Таниқли санъаткор, истеъдодли актёр, комик роллар устаси Ҳусан Шарипов 1937 йилнинг 27 июлида Тошкентда таваллуд топган.

1963 йили Тошкент давлат театр-рассомчилик институтини тамомлаган. 1959 -- 1991 йилларда Муқимий театри актёри, 1986 -- 1987 йилларда мазкур театр директори бўлиб ишлаган. 1995 -- 1997 йилларда эса Ўзбекистон театр арбоблари уюшмаси раиси лавозимида фаолият кўрсатган.

1991 йилдан эътиборан Ўзбекистон халқ артисти. 1999 йили "Меҳнат шуҳрати" ордени билан тақдирланган.



Ҳусан Шарипов театр, кино ва ТВда ижро этган юзлаб роллари билан халққа танилган. Жумладан, "Водиллик келин", "Суюнчи", "Бомба", "Тангалик болалар", "Келинлар қўзғолони", "Чинор остидаги дуэль" фильмларидаги қаҳрамонлари машҳур бўлиб кетган.



Ҳусан Шариповни, айниқса, "Телевизион миниатюралар театри" янада машҳур қилиб юборди. Ҳозирча эса сўнгги ролларидан бири "Жиблажибон" юмористик сериалида ижро этилди.

Халқимизнинг севимли актёри Ҳусан Шариповга узоқ умр тилаймиз.

Chevrolet маркасига эгалик қилувчи General Motors концерни янги автомобиллар борасидаги баёнотини келгуси ҳафтадаёқ эълон қилиши мумкин, деб ёзади Бразилиянинг Noticias Automotivas нашри.

Маълумотларга кўра, 2 август куни GM бугунги кунда қўшплатформали Chevrolet Onix ҳэтчбэки ва Chevrolet Prisma седани ишлаб чиқарилаётган Бразилиядаги ўзининг ишлаб чиқариш майдончасини кенгайтириши ҳақида эълон қилади. Ўшанда янги кроссовер ҳақида ҳам оммага ошкор қилинади.

Бразилияликларнинг қайд этишича, янги машина ҳам сўнгги авлоддаги Onix/Prisma асосига қурилади. Седан ва ҳэтчбэк 2019 йилда авлодларини ўзгартиради, кроссовер эса 2020 йилдан конвейердан чиқа бошлайди.

Йўлтанламас машина асосан Жанубий Америка мамлакатлари учун мўлжалланган бўлади ва эҳтимолки, Tracker модели ўрнини эгаллайди. Эслатиб ўтамиз, Ўзбекистондаги GM Uzbekistan заводида Chevrolet Tracker ишлаб чиқарилиши маълум қилиб келинаётган эди.

Илгарироқ, 2018 йилдан Chevrolet янги ўрта ўлчамли SUVни серияли ишлаб чиқаришни бошлаши маълум қилинаётган эди. Бу кроссовер, асосан, АҚШда сотилиши мўлжалланмоқда. Тахмин қилинишича, ушбу модел учун Blazer номи қайта тикланади.



... Читать дальше »

Google натижалар матн терилиши билан параллел равишда пайдо бўладиган ва сўров ўзгаришига боғлиқ ҳолда ўзгарадиган бир зумлик қидирув функциясини ўчириб қўйди.

Компания вакилининг айтишича, қидирув сўровларининг 50 фоиздан кўпроғи бошқача киритиш усуллари ва экранларга эга смартфонларга тўғри келган.

"Буни ҳисобга олиб, исталган қурилмалар учун тезкорроқ қидирув машинасини яратишга эътиборни мужассамлаштириш учун биз "жонли" қидирувдан воз кечдик", деб айтган компания вакили.

Фойдаланувчи сўровни терганда турли вариантлар таклиф қилинади, у улардан бирини танлаши ёки Enter ёхуд "Қидирув"ни босиши керак бўлади.

"Жонли" қидирув 2010 йилда ишга туширилганди. У фойдаланувчининг қидирув сўровини топишга ҳаракат қилган ва матн терила бошланиши билан натижаларни кўрсата бошлаган. Фойдаланувчи матнни киритишни давом эттираверса, натижалар автоматик равишда янгиланган. Таклиф қилинган вариантлар бошқа фойдаланувчиларнинг қидирув сўровлари ва Google’да қайд қилинган саҳифалар мазмуни таҳлили асосида танланган.

Хитойнинг Юньнань вилоятидаги Цюйцзин шаҳар округи ўрта поғонадаги халқ суди жума куни 2016 йилнинг сентябрида 19 кишини ўлдирган шахсни ўлим жазосига маҳкум этди. Бу ҳақда Хитой Марказий телевидениеси хабар берган.

Ҳуқуқни муҳофаза қилиш идоралари маълумотига кўра, 28 сентябрь куни 28 ёшли Ян Цинпэй Хуэйцзэ уездидаги қишлоқда яшовчи ота-онасининг олдига келиб, улардан пул сўраган. Шу сабабдан можаро келиб чиққан, ҳамда Ян отаси ва онасини ўлдирган. Кейин у жинояти ошкор бўлишидан қўрққан. Ўшанда у 17 нафар қўшнисини ўлдириш ҳақида қарор қабул қилган.

Жиноят икки куннинг ичида фош этилган, жиноятчи Куньмин шаҳрида ҳибсга олинган, шундан сўнг у ўз айбини тан олди.

Таъкидланишича, Ян Цинпэй апелляция бериш ниятида эмас.

Саудия Арабистони етакчилигидаги ҳарбий коалиция мусулмонлар учун энг муқаддас шаҳар – Маккаи Мукаррамага учирилган ракетани уриб туширди. Бу ҳақда ТАСС агентлиги хабар тарқатмоқда.

Маълумотларга кўра, ракета Яман ҳудудидан учирилган ва шаҳардан 69 км жануброқда уриб туширилган. Коалиция мазкур ҳужумни "ҳусийларнинг ҳаж ибодатини амалга оширишга тўсқинлик қилишга уриниш сифатида баҳолади. У бу йил 30 августдан бошланади".

2014 йил августидан Яманда ҳукумат кучлари ва исёнчи ҳусийлар ўртасида қуролли қарама-қаршилик давом этиб келмоқда. 2015 йил мартида Саудия Арабистони етакчилигидаги араб коалициясининг Яманга бостириб кириши билан зиддият кучайди. Яман ҳуқуқ ва тараққиёт марказига кўра, 2015 йил баҳоридан мамлакатда 10 мингдан ортиқ тинч аҳоли вакиллари қурбон бўлган. Уларнинг 2,4 мингги болалар, 2 мингга яқини аёллардир.

Чеченистон президенти Рамзан Қодиров Ибодат тепалигидаги Ал-Ақсо масжидини ҳимоя қилиш учун ўз лавозимини ташлаб кетишга тайёрлигини маълум қилди.

«Мен ўз лавозимни топшириш ва мусулмонлар учун муқаддас саналган бу масжид хавфсизлигини таъминлаш тизимида хизмат қилишга тайёрман. Кўнгилли сифатида қолган умримни Ал-Ақсо масжидини қўриқлашга бағишлашга тайёрман», — дея ёзган Қодиров Telegram каналида.

Ўтган ҳафта уч жангари Ибодат тепалигида икки полициячини ўлдириб кетгани бу ҳудудда хавфсизлик чоралари кучайтирилишига сабаб бўлди. Жумладан, Ибодат тепалигига чиқиш учун металл аниқловчи ромлардан ўтиш талаб этилади. Бундан ташқари, эллик ёшга тўлмаган мусулмонларга Ал-Ақсода намоз ўқиш тақиқланди.

Бу чоралар маҳаллий мусулмонлар орасида кескин норозиликларга сабаб бўлди. Улар намойишлар уюштирди, шунингдек, полиция билан тўқнашувларга киришди

25 июль куни Исроил ҳарбий-сиёсий кабинети металл детекторлар ва видеокамераларни олиб ташлашга қарор қилди.

Отатурк номидаги Истанбул халқаро аэропортидаги учиш-қўниш йўлагида иккита йўловчи самолётининг тўқнашуви юз берди. Бу ҳақда Posta нашри хабар берди.

Таъкидланишича, Оқтауга рейсни амалга ошираётган Қозоғистоннинг Scat Airlines авиакомпанияси самолёти Turkish Airlines’нинг Boeing 777 самолёти орқа қисмига текиб кетган.

Boeing бортида бўлган йўловчилар эвакуация қилинди. Улар Тайбэйга бошқа рейс билан жўнаб кетишган.

2013 йил 24 октябрда «Terra Group» МЧЖ, «Prime Media» МЧЖ, «Gamma Promotion» МЧЖ фаолиятида солиқларни тўлашдан бўйин товлаш ҳолатлари бўйича жиноят иши қўзғатилган. Бу ҳақда Ўзбекистон Республикаси Бош прокуратурасининг Уюшган жиноятчилик ва коррупцияга қарши курашиш бошқармаси хабар қилди.

Мазкур жиноят ишини тергов қилиш давомида Гулнора Исламовна Каримова, 1972 йил 8 июлда Фарғона вилоятида туғилган, миллати ўзбек, маълумоти олий, Сиёсий тадқиқотлар маркази директори лавозимида ишлаган, Тошкент шаҳри, Яшнобод тумани, Я.Ғуломов кўчаси, 77 "а"-уйда рўйхатда турган, 2001−2012 йилларда Н.Содиков, 2013 йилнинг январь ойидан октябрь ойига қадар Р.Мадумаров раҳбарлик қилган уюшган гуруҳнинг жиноий фаолиятига бевосита кўмаклашиб келганлиги аниқланган.

Жумладан, Гулнора Каримованинг назорати остида ва кўмагида уюшган жиноий гуруҳ аъзолари 2001−2013 йилларда қуйидаги бир қатор жиноятларни содир этишган, хусусан:

— фуқаролар ва тадбиркорларнинг 54,1 млрд. сўмлик пул маблағлари, акциялари, улушлари ва мулкий объектларини товламачилик йўли билан эгаллаш (Г.Гаибназаровнинг «Тошкент рангли металл парчалари ва чиқиндиларини қайта ишлаш заводи» ОАЖ ва «Ангрен-цемент» МЧЖдаги 4,1 млрд. сўмлик акциялари, 4 млн. АҚШ доллари миқдоридаги пул маблағлари, 17,3 млрд. сўмлик 2та квартираси, 4 уй-жойи (ҳовли) ва 8та автомашинаси, Ш. Аҳмедовнинг «KOLORPAK» ва «NASHRIYOT UYI TASVIR» МЧЖдаги 1,9 млрд. сўмлик улуши ва бошқалар);

— турли корхоналардаги ... Читать дальше »

Баъзан тадбиркорлик билан шуғулланувчилар орасида ҳисоб-рақамлари музлатилиши билан боғлиқ ҳолатга дуч келганлари ҳам топилади. ХПК сессиясида айни масалага аниқлик киритилди.

“Яқинда бир тадбиркорнинг айтишича, солиқ идорасидан келиб ҳисоб рақамини музлатиб қўйибди. Сабабини сўраганда сиз пул яширгансиз, деган гапни айтишган. Шундан сўнг, у Солиқ қўмитаси ишонч телефонига қўнғироқ қилса, мурожаат 15 кун давомида кўриб чиқилишини билдиришган. Тадбиркор эса, 15 кунда йўқотадиган нарсалари бор, кўп нарсани бой бериш эҳтимоли ташвишида Бош прокуратура ҳузуридаги ишонч телефонига мурожаат қилаяпти. Шундан сўнг, туман солиқ инспекцияси раҳбари унга қўнғироқ қилиб, бўлди сизнинг ҳисоб-рақамингизни очамиз, қанақадир англашилмовчилик бўлибди, дея хатосини бартараф этаяпти. Айтмоқчи бўлганим, мурожаатларни 15 кунда кўриб чиқиш узоқ муддат эмасми?”, - дея савол берди “Туркистон” газетаси мухбири.

Бу саволга Давлат солиқ қўмитаси раиси ўринбосари Назарали Норбоевнинг ойдинлик киритишича, бугунги кундаги амалдаги қонунчиликда солиқ идораларининг 15 кун муддатга тадбиркор ҳисоб-рақамини музлатиб қўйиш ҳуқуқи йўқ.

“Бугунги кунда тадбиркорга нисбатан ҳисоб-рақамини ёпиб қўйиш ваколати солиқ идорасида мавжуд эмас. Биринчи навбатда, бу ҳолатга ойдинлик киритишимиз керак. Чунки бу нарса фақат суд қарори асосида қўлланилиши мумкин. Муҳокама қилинаётган фармонда ҳам бир меъёр кўзда тутилган. У ҳам 2018 йил 1 январидан кучга киради. Унга кўра, агар тадбирко ... Читать дальше »