жамоасида тиббий кўрикдан ўтди.

Бу тўрт кун ичида у Ибицада испаниялик Хоана Санс билан турмуш қуришга ҳам улгурди. Айнан шу аёл футболчини Париж жамоасини танлашга ундаган бўлиши мумкин, Хоана Санс тез-тез Парижга ташриф буюриб туриши маълум.

Шартнома имзола ... Читать дальше »

Нидерландиянинг «Аякс» клуби маълум қилдики, жамоа ярим ҳимоячиси Абдулҳақ Нурийда жиддий ва бедаво дард аниқланган. Ушбу 20 ёшли футболчининг тикланиши учун имконияти йўқлиги маълум қилинди.

«Бу энг ёмон хабар. Бу жуда қўрқинчли. Нурийнинг яқинлари ва дўстларининг ҳозирги изтиробларини сўз билан ифодалаб бўлмайди. Бу, воқеаларнинг исталган ривожига тайёр турадиган «Аякс» учун ҳам жиддий зарба», деган клуб бош директори Эдвин ван дер Сар.

Абдулҳақ Нурий ўтган ҳафтада «Вердер» клубига қарши ўртоқлик ўйинида майдонга ҳушсиз йиқилганди. Футболчи ўйиннинг 72-дақиқасида ўзини нохуш ҳис қила бошлагач, ушбу асли келиб чиқишига кўра марокашлик бўлган футболчига шифокорлар тиббий ёрдам кўрсатишганди.

Дастлабки маълумотларда, Нурий юрагидаги аритмия туфайли ҳушидан кетгани айтилганди.

Абдулҳақ Нурий «Аякс» тарбияланувчиси ҳисобланади. У 2015 йилда жамоа таркибида дебют қилган.

Ўтган мавсумда Нурий клуби сафида барча турнирлар доирасида 41 учрашув ўтказган, 11 гол уриб, 14 голга узатма берганди.