| Меню сайта |
|
 |
| Категории раздела |
|
|
| Наш опрос |
|
|
| Мини-чат |
|
|
|
| Статистика |
Hozirda Saytda: 18 Mehmonlar: 18 Foydalanuvchilar: 0 |
|
|
Главная » 2017 » Iyun » 5 » “Реал” — “Ювентус”: 4-1 Зидан қандай ҳийла ишлатганини биласизми?
01:50 “Реал” — “Ювентус”: 4-1 Зидан қандай ҳийла ишлатганини биласизми? |
Ниҳоят, Европа Чемпионлар лигаси финали ҳам якунига етди. Ниҳоят узоқ кутилган рекорд ўрнатилди. Мадриднинг “Реал” жамоаси финалда “Ювентус”ни йирик ҳисобда мағлуб этди ва якунда икки йил кетма-кет Европа Чемпионлар лигаси бош совринини қўлга киритди.
ТАКТИКАЛАР ТЎҒРИ ТАНЛАНДИ, ЛЕКИН...
Шуни алоҳида таъкидлаш керакки, тактика борасида тахминимиз ўзини оқламади. Яъни биз “Реал”дан ҳужумкорлик, “Ювентус”дан эса мустаҳкам ҳимоя иродасини кутгандик. Бироқ ўйин бошида Аллегри ҳужумкорликни, Зидан эса иккинчи рақам бўлиб ўйнашни танлади. Бу бир қарашда тушунарли, сабаби, туринликларнинг ҳимояси мустаҳкам, агар “Реал” дастлабки дақиқаларданоқ ҳужумга ташланса, рақиб ҳимоячилари бу ҳужумларни бартараф этар ва “Ювентус” қарши ҳужумда “Реал”ни жазолаши мумкин эди. Шу боис Зидан дастлаб ҳужумкорликдан чекиниб турди.
Аллегрининг қарорини ҳам нотўғри деб бўлмайди, боиси “қироллик клуби”нинг ҳимоясида муаммолар борлигини билган мутахассис дастлабки дақиқаларданоқ гол ёки голлар киритишни ният қилганди. Кейин эса ҳимоявий ўйин орқали натижани ушлаб қолиш мумкин эди. Биринчи бўлим кутилмаган тарзда кечди, “Ювентус” кутилганидан ҳам даҳшатли, “Реал” эса кутилмаганда ожиз кўринди. Бироқ бу Зиданнинг ҳийласи эканлиги иккинчи бўлимда аён бўлди.
Агар Ла-лигада “Реал”нинг ўйинларини мунтазам кузатган бўлсангиз, жамоа асосан иккинчи бўлимда бор кучи билан ўйнайди, айниқса, гранд жамоаларга қарши ҳаракат қилганида. Бу сафар ҳам шундай бўлди. Зидан танаффусда иккинчи бўлимда ҳақиқий “Реал”ни кўришни истаётганини шогирдларига айтди ва мадридликлар майдонга умуман бошқача кайфиятда тушишди. Табиийки, биринчи бўлимдаги ожиз жамоага ўрганган “Ювентус” рақибнинг кескин ўзгарганини кўтара олмади. Очиғи туринликларнинг нега иккинчи бўлимда бундай ўйнаганини изоҳлаш қийин. Нима бўлганда ҳам, Аллегри шогирдлари финалда “Реал”нинг икки хил тактика қўллаши, Зиданнинг ҳийласи натижасида чалғиб қолишди. Акс ҳолда ҳисоб бунчалик йирик кўриниш касб этмаслиги керак эди, ҳар ҳолда буни ҳеч ким кутмаганди.
Дарвоқе, гарчи тўртта гол ўтказиб юборган бўлса-да, Буффонни айблай олмаймиз. Айб “Ювентус” ҳимоячиларида эди. Яна бир гап. Мазкур ўйинга тайинланган Феликс Брих қўпол хатоларга йўл қўйди. Айниқса, Куадрадога кўрсатилган иккинчи сариқ карточка ортиқча, жуда ортиқча эди.
Нима бўлганда ҳам Зидан фантастик натижа қайд этди. Шу пайтга қадар “Реал”ни қанчадан-қанча тажрибали мураббийлар бошқарган бўлса-да, бундай натижа қайд этишмаганди. Ахир раҳматли қизиқчимиз Ҳожибой Тожибоев айтганларидек, Зайниддинда у, ота-бобоси ўзбекда унинг!
|
|
Категория: Futbol yangiliklari |
Просмотров: 107 |
Добавил: OtasH
| Рейтинг: 0.0/0 |
|
|
| Вход на сайт |
|
|
|
| Поиск |
|
|
| Календарь |
|
|
| Архив записей |
|
|
|
