Aktrisa va dizayner Shahzoda Muhammedovaga muxlislaridan biri qimmatbaho sovg`a tortiq qildi. Bu haqda Shahzoda o`zining Instagram`dagi sahifasida ma`lum qildi.

Ma`lum bo`lishicha, Shahzoda Muhammedovaga iPhone telefonini sovg`a qilishgan.



"Muxlisim tomondan sovg`a. Rahmat katta! Lekin men SAMSUNG kompaniyasiga 14 yoshimdan beri sodiqman. Shunday bo`lsa ham, e`tibor, mehr uchun katta rahmat!",—deb yozadi Shahzoda.

Frantsuz qo'shiqchisi Barbara Veldens o'z konserti vaqtida qo'qqisdan vafot etdi. The Independent xabariga ko'ra, hodisa Fransiya janubi-g'arbidagi Gurdon shahrida joylashgan cherkovda sodir bo'lgan.

Ayni vaqtda o'lim sababi aniq emas. Turli manbalarga ko'ra, Veldensning yuragi tok urishi tufayli to'xtagan bo'lishi mumkin.

Valdens Leo Ferre festivali doirasida konsert berayotgandi.

Politsiya hodisa sabablarini o'rganmoqda.

Fevral oyida ushbu qo'shiqchi Le grand H de l’homme nomli ilk albomini taqdim etgandi. O'tgan yilning noyabrida u Sharl Kro nomidagi yosh qo'shiqchilar Akademiyasi mukofotiga sazovor bo'lgandi.

Ayni vaqtda butun dunyodagi futbol muxlislarini bir savol o'ylantirmoqda – Neymar Primerada qoladimi yoki Liga 1 chempionatini hayratlantirish uchun yo'l oladimi?

Ispan nashrlari Neymar «PSJ» bilan shartnoma borasida kelishib olgani haqida yozmoqda. Hozirda fransuzlar «Barselona» bilan muzokara o'tkazmoqda va tomonlar kelishuvga yaqin turibdi.

Barchaga ma`lumki, ushbu futbolchining transfer bahosi 222 mln yevro etib belgilangan. Ammo arab shayxlarini bu cho'chitmaydi – ular «Manchester Yunayted»ning transfer rekordini yangilashga tayyor.

Ba`zi manbalar ushbu transferdagi ishtiroki uchun parijliklar futbolchining otasiga 50 mln yevro va`da qilgani aytilmoqda. «PSJ» Neymarning otasiga bu bo'yicha yozma va`da bergan. Katta Neymar futbolchining otasi hisoblanadi va buning hayron qolgulik joyi yo'q.

Futbolchi bu taklifga rozi bo'lsa, 5 yil davomida Fransiyada 150 mln yevro ishlab olishi mumkin bo'ladi. Ya`ni, 50 mln yevro – uning sevimli otasiga, 150 mln yevro – uning o'ziga va 222 mln yevro – «Barselona»ga. Jami 420 mln yevro. Joze Mourino transfer bozoridagi ahvoldan shikoyat qilishi bejizga emas...

Bugun bu mavzuda yana bir muhim yangilik tarqaldi – Neymarning «PSJ»ga o'tishi 95 foizga hal bo'lgan. Bu vaqtda futbolchi Instagram tarmog'ida «jumboq post» qoldirdi.

Endilikda hamma u «Barselona»dan ketish haqida o'ylayotganini biladi. Uning ketishiga Lionel Messi sababchi sifatida ko'rsatilmoqda. Neymarni ... Читать дальше »

Xalqaro chempionlar kubogi doirasida «Manchester Siti» va «Manchester Yunayted» jamoalari AQShning Hyuston shahrida to'qnash kelishdi.

O'yin davomida to'p nazorati Gvardiola shogirdlari tomonida bo'lsa-da, birinchi bo'limda kiritilgan 2ta gol Mourino jamoasiga g'alaba keltirdi. 37-daqiqada Romelu Lukaku, oradan 2 daqiqa o'tib Markus Reshford raqib darvozasini ishg'ol qilishdi.

Ikkinchi bo'limda Lukaku o'z dublini rasmiylashtirishi mumkin edi, ammo uning jarima maydonchasi tashqarisidan bergan zarbasi darvoza ustuni va to'sini kesishgan joyga tegib qaytdi. Shuningdek, «Manchester Siti» futbolchilari ham bir nechta imkoniyatlardan foydalana olishmadi.

International Champions Cup
Manchester Siti – Manchester Yunayted – 0:2
Gollar: Lukaku (37), Reshford (39)

«Real» yangi futbolchisi Dani Sebalosni o'z futbolchisi sifatida rasman tanishtirdi. 20 yoshli bu ispaniyalik futbolchi bolaligidan Madrid klubi safida o'ynashni orzu qilganini aytib o'tdi.

«Real» prezidenti Florentino Peresga menga ishonch bildirgani uchun minnatdorchilik bildirmoqchiman. Menga shunday taklif berildiki, uni rad etishning iloji yo'q edi. Axir men bolaligimdan buyon bu klubda o'ynashni orzu qilganman. Men bu jamoa futbolkasini kiyib yurish sharafini oqlash uchun keldim, klub tarixini yanada buyuk qilish uchun o'z hissamni qo'shmoqchiman», deya futbolchining so'zlarini keltirgan «Real» rasmiy sayti.

Sebalos 2014 yildan buyon «Betis» safida o'ynab kelayotgandi. U o'tgan vaqt davomida bu jamoa safida barcha turnirlar doirasida 98 uchrashuv o'tkazib, 7 gol urgan. U 30 iyun kuni yakunlangan Yevropa chempionatida Ispaniya terma jamoasi bilan finalgacha yetib bordi va uning o'zi turnirning eng yaxshi futbolchisi sifatida taqdirlandi.

Qayd etish kerakki, Sebalos uchun raqobatda«Real» «Barselona» va «Yuventus» jamoalarini ortda qoldirdi.

Andalusiyaliklar Sebalos uchun 15 million yevro miqdoridagi badal puli belgilagandi, ammo «Real» ishni tezroq hal qilish uchun ko'proq taklif bergan bo'lishi ham mumkin.

Bu futbolchi madridliklar safida Toni Kroos bilan raqobat qilishiga to'g'ri keladi. Ushbu futbolchilarning maydondagi ampluasi ham, o'yin uslubi ham deyarli bir xil.

O'zbekiston terma jamoasi va Xitoyning «Shanghay SIPG» klubi yarimhimoyachisi Odil Ahmedov o'zi tug'ilib o'sgan Namangan shahri futboli, tashkil etgan akademiyasida amalga oshirayotgan ishlari haqida gapirib o'tdi.

— Namanganda yana yoshlar futboli qayta oyoqqa turayotganini eshitayotgan juda ko'plab hamshaharlarimdan nafaqat namanganliklar, balki vodiy ahlidan juda ko'plab xatlar olyapman. «Navbahor»ga saylangan yangi prezident Shavkatjon Abdurazzoqovni klub o'rinbosarlari uchun alohida sharoit yaratib berganini eshitib xursand bo'ldim. Chunki bu bizning ishimizni yengillashtiradi, sport kollejidan yaxshi bolalarni yetishtirib berib tursak, o'rinbosarlar tarkibi orqali yo uni bosh jamoaga yoki chetga chiqarish bilan shug'ullanamiz. Shuning uchun ham o'rinbosarlarga bo'lgan e`tibor juda muhim. To jamoa o'z o'rinbosarlariga jiddiy e`tibor qaratmas ekan, chetdan kelgan futbolchilar hozir jamoani emas, o'zini o'ylaydigan bo'lib qolgan. Tez kunlarda xorijlik hamkorlarimiz bilan murabbiylar malakasini oshirish borasida ish boshlaymiz.

— Mavsum boshida «Navbahor»da sizning hissangiz haqida gap-so'zlar chiqqan edi?
— Men bu yil jamoaga rostmana yordam bermoqchi edim. O'tgan yil yakunida jamoa qiyin ahvolga tushib qoldi, o'shanda qo'ldan kelgan yordamimni berdim. Yakunda jamoa oliy ligada qolgach, men kerak bo'lmay qoldim. Mayli, bunga qarshiligim yo'q. Lekin nima o'zgardi? Mo'minjonov menga yoshlarga e`tibor qaratishni va`da bergandi, ammo yakunda ru ... Читать дальше »

«Chelsi»ning yangi futbolchisiga aylangan Alvaro Morata o'zining londonliklar klubi safiga o'tishi borasida fikrlari bilan o'rtoqlashdi.

«Men juda xursandman. Payshanba kuni «Chelsi» safida bo'laman. Bu jamoa meni hamisha hayratga solgan.

«Real»ga qaytaman deb o'ylamayman. Bu qiyin. Hozir bu haqida o'ylamayapman. Menda aniq maqsad bor edi — jamoani o'zgartirish. Mavsumlar oralig'i g'alati o'tdi, endi men yangi klubda tibbiy ko'rikdan o'tmagunimcha xotirjam bo'la olmayman.

Umid qilamanki, «Chelsi»da hammasi yaxshi bo'ladi. Men yanada yaxshiroq o'ynashim mumkin. Agar bunday o'ylamaganimda, «Real»dan ketmas edim. Barchasi uchun Zidanga minnatdorchilik bildirdim va oldindagi mavsumda unga omad tiladim.

Men jamoa muxlislariga rahmat aytaman. Ular yana bir marta meni qo'llab-quvvatlashdi. «Real»ga hamisha eng yaxshi tilaklarimni bildiraman», — deya Morataning so'zlarini keltirgan Marca.

«Barselona» «Monako» hujumchisi Kilian Mbappega qiziqish bildirmoqda. Bu haqda Daily Mail nashri xabar tarqatdi.

Manba bergan xabarga ko'ra, kataloniyaliklar klubi 18 yoshli fransuz futbolchisini «PSJ»ga o'tishi mumkin bo'lgan Neymar o'rniga nomzod sifatida ko'rmoqda.

Qayd etib o'tish joiz, Mbappeni sotib olish uchun «Real», «Arsenal» va «Liverpul» jamoalari ham da`vogarlik qilishmoqda.

Eslatib o'tamiz, oldinroq «Barselona» parijliklar yarimhimoyachisi Marko Verrattini sotib olish uchun harakat qilayotgani ma`lum bo'lgandi.

Alvaro Morata faoliyatini premer-ligada davom ettiradi.

«Chelsi» matbuot xizmati, klub ushbu transfer borasida «Real» bilan kelishuvga erishganini e`lon qilgan.

Bugun «qaymoqranglilar» jamoasi hujumchisi Londonga kelib, tibbiy ko'rikdan o'tadi va 5 yillik shartnoma imzolaydi.

Bundan avvalgi xabarlarda ushbu futbolchi uchun Angliyaning amaldagi chempionlari 80 mln yevro to'lashi aytilgandi. Ispaniyalik futbolchi yangi klubida yiliga 9 million yevro miqdorida maosh oladi.

Qayd etish kerakki, 24 yoshli bu futbolchi tarixdagi eng qimmatbaho ispaniyalik futbolchiga aylanadi. Bungacha bu maqom Fernando Torresga tegishli edi, u 2011 yili «Chelsi»ga «Liverpul»dan 58 million yevro evaziga kelib qo'shilgandi.

Morata Madrid klubi tarbiyalanuvchisi hisoblanadi. U asosiy jamoada Joze Mourino davrida debyut qilgan, keyinroq «Yuventus»ga sotilgandi. O'tgan yili jamoa uni qaytarib sotib oldi.

O'tgan mavsumda Morata Ispaniya chempionatida 26 uchrashuvda maydonga tushib, 15 gol urdi. U shuningdek, Chempionlar ligasida 9 uchrashuv o'tkazgan va 3 gol urgan.

Bu futbolchi avvaliga «Manchester Yunayted»ga o'tishi kutilgandi, ammo inglizlar klubi Romelu Lukakuni tanladi. Ko'p o'tmasdan Morataga «Milan» asosiy da`vogarga aylandi, ammo kutilmaganda «Chelsi» uni «ilib ketdi».

Тошкент шаҳри. Республика Гидрометеорология марказининг хабар беришича, 22 июль куни пойтахтда ҳаво бироз булутли бўлади, ёғингарчилик бўлмайди. Кечаси 21-23, кундузи 36-38 даража иссиқ бўлади.

Қорақалпоғистон Республикаси ва Хоразм вилояти. Ҳаво бироз булутли бўлади, ёғингарчилик бўлмайди. Кечаси 20-25, кундузи 36-41 даража иссиқ бўлади.

Бухоро ва Навоий вилоятлари. Ҳаво бироз булутли бўлади, айрим жойларда ўзгариб туради, ёғингарчилик бўлмайди. Кечаси 22-27, кундузи 37-42 даража иссиқ бўлади.

Тошкент, Самарқанд, Жиззах ва Сирдарё вилоятлари. Ҳаво бироз булутли бўлади, айрим жойларда ўзгариб туради, ёғингарчилик бўлмайди. Кечаси 20-25, кундузи 35-40 даража иссиқ бўлади.

Қашқадарё ва Сурхондарё вилоятлари. Ҳаво бироз булутли бўлади, айрим жойларда ўзгариб туради, ёғингарчилик бўлмайди. Кечаси 22-27, кундузи 37-42 даража иссиқ бўлади.

Андижон, Наманган ва Фарғона вилоятлари. Ҳаво бироз булутли бўлади, айрим жойларда ўзгариб туради, ёғингарчилик бўлмайди. Кечаси 20-25, кундузи 34-39 даража иссиқ бўлади.

Республикамизнинг тоғли ҳудудлари. Ҳаво бироз булутли бўлади, айрим жойларда ўзгариб туради, ёғингарчилик бўлмайди. Кечаси 12-17, кундузи 25-30 даража иссиқ бўлади.

Ўзбекистон Республикаси Президенти Шавкат Мирзиёев 21 июль куни Ангрен шаҳрига ташриф буюрди. Бу ҳақда ЎзА хабар берган.

«Тошкент вилоятида кимё саноати, нефть-кимё, қора ва рангли металлургия, электротехника, машинасозлик ва металлни қайта ишлаш каби замонавий саноат тармоқлари яхши ривожланган.

Биринчи Президентимиз Ислом Каримовнинг 2012 йил 13 апрелдаги фармонига мувофиқ ташкил этилган “Ангрен” махсус индустриал зонаси бу борадаги салоҳиятдан тўла фойдаланиш, юқори технологияли янги ишлаб чиқариш қувватларини ташкил этишда муҳим омил бўлди. Ўзбекистон Республикаси Президенти Шавкат Мирзиёевнинг 2016 йил 26 октябрдаги фармонига мувофиқ ушбу ҳудуд «Ангрен» эркин иқтисодий зонаси, деб аталди, имкониятлари ва имтиёзлари кенгайтирилди», дейилган хабарда.

Шавкат Мирзиёев 2016 йил 20 сентябрь куни Ангрен шаҳрига ташриф буюриб, ушбу зонада амалга оширилаётган бунёдкорлик ишлари, йирик инвестиция лойиҳалари билан танишган эди.

Улардан бири конвейер ленталари, қишлоқ хўжалиги техникаси ва автомобиль шиналари ишлаб чиқариш лойиҳасидир. Лойиҳага кўра йилига 100 минг погон метр конвейер лентаси, 200 мингта қишлоқ хўжалиги техникаси шинаси, 3 миллион дона автомобиль шинаси ишлаб чиқариш режалаштирилган.

Президент мазкур лойиҳа ижросининг бориши билан танишди.

Конвейер лентаси ва шиналар саноат, қишлоқ хўжалиги, умуман, одамлар ҳаёти учун энг зарур маҳсулотлардан ҳисобланади. Улар хориждан олиб келинмоқда. Бу ... Читать дальше »

Ўзбекистон Республикаси Молия вазирлиги томонидан тартибга солинувчи давлат нархлари рўйхатини эълон қилди. Унда қайд этилишича, рўйхатдаги нархлар 2017 йил 3 апрель ҳолатига кўрадир. Шундай қилиб, ҳужжатда 2017 йил 1 июлидан эътиборан шакар хом ашёсининг бир тоннаси 4 млн 114 минг 200 сўм этиб белгиланган.

Айни вақтда Ўзбекистонда 8 турдаги маҳсулот нархи давлат томонидан бошқарилади. Буларга этил ва техник спирт, шакар, пахта хом ашёси ва толаси, пахта мойи, дон, буғдой уни ва буғдой нони киради.

Рўйхатда қайд этилишича, 2016 йил 31 декабридан эътибор минг декалитр этил спирти нархи 58 млн 706 минг 400 сўмдан 61 млн 977 минг 252 сўмгача этиб белгиланган.

Пахта хом ашёсининг бир тоннаси 2016 йил 17 сентябрдан 1 млн 218 минг 400 сўмлиги маълум бўлади. Пахта толасининг бир тоннаси 4 млн 114 минг 300 сўмдан бошланган. Давлат томонидан белгиланган ва 2017 йил 1 январидан кучга кирган нархловга биноан, 1 тонна биринчи сортдаги ҳидсизлантирилган салат мойи 3 млн 742 минг 592 сўм этиб белгиланган.

Бир тонна пахта кунжараси бугунги кунда 919 минг 004 сўмдир. Шелуханинг бир тоннаси – 483,8 минг сўм.

«Тошкент-Самарқанд» тезюрар темир йўли бўйлаб янги турар-жойлар қурилади. Бу Вазирлар Маҳкамасининг «Тошкент-Самарқанд» тезюрар темир йўли участкаси бўйлаб жойлашган аҳоли пунктлари архитектура қиёфасини яхшилаш ва бу ерга туташ ҳудудларни ободонлаштириш бўйича чора-тадбирлар тўғрисидаги қарорида назарда тутилган, деб хабар бермоқда Norma.uz.

Жорий йилда Тошкент, Сирдарё, Жиззах ва Самарқанд вилоятларида янгиланган намунавий лойиҳалар бўйича 629 та янги арзон турар-жойларни қуриш режалаштирилмоқда.

Бундан ташқари, жорий йилнинг 1 октябрига қадар кўприклар ҳамда йўл ўтказгичларнинг жорий таъмирлаш ишларини якунлаш, шунингдек, «Тошкент-Самарқанд» участкасидаги тезюрар темир йўлига яқин жойлашган эскирган йўл белгиларини алмаштириш назарда тутилган.

Ўзбекистонда биринчи маҳаллий автомобиль - “Нексия” конвейердан чиққанига 21 йил тўлиши муносабати билан турли тадбирлар ўтказилмоқда. Кун.uz мухбирининг хабар қилишича, Тошкент политехника музейида ҳам шундай тадбирлардан бири бўлиб ўтди.

Тадбирда иштирок этган GM Uzbekistan бренд-менежери Собиржон Мухторовнинг сўзларига кўра, “Нексия” автомобилларининг барча моделлари Ўзбекистон шароитларига мослаштирилган: совутиш материаллари ҳамда инфрақизил нурланишни ўтказмайдиган деразалар ўрнатилган.

Тадбирда Тошкент шаҳридаги меҳрибонлик уйларининг тарбияланувчилари ҳам иштирок этди. Уларга ва барча ташриф буюрганларга “Нексия”нинг барча ривожланиш жараёни намойиш этилди.

Маълумот учун, 1996 йилнинг 19 июль куни Асака шаҳрида UzDaewooAuto заводи тантанали равишда очилди. Шу куни “Нексия” автомобилининг бир намунаси тақдим этилган.

Daewoo Nexia нафақат Ўзбекистон ҳайдовчилари орасида, балки Россия ва МДҲнинг бошқа мамлакатларида катта машҳурликка сазовор бўлди. Жами бу брендда 1 060 715 дан ортиқ автомобиль ишлаб чиқарилди.